ئێمە لە تۆرە کۆمەڵایەتیەکان

جیهان

خامنەیی بۆ سوپای پاسداران: خۆتان بۆ پێشهاتی گەورە ئامادە بكەن

خەڵك – بەشی هەواڵ

ڕابەری باڵای شۆڕشی ئیسلامی ئێران داوا لە فەرماندەكانی سوپای پاسدارانی وڵاتەكەی دەكات خۆیان بۆ ڕووبەڕوبوونەوە و پێشهاتی گەورە ئامادەبكات.

عەلی خامنەیی ڕابەری باڵای شۆڕشی ئیسلامی ئێران ئەمڕۆ چوارشەممە لە دیدارێكدا لەگەڵ فەرماندە باڵاكانی سوپای پاسداران ڕایگەیاند، نابێت بەهیچ جۆرێك لە دوژمن بترسن، بەڵام پێویستە بە وریاییەوە مامەڵە بكەن هەڵسەنگاندنێكی ڕاست و دروستیان لە دوژمن هەبێت.

عەلی خامنەیی وتیشی، ئەركی سەرەكی سوپای پاسداران بریتییە لەوەی كە لەو دیو سنوورەكانەوە هەوڵی دابینكردنی ئاسایش و بەرەنگاربوونەوەی مەترسییەكان بدات و جەختیشی كردەوە، تێڕوانینی دابینكردنی ئاسایش لەدەرەوەی سنوورەكان، قوڵایی ستراتیژی وڵاتەكەیە و هەندێك جار لەسەرووی هەموو پێداویستییەكانەوەیە.

ئەم لێدوانەی خامنەیی لەكاتێكدایە، گرژییەكانی نێوان ئێران و هەر یەك لە ئەمریكا و سعودیە بۆ بەرزترین ئاستی هەڵكشاون و واشنتۆن و ڕیاز باس لەوەدەكەن كردەوەكانی حكومەتی تاران و هێزە چەكدارەكانی لەدەرەوەی سنوورەكانی ئەو وڵاتە، هۆكاری ناسەقامگیری ناوچەكەیە.

جیهان

مەزڵوم كۆبانێ‌ وەڵامی ئەردۆغان دەداتەوە

خەڵك – بەشی هەواڵ

فەرماندەی گشتی هێزەكانی سوریای دیموكرات ڕایدەگەیەنێت، سەرۆكی توركیا دیمۆگرافیای ناوچە داگیركراوەكان دەگۆڕێت.

مەزڵوم عەبدی فەرماندەی گشتی هێزەكانی سوریای دیموكرات (هەسەدە) لە جریوەیەكدا لە تۆڕی كۆمەڵایەتی تویتەر بڵاویكردەوە، ئەوەی كە سەرۆكی توركیا ڕایگەیاندووە سەبارەت بە “نیشتەجێكردنی ملیۆنێك كەس لە سەرێكانی و گرێ‌ سپی گۆڕینی” كارێكی مەترسیدارە و ئامانج لێی گۆڕینی دیمۆگرافیایە.

مەزڵوم عەبدی ئاماژەی بەوەشداوە،”ئەمریكا و ڕوسیا بەرپرسیارن لە ڕێگری كردن لە گۆڕینی دیمۆگرافیای ناوچە داگیركراوەكان”.

فەرماندەی گشتی هەسەدە داواشی لە ئەمریكا و ڕوسیا كردووە:”پێویستە هەردوو وڵات بەڵێنەكانیان جێبەجێ بكەن سەبارەت بە گێڕانەوەی دانیشتووانی ناوچەكە كە بە بنەچە و خەڵكی ئەو ناوچانەن”.

بەردەوام بە لە خوێندنەوە

جیهان

سوپای پاسداران: تەلئەبیب لەگەڵ زەویدا تەخت دەكەین

خەڵك – بەشی هەواڵ

لەوەڵامی لێدوانەكانی وەزیری بەرگری ئیسرائیلدا ڕاوێژكاری فەرماندەی هێزەكانی سوپای پاسدارانی ئێران ڕایدەگەیەنێت، تاران لە لوبنانەوە تەلئەبیبی پایتەختی ئیسرائیل لەگەڵ زەویدا تەخت دەكات.

