ئێمە لە تۆرە کۆمەڵایەتیەکان

کوردستان

لە ڕۆژهەڵاتی كوردستان 25 كەس لە سێداردران

خەڵك – بەشی هەواڵ
ڕێكخراوی مافی مرۆڤی هەنگاو ڕایدەگەیەنێت، ٦٥ بەندكراو بە تۆمەتی بازرگانیكردن بە ماددە هۆشبەرەكان لە بەندیخانەی ورمێی ڕۆژهەڵاتی كوردستان ڕاگیراون، كە بەشێكیان سزای لە سێدارەیان بەسەردا سەپێنراوە، دەشڵێت: “لە ماوەی ٩ مانگی ڕابردوودا ٥ هاووڵاتی كورد بە هەمان تۆمەت لەسێدارە دران”.

ڕێكخراوی مافی مرۆڤی هەنگاو لە ڕاپۆرتێكدا، كە وێنەیەكی دەست (خەڵك) كەوتووە ڕایگەیاندووە، بە تۆمەتی بازرگانیكردنی بە ماددە هۆشبەرەكان 65 كەس لە 15 بەندیخانەی شاری ورمێ ڕاگیراون، كە ٢٥ كەسیان سزای لە سێدارەیان بەسەردا سەپا و ٤٠ كەسی دیكەیان هێشتا سزا نەدراون.

ڕاشیگەیاندووە، بڕیاری لە سێدارەدانی دوو كەسیان بە ناوەكانی (خدر قەویدڵ و حوسێن سەروەری) لەلایەن دیوانی بەرزی وڵاتی ئێرانەوە پشتڕاستكراوەتەوە، هەروەها لە ماوەی ٩ مانگی ڕابردوودا ٥ هاووڵاتی كورد بە تۆمەتی بازرگانیكردن بە ماددە هۆشبەرەكان لەسێدارە دراون، كە حوكمی سێ كەسیان لە بەندیخانەی ورمێ جێبەجێ كراوە.

ڕێكخراوی مافی مرۆڤی هەنگاو ناوی ئەو ٢٥ كەسەی ئاشكراكردووە، كە بریتین لە:
1. خدر قەویدڵ، خەڵكی بۆكان و ٦ ساڵە لە بەندیخانەیە

2. فیرووز سڵێمانی، یەك ساڵە لە بەندیخانەیە

3. ئەحمەد باسۆ، خەڵكی ئورمیە و ١٧ مانگە لە بەندیخانەیە

4. سادق موهمی، خەڵكی ئورمیە و ٢ ساڵە لە بەندیخانەیە

5. محەمەد مەحموودی، یەك ساڵە لە بەندیخانەیە

6. خالید حاج ئەغلانی، خەڵكی ئورمیە و یەك ساڵە لە بەندیخانەیە

7. حوسێن سەروەری، خەڵكی سەردەشت شەش ساڵە لە بەندیخانەیە

8. ئیسماعیل كەریم پووڕ، یەك ساڵە لە بەندیخانەیە

9. شەهرام تووفانی، خەڵكی ئورمیە ١٧ مانگە لە بەندیخانەیە

10. داریووش توربی، خەڵكی ئورمیە و یەك ساڵە لە بەندیخانەیە

11. مێهران شاهی پەروانە، یەك ساڵە لە بەندیخانەیە

12. سەید سولتان ئەمیری، یەك ساڵە لە بەندیخانەیە

13. شەهریار ئەمیری، یەك ساڵە لە بەندیخانەیە

14. كاویس وردان، یەك ساڵە لە بەندیخانەیە

15. پژمان مستەفاپووڕ، یەك ساڵە لە بەندیخانەیە

16. محەمەد عەلی جلی باقوو، خەڵكی ئورمیە و یەك ساڵە لە بەندیخانەیە

17.ڕەزا قوربانی، یەك ساڵە لە بەندیخانەیە

18. قلیج شكووهی، خەڵكی ئورمیە و یەك ساڵە لە بەندیخانەیە

19.ابراهیم نصیرخواه، از یك سال پیش در زندان می باشد

20. ئیبراهیم نەسیرزادە، سێ ساڵە لە بەندیخانەیە

21. بێهنام شاهی، ٥ ساڵە لە بەندیخانەیە

22. سپێهر عەباسی پوور، ١٠ مانگە لە بەندیخانەیە

23.ئەكبەر عەلیزادە، دوو ساڵە لە بەندیخانەیە

24. عەبدورەحمان بەرزەنجی, ١١ مانگە لە بەندیخانەیە

25. مستەفا نەسیرخاه، یەك ساڵە لە بەندیخانەیە

ژینگە

عەبدولڕەحمان سدیق پۆستێكی باڵای لە كابینەی نۆ وەرگرت

خەڵك – بەشی هەواڵ
نووسەر و ئەندازیار سیاسەتمەداری كوردو ئەندامێكی پێشووی سەركردایەتی یەكگرتووی ئیسلامیی كوردستان پۆستی سەرۆكی دەستەی پاراستن و چاككردنی ژینگە لە هەرێمی كوردستان وەرگرت و ئەمڕۆ سەرۆكی هەرێم واژۆی لەسەر كرد .

