ئێمە لە تۆرە کۆمەڵایەتیەکان

عێراق

ڕ‌ۆژنامەیەكی ئەمریكایی: خۆپیشاندانەكانی عیراق دەستی ئێرانە

خەڵك-بەشی هەواڵ
ڕ‌ۆژنامەیەكی ئەمریكایی پێیوایە، تاران گەمە بە ئاسایشی عیراقەوە دەكات و “بوكەڵەكانی ئێران لە عیراق” لە پشت جێبەجێنەكردنی داواكاریی گەلی عیراقەوەن.

ڕۆژنامەی (واشنتن ئیزامینر)ی ئەمریكایی لە ڕاپۆرتێكیدا لەبارەی خۆپیشاندانەكانی عیراق نوسیویەتی” تاران گەمە بە ئاسایشی عیراقەوە دەكات و بوكەڵەكانی ئێران لە عیراق لە پشت جێبەجێنەكردنی داواكاریییەكانی گەلی عیراقەوەن”، ئاماژەی بە ڕق و كینەی ئێرانییەكانیش كردووە بەرانبەر بە فەریق عەبدولوەهاب ساعدی چونكە “نیشتمانپەروەرە و ناتوانن ملكەچی بكەن”.

ڕۆژنامە ئەمریكاییەكە دەڵێت”ئێران بە تەواوەتی لەگەڵ چینە سیاسییە گەندەڵەكان و زۆرێك لە پیرۆكراتە ناكاریگەرەكاندا دەستى لە عیراق وەرداوە، هەر ئەمەش هۆكاریی بەرپابوونی ئەو خۆپیشاندانانەیە كە هەموو ناوچەكانی وڵاتەكەی گرتەوە”.

بەپێی ڕۆژنامەی (واشنتن ئیزامینر)ی ئەمریكایی”گەندەڵی و خراپی بەڕێوەبردن، ستەمە سەرەكییەكانە لە گەلی عیراق، بەڵام ئێران پزیسكی پشت بێئومێدییە كە عیراق دەكوڵێنێت. بەشێوەیەكی زیاتر دیاریكراو، خراپی بەڕێوەبردن بەشێوەیەكی تۆقێنەر لە وەزارەتەكان و دامودەزگا عیراقییەكان لەلایەن هێزە سیاسییەكانی هاوپەیمانی ئێران، و گوشاری ئێران لەسەر عادل عەبدلومەهدی بۆ لەسەركارلابردنی جەنەراڵى نیشتمانپەروەر عەبدولوەهاب ساعدی، هۆكاریی دروستبوونی پشێوییەكانە لە عیراق”.

ماوەی چەند ڕۆژێكە پارێزگاكانی بەغدا و بابل و دیوانیە و بەسرەو نەجەف و موسەننا و كەركوك و دیالە و میسان و واست، خۆپیشاندانی ناڕەزایی بەرفراوان بەخۆوە دەبینن و خۆپیشاندەران داوای چاكسازی و باشكردنی واقعی خزمەتگوزاری و بەگژاچوونەوەی گەندەڵی دەكەن، لە هەندێك لە شارەكانیشدا خۆپیشاندەران هەڵیانكوتاوەتە سەر بارەگا حزبی و حكومییەكان و ئاگرییان تێبەرداون.

عێراق

عیراق؛ لە 24 كاتژمێری ڕابردوودا زیاتر لە 4 هەزار حاڵەتی نوێ و 68 مردن تۆماركرا

خەڵك – بەشی هەواڵ

وەزارەتی تەندروستی و ژینگەی عیراق ڕایدەگەیەنێت، بەردەوام ژمارەی تووشبووان كۆرۆنا ڕوو لە زیادبوونە و ئەمڕۆ هەینی 4 هەزار و 13 كەس تووشبوون و 2 هەزار و 921 كەسیش چاكبوونەوە 68 كەسیش گیانیان لە دەستداوە.

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ هەینی 14ی ئابی 2020 پشكنین بۆ 20 هەزار و 446 ئەنجامدراوە و 4 هەزار و 13 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 173 كەسیش لە سلێمانی و هەولێر 411 توشبوو تۆماركراوە.

