ئێمە لە تۆرە کۆمەڵایەتیەکان

عێراق

ڕووخانی عادل عەبدولمهدی عیراق دەخاتە نێو گێژاوەوە
“یەك ملیۆن بندیوار هەیە ساڵانە 10 ترلیۆن دینار مووچەكەیانە”


خەڵك – بەشی هەواڵ
ئەندامێكی پێشووی پەڕلەمانی عیراق ڕایدەگەیەنێت، ڕووخانی حكومەتی عادل عەبدولمەهدی عیراق ئەخاتە نێو گێژاوی ململانێ ناوخۆیی و ئیقلیمی و نێودەوڵەتییەكانەوە و تونێلێكە لە ئایندەی نزیك ئەو سەری دیار نابێت و هەموو گەلانی عیراق زەرەمەند دەبن، دەشڵێت: “حزبەكان ساڵانە نزیكەی ١٥٠ ھەزار كەسیان دامەزراندووە و مەزەندە دەكرێت نزیكەی یەك ملیۆن بندیوار هەبێت، كە ساڵانە 10 ترلیۆن دینار مووچەكەیانە”.

مەسعود حەیدەر، ئەندامی پێشووی پەڕلەمانی عیراق لە هەژماری تایبەتی خۆی لە فەیسبووك ڕایگەیاندووە، “داهاتی عیراق لە ساڵی ٢٠٠٣ تا ٢٠١٩ نزیكەی 1 ترلیۆن و 100 ملیار دۆلار بووە، كە 200 ملیار دۆلاری بۆ خەرجی وەبەرهێنان خەرجكراوە (دزراوە)، نزیكەی 210 ملیار دۆلاری لە ڕێگای زیادكردنی دراوی بانكی ناوەندییەوە ڕۆیشتۆتە دەرەوەی وڵات و كەس نازانێ بۆ كوێ ڕۆیشتووە”.

دەشڵێت: “لە دوای ساڵی ٢٠٠٣ ەوە حزبەكانی عیراق ساڵانە نزیكەی ١٥٠ ھەزار كەسیان دامەزراندووە بەبێ پلان و زیاتر لە هەشت ملیۆن كەس لە عیراق مووچە وەردەگرێت و دامودەزگاكانی دەوڵەت خراپترین خزمەتگوزاری پێشكەش دەكەن”.

ڕاشیگەیاندووە، مەزەندە دەكرێت نزیكەی یەك ملیۆن بندیوار هەبێت لە عیراق، كە ساڵانە 10 ترلیۆن دینار مووچەكەیانە، لە ساڵی ٢٠١٩دا ٥٢٪‏ خەرجی عیراق بۆ مووچەیە، خەرجی سیادی و حاكمەش حیساب بكرێت، هیچ خەرجیەك نامێنێ بۆ وەبەرھێنان.

مەسعود حەیدەر ئاماژەی بۆ ئەوەشكردووە، ئەوانەی ئابوری عیراقییان بەم ڕۆژە گەیاند هەموو حزبە سیاسی و سەركردەكانی عیراقن و سەرۆكی حكومەتی ئێستا عادل عەبدولمەهدی هاتۆتە سەر ئابورییەك ڕوو لە ڕووخانە ئەگەر فریای نەكەوێ، بە پشتیوانیكردنی گەلانی عیراق لە حكومەتەكەی و بڕیاردان بۆ ئامانجی كورت مەودا و مامناوەند و دوورمەودا دەتوانرێت ڕەوشەكە بەرەو باشی بجوڵێنرێت، ئەگەرنا لە دوورمەودا سەقامگیری سیاسی و ئابووری لە عیراق تێكدەچێت و پشێوی كۆمەڵایەتی دێتە كایەوە و ئاسایش لە وڵات نامێنێ.

ئەو ئەندامەی پێشووی لیژنەی دارایی پەڕلەمانی عیراق باسی لەوەشكردووە، دەبێت ئەم خۆپیشاندانانە هەلێكی گونجاو بن بۆ سەرۆك وەزیران بۆ گرتنە دەستی ڕكێفی دەسەڵاتی فعلی و ئەنجامدانی چاكسازی ئابووری بەو تێڕوانینەی، كە خۆی هەیەتی و لە كارنامەی حكومەتەكەی ئاماژەی پێكراوە.

ئاشكراشیكردووە، ڕووخانی حكومەتی عادل عەبدولمەهدی، عیراق ئەخاتە نێو گێژاوی ململانێ ناوخۆیی و ئیقلیمی و نێودەوڵەتییەكانەوە و تونێلێكە لە ئایندەی نزیك ئەو سەری دیار نابێت و ھەموو گەلانی عیراق زەرەمەند دەبن.

عێراق

چەندین حاڵەتی دیكەی كۆرۆنا لە عیراق تۆمار كران


خەڵك-بەشی هەواڵ

 

فەرمانگەی تەندروستیی بابل ئاشكرایكرد، 11 حاڵەتی دیكەی تووشبوون بە ڤایرۆسی كۆرۆنای نوێ تۆماركران.

ئاژانسی فەڕمی عیراق بڵاویكردەوە، فەرمانگەی تەندروستیی بابل لە ڕاگەیەنراوێكدا ئاماژەبۆ ئەوە دەكات، 11 كەس كە لە ڕوسیاوە گەڕاونەتەوە و پشكنینییان بۆ كراوە و دەركەوتووە هەڵگری ڤایرۆسی كۆرۆنان.