نێچیرڤان بارزانی، سەرۆكی هەرێمی كوردستان ئەمڕۆ دووشەممە 10/8/2020، فەرمانی هەرێمی بۆ عەبدولڕەحمان سدیق، نووسەر و ئەندازیار سیاسەتمەدار ی كورد واژۆ كرد تا وەك سەرۆكی دەستەی پاراستن و چاككردنی ژینگە لە هەرێمی كوردستان دەست بەكار بێت.

سەرۆكی هەرێمی كوردستان لە دوای واژۆكردنی دەستبەكاربوونەكەی ستایشی شارەزایی و خزمەت و هەوڵەكانی بۆ پاراستنی ژینگە و بڵاوكردنەوەی كولتووری ژینگەپارێزی عەبدولڕەحمان سدیق كرد، كە هەر لەدوای ڕاپەرینی ئازاری 1991ـەوەبەردەوام بووە و هیوای سەركەوتن بۆ خواست .

بیۆگرافیا :
عەبدولڕەحمان سدیق لە دایكبووی ٢ی ئازاری ١٩٦٢ شاری كەركوك، نووسەر و ئەندازیار سیاسەتمەدار ی كوردە، ئەندامی پێشووی سەركردایەتی یەكگرتووی ئیسلامیی كوردستان بووە و بڕوانامەی ئەندازیاری هەیە و چالاكوانێكی بواری ژینگەیە، لەماوەی ٢٠٠٣ تاكوو ٢٠٠٤ وەزیری ژینگەی عێراق بوو هاوكات ئەندامی ئەنجوومەنی نوێنەران (پەڕلەمان)ی عیراق بوو.

بەردەوام بە لە خوێندنەوە

کوردستان

تەندروستی سلێمانی: لە 24 كاتژمێری ڕابردوودا 22 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 22 تووشبووی كۆرۆنا چاكبوونەتەوە و 3 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 32 نەخۆش داخڵی‌ نەخۆشخانەكانی‌ كۆرۆنا بوون و 22 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 146 تووشبوو لە نەخۆشخانەكان ماونەتەوە و لەو ژمارەیە 32 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 3 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان

بەوێنە، بەهۆی ڕووخانی خانوویەك لە كەركوك كەسێك گیانی لەدەستدا و كەسێكی تر بریندار بوو

خەڵك- بەشی هەواڵ
بەڕێوەبەرایەتی بەرگری مەدەنی كەركوك، گیانلەدەستدانی كەسێك و برینداربوونی كەسێكی تر بەهۆی ڕووخانی خانوویەك ڕاگەیاند.

بەپێی ڕاگەیەندراوێك كە لەلایەن بەڕێوەبەرایەتی بەرگری مەدەنی كەركوكەوە بڵاوكرایەوە”لە ناوچەی تازەی لە گەڕەكی زەیتون لە پارێزگەی كەركوك، تیمەكانی بەرگری مەدەنی، توانیان دوو هاووڵاتی لە ژێر داروپەردوودا دەربهێنن، دوای ئەوەی بنمیچی خانووەكەیان بەسەریاندا ڕووخابوو”.

هەر لە ڕاگەیەندراوەكەدا هاتووە”تیمەكان داروپەردووەكانیان لابردووە و شیشەكانیان لەڕێی ئامێر و كەرەستەی بڕین و لێكترازانی هایدرۆلیكی تایبەتەوە پچڕاندبوو كە لەلایەن تیمەكانی بەرگری مەدەنییەوە بۆ ڕزگاركردنی قورسی ژێر داروپەردوو بەكاردەهێنرێن”.

بەرگری مەدەنی كەركوك دەڵێت”ئەوان فریاكەوتنی سەرەتاییان بۆ بريندارەكان ئەنجامدا و پشان گوازرانەوە بۆ نەخۆشخانەیەكی نزیك لەپێناو وەرگرتنی چارەسەر، بەڵام یەكێك لە بریندارەكان بەهۆی سەختی برینەكەی لە نەخۆشخانە گیانی لەدەستدا، لەئێستاشدا لێكۆڵینەوە بۆ زانینی هۆكاریی داڕوخانی بنمیچی ئەو خانووە دەستیپێكردووە”.

بەردەوام بە لە خوێندنەوە

کوردستان