ئێمە لە تۆرە کۆمەڵایەتیەکان

عێراق

وەفیق سامەڕائی: ئەوەی لە عیراق ڕوودەدات چاوەڕوانكراو بوو

خەڵك – بەشی هەواڵ
ڕاوێژكاری پێشووتری سەرۆك كۆماری عیراق ڕایدەگەیەنێت، ئەوەی لە عیراق ڕوودەدات چاوەڕوانكراو بووە و چەند هەفتەیەكە زانیاری لەسەر بوونی پیلانێكی ئامادەكراو هەیە، دەشڵێت: “لە ئێستادا چارەسەر ئەوەیە هەلی كار بۆ دەرچووانی زانكۆ و بێكاران دابین بكرێت”.

وەفیق سامەڕائی، ڕاوێژكاری پێشووتری سەرۆك كۆماری عیراق لە هەژماری تایبەتی خۆی لە فەیسبووك ڕایگەیاندووە، عیراق ڕێوشوێنی ئەمنی بەشێوەیەكی لەسەرخۆ گرتۆتەبەر بەجۆرێك هاووڵاتیان دڵنیابن لە ژیان و داهاتووی خۆیان، هیچ دەستوەردانێك ئەنجامی نابێت و خۆپشاندانیش سەركەوتوو نابێت.

دەشڵێت: “ئەوەی ئێستا لە عیراق دەگوزەرێت شتێكی چاوەڕوان كراو بووە و ماوەیەكە زانیاری هەیە بۆ دەستوەردانی چەند لایەنێك لە خۆپیشاندانەكە”.

ڕاشیگەیاندووە، داواكارییە ڕەواكانی خەڵك چارەسەر نەكرێن، پاڵنەرەكانی خۆپیشاندان بەردەوام دەبن، چارەسەری ئەم دۆخە و گەڕاندنەوەی ئارامی و هەنگاونان بەرەو چاكسازی، پێویستی بە بڕیاری بەپەلە و دوورمەودا هەیە.

دەشڵێت: “دابینكردنی هەلی كار بۆ دەرچووانی زانكۆ و بێكاران، ئەگەر ئەمە لەسەر خەرجییەكانی دەوڵەت و مووچە باڵاكانیش بكەوێت دەبێت بكرێت، لەگەڵ دەركردنی چەند بڕیارێكی یەكلاكەرەوە بۆ ڕووبەڕووبوونەوەی گەندەڵی و لێپێچینەوەی توند لە گەندەڵكاران بەبێ ئەوەی ترس لە تێكچوونی پڕۆسەی سیاسی هەبێت دەبێتە چارەسەرێكی هەنوكەیی بۆ دۆخی وڵات”.

ئاماژەی بۆ ئەوەشكردووە، دەبێت كار بۆ كۆنتڕٍۆڵكردنی هەموو هەناردەیەكی نەوت و داهاتی دەروازە سنورییەكان لەلایەن دەوڵەتەوە بكرێت و بایەخدان بە كاروباری ژیانی ناوخۆی وڵات و دووركەوتنەوە لە كێشە دەرەكییەكان، هەروەها بەكارخستنەوەی كارگەكان و فراوانكردنی كەرتی پیشەسازی.

ئەوەشی خستۆتەڕوو، پێویستە هەرچی زووە لێپێچینەوە لەو بەرپرسانەی، كە زانیارییان لەسەر هەیە كەمتەرخەم و گەندەڵ و شكستخواردوون بكرێت و لەو كارەشدا دەبێت سەركردە باڵاكانی دەوڵەت هەماهەنگی تەواویان لەگەڵ یەكتر هەبێت، لەگەڵ ڕاگرتنی ئیمتیازاتی سەرجەم بەرپرسان.

عێراق

مووچەی خانەنشینی سەرۆك كۆماری پێشووی عیراق هەڵوەشایەوە

خەڵك- بەشی هەواڵ

دادگای تەمیزی عیراق مووچە خانەنشینی سەرۆك كۆماری پێشوی عیراقی ھەڵوەشاندنەوە.

بەپێی بڕیاری ژمارە (2097) كە لە 31-3-2019 لەلایەن دادگای تەمیزی عیراقەوە دەرچووە و لە میدیا عیراقیەكان بڵاوكراوەتەوە، مووچەی خانەنشنی (غازی عەجیل یاوەر) سەرۆك كۆماری پێشوی عیراق ھەڵوەشێنراوەتەوە.

بەپێی بڕیارەكەی دادگای تەمیز، سەرجەم ئەو مووچە و ئیمتیازانەی دراون لە دوای ساڵی 2003-وە هەڵدەوەشێنەوە و دەبێت مووچەی خانەنشینی بەپێی یاسای خانەنشینی یەكگرتووی ساڵی 2014 بدرێت، بۆیە ئەو مووچەی خانەنشینییەی بە (4) ساڵ خزمەت دراوە تەواو نییە چونكە بەپێی یاساكە دەبێت 15 ساڵ خزمەت هەبێت بۆ خانەنشینی.

