ئێمە لە تۆرە کۆمەڵایەتیەکان

کوردستان

قائیمقامیەتی سلێمانی وێنەیەكی جەلال تاڵەبانی لابرد


خەڵك- بەشی هەواڵ

لەسەر ڕاسپاردەی قوباد تاڵەبانی، جێگری سەرۆكی حكومەتی هەرێمی كوردستان، قائیمقامیەتی سلێمانی وێنەیەكی جەلال تاڵەبانی، سكرتێری كۆچكردووی یەكێتی لە سەرای سلێمانی لابرد و لەوبارەوە ڕونكردنەوەیەكی بڵاوكردەوە.

دەقی ڕونكردنەوەكە:

لەبارەی لابردنی وێنەی سەرۆك مام جەلال لە سەرای سلێمانی رونكردنەوە دەدرێت

لەسەر فەرمانی قوباد تاڵەبانی لە رێی قائیمقامیەتی سلێمانییەوە وێنەیەكی سەرۆك مام جەلال لادەبرێت دوای ئەوەی لەلایەن دامەزراوەیەكی كەرتی تایبەتەوە وێنەیەكی سەرۆك مام جەلال لە بەردەركی سەرای شاری سلێمانی بەبێ پرس و راوێژ لەگەڵ حكومەتی خۆجێی سلێمانی ھەڵدەواسرێت، لەسەر فەرمانی قوباد تاڵەبانی جێگری سەرۆكی حكومەتی ھەرێم وێنەكە لادەبرێت، لەم روونكردنەوەیەدا بۆ رای گشتی رایدەگەیەنین ھۆكاری لابردنی وێنەكە تەنیا بۆ ئەوە دەگەڕێتەوە سەرۆك مام جەلال لەسەر ئاستی دونیاو عێراق و ناوچەكە خاوەنی پێگەیەكی گەورەیەو لەناو دڵ و دەرونی ھەموو گەلی كوردو عێراق و گەلانی ناوچەكەدایە و بەپێویستی نازانین لە ھەموو كۆچەو كۆلانێك وێنەی سەرۆك مام جەلال ھەڵبواسرێت، لەگەڵ رێز و خۆشەویستی زۆر بۆ هەموو ئەوانەی كە بەو شێوەیە خۆشەویستی دڵ و دەرونی خۆیان دەخەنە روو بۆ مامی گەورە….

قائیمقامیەتی سلێمانی

کوردستان

سلێمانی.. نەخۆشخانەی شەهید د.هێمن (جمهوری) تایبەت كرا بۆ تووشبووانی كۆرۆنا


خەڵك – بەشی هەواڵ

بەڕێوەبەرایەتی گشتی تەندروستی سلێمانی نەخۆشخانەی شەهید د.هێمن (جمهوری) تایبەت كرد بۆ تووشبووانی كۆرۆنا.

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی ڕایدەگەیەنێت: لە ئێستادا نەخۆشخانەی شەهید د.هێمن (جمهوری) لە شاری سلێمانی تایبەت كراوە بۆ ڕووبەڕووبوونەوەی ڤایرۆسی كۆرۆنا و نەخۆشی بۆ گوازراوەتەوە.

د.یاد نەقشبەندی ئاماژەی بەوەشداوە: لە داهاتوودا پێویستە نەخۆشخانەی تریش تایبەت بكەین بۆ ئەم بابەتە.

بەردەوام بە لە خوێندنەوە

کوردستان

تەندروستی سلێمانی داوا لە دانیشتووانی گەڕەكێك دەكات بەپەلە سەردانی بنكەكانی پشكنین بكەن


خەڵك – بەشی هەواڵ

بەڕێوەبەرایەتی گشتی تەندروستی سلێمانی ئاگاداری دانیشتووانی گەڕەكی كوردسات دەكاتەوە هەركەسێك لە (مزگەوتی كوردسات) بەركەوتەی هەبووە بەپەلە پشكین ئەنجام بدات.

د. هێرش سەید سەلیم جێگری بەڕێوەبەری گشتی تەندروستی سلێمانی بە (تۆڕی میدیایی خەڵك)ی ڕاگەیاند: دوای ڕاگەیاندانی دەرئەنجامی ئەمشەوی تووشبووانی ڤایرۆسی كۆرۆنا لە شاری سلێمانی لە لایەن وەزارەتی تەندروستییەوە كە ژمارەیان (48) تووشبوو بوو، دەركەوت بانگبێژ و وتارخوێنی (مزگەوتی كوردسات) لە گەڕەكی كوردسات لە نێو تووشبووەكاندایە.

د. هێرش سەید سەلیم وتیشی: لە پێناو سەلامەتی تەندروستی هاووڵاتیان داوا لە دانیشتووانی گەڕەكی كوردسات دەكەین هەركەسێك لە مزگەوتەكەدا بەركەوتەی هەبووە بە زووترین كات سەردانی بنكەكانی پشكنینی تایبەت بە ڤایرۆسی كۆرۆنا بكات.

جێی ئاماژەیە، ئێوارەی ئەمڕۆ وەزارەتی تەندروستی هەرێم دەرەنجامی نوێی تووشبووانی ڤایرۆسی كۆرۆنای لە پارێزگای سلێمانی ڕاگەیاند، كە 48 تووشبوو بوون و لە و ژمارەیەش 44 تووشبوو دانیشتووی ناو شاری سلێمانی بوون.

بەردەوام بە لە خوێندنەوە

کوردستان

قه‌ڵادزێ: دوو کەس بریندار بوون


خەڵک ـ بەشی هەواڵ

شەوی ڕابردوو، دوو بریندار به‌ناوه‌كانی (م . ف ) و ( ع . ع ) كه‌ هه‌ردووكیان دانیشتووی گه‌ڕه‌كی (ئاشتی)ن گه‌یه‌ندرانه‌ نه‌خۆشخانه‌ی گشتی قه‌ڵادزێ كه‌ یه‌كێك له‌برینداره‌كان ئاسه‌واری فیشه‌ك به‌ ده‌ستیه‌وه‌ هه‌یه‌، پاش لێكۆڵینه‌وه‌ له‌گه‌ڵیاندا به‌ وته‌ی خۆیان له‌ ئه‌نجامی ده‌ماقاڵێ به‌ هه‌ڵه‌ فیشه‌كێك به‌ (ده‌مانچه‌) ته‌قیووه‌ و به‌ر ده‌ستی (م . ف ) كه‌وتووه‌ و به‌و هۆیه‌شه‌وه‌ په‌نجه‌یه‌كی بریندار بووه‌، دواتر لایه‌نی به‌رامبه‌ر په‌لاماری ئه‌وه‌ی تری داوه‌و به‌هۆی زه‌بری ده‌ره‌كی بریندار بووه‌ و برینی هه‌ردوكیشیان جێگیره‌.

دوای ڕووداوه‌كه‌ش ده‌ستبه‌جێ مه‌فره‌زه‌كانی پۆلیسی فریاكه‌وتنی پشده‌ر ده‌ستیان به‌سه‌ر دوو چه‌كی جۆری ( كڵاشینكۆف ) و (ده‌مانچه‌)دا گرتووه‌، به‌ فه‌رمانی دادوه‌ر و به‌ مادده‌كانی 405 و 413 هه‌ردووكیان ڕاگیر كران، دۆسیه‌ی لێكۆڵینه‌وه‌ بۆ ڕووداوه‌كه‌ ڕێكخراوه‌ و لێكۆڵینه‌وه‌ش به‌رده‌وامه‌.

 

بەردەوام بە لە خوێندنەوە

کوردستان