ئێمە لە تۆرە کۆمەڵایەتیەکان

جیهان

ئەبولغەیت: ناتوانین ئێران بە ئەنجامدانی هێرشەكەی ئارامكۆ تۆمەتبار بكەین

خەڵك – بەشی هەواڵ

ئەمینداری گشتی كۆمكاری وڵاتانی عەرەبی ڕایدەگەیەنێت، لێكۆڵینەوەكان لە هێرشەكەی ئارامكۆ لە كۆتایی نزیك دەبێتەوە، وتیشی ئەگەرچی ناتوانن ئێران بە ئەنجامدەری هێرشەكەی تۆمەتبار بكەن، بەڵام هێرشەكە بە چەكی ئێرانی ئەنجامدراوە.

ئەحمەد ئەبولغەیت ئەمینداری گشتی كۆمكاری وڵاتانی عەرەبی لە چاوپێكەوتنێكی لەگەڵ ڕۆژنامەی (شەرقلئەسەوت) ڕایگەیاند، ناتوانن ئێران بە ئەنجامدانی هێرشەكەی سەر دامەزراوەی نەوتی ئارامكۆ لە سعودیە تۆمەتبار بكەن، چونكە هێشتا لێكۆڵینەوەكان لە ڕووداوەكە بەردەوامە، بەڵام بە پێی لێكۆڵینەوەكان دەركەوتووە هێرشەكە بە چەكی ئێرانی ئەنجامدراوە.

ئەمینداری گشتی كۆمكاری وڵاتانی عەرەبی ئاماژەی بەوەشكرد، یەك هەڵوێستی هەیە لە نێوان وڵاتانی عەرەبی دژی دەستتێوەردانەكانی ئێران لە كاروباری ناوخۆیی وڵاتانی عەرەبی.

جێی ئاماژەیە، ناوەڕاستی مانگی ڕابردوو دامەزراوەی نەوتی ئارامكۆ لە سعودیە كرایە ئامانج و بەهۆی هێرشەكەوە هەناردەی نەوتی سعودیە كەمبووەوە و چەند وڵاتێك ئێران بە ئەنجامدەری هێرشەكە تۆمەتبار دەكەن.

جیهان

ژمارەیەك هاووڵاتی عیراقی داوای مافی پەنابەرێتی لە ئەفغانستان دەكەن

خەڵك-بەشی هەواڵ

وەزارەتی كۆچ و كۆچبەرانی ئەفغانستان ئاشكرایكرد، لە ماوەی 10 ساڵدا 821 هاووڵاتی بیانی داوای مافی پەنابەرێتیان كردووە.

ئاژانسی (ئارایانیو) بڵاویكردەوە، وەزارەتی كۆچ و كۆچبەرانی ئەفغانستان لە ڕاگەیەنراوێكدا ئاماژە بۆ ئەوە دەكات، زۆرترین ئەو هاووڵاتیانەی داوای مافی پەنابەرێتیان كردووە لە وڵاتەكانی عیراق و ئیران و تاجیكستانن و تا ئێستاش چارەنووسیان نادیارە.

ئەمەش لەكاتێكدایە بەرپرسانی ئەو وڵاتە ئاماژە بۆ ئەوە دەكەن، حكومەتی ئەفغانستان تاكو ئێستا هیچ یاسایەكی سەبارەت بە وەرگرتنی پەنابەرانی سیاسی نییە.

بەرپرسانی ئەو وڵاتە ئاشكرایدەكەن، پڕۆژە یاسایەكیان بۆ وەرگرتنی پەنابەران داوەتە پەڕلەمانی وڵاتەكەیان، بەڵام تا ئێستا هیچ بڕیارێك نییە كەی ئەو یاسایە پەسەند دەكرێت.

بەپێی زانیارییەكانی ئەو ئاژانسە، ئەو كەسانەی داوای مافی پەنابەرێتی دەكەن تاكو ئێستا چارەنووسیان نادیارە، بەڵام ڕێكخراوی نەتەوە یەكگرتووەكان لەو وڵاتە كارتی كاتی بۆ ئەو كەسانە دروست كردووە.

