ئێمە لە تۆرە کۆمەڵایەتیەکان

عێراق

حەوت وەزیری حكومەتەكەی عادل عەبدولمەهدی دەستلەكاردەكێشنەوە


خەڵك- بەشی هەواڵ
سەرەڕای دەستلەكاركێشانەوەی پارێزگاری بەغدا، حەوت وەزیری كابینە وزارییەكەی عادل عەبدولمەهدی داوای دەستلەكاركێشانەوەیان كردووە، بەڵام سەرۆك وەزیران ڕەتیكردۆتەوە.

سەرچاوەیەكی سیاسی بە (غەد پرێس)ی ڕاگەیاندووە، 7 وەزیری كابینەكەی عادل عەبدولمەهدی دەستلەكاركێشانەوەیان پێشكەش كردووە، بەڵام سەرۆك وەزیران بەبیانووی مانەوەی حكومەت و نەڕووخانی داواكارییەكانی ڕەتكردۆتەوە.

بەڵام سەرچاوەكە ناوی ئەو وەزیرانەی ئاشكرا نەكردووە، كە دەستلەكاركێشانەوەیان پێشكەش كردووە.

ڕاشیگەیاندووە، كە كوتلە سیاسیەكان فشارێكی زۆر و هەڕەشەی جدییان بۆ سەر عەبدولمەهدی دەستپێكردووە تاوەكو ناچاری بكەن بۆ ئەنجامدانی گۆڕانكاری لە وەزارەتەكان یان دەستلەكاركێشانەوەی كابینە وزاریەكەی.

ئەمە لەكاتێكدایە، كە ئەمڕۆ فەلاح جەزائیری، پارێزگاری بەغدا دەستلەكاركێشانەوەی خۆی ئاڕاستەی ئەنجوومەنی پارێزگای شارەكە كرد و بە زۆرینەی دەنگیش دەستلەكاركێشانەوەكەی پەسەند كرا.

لە ڕۆژی سێ‌ شەممەی هەفتەی ڕابردووەوە خۆپیشاندان بۆ داواكردنی هەلی كار و خزمەتگوزاری لە چەندین شاری عیراق دەستی پێكردووە و لە بەغدای پایتەختیش خۆپیشاندانەكان توندتر بوونەتەوە و بەهۆی كوژرانی 100 خۆپیشاندەر و بریندار بوونی زیاتر لە 4 هەزار كەس، حكومەت و پەڕلەمان چەندین بڕیاریان ڕاگەیاند.

عێراق

چەندین حاڵەتی دیكەی كۆرۆنا لە عیراق تۆمار كران


خەڵك-بەشی هەواڵ

 

فەرمانگەی تەندروستیی بابل ئاشكرایكرد، 11 حاڵەتی دیكەی تووشبوون بە ڤایرۆسی كۆرۆنای نوێ تۆماركران.

ئاژانسی فەڕمی عیراق بڵاویكردەوە، فەرمانگەی تەندروستیی بابل لە ڕاگەیەنراوێكدا ئاماژەبۆ ئەوە دەكات، 11 كەس كە لە ڕوسیاوە گەڕاونەتەوە و پشكنینییان بۆ كراوە و دەركەوتووە هەڵگری ڤایرۆسی كۆرۆنان.

ئەمەش لەكاتێكدایە، بەپێی دوایین ئامارەكانی وەزارەتی تەندروستیی عیراق، تا ئێستا پێنج هەزار و 873 كەس تووشی ڤایرۆسی كۆرۆنا بوون كە سێ هەزار و 44یان چاكبوونەتەوە و 185ی دیكەیشیان گیانیان لەدەستداوە.

بەردەوام بە لە خوێندنەوە

عێراق

خوێندکاران داوا لەحکومەتى عیراق دەکەن هاوشێوەی هەرێم نمرەکانیان بۆ هەژمار بکرێت


خەڵک – بەشی هەواڵ

بەشێک لەخوێندکارانی زانکۆکانی کەرکوک و موسڵ و ئەنبار و تکریت داوادەکەن، هاوشێوەی زانکۆکانی هەرێمی کوردستان نمرەکانیان هەژماربکرێت.

