ئێمە لە تۆرە کۆمەڵایەتیەکان

ئابوری

پلەبەرزكردنەوەی مامۆستایان و فەرمانبەران دەستی پێكردەوە

خەڵك-بەشی هەواڵ

سەرۆكی یەكێتی مامۆستایانی كوردستان ڕایدەگەیەنێت، بڕیاری كۆتایی لەبارەی پلەبەرزكردنەوەی مامۆستایان و فەرمانبەران دراوە و دەست بە جێبەجێكردنی دەكرێت.

بەپێی نووسراوێكی وەزارەتی پەروەردە، كە گشتاندنی بۆ كراوە بۆ سەرجەم بەڕێوەبەرایەتییە گشتییەكان، داوا كراوە زانیاری لەسەر میلاكی مامۆستا و فەرمانبەرانی ساڵەكانی 2016 و2017 و 2018 و 2019 و 2020 ڕەوانە بكەن بەپێی پلەكانیان و دیاریكردنی مووچەیان بەهۆی پلەبەرزكردنەوەیان، بەپێی زانیارییەكانیش دوایین وادە بۆ ناردنی زانیارییەكان سبەینێ دوو شەممە 7ی ئەم مانگەیە.

ئەحمەد گەرمیانی، سەرۆكی یەكێتی مامۆستایانی كوردستان بە (خەڵك)ی ڕاگەیاند، چوار ساڵە پلە بەرزكردنەوە ڕاوەستاوە، ئێمەش وەكو یەكێتی مامۆستایان بەردەوام لە هەموو بۆنەیەكدا ئەوەمان دووبارە كردۆتەوە بەتایبەت لە دوای ئەوەی قەیرانەكە تەواو بوو، مووچە بەشێوەیەكی تەواوەتی دەدرا.

وتیشی، “لە كۆتا سەردانمان بۆلای وەزیری دارایی بەمەبەستی پیرۆزبایی یاداشتێكی هەشت خاڵیمان دایە وەزیر و یەكێك لە خاڵەكان بابەتی پلەبەرزكردنەوە بوو”.

ئاشكراشیكرد، لە ئێستادا هەوڵەكان بۆ پلەبەرزكردنەوەی فەرمانبەران دەستی پێكردووە و بەنووسراوی فەرمیش نێردراو بۆ پەروەردەكان، ئەمەش جێگای دڵخۆشییە.

سەبارەت بە دیاریكردنی وادەیەك بۆ بابەتەكە لەلایەن حكومەتەوە، ناوبراو ڕایگەیاند، وەزارەتی پەروردە داوای ناوەكانی لە بەڕێوەبەرایەتییەكان كردووە و ئەوانیش دەستیان پێكردووە و كاتی بۆ دیاری نەكراوە و كارەكان بە ڕۆتینی دەڕوات.

ئابوری

بە وێنە.. شاندێكی وەبەرهێنەرانی كوردستان لەگەڵ وەزیری دەوڵەتی عوماندا كۆبوونەوە

خەڵك- ئەحمەد عەبدوڵڵا

هەریەك لە سعود بن بیلال ئەبوسەعدی، وەزیری دەوڵەت و پارێزگاری شاری مەسقەت، پێشوازیان لە شاندێكی یەكێتی وەبەرهێنەرانی كوردستان كرد و تێیدا چەند بابەتێكی بازرگانی و ئابوری تاوتوێ‌ كران.

یاسین مەحمود ڕەشید، وتەبێژی یەكێتی وەبەرهێنەرانی كوردستان و یەكێك لە ئەندامانی شاندەكە لە عومانەوە بە (خەڵك)ی ڕاگەیاند، لایەنی سەڵتەنەی عومان باسیان لە گۆڕانكارییەكانی وەبەرهێنانی هەرێمی كوردستان و پێشكەوتنەكان لە چەند بوارێكدا كردووە.

