ئێمە لە تۆرە کۆمەڵایەتیەکان

ئابوری

بێگەرد تاڵەبانی: كێ‌ ویژدان مردووە؟


خەڵك – بەشی هەواڵ

بێگەرد تاڵەبانی وەزیری كشتوكاڵ و سەرچاوەكانی ئاوى حكومەتی هەرێم لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردووتەوە، جووتیارێكی پارێزگای هەڵەبجە لە نووسینگەكەی سەردانی كردووە و پێی ڕاگەیاندووە، دڵخۆش بوون بە بڕیاری قەدەغەكردنی هاوردەكردنی هەنار، بەڵام ویژدان مردووەكان بە قاچاغ هاوردەی دەكەن.

بێگەرد تاڵەبانی ئەوەشیخستووەتەڕوو، ئێمە لەسەرمانە بڕیار لە قەدەغە كردنی هاوردە كردن، یان زیاد كردنی ڕسوماتی گومرگی بدەین. جێبەجێكردنیشی دەكەوێتەئەستۆی چەند لایەنێك كە ئەركیانە سنوورەكان بپارێزن و ڕێگە لە بەڕەسمی و بە قاچاغ هێنان بگرن.

 

دەقی نووسینەكەی بێگەرد تاڵەبانی:

 

كــــــــــــێ ویــــــــــژدان مـــــــــــردووە؟

جووتیارێك هاتە نووسینگەكەم، سێ دانە هەناری بەدەستەوە گرتبوو، هەرسێكیانی لەسەر مێزەكەم دانا، نووسراوێكیشی پێ بوو دایە دەستم وتی: ئەمە داواكاریی هەزار خاوەن باخی هەناری سنووری پارێزگای هەڵەبجەیە.

هەروەها وتی: هەموومان دڵخۆش بووین بەو بڕیارەی سەبارەت بە قەدەغەكردنی هاوردە كردنی هەنار داتان. نرخی هەنار لە بازاڕ گۆڕا. دڵمان بە بەرهەمەكەمان و داهاتی باخەكانمان خۆشبوو. پێمان وابوو ئەمساڵ جیاواز لە ساڵانی پێشوو قازانج دەكەین،كەچی ویژدان مردووەكان لێناگەڕێن بەری ڕەنج و ماندوو بوونەكەمان بچنینەوە و لەم جۆرە هەنارانە لە دەرەوە بە قاچاغ هاوردە دەكەن.

لە میانی خوێندنەوەی داواكارییەكە و قسەكانیش تێگەتیشتم، مەبەستی لە ویژدان مردووەكان لەو كەسانەیە كە بە قاچاغ هەنار لە دەرەوەی كوردستانەوە هاوردە دەكەن.

ئەمە یەكەمجار نییە، كە خەڵكانی هەلپەرست لە كاتی قەدەغە كردنی هەر بەروبوومێك بە قاچاغ هاوردەی دەكەن. بەمەش زیان بە بەرهەمی ناوخۆیی دەگەیەنن.

ئەمە بەشێكی پەیوەندی بە ویژدان مردوویی خەڵكانێكی هەلپەرستەوە هەیە. بەشێكیشی پەیوەندی بە بوونی كە متەرخەمی لە جێبەجێكردنی بڕیارەكان هەیە.

ئێمە لەسەرمانە بڕیار لە قەدەغە كردنی هاوردە كردن، یان زیاد كردنی رسوماتی گومرگی بدەین. جێبەجێكردنیشی دەكەوێتەئەستۆی چەند لایەنێك كە ئەركیانە سنوورەكان بپارێزن و ڕێگە لە بەڕەسمی و بە قاچاغ هێنان بگرن.

ئەوەی ئێمە لەدەستمان هات ئەوەیە كە داوا لە سەرۆكایەتی ئەنجوومەنی وەزیران بكەین دەزگا و دامەزراوەكان ڕاسپێرن ئیجرائاتی پێویست بكەن بۆ قایمكردنی سنوورەكان و سزدانی ئەو كەسانەی سەرپێچی بڕیارەكان دەكەن.