مورتەزا قوربانی ڕاوێژكاری فەرماندەی هێزەكانی سوپای پاسدارانی ئێران جارێكی تر هۆشداری دایە ئیسرائیل كە هەر هێرشێكی ئەو وڵاتە بۆ سەر ئێران كاردانەوەی توندی وڵاتەكەی لێدەكەوێتەوە و ڕایگەیاند، ئەگەر ئیسرائیل بچوكترین هەڵە بەرامبەر ئێران بكات تاران لە لوبنانەوە تەلئەبیبی پایتەختی ئیسرائیل لەگەڵ زەویدا تەخت دەكات.

مورتەزا قوربانی وتیشی، ئێران ناخوازێت چەكی ئەتۆمی بەدەست بهێنێت و ئیسرائیلیش لەوە بچوكترە كە سەركێشی بەرامبەر ئێران بكات، هەروەك ئەوەشیخستەڕوو، سەرجەم هێزەكانمان لەوپەڕی ئامادەباشیدان و چاوەڕوانی فەرمانی ڕێبەری باڵای شۆڕشی ئیسلامی ئێرانن بۆ مووشەك بارانكردنی ئیسرائیل و وێرانكردنی ئەو وڵاتە.

جێی ئاماژەیە، ڕۆژی یەك شەممەی ڕابردوو نەفتالی بینیت وەزیری بەرگری ئیسرائیل هەڕەشەی لە ئێران كرد و ڕایگەیاند، ئەگەر ئێرانییەكان سوربن لە مانەوە و جێگیر بوونیان لە سوریا ئەو وڵاتەیان لێدەكەینە ڤیتنامێكی تر.

بەردەوام بە لە خوێندنەوە

جیهان

ترەمپ بە گاڵتەجاڕی وەسفیان دەكات
كۆنگرێس دوو تۆمەت ڕووبەڕووی ترەمپ دەكاتەوە

خەڵك- بەشی هەواڵ
سەرۆكی لیژنەی دادوەری لە كۆنگرێسی ئەمریكا، دوو تۆمەت ڕووبەڕووی دۆناڵد ترەمپ، سەرۆكی وڵاتەكە دەكاتەوە و دەڵێت: “كەس لەسەروو یاساوە نییە”، لەبەرانبەردا ترەمپ تۆمەتەكان بە گاڵتەجاڕی وەسف دەكات.

جێری نادلەر، سەرۆكی لیژنەی دادوەری لە كۆنگرێسی ئەمریكا ڕایگەیاند، ئەوان بە فەرمی دۆناڵد ترەمپ، سەرۆكی ئەمریكا تۆمەتبار دەكەن بەئەنجامدانی دوو تاوان، یەكەمیان خراپ بەكارهێنانی دەسەڵاتەكەی، دووەم تۆمەتیش پەیوەندی بە تەگەرەخستنە بەردەم كاروبارەكانی ئەنجوومەنی نوێنەرانی ئەمریكایە”.

نادلەر دەڵێت: “سەرۆك خۆی لە سەروو ئاسمانەوە دەبینێت و پێیوایە لەسەروو یاساوەیە، بەڵام پێویستە باش بزانێت، كە هیچ كەس، تەنانەت سەرۆكیش لەسەروو یاساوە نییە”.

لەبەرانبەر تۆمەتەكانی دیموكراتەكان بۆ سەرۆكی ئەمریكا، كە دەچێتە چوارچێوەی هەوڵەكانیان بۆ لەسەركارلابردنی لە پۆستی سەرۆكایەتی ئەمریكا، دۆناڵد ترەمپ لە چەند تویتێكیدا ئەو هەوڵانەی بە “مایەی گاڵتەجاڕی” وەسفكرد.

بەردەوام بە لە خوێندنەوە

کوردستان