ئێمە لە تۆرە کۆمەڵایەتیەکان

جیهانی

سیتی یان لیڤەرپوڵ؟ واین ڕونی لەئێستاوە پاڵەوانی خولی ئینگلیزی دیاری دەکات !

خەڵک سپۆرت

واین ڕونی ئەستێرەی یانەی دی سی یونایتدی ئەمریکی و پێشووی یانەی مانچستەر یونایتد، بەبۆچونی خۆی پاڵەوانی ئەم وەرزەی خولی ئینگلتەرا دیاری دەکات.

ئەفسانە ئینگلیزیەکە لەچاوپێکەوتنێکدا بە ماڵپەڕی “مانچستەر ئیڤنینگ نیوز”ی ڕاگەیاندووە :” بەڕای من، لەم وەرزەدا لیڤەرپوڵ نزیکترینە بۆ چنینەوەی نازناوی خولی ئینگلتەرا”.

هەروەها دەڵێت :” مانچستەر سیتی یانەیەکی ناوازەیە، بەڵام لەچاو وەرزی ڕابردوو بەرەوپێشچونیان بەخۆیانەوە نەبینیوە، بەپێچەوانەوە لیڤەرپوڵ بەراورد بە وەرزی ڕابردوو زۆر بەرەوپێشچووە و یاریزانانیان توانیویانە هەنگاوێکی تر لە ترۆپکی تۆپی پێ نزیک ببنەوە”.

لێدوانەکانی ڕونی هاوکاتە لەگەڵ سەرکەوتنە بەردەوامەکانی لیڤەرپوڵی سەردەمی یۆرگن کلۆپ لە حەوت ڕووبەڕوبونەوەی سەرەتای خولی شێرەکان و گرتنی لوتکەی پریمەرلیگ بەجیاوازی هەشت خاڵەوە، ئەگەر بێتو لە یارییەکانی داهاتودا سەرکەوتن بەدەست بهێنن ئەوا لە ڕیزی یانە ئەفسانەییەکاندا ڕیکۆردێک بۆ مێژوو تۆمار دەکەن (نۆ بردنەوە لەسەریەک).

واین ڕونی بەدرێسی یانەی مانچستەر یونایتدەوە پێنج جار نازناوی خولی ناوخۆی ئینگلتەرای بەدەستهێناوە و کۆتاییەکەی لە وەرزی ٢٠١٣/٢٠١٤ بووە، لەهاوینی ٢٠١٨وە درێسی یانەی دی سی یونایتدی ئەمریکی پۆشیوە و شارەزایان پێیان وایە لە چەند وەرزی داهاتودا هاوشێوەی فرانک لامپارد و ستیڤن جێرارد وەک ڕاهێنەرێک دەگەڕێتەوە بۆ ئینگلتەرا.

جیهانی

خشتە و کاتی یارییەکانی ئەمڕۆی خولی ئەوروپی (شەممە)

خەڵک سپۆرت

ئەمشەو گرنگترین ڕووبەڕوبونەوەکانی گەڕانەوەی قۆناغی (٣٢)ی خولی ئەوروپی “یوروپا لیگ” لەیاریگاکانی ئەوروپا ئەنجام دەدرێن، تیایاندا (١٥) یانە بەفەرمی ماڵئاوایی لە خولەکە دەکەن و (١٥) یانەش گەیشتن بە قۆناغە یەکلاکەرەوەکان مسۆگەر دەکەن (چارەکی کۆتایی)، گرنگترینیان ئەمانەن:

ئیسپانیۆل – وڵڤەرهامبتۆن (٨:٥٥)

پۆرتۆ – بایەرلیڤەرکوزن  (٨:٥٥)

بازل – ئاپۆیل نیقۆسیا (٨:٥٥)

لاس لێنز – ئەلکەمار (٨:٥٥)

مالمۆ – ڤۆلفسبۆرگ (٨:٥٥)

جینت – ڕۆما (٨:٥٥)

ئیستانبوڵ باشاک شەهیر – سپۆرتینگ لشبۆنە (٨:٥٥)

ئەیاکس ئەمستەردام – خیتافی (١١:٠٠)

سێڵتیک – کۆپنهاگن (١١:٠٠)

سڤیلیە – کلوج (١١:٠٠)

ئارسیناڵ – ئۆڵۆمپیاکۆس (١١:٠٠)

مانچستەر یونایتد – کلوب بروج (١١:٠٠)

ئینتەرمیلان – لودوگۆریس ڕازگراد (١١:٠٠)

ڕێدبول سالزبۆرگ – ئینتراخت فرانکفۆرت (١١:٠٠)

بەنفیکا – شاختار دۆنستیک (١١:٠٠)

بەردەوام بە لە خوێندنەوە

جیهانی

(ڤیدیۆ) مان سیتی لە بێرنابیۆ بەسەر ڕیاڵدا سەرکەوت و لیۆن کریستیانۆ و یوڤی ڕاگرت

خەڵک سپۆرت

لەیاریگاکانی سانتیاگۆ بێرنابیۆ و لیۆن ستادیۆم دوو کۆتا یاریی چوونی قۆناغی ١٦ی چامپیۆنزلیگ ئەنجامدران و یانەکانی مانچستەر سیتی و لیۆن بەسەر ڕیاڵ مەدرید و یوڤانتۆسدا سەرکەوتن.

لەڕووبەڕوبونەوەی سەرەکیدا ڕیاڵ مەدرید لە یاریگای بێرنابیۆ میوانداری یانەی مانچستەر سیتی کرد.