دانیشتنەكە كە بە ئامادەبوونی ژمارەیەك پەرلەمانتار بەڕێوەچوو، لایەنی سەڵتەنەی عومان ئامادەی ئەوەیان دەربڕی بۆ بەهێزكردنی پەیوەندییە ئابورییەكانی نێوان هەردوولا و داواشیان لە شاندەكەی وەبەرهێنەرانی هەرێمی كوردستان كردووە، لە داهاتوویەكی نزیكدا جارێكی دیكە سەردانی ئەو وڵاتە بكەن و ماوەیەكی زیاتر بمێننەوە.

هەر لە دانیشتەكەدا شاندی وەبەرهێنەرانی هەرێمی كوردستان بانگهێشتی هەریەك لە وەزیری دەوڵەت و پارێزگار و لایەنی عومانیان كردووە سەردانی هەرێمی كوردستان بكەن.

لایەنی سەڵتەنەی عومان خۆشحاڵی ئەوەیان دەربڕیووە، كە هەولێر لە ساڵی 2014دا، بووەتە پایتەختی گەشتوگوزاری وڵاتانی عەرەب و ساڵی ڕابردووش یەكێك بووە لەو شارانەی زۆرترین ئاسایشی تێدا بەرقەراربووە لەسەر ئاستی ڕۆژهەڵاتی ناوەڕاست.

لە دانیشتەكەدا باس لە ئاسانكاری بۆ وەبەرهێنەرانی هەرێمی كوردستان كرا و چەند پڕۆژەیەكی ستراتیژیش خرانەڕوو، كە بەشێوەی هاوبەش”شەراكەت” وەبەرهێنەرانی هەرێمی كوردستان بتوانن بەشداری تێدا بكەن، بەتایبەتی لە سێكتەرەكانی پیشەسازی و تەندروستی و گەشتوگوزاردا و تەئكیدیان لە پشتیوانی خۆیان كردەوە.

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ چوارشەممە مووچەی وەزارەتی كار و كاروباری كۆمەڵایەتی و خاوەن پێداویستی تایبەت دابەش بكرێت.

بەپێی خشتەیەك كە پێشتر بڵاوكراوەتەوە، ئەمڕۆ مووچەی مانگی تەمموزی هەریەك لە كارمەندانی وەزارەتی كار و كاروباری كۆمەڵایەتی و خاوەن پێداویستی تایبەت دابەش دەكرێت.

دابەشكردنی مووچەی مانگی تەمموز لەكاتێكدایە كە لەمساڵدا مووچەی سێ‌ مانگ بە نادیاری ماوەتەوە.

بەردەوام بە لە خوێندنەوە

ئابوری

ئاگادارییەك بۆ مامۆستایانی گرێبەست

خەڵك- بەشی هەواڵ
بەڕێوەبەرێتی پەروەردەی قەرەداغ ئاگاداری مامۆستایانی گرێبەست دەكاتەوە، سبەینێ‌ سەردانیان بكەن بۆ نوێ‌ كردنەوەی گرێبەستەكانیان.

بەڕێوەبەرێتی پەروەردەی قەرەداغ لە ئاگادارییەكدا، كە وێنەی دراوە بە (خەڵك) ئاماژەی بەوەكردووە، “ئاگاداری ئەو مامۆستا بەڕێزانە دەكەینەوە، كە ناویان لە لیستی ھاوپێچدا ھاتووە سبەینێ چوار شەممە ڕێكەوتی ١٦-١٠-٢٠١٩ سەردانی دیوانی پەروەردەی قەرەداغ بكەن بە مەبەستی نوێكردنەوەی گرێبەستەكانیان”.

ڕاشیگەیاندووە، پێویستە بۆ نوێكردنەوەی گرێبەستەكانیان وێنەیەك (ئیستینساخ) لە پێناسی باری شارستانی یان كارتی نیشتمانی لەگەڵ خۆیان بهێنن.

بەردەوام بە لە خوێندنەوە

کوردستان