غازی عەجیل یاوەر، تەنیا 10 مانگ سەرۆك كۆماری عیراق بوو لە (1-6-2004) بۆ (7-4-2005)، مووچەی خانەنشینی مانگانەی بە پلەی تایبەت بۆ دیاری كرابوو بە بڕی 61 ملیۆن و 680 هەزار دینار.

بەردەوام بە لە خوێندنەوە

عێراق

عادل عەبدولمەهدی پێنج بڕیاری لە بەرژەوەندی هاووڵاتیان دەكرد

خەڵك – بەشی هەواڵ
سەرۆك وەزیرانی عیراق ڕایدەگەیەنێت، گۆڕانكاری لە سەر بنەمایی لێهاتووی لە حكومەتدا دەكەین گەنج دێنێنە پێشەوە و پڕۆژەى خزمەتگوزاری پێشكەش دەكەن و خەڵكی تێدا دەخەینە سەركار، دەشڵێت: “دۆسیەكانی گەندەڵی بۆ ڕای گشتی ئاشكرا دەكەین، لێكۆلینەوە لە سامانی بەرپرسان و پارەكانیان دەكەین”.

عادل عەبدولمەهدی، سەرۆك وەزیرانی عیراق لە ڕاگەیەنراوێكدا بڵاویكردووە، دەستكاری مووچەی سەرجەم پلە تایبەتەكان دەكرێت و مووچەكانیان دەكرێت بە نیوە، بۆیە نابێت هیچ مووچەیەك لە 10 ملیۆن دینار زیاتر بێت، زیادەكەش بۆ چاودێری كۆمەڵایەتی خەرج دەكرێت .

ڕاشگەیاندووە، ئاستی مووچە دادەبەزێنرێت و دادگای ناوەندی بەرەنگاربوونەوەی گەندەڵی پێكدەهێنین و دۆسیەكانی گەندەڵی بۆ ڕای گشتی ئاشكرا دەكەین، لێكۆلینەوە لە سامانی بەرپرسان و پارەكانیان دەكەین.

ئاماژەی بۆ ئەوەشكرد، گۆڕانكاری لە بنەمای لێهاتوويی لە حكومەتدا دەكەین و گەنج دێنێنە پێشەوە و پڕۆژەى خزمەتگوزاری پێشكەش دەكەین و خەڵكی تێدا دەخەینە سەركار، مووچەیەك بۆ ئەوانەی لە ژێر هێڵی هەژاریەوەن،كە بڕەكەی لە 130 هەزار كەمتر نەبێـت دەبڕێتەوە.

ئاشكراشیكرد، سبەی چەند هەنگاوێكی بەپەلە لە چاكسازی و گۆڕانكاری دوور لە پشكپشكێنە بۆ ڕای گشتی دەخەینەڕوو

بەردەوام بە لە خوێندنەوە

عێراق

سێ‌ سەرۆكایەتییەكەی عیراق جەخت لە داوای خۆپیشاندەران دەكەنەوە

خەڵك- بەشی هەواڵ
لەگەڵ ئامادەكارییەكان بۆ خۆپیشاندانی ملیۆنی لە عیراق سێ‌ سەرۆكایەتییەكەی عیراق كۆدەبنەوە و جەخت لە پاراستنی خۆپیشاندەران و جێبەجێكردنی داوا ڕەواكانیان كرایەوە.

بەپێی ڕاگەیەنراوێكی سەرۆكایەتی كۆماری عییراق، لە سەر بانگھێشتی د.بەرھەم ساڵح، سەرۆك كۆمار ئەمڕۆ چوار شەممە ٢٠١٩/١٠/٢٣ لە كۆشكی سەلام لە بەغدا بە ئامادەبوونی سەرۆكی ئەنجومەنی وەزیران عادل عەبدولمەھدی و سەرۆكی ئەنجوومەنی نوێنەران محەمەد حەلبوسی و سەرۆكی ئەنجوومەنی دادگای باڵا فایەق زیدان كۆبوونەوە.

لە كۆبوونەوەكەدا تاوتوێی ڕەوشی سیاسی و ئەمنی وڵات كرا، ھاوكات جەختكرایەوە لە گرنگی جێبەجێكردنی داوا ڕەواكانی خۆپیشاندەران لە ماوەیەكی دیاریكراودا، كە خۆی لە چاكسازی و بنەبڕكردنی گەندەڵی دەبینێتەوە.

ھاوكات دووپاتكرایەوە لە فەراھەمكردنی پاراستنی خۆپیشاندانی ھێمنانە و ئازادی ڕادەربڕین، كە بەپێی دەستوور ڕێگە پێداراوە، ھەروەھا تەئكیدیش لە پاراستنی ئاسایش و موڵكی گشتی و ئاشتەوایی كۆمەڵایەتی كرایەوە.

بەردەوام بە لە خوێندنەوە

کوردستان