ڕاشیگەیاندووە ، هەر ئەمڕۆ 2 هەزار و 921 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون هاوكات 68 حاڵەتی مردنیش بەو ڤایرۆسە تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 168 هەزار و 290 كەس و چاكبوونەوەش 120 هەزار و 129 كەس و مردنیش 5 هەزار و 709 كەس و دەشڵێت:” هێشتا 42 هەزار و 452 كەس لەژێر چاودێری پزیشكیدان و 627 توشبوون لە چاودێری چڕدان”

بەردەوام بە لە خوێندنەوە

عێراق

هەموویان خەڵكی سوریان
بەوێنە، داعشە دەستگیركراوەكان بڕێكی زۆر تەقەمەنییان پێگیرا

فازڵ ئەبو ڕەغیف پسپۆڕی ئەمنی ڕایدەگەیەنێت، ئەو داعشانەی لە سوریاوە هەوڵیاندابوو دزەبكەنە نێو عیراق و دەستگیركران، بڕێكی زۆر ماددەی (TNT)یان پێگیراوە.

بەپێی تویتێك كە لەلایەن ئەبو ڕەغیفەوە بڵاوكراوەتەوە”بە پشتبەستن بە زانیاریی هەواڵگری ورد و لەدوای بەدواداچوون لەلایەن فەوجی 2ی لیوای 66ی فەیلەقی 20ی سوپای عیراق، درەنگانێكی شەوی ڕابردوو، جموجۆڵی 31 كەس دەسنیشان كرا كە هەڵگری ڕەگەزنامەی سوریا بوون و لە ڕەقەی سوریاوە هاتبوون و دەییانەویست سنور ببەزێنن و بێنە نێو خاكی عیراق”.

بە وتەی ئەو پسپۆڕە ئەمنییە، دەستگیركراوەكان بڕێكی زۆر ماددەی (TNT)یان پێگیراوە كە بۆ ئەنجامدانی تەقینەوە و كاریی تیرۆریستی بەنیازبوون بەكاریی بهێنن.

 

بەردەوام بە لە خوێندنەوە

عێراق

بۆردومانەكانی توركیا بە ڕاگەیاندنی جەنگ دژ بە عیراق دادەنرێن

خەڵك- بەشی هەواڵ
عەلی غانمی، ئەندامی لیژنەی ئاسایش و بەرگری لە پەرلەمانی عیراق ڕایدەگەیەنێت، دەستدرێژییەكانی توركیا بۆسەر سنورەكانی عیراق، یەكەمجار نییە و وەك ڕاگەیاندنی جەنگن دژ بە عیراق، چونكە بە گێچەڵكردن پۆلێن ناكرێن، لەو بارەیەشەوە دوای سازدانی دانیشتنێكی نائاسایی پەرلەمانی دەكات.

غانمی لە لێدوانێكی ڕۆژنامەوانیدا ڕایگەیاند:”دەستدرێژییەكەی توركیا ڕاگەیاندنی جەنگن و تەنیا بە گێچەڵكردن دانانرێن، چونكە ئەوەی ڕوویدا بەكارهێنانی تەواوەتی هێز بوو، نەك تەنیا هەڕەشە و گێچەڵكردن، توركیا بەبێ‌ ئەوەی پێویست بكات خاكی عیراقی بەكارهێنا”.

ئەو ئەندامەی لیژنەی ئاسایش و بەرگری، داوای لە حكومەتی عیراق كرد “هەڵوێستێكی توند وەربگرێت و لەو ڕووەوە لەگەڵ كۆمەڵی نێودەوڵەتی پەیوەندی ببەستێت، بەڵام لەئێستادا حكومەت هەڵوێستێكی ڕوونی نەخستۆتەڕوو، وێڕای ئەوەی ڕێكارێكی زۆری لەبەردەمدایە”.

عەلی غانمی دەپرسێت:”گەر ئەو ئۆپەراسیۆنانە ڕێكەوتنیان لەسەر كراوە با بزانیین، ئەگەرنا حكومەتی عیراقی چۆن ڕێگە بەو دەستدرێژیانەی توركیا دەدات بەبێ‌ ئەوەی جموجۆڵێك لەسەر گۆڕەپانی نێودەوڵەتی دەستپێبكات، لەكاتێكدا عیراق ڕێكەوتنی زانیارییەكانی لەگەڵ ناتۆ هەیە”.

غانمی داوای سازدانی دانیشتنێكی نائاسایی پەرلەمانیشی كرد “بۆ گفتووگۆ لەسەر ئەو بابەتە و دەركردنی بڕیاری گونجاو لەپێناو وەڵامدانەوەی توركیا”.

لە بۆردومانەكەی 11ی ئەم مانگەی توركیا لە ناوچەی سیدەكانی سەر بە پارێزگەی هەولێر، ژمارەیەك لە هێزەكانی پاسەوانی سنور شەهید بوون، دوو فەرماندەی باڵای ئەو هێزانەش لەنێوان شەهیدەكاندا بوون.

بەردەوام بە لە خوێندنەوە

کوردستان