بەردەوام بە لە خوێندنەوە

جیهان

ترەمپ: لەگەڵ كوردەكان ناوچەیەكی نوێ‌ دروست دەكەین

خەڵك- بەشی هەواڵ
سەرۆكی ئەمریكا ڕایدەگەیەنێت، كە ئاگربەست بەتەواوی جێبەجێ‌ دەكرێت و دەشڵێت: “لەگەڵ كوردەكان ناوچەی نوێ‌ دروست دەكەین”.

دۆناڵد ترەمپ، سەرۆكی ئەمریكا لە تویتەری خۆی ڕایگەیاند، كە مارك ئیسپەر، وەزیری بەرگری پێی ڕاگەیاندووە، كە وەستاندنی شەڕ وەك خۆی جێبەجێ‌ دەكرێت و هەندێك پێكدادانی كەم لەناوچەكە هەبووە، ئەوانیش زۆر بەخێرایی كۆتاییان دێت.

ڕاشیگەیاندووە، كە ناوچەیەكی نوێ‌ بۆ نیشتەجێ‌ بوون لەگەڵ كوردەكان بنیات دەنێین.

دەشڵێت: “سەربازانی ئەمریكا لە ناوچەكانی شەڕ یان ئاگربەست نابن، دەگەڕێنەوە نیشتمان و نەوت-یشمان مسۆگەر كردووە”.

ئەمە لەكاتێكدایە، كە چەند ڕۆژێكە ڕێككەوتنی توركیا و ئەمریكا كراوە بۆ كشانەوەی هەسەدە لە ناوچە سنوریەكانی توركیا و وەستانی جەنگ، بەڵام توركیا بەردەوام هێرشی كردووە و چەكی قەدەغەكراوی لە جۆری (بۆمبی فسفۆڕ) بەكارهێناوە و بەهۆیەوە دەیان هاووڵاتی و شەڕڤان شەهید و بریندار بوون.

لای خۆشیەوە، ئاژانسی (سانا)ی فەرمی سوریا بڵاویكردەوە، كە لە دوانیوەڕۆی ئەمڕۆوە هەسەدە دەستی بە كشانەوە لە سەرێكانی كردووە بەرەو حەسەكە.

بەردەوام بە لە خوێندنەوە

جیهان

“جەنگی جیهانی سێهەم بەهۆی بەرژەوەندییە گەورەكانەوە دروستنابێت”

خەڵك- بەشی هەواڵ

لەگەڵ دەستپێكردنی هێرشی توركیا بۆ سەر سوریا و تێوەگلانی هەریەك لە ڕوسیا و ئەمریكا و وڵاتانی ناتۆ، زۆر باس لە دەستپێكردنی جەنگی جیهانی دەكرێت و چاودێرێكی سیاسیش دەڵێت”بەرژەوەندی زلهێزەكان لەگەڵ جەنگدا نییە”.

محەمەد جەلال، پسپۆڕی پەیوەندییە نێودەوڵەتییەكان بە (خەڵك)ی ڕاگەیاند، ئەوەی لە بارەی جەنگی سێهەمی جیهانییەوە دەوترێت دورە لە لۆژیك و بیركردنەوەیەكی دروستەوە، چونكە بەرژەوەندی زلهێزەكانی جیهان و ناوچەكە لەگەڵ جەنگی گەورەدا نییە.

دەشڵێت “ئەوان پێیانباشە جەنگی بچوك لە ناوچەكەدا هەبێت، چونكە بەرژەوەندی گەورەی وەبەرهێنانی گەورەیان هەیە”.

ئەو پسپۆڕە ڕونیكردەوە، توركیا بە ئاشكرا سنوری وڵاتێكی بەزاندووە، بەڵام پێشتر نمونەی هەبووە، بۆیە كۆمەڵگەی نێودەوڵەتی هەڵوێستی توندی نییە، بۆ نمونە توركیا باس لە دەستێوەردانی سعودییە لە یەمەن و ئەمریكا لە بۆرما و ڕوسیا لە چەند ناوچەیەك دەكات.

بەردەوام بە لە خوێندنەوە

کوردستان