لەتایمی یەکەمدا ئەستێرەکانی شاهانە باشتر نمایشیان کرد و توانیان کۆنتڕۆڵی یاریگا بکەن، بەڵام لە تۆمارکردنی گۆڵ و ئامانجی سەرەکیدا سەرکەوتوو نەبوون، هەرچی یانەی مانچستەر سیتیە شێوازە هێرشبەرییەکەی لەدەستدا و لەو تایمەدا جەند هیرشێکی کەمیان کردە سەر گۆڵی تیبۆ کۆرتوا.

لەتایمی دووەمدا دووبارە یاریزانانی زێدان بەهێزەوە یارییان کرد و دەستپێشخەر بوون لە دروستکردنی هەلی گۆڵکردندا، لە خولەکی (٦٠) ئیسکۆ ئالارکۆن گۆڵی یەکەمی تۆمارکرد.

لەدوای ئەم گۆڵە گواردیۆلا پلانەکانی گۆڕی و ڕەحیم ستێرلینگی خستە نێو یاریگا، ئەم ئاڵوگۆڕەش لەرووی هێرشبەرییەوە گۆڕانکاریی دروستکرد، توانیان لە خولەکی (٧٨) لەڕێگەی گابریال جیزۆسی بەرازیلیەوە گۆڵی یەکسانکردنەوەی ئەنجامەکە تۆمار بکەن و لەڕووی هونەرییەوە پێشەنگی بگرن.

هێرشەکانیان لەم سنورەدا نەوەستایەوە و لە خولەکی (٨٣) بەلێدانی پەناڵتی گۆڵی دووەمیان لەڕێگەی کیڤن دی بڕۆنەوە تۆمارکرد.

لەدوا خولەکەکانیشدا سێرجیۆ ڕامۆسی بەرگریکاری شاهانە بەکاردی سور لەیاریگا کرایە دەرەوە، بەڵام سیتی هەلەکەی نەقۆستەوە و هیچکام لە دوو یانەکە سەرکەوتوو نەبوون لە تۆمارکردنی گۆڵی تر، یارییەکە (٢ – ١) لەبەرژەوەندی یانە ئینگلیزیەکە کۆتایی هات.

لەڕووبەڕوبونەوەیەکی تردا، یانەی لیۆنی فەرەنسی لە ئۆڵۆمپیک لیۆن ستادیۆم میوانداری یانەی یوڤانتۆسی کرد.

لە خولەکی (٣١) لوکاس توزارت تاکە گۆڵی ڕووبەڕوبوونەوەکەی بۆ لیۆنی خاوەن هاندەر و یاریگا تۆمارکرد و ئەو تایمەیان بەو ئەنجامە کۆتایی پێهێنا.

لەتایمی دووەمدا یاریزانانی خانمە پیرەکە هەوڵیاندا ئەنجامەکە یەکسان بکەنەوە، بەڵام سەرکەوتوو نەبوون و یارییەکە بە ئەنجامی گۆڵێکی بێوەڵام لەبەرژەوەندی لیۆن کۆتایی هات، کە ئەوەش ئەرکی ماوریزیۆ ساری لەیاریی گەڕانەوەدا ئاڵۆزتر دەکات.

بەردەوام بە لە خوێندنەوە

جیهانی

بایرن میونشن پێکانی کۆڵەکەی یانەکەی بۆ ماوەی چوار هەفتە ڕاگەیاند

خەڵک سپۆرت

یانەی بایرن میونشنی ئەڵمانی لەڕووبەڕوبونەوەکانی چوار هەفتەی داهاتوودا لەتواناکانی ڕۆبەرت لیڤاندۆڤیسکی هێرشبەری پۆڵەندی بێبەش دەبێت.

بایرنی ئەڵمانی لەیاریی چوونی قۆناغی ١٦ی خولی یانە پاڵەوانەکانی ئەوروپا بە ئەنجامی سێ گۆڵی بێوەڵام بەرامبەر یانەی چێڵسی ئینگلیزی بردنەوەی بەدەستهێنا، بەهۆی ئەم ئەنجامەشەوە ئەگەرەکانی سەرکەوتنیان بۆ قۆناغی چارەکی کۆتایی بەهێزە، بەڵام ئەوەی هاندەرانی خەمبارکردووە پێکانی ڕۆبەرت لیڤاندۆڤیسکی پۆڵەندییە.

ماڵپەڕی یانە باڤارییەکە لەبارەی پێکانی “لیڤاگۆڵ”ەوە ڕاگەیاندراوێکی بڵاوکردۆتەوە، تیایدا بەفەرمی پێکانی هێرشبەرەکە پشتڕاست دەکەنەوە و وادەی چارەسەر و حەوانەوەی یاریزانەکەشیان بۆ ماوەی مانگێک (چوار هەفتە) خەمڵاندووە، کە بڕیارە لە ١٠ ڕۆژی داهاتوودا دوای حەوانەوە مەشقە جەستەییەکان دەستپێبکاتەوە.

لەو ماوەیەدا هێرشبەرە ناودارەکەی بایرن چەندین ڕووبەڕوبونەوەی خولی ناوخۆی ئەڵمانیا لەدەست دەدات و ئەگەرێکی بەهێزە لە یاریی گەڕانەوەی قۆناغی ١٦ی چامپیۆنزلیگ نەتوانێت بەشداری بکات.

لیڤاندۆڤیسکی لەم وەرزەدا ئاستێکی ناوازەی پێشکەشکردووە و هاوشانی ئێرلینگ هالاندی نەرویجی هێرشبەری یانەی بوروسیا دۆرتمۆند بە تۆمارکردنی ١٠ گۆڵەوە گۆڵکاری خولی یانە پاڵەوانەکانە، هەروەها بە تۆمارکردنی ٢٥ گۆڵ لوتکەی ڕیزبەندی گۆڵکارانی خولی ئەڵمانیای گرتووە.

بەردەوام بە لە خوێندنەوە

کوردستان