هەر بەڕاستی ویژدان مردوو ئەو كەسانەن كە چاو دەبڕنە ڕەنج و ماندوو بوونی جووتیاران كە سێ وەرز ڕەنج لەگەڵ باخ و بەرهەمەكانیان دەكێشن.

هەمووان دڵنیا دەكەین كە بێدەنگ و كەمتەرخەم نابین و ئەو پەڕی هەوڵ دەدەین تا جووتیارەكانمان بەری ڕەنج و ئارەقەی ناوچەوانی خۆیان بە ئاسوودەیی بخۆن.

ئابوری

ئێران بڕیارێكی نوێی بۆ پاراستنی بەرهەمە نەوتییەكانی جێبەجێ كرد


خەڵك-بەشی هەواڵ

 

وتەبێژی یەكێتی هەناردەكارانی نەوتی ئێران ڕایدەگەیەنێت، حكومەتی ئێران بە ئامانجی پاراستنی هەناردەی بەرهەمە نەوتییەكان و پاراستنی بازاڕی دارایی ئێران، ڕێگەدان بە گواستنەوەی بەرهەمەنەوتییەكانی وڵاتان و گواستنەوەیان بۆ ژمارەیەك وڵاتی دیكە بەناو خاكی ئێراندا كەم دەكاتەوە.

ئاژانسی فەڕمی ئێران بڵاویكردەوە، حەمید حوسەینی وتەبێژی یەكێتی هەناردەكارانی نەوتی ئێران ڕاگەیاند، بڕیارەكەی حكومەت بەهۆكاری دابەزینی بەهای نەوت و كەمبوونەوەی خواست لەسەر بەرهەمەنەوتییەكان بەهۆی كۆرۆنا دەركراوە.
وتیشی”بڕیارەكە گواستنەوەی بەرهەمە نەوتییەكان بەناوخاكی ئێران بۆ عیراق، ئەفغانستان و ئەرمینیا سنووردار دەكات و دوای بڕیارەكەش خواست لەسەر بەرهەمە نەوتییەكانی ئێران زیادیكردووە و ئەوەش نیشانەی دروستی بڕیارەكە بووە.

ئاشكراشیكرد، پێشبینی دەكەین هەفتەی داهاتوو ئاڵوگۆڕەكان لەو ڕووەوە زیاتر ببن.

بەردەوام بە لە خوێندنەوە

ئابوری

داوادەکرێت لەیەک ڕۆژدا موچەی مۆچەخۆران دابەشبکرێت


خەلک – بەشی هەواڵ

پەرلەمانتارێکی کوردستان داوادەکات لەیەک ڕۆژدا موچەى موچەخۆران دابەشبکرێت.

 

سیروان بابان، پەرلەمانتاری سەربەخۆی کوردستان لەنوسراوێکیدا بۆ وەزیری دارایی حکومەتى هەرێم داوا دەکات لەیەک یان دوو ڕۆژدا موچەى سەرجەم موچەخۆران دابەشبکرێت.

 

هاوکات داوای کردووە، کۆتایی بە بڵاوکردنەوەی لیست و دواکەوتنی دابەشکردنی موچەی فەرمانبەران بهێنن.

 

وتیشی: هەموو مانگێک کە پارەی بەغداد بەیەک گوژم دێتە کوردستان و داهاتی ناوخۆش بەوشێوەیە کۆدەبێتەوە، دەبێت چیدی ئەم چاوەڕوانیەی چینی موچەخۆران کۆتایی بێت و هیچ بیانوویەک نیە بۆ ئەم فێڵە نایاساییە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


 

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 30ی‌ ئایاری 2020 كەمێك بەرز بووەتەوە، بەشێوەیەك نرخی‌ نەوتی برێنت بە 37 دۆلار و 73 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 34 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

کوردستان