ئێمە لە تۆرە کۆمەڵایەتیەکان

کوردستان

هەفتەیەك پشووی فەرمی ڕاگەیەنرا
سەرۆكی حكومەتی هەرێم پەیامێكی بڵاوكردەوە

خەڵك- بەشی هەواڵ
بەپێی یاسای پشووەكانی پەڕلەمانی كوردستان و خشتەی پشووەكانی حكومەتی هەرێم لە 6ی ئەم مانگەوە بۆ ماوەی هەفتەیەك بۆ فەرمانبەرانی ئێزدی لە دامەزراوەكانی هەرێم پشووی فەرمی دەبێت و سەرۆكی حكومەتی هەرێم-یش بەو بۆنەیەوە پەیامێكی بڵاوكردەوە.

نەبەز ئیسماعیل، وتەبێژی وەزارەتی ئەوقاف و كاروباری ئایینی هەرێم بۆ (خەڵك) ڕایگەیاند، كە بەپێی یاسای پەڕلەمانی كوردستان، كوردانی ئێزدی لە یادی “جەژنا جەما” مافی پشوویان هەیە.

لای خۆشیەوە، خەیری بۆزانی، بەڕێوەبەری گشتی كاروباری كوردانی ئێزدی لە وەزارەتی ئەوقاف ڕایگەیاند، لە ڕۆژی ٦-١٠- ٢٠١٩وە بۆ ماوەی هەفتەیەك بە بۆنەی “جەژنا جەما”وە هەفتەیەك بۆ فەرمانبەرانی ئێزدی دەبێتە پشووی فەرمی.

ڕاشیگەیاند، كە ڕۆژی 13-10-2019 پشووەكە كۆتایی دێت و دەوام ئاسایی دەبێتەوە.

لای خۆشیەوە، مەسرور بارزانی، سەرۆكی حكومەتی هەرێمی كوردستان بەبۆنەی جەژنی (جەمایێ) لە پەیامێكدا ئاماژەی بەوەكرد، “گەرمترین پیرۆزبایی ئاراستە خوشك و برایانی كوردی ئێزیدی لە كوردستان و جیهان دەكەم. هیوادارم لە كەشێكی ئارام و پڕ لە خۆشیدا ئەم جەژنە بكەنەوە”.

ئاماژەی بەوەشكردووە، خوشك و برایانی ئێزیدی لە ساڵانی ڕابردوودا ڕووبەڕووی مەینەتی و ڕۆژانی سەخت بوونەوە. ئومێدەوارین لە ژێرسایەی كەشی بەیەكەوەژیانی ئاشتیانەی هەرێمی كوردستان ئەو ِرۆژە سەختانە تێپەڕێنن و حكومەتی هەرێمی كوردستانیش هەرچی لە توانایدا بێت درێغی ناكات بۆ كەمكردنەوەی ئێش و ئازارەكانیان و قووڵتركردنەوەی گیانی بەیەكەوەژیان و تەبایی نێوان پێكهاتە ئاینی و نەتەوەییەكانی هەرێمی كوردستان”.

کوردستان

نزیكەی هەزار تووشبووی كۆرۆنا لە سلێمانی چاكبوونەوە

خەڵك – بەشی هەواڵ
بەڕێوەبەرایەتی گشتی تەندروستی سلێمانی ڕایدەگەیەنێت، لە ماوەی چوار هەفتەی ڕابردوودا نزیكەی هەزار تووشبوی ڤایرۆسی كۆرۆنا لە شاری سلێمانی چاكبوونەتەوە.

د. سەباح هەورامی، بەڕێوەبەری گشتی تەندروستی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە ماوەی چوار هەفتەی ڕابردوودا 911 توشبووی ڤایرۆسی كۆرۆنا لە شاری سلێمانی چاكبوونەتەوە.

ڕاشیگەیاندووە، لە سەرەتای سەرهەڵدانی ڤایرۆسەكەوە تا ئێستا لە ڕۆژی 13-5-2020 تا ئەمڕۆ 7021 توشبووی كۆرۆنا چاك بوونەتەوە.

بەردەوام بە لە خوێندنەوە

کوردستان

هەرێم؛ لە 24 كاتژمێری ڕابردوودا 23 حاڵەتی مردن بە كۆرۆنا تۆماركراوە

خەڵك- بەشی هەواڵ

وەزارەتی تەندروستی هەرێم ئاشكرای دەكات ، كە لە 24 كاتژمێری ڕابردوودا 612 كەس تووشی كۆرۆنا بوون و 23 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە ، 4146 پشكنین ئەنجام دراوە و دەركەوتووە لە هەولێر72 كەس و سلێمانی 94 كەس و لە گەرمیان 28 كەس و دهۆك 418 كەس تووشی كۆرۆنا بوون.

ئاشكراشی كردووە، كە 534 كەس چاكبوونەوە و 23 كەسیش گیانیان لەدەستداوە.

بەردەوام بە لە خوێندنەوە

کوردستان

یەكگرتوو بارەگاكانی لە پارێزگایەكی هەرێم داخست

خەڵك – بەشی هەواڵ
بەرپرسێكی یەكگرتووی ئیسلامی كوردستان ڕایدەگەیەنێت، بەهۆی مەترسییەكانی ڤایرۆسی كۆرۆناوە لە هەڵەبجە بۆ ماوەی 2 هەفتە تەواوی ئۆرگان و بارەگاكانیان بەداخراوی دەهێڵنەوە.

حەسەن شێخ عەبدوڵا، ئەندامی سەركردایەتی و بەرپرسی مەڵبەندی 5ی یەكگرتووی ئیسلامی لە لێدوانێكی ڕۆژنامەوانیدا ڕایگەیاندووە، دوای ئەوەی لەلایەن لیژنەی نەخۆشخانەی وەفای تایبەت بە ڤایرۆسی كۆرۆناوە ئاگاداركراونەتەوە بۆ ڕێگریكردن لەبڵاوبونەوەی ڤایرۆسەكە بارەگاكانیان داخستووە.

ڕاشیگەیاندووە، بەهۆی مەترسی بڵاوبونەوەی ڤایرۆسی كۆرۆنا ماوەی یەك هەفتەیە بارەگاكانیان داخستووە و هەفتەیەكی دیكەش بەداخراوی دەمێنیتەوە.

بەردەوام بە لە خوێندنەوە

کوردستان