ئێمە لە تۆرە کۆمەڵایەتیەکان

ئابوری

خەڵك؛ دواین زانیاری لەسەر خەرج كردنی دەرماڵەی خوێندكاران ئاشكرادەكات

خەڵك- بەشی هەواڵ

دوای تێپەڕبوونی 5 ساڵ بەسەر بڕینی دەرماڵەی خوێندكارانی زانكۆ و پەیمانگا حكومییەكانی هەرێم لەدوای شەڕی داعش و سەرهەڵدانی قەیرانی داراییەوە، لیژنەی پەروەردە و خوێندنی باڵا یاداشتێكی بۆ خەرجكردنەوەی ئەو دەرماڵەیە بۆ خوێندكاران داوەتە حكومەتی هەرێم و ئەنجوومەنی وەزیرانیش داوای وردەكاریەكەی دەكات بۆ ئەوەی دوای پەسەند كردنی بودجە بڕیاری كۆتایی لێ‌ بدات.

لە ساڵانی ڕابردوودا و پێش ساڵی 2014، كە قەیرانی دارایی لە هەرێم سەریهەڵدا، دەرماڵەیەك بەسەر خوێندكارانی زانكۆ و پەیمانگاكان دابەش دەكرا، كە بۆ خوێندكارانی ناوشار بڕی 60 هەزار دینار و بۆ خوێندكارانی دەرەوەی شار بڕی 100 هەزار دینار بوو.

عەباس ئەكرەم، وتەبێژی وەزارەتی خوێندنی باڵا و توێژینەوەی زانستی بۆ (خەڵك) ڕەتی كردەوە ئاگاداری بڕیاری دەستپێكردنەوەی دابەشكردنی دەرماڵەبێت بەسەر خوێندكاراندا و وتی، “تا ئێستا هیچ بڕیارێكمان بەدەست نەگەیشتووە”.

لای خۆشیەوە، عەبدولسەلام عەبدوڵڵا دۆڵەمەڕی، سەرۆكی لیژنەی پەروەردە و خوێندنی باڵا لە پەڕلەمانی كوردستان بۆ (خەڵك) ڕایگەیاند، پێش ساڵی 2014 دەرماڵە بۆ خوێندكارانی زانكۆ و پەیمانگاكان هەبوو، لە ئێستاشدا لیژنەكەمان نووسراوی كردووە بۆ ئەنجوومەنی وەزیران و لە هەوڵی بەردەوامداین، بەڵام حكومەت داوای دیراسە و وردەكاری تەواو دەكات.

وتیشی، “تاوەكو بودجەی ساڵی 2020 لەگەڵ حكومەتی عیراق یەكلایی دەكرێتەوە، ئێمە وردەكارییەكان ئامادە دەكەین و ڕادەستی حكومەتی دەكەین بۆ ئەوەی بزانین چەندی پارە پێویستە ساڵانە، ئایا بودجەی هەرێم توانای ئەو پارەیەی هەیە بدرێتە خوێندكاران”.

ئاشكراشی كرد، ئەگەر بودجەی هەرێم توانای ئەوەی هەبێت دەرماڵەكە دەدرێتە سەرجەم خوێندكاران و ئەگەر پارەی پێویستیش نەبێت ئەوا دەبێت میكانیزمێكی دیكە دابنرێت.

سەرۆكی لیژنەی پەروەردە و خوێندنی باڵا لە پەڕلەمانی كوردستان جەختیشی كردەوە، كە لە ئێستادا هیچ بڕیارێك نییە تا لە كاتێكی نزیكدا ئەو دەرماڵەیە بدرێتە خوێندكاران، بۆیە دەبێت وردەكارییەكەی ئامادە بكرێت دوای ئەوە بڕیاری لەسەر دەدرێت.

ئابوری

ئەم هەفتەیە ژمارەكان دەفرۆشرێن
هاتووچۆی هەڵەبجە: پلانمان بۆ خەرجكردنی پشكی هاتووچۆ داناوە

 

خەڵك-بەشی هەواڵ

پارێزگاری هەڵەبجە ڕایدەگەیەنێت، 23ی ئەم مانگە ژمارە نایابەكانی هەڵەبجە دەفرۆشرێن.

ئازاد تۆفیق، پارێزگار هەڵەبجە لە نووسراوێكدا ئاماژ بۆ ئەوە دەكات، بەرواری 23-10-2019 كاتژمێر 10ی سەرلەبەیانی لە ناوەندی پارێزگای هەڵەبجە زیادكردنی ژمارە نایابەكانی هەڵەبجە ئاشكرا دەكرێت.