ئەو خوێندکارانە ئاماژەیان بەئەوەداوە، هیوادارن کە لیژنەی خوێندنی باڵا لەئەنجومەنی نوێنەران بەدەم دواکاری خوێندکارانەوە بێت، کە ژمارەیان هەزاران خوێندکارە، ئەگەر داواکارییەکانیان جێبەجێ نەکرێت هەڵوێستی دیکەیان دەبێت.

دەقی داواکارییەکە:

بۆ وەزارەتی خوێندنی باڵا و توێژینەوەی زانستی

ئەنجومەنی نوێنەران و لیژنەی خوێندنی باڵا

لایەنە پەیوەندیدارەکان و دەزگاکانی راگەیاندن.

ئێمە وه ك خويندكارانى زانکۆی کەرکوک ، موسڵ ، ئەنبار و تکریت داواکارین لەوەزارەتی خوێندنی باڵا هاوشێوەی زانکۆکانی هەرێم بەرچاوکردنی ئەوخاڵانەی کەلەخوارەوە ئاماژەمان پێکردووە داوای دەرچونی گشتی دەکەین.

هیوادارین کە لیژنەی خوێندنی باڵا لەئەنجومەنی نوێنەران بەدەم دواکاری ئێمەی خوێندکارانەوە بێت کە ژمارەمان هەزاران خوێندکارە.

لێرەوە جەخت لەوەدەکەینەوە ئەگەر داواکارییەکانمان جێبەجێ نەکرێت هەڵوێستی دیکەمان دەبێت.

#بەڵێ_بۆ_دەرچوونی_گشتی

۱-کێشە و سەرشێواندن کە هۆکارەکەی خوێندنی ئەلیکترۆنی يیه و زۆربەی ئەو وانانەی کە بە عەمەلی دەبوو بکرانایە؛تەنها بە ڤیدیۆی يوتيوب وتراونەتەوە.

٣-ئینتەرنێت بەبەردەوامی دەبڕێت و جێگای متمانە نییە.
4-دۆخی کارەبا لەم وەرزە روونە کە بەردەوام دەبڕێت ئەوەش گرفت دروست دەکات.

5-لایەنی ئابووری خوێندکاران هاوتا نيه ، زۆرێك له خويندكاران لاپتۆپ و ئايپاديان نيه ئەوەش ناهاوسەنگی دروست دەکات .

6-حاڵەتی ئەمنی لە عێراقدا جێگیر نیە بەهۆی بەردەوامى هەڕەشەی داعش و ئەمەش دەبێتە هۆی دروست بوونی سترێسی زياتر لەسەر خوێندکاران.

7-لەهەمان کات بوونی کۆرۆنا و مەترسی توشبوونی خوێندكار خۆی بەو پەتایە و نەتوانینی بەشداریکردن لە تاقیکردنەوەکاندا.

لەکۆتایدا دەمانەوێت بڵێین ئەمانە هەمووی هۆکارن بۆ بەهەدەر چوونی ساڵێکی ماندووبوونی خوێندكاران داواکارین به زووترین كات بڕيارێکی يەكلاکەرەوە بدرێت لە بەرژەوەندی خوێندكاران و داواكارين كه تەنها پشت ببەستن بە توێژینەوە “بحث” .

بەردەوام بە لە خوێندنەوە

عێراق

پێكدادان لەنێوان هێزە عیراقییەكان و چەكدارە تیرۆریستەكان ڕوویدا


خەڵك-بەشی هەواڵ

 

شانەی ڕاگەیاندنی ئەمنی سەر بە وەزارەتی بەرگریی عیراق ڕایدەگەیەنێت، چەكدارێكی تیرۆریست لە كەركوك كوژراوە.

شانەی ڕاگەیاندنی ئەمنی سەر بە وەزارەتی بەرگریی عیراق لە ڕاگەیەندراوێكدا ئاماژە بۆ ئەوە دەكات، چەكدارێكی تیرۆریست لە سنووری پارێزگای كەركوك كوژراوە و یەكێكی دیكەیش بریندار بووە.

ئاشكراشیدەكات، دوو تیرۆریست هەوڵیانداوە بە ئاڕاستەی گوندی مەقامی سەر بە ناحیەی ڕیاز لە باشوری ڕۆژئاوای كەركوك نزیك ببنەوە، بەڵام لە لایەن هێزە ئەمنییەكانەوە تەقەیان لێكراوە.

بەردەوام بە لە خوێندنەوە

کوردستان