ئەمەش لەكاتێكدایە، بەپێی دوایین ئامارەكانی وەزارەتی تەندروستیی عیراق، تا ئێستا پێنج هەزار و 873 كەس تووشی ڤایرۆسی كۆرۆنا بوون كە سێ هەزار و 44یان چاكبوونەتەوە و 185ی دیكەیشیان گیانیان لەدەستداوە.

بەردەوام بە لە خوێندنەوە

عێراق

خوێندکاران داوا لەحکومەتى عیراق دەکەن هاوشێوەی هەرێم نمرەکانیان بۆ هەژمار بکرێت


خەڵک – بەشی هەواڵ

بەشێک لەخوێندکارانی زانکۆکانی کەرکوک و موسڵ و ئەنبار و تکریت داوادەکەن، هاوشێوەی زانکۆکانی هەرێمی کوردستان نمرەکانیان هەژماربکرێت.

ئەو خوێندکارانە ئاماژەیان بەئەوەداوە، هیوادارن کە لیژنەی خوێندنی باڵا لەئەنجومەنی نوێنەران بەدەم دواکاری خوێندکارانەوە بێت، کە ژمارەیان هەزاران خوێندکارە، ئەگەر داواکارییەکانیان جێبەجێ نەکرێت هەڵوێستی دیکەیان دەبێت.

دەقی داواکارییەکە:

بۆ وەزارەتی خوێندنی باڵا و توێژینەوەی زانستی

ئەنجومەنی نوێنەران و لیژنەی خوێندنی باڵا

لایەنە پەیوەندیدارەکان و دەزگاکانی راگەیاندن.

ئێمە وه ك خويندكارانى زانکۆی کەرکوک ، موسڵ ، ئەنبار و تکریت داواکارین لەوەزارەتی خوێندنی باڵا هاوشێوەی زانکۆکانی هەرێم بەرچاوکردنی ئەوخاڵانەی کەلەخوارەوە ئاماژەمان پێکردووە داوای دەرچونی گشتی دەکەین.

هیوادارین کە لیژنەی خوێندنی باڵا لەئەنجومەنی نوێنەران بەدەم دواکاری ئێمەی خوێندکارانەوە بێت کە ژمارەمان هەزاران خوێندکارە.

لێرەوە جەخت لەوەدەکەینەوە ئەگەر داواکارییەکانمان جێبەجێ نەکرێت هەڵوێستی دیکەمان دەبێت.

#بەڵێ_بۆ_دەرچوونی_گشتی

۱-کێشە و سەرشێواندن کە هۆکارەکەی خوێندنی ئەلیکترۆنی يیه و زۆربەی ئەو وانانەی کە بە عەمەلی دەبوو بکرانایە؛تەنها بە ڤیدیۆی يوتيوب وتراونەتەوە.

٣-ئینتەرنێت بەبەردەوامی دەبڕێت و جێگای متمانە نییە.
4-دۆخی کارەبا لەم وەرزە روونە کە بەردەوام دەبڕێت ئەوەش گرفت دروست دەکات.

5-لایەنی ئابووری خوێندکاران هاوتا نيه ، زۆرێك له خويندكاران لاپتۆپ و ئايپاديان نيه ئەوەش ناهاوسەنگی دروست دەکات .

6-حاڵەتی ئەمنی لە عێراقدا جێگیر نیە بەهۆی بەردەوامى هەڕەشەی داعش و ئەمەش دەبێتە هۆی دروست بوونی سترێسی زياتر لەسەر خوێندکاران.

7-لەهەمان کات بوونی کۆرۆنا و مەترسی توشبوونی خوێندكار خۆی بەو پەتایە و نەتوانینی بەشداریکردن لە تاقیکردنەوەکاندا.

لەکۆتایدا دەمانەوێت بڵێین ئەمانە هەمووی هۆکارن بۆ بەهەدەر چوونی ساڵێکی ماندووبوونی خوێندكاران داواکارین به زووترین كات بڕيارێکی يەكلاکەرەوە بدرێت لە بەرژەوەندی خوێندكاران و داواكارين كه تەنها پشت ببەستن بە توێژینەوە “بحث” .

بەردەوام بە لە خوێندنەوە

عێراق

پێكدادان لەنێوان هێزە عیراقییەكان و چەكدارە تیرۆریستەكان ڕوویدا


خەڵك-بەشی هەواڵ

 

شانەی ڕاگەیاندنی ئەمنی سەر بە وەزارەتی بەرگریی عیراق ڕایدەگەیەنێت، چەكدارێكی تیرۆریست لە كەركوك كوژراوە.

شانەی ڕاگەیاندنی ئەمنی سەر بە وەزارەتی بەرگریی عیراق لە ڕاگەیەندراوێكدا ئاماژە بۆ ئەوە دەكات، چەكدارێكی تیرۆریست لە سنووری پارێزگای كەركوك كوژراوە و یەكێكی دیكەیش بریندار بووە.

ئاشكراشیدەكات، دوو تیرۆریست هەوڵیانداوە بە ئاڕاستەی گوندی مەقامی سەر بە ناحیەی ڕیاز لە باشوری ڕۆژئاوای كەركوك نزیك ببنەوە، بەڵام لە لایەن هێزە ئەمنییەكانەوە تەقەیان لێكراوە.

بەردەوام بە لە خوێندنەوە

کوردستان