بەپێی زانیارییەكانی (خەڵك) 20%ی ئەو بڕە پارەیە، كە لە فرۆشتنی ژمارەكان دێتە دەستK دەدرێتە هاتووچۆی هەڵەبجە و بەڕێوەبەری بەڕێوەبەرایەتی هاتووچۆی هەڵەبجەش ئاشكرای دەكات، پلانمان بۆ خەرجكردنی پارەكە داناوە.

حەسەن عەبدوڵڵا، بەڕێوەبەری بەڕێوەبەرایەتی هاتووچۆی هەڵەبجە بە (خەڵك)ی ڕاگەیاند، پلانمان زۆرە بۆ ئەو پارەیەی، كە دێتە دەستمان لە فرۆشتنی ژمارە نایابەكانی هەڵەبجە، بەشێوەیەك لە پلانماندایە چەندین بینا و هێمای هاتووچۆ و كەرەستەی هاتووچۆ و ئۆتۆمبێلی پێ بكڕین و بەدەستی بهێنین.

وتیشی، “جگە لە 20%ی ئەو پارەیە، ئەگەر لەمەودوا داهاتمان هەبێت 17%ی بۆ هاتووچۆ دەبێت، هەرچەندە پێداویستی هاتووچۆ بەردەوامە و كۆتایی نایەت”.

ئاشكراشیكرد، هەندێك لە پلانەكانمانی پێ جێبەجێ دەكەین و پێموانییە بەو بڕە پارەیەش پلانەكانمان تەواو ببێت، بەڵام دەتوانین هەندێك كەموكوڕی پێ پڕبكەینەوە.

بەردەوام بە لە خوێندنەوە

ئابوری

بەڕێوەبەرایەتییەك هەلی كار ڕادەگەیەنێت

خەڵك- بەشی هەواڵ
بەڕێوەبەرایەتی كار و ڕاهینانی پیشەیی گەرمیان هەلی كار لە كۆمپانیایەك بۆ دوو شۆفێر بە مووچەی مانگانەی 500 هەزار دینار بۆ هەریەكەیان ڕادەگەیەنێت.

بەڕێوەبەرایەتی كار و ڕاهینانی پیشەیی گەرمیان لە ڕاگەیەنراوێكدا، كە وێنەی دراوە بە (خەڵك) ئاماژە بەوەكراوە، هۆبەی كاری بەڕێوەبەرایەتیمان هەلی كاری ڕەخساندوە لەكەرتی تایبەت لە كۆمپانیای (مازوخ)، كە پێویستی بە (2) كارمەندە لەڕەگەزی (نێر) بۆ كاری شۆفێری كاتی.

ڕاشیگەیاندووە، كاتی كاركردن (8) كاتژمێر دەبێت بە مووچەی (500.000) هەزار دینار.

سەبارەت بە مەرجی وەرگرتن ئاشكراشی كردووە، دەبێت هەڵگری مۆڵەتی شۆفێری (گشتی) بێت و شارەزایی تەواوی هەبێت لە شۆفێری كردنی (خەباتەی مەكەزی یان شۆفل)دا .

بەردەوام بە لە خوێندنەوە

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بەپێی خشتەیەك كە لە وەزارەتی دارایی و ئابورییەوە بەشێوەیەكی فەڕمی بڵاوكراوەتەوە، ئەمڕۆ مووچەی مانگی تەمموزی چەند وەزارەت و دەزگا و بەڕێوەبەرایەتییەك دابەش دەكرێت.

بەپێی خشتەكە ئەمڕۆ مووچەی هەریەك لە وەزارەتی داد، وەزارەتی سامانە سروشتییەكان، وەزارەتی ئەوقاف، وەزارەتی خوێندنی باڵا، وەزارەتی ناوخۆ، بەڕێوبەرایەتی گشتی ڕەگەزنامە، لیوای نەوت و گاز، هێزەكانی زێرەڤانی، پۆلیسی بەرگری و فریاكەوتن، دەزگای ئاسایش، ئەنجومەنی ئاسایش دابەش دەكرێت.

دابەشكردنی مووچەی ئەو شوێنانە دوای ئەوەدێت، كە چارەنوسی سێ‌ مووچەی ئەمساڵ بە نادیاری ماوەتەوە و نازانرێت دابەشكردنی مووچە لە ساڵی داهاتوودا بەردەوام دەبێت یان پاشەكەوتی مووچە دەستپێدەكاتەوە.

بەردەوام بە لە خوێندنەوە

کوردستان