ئێمە لە تۆرە کۆمەڵایەتیەکان

کوردستان

یاسین مەحمود، پەیامێكی هاوخەمی ئاڕاستەی فاروقی مەلا موستەفا كرد

خەڵك-بەشی هەواڵ

وتەبێژی یەكێتی وەبەرهێنەرانی كوردستان، هاوخەمی خۆی بۆ فاروقی مەلا موستەفا ڕادەگەیەنێت.

یاسین مەحمود ڕەشید وتەبێژی یەكێتی وەبەرهێنەرانی كوردستان لە پەیامێكدا كە بە بۆنەی كۆچی دوایی پڕۆفیسۆر دكتۆر عیزەدین موستەفا ڕەسوڵ-ەوە بڵاویكردوەتەوە پرسە و سەرەخۆشی خۆی ئاڕاستەی خانەوادەی ناوبراو دەكات و ئاماژە بۆ ئەوە دەكات، لە دەستدانی ئەم كەڵە پیاوانەی نیشتمان، خەسارەتی گەروەن و جێگەیان پڕبوونەوەی نییە.

دەقی پەیامەكە..

بەناوی خوای بەخشندەو میهرەبان
برای ئازیزم جەنابی كاك فاروقی مەلا مستەفا خانەوادەی بەڕێزی پڕۆفیسۆر، دكتۆر عیزەدینی براتان.

بە گەڕانەوەی، جەنابی دكتۆر عیزەدین كەسایەتی دیار و ڕۆشنبیر و نیشتمانپەروەری گەورەی گەلەكەمان بۆ بارەگای یەزدان خەمبار و دڵتەنگین.

لە دەستدانی ئەم كەڵە پیاوانەی نیشتمان، خەسارەتی گەروەن و جێگەیان پڕبوونەوەی نییە.

جەنابی پڕۆفیسۆر دكتۆر عیزەدین، ڕاگر و كۆڵەكەی پتەوی كایە نیشتمانی و ڕۆشنبیرییەكانی ئەم وڵاتە بوو، ڕەنج و ماندووبوونەكانی مەڵۆی سەدان ساڵی دیكەیان لە ماریفەت و زانیاری بۆ جێهێشتووین و هەمووان لە پای هەوڵ و ماندووبوونەكانی خۆمان بە قەرزار دەزانین و بە دەیان هاوخەمی و دڵنەوایی ئەجری هەوڵ و ماندووبوونەكانی نادەینەوە كە پێشكەشی ئێمە و نەوەكانی دوای ئێمەو ئەم نیشتمانەی كردووە.

دووبارە بە ناوی خۆم و هاوڕێیانم لە یەكێتی وەبەرهێنەرانی كوردستان، شان دەخەینە بەر باری ئەو لەدەستدانە گەورەیە و هاوخەم و دڵنەواتانین و دوعاخوازی ئەوەین، جەنابی دكتۆر، جێگەی بەهەشتی بەرین بێت.

یاسین مەحمود ڕەشید
وتەبێژی یەكێتی وەبەرهێنەرانی كوردستان

کوردستان

پەلامارێكی داعش لە سنووری جەلەولا تێكشكێنرا

خەڵك-بەشی هەواڵ

 

هێزەكانی سوپای عیراق پەلامارێكی چەكدارانی داعشیان لە سنووری شارەدێی جەلەولا تێكشكاند.

بەپێی زانیارییەكان، داعش لەگوندی ئوم حنتە بەقەناس تەقەی لە هاووڵاتیان و سوپای عیراق كردووە و بەهۆیەوە هاووڵاتیەكی مەدەنی بەسەختی برینداربووە و دواتر هێزەكانی سوپای عیراق و داعش لەنزیك گوندەكە ڕووبەڕووی یەكتر بوونەتەوە و شەڕ ڕوویداوە و داعش تێكشكێنراوە.

ئەمەش لەكاتێكدایە، كە ناوە ناوە چەدارانی داعش لە ناوچە كێشەلەسەرەكان هێرش دەكەنە سەر پێشمەرگە و سوپای عیراق و هاووڵاتیانی مەدەنی و بەهۆی ئەو هێرشانەشەوە قوربانی لێكەوتووەتەوە، تاكو ئێستاش حكومەتی عیراق نەیتوانیوە ئاسایشی ئەو ناوچانە بپارێزێـت و ڕۆژ لە دوای ڕۆژ جموجوڵەكانی داعش لە پەرەسەندندان.

بەردەوام بە لە خوێندنەوە

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

کوردستان

دەڤەری برادۆست.. بەھۆی ڕووخانی بیرێك ھاووڵاتییەك گیانی لەدەستدا

خەڵك – نزار مستەفا

لە دامێنی چیای حەسەن بەگ لە دەڤەری برادۆست هاووڵاتییەك بەهۆی ڕووخانی بیری ئاوەوە گیانی لەدەستدا.

ئێوارەی ئەمڕۆ شەممە ھاووڵاتییەك بەناوی (سەلیم بەھائەدین شیڤی) دانیشتووی گەڕەكی برایەتی لە شارۆچكەی سۆران كە خێزاندارە و خاوەنی سێ منداڵە، بەھۆی ڕووخانی بیرێكی ناو باغەكەی لە دامێنی چیای حەسەن بەگ گیانی لە دەستدا و ھاوڕێكەشی بریندار دەبێت.

لە ئێستادا تەرمی ناوبراو ڕەوانەی پزیشكی دادی سۆران كراوە بۆ لێكۆڵینەوە لەسەر چۆنیەتی ڕووداوەكە و بریندارەكەش دۆخی ناجێگیرە و لەژێر چاودێری پزیشكدایە.

بەردەوام بە لە خوێندنەوە

کوردستان