ئێمە لە تۆرە کۆمەڵایەتیەکان

کوردستان

خەسرۆ گۆران: پێشنیاری یەك لیستی كورد لە كەركوك هی پارتی بوو

خەڵك-بەشی هەواڵ

ئەندامێكی سەركردایەتی پارتی ڕایدەگەیەنێت، حكومەتی پێشوو كاك قوباد دەسەڵاتی هەبوو لە 2013 هاتە ئاراوە، ئێستا حكومەتێكی ترە و هەر حكومەتەی سیاسەتی خۆی هەیە.

خەسرۆ گۆران ئەندامی سەركردایەتی و بەرپرسی دەزگای هەڵبژاردنی پارتی دیموكراتی كوردستان بە دەنگی ئەمریكای ڕاگەیاند، پێشنیاری یەك لیستی كورد لە كەركوك و ناوچە كێشە لەسەرەكان هی پارتی بوو.
وتیشی”براوەی هەڵبژاردنەكان لەناوچەیەك بۆ ناوچەیەكی تر جیاوازە، بۆ نمونە لە نەینەوا لە 70%ی دەنگەكان بۆ پارتیە، لەكەركوك بەپێچەوانەوەیە لەوانەیە 60% – 65%ی بۆ یەكێتی بێت”.

ئاماژەی بۆ ئەوەش كرد، لە كەركوك لیستە كوردییەكە بۆی هەیە 26كاندیدی هەبێت، لەموسڵ دەتوانین چل و هەشت كاندیدمان هەبێت بێگومان لەكەركوك زۆرترین كاندیدەكان بەر یەكێتی دەكەوێت لە موسڵیش بەر پارتی دەكەوێت و لایەنەكانی تریش كاندیدییان دەبێت لەناو لیستەكە، بەڵام هەیانە كاندیدی نابێت.

ئاشكراشیكرد، بێگومان 16ی ئۆكتۆبەر كاریگەری هەیە لەسەر دەنگی كورد، چونكە پارێزگاری ئەو شارە كورد نیە، ئەنجومەنی پارێزگا لەكاركەوتووە و ئاسایش لەوێ نیە، پێشمەرگەی لێ نیە، پارێزگار تەعریب دەكات، عەرەبی هاوردەی هێناوە لەوانەیە ساختە بكرێت و ئەو عەرەبانەی هێناویانن بەشداری بكەن لەهەڵبژاردن بەشێوەیەك لەشێوەكان.

سەبارەت بە ڕەخنەكانی یەكێتی لەسەر ئەوەی قوباد تاڵەبانی نیگەرانە لەوەی سەرۆكی حكومەت دەسەڵاتی وەك پێویست نەداوەتێ، خەسرۆ گۆران ڕایگەیاند، چۆن قوباد تاڵەبانی دەسەڵاتی وەك پێشتر نەدراوەتێ؟ خۆ ئەوە حكومەتی “فیفتی بە فیفتی” نیە، هیچ ڕێككەوتنێكی لەو شێوەیە نەكراوە، ئەو ڕێككەوتنە دەرئەنجامی هەڵبژاردنەكانی 2018یە، سەرۆكی حكومەت سەرۆكە، جێگر جێگرە، یاریدەدەر یاریدەدەرە، هەركەس دەبێت سنووری دیاربێت.

ڕوونیشیكردەوە، ئێستا حكومەتێكی دیكە هەیە، حكومەتی پێشوو كە كاك قوباد دەسەڵاتی هەبوو لە 2013 هاتە ئاراوە، ئێستا حكومەتێكی ترە و هەر حكومەتەی سیاسەتی خۆی هەیە هەر سەرۆكی حكومەتێك سەڵاحیاتی خۆی هەیە چی دەكات یان نایكات، دەسەڵات دەدات یان نادات، یاخود دەسەڵات كەم دەكاتەوە، ئەم حكومەتە ڕەنگە ستراتیژیەتێكی تر و پلانێكی تری هەبێت سەبارەت بەدەسەڵاتی وەزیرەكان و یاریدەدەرەكان و تەنانەت جێگرەكانی سەرۆكی حكومەت، یان بەڕێوەبەرەگشتینەكان.

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان