ئێمە لە تۆرە کۆمەڵایەتیەکان

ئابوری

خەڵك؛ دواین زانیاری لەسەر دۆخی كارەبا لە زستاندا ئاشكرادەكات

خەڵك – بەشی هەواڵ
بەڕێوەبەری كۆنتڕۆڵی كارەبای هەرێم ڕایدەگەیەنێت، بە پێی ئەو بەرنامەیەی بۆ چاككردنی سیستمی كارەبای هەرێم دانراوە، ئەگەر پارەی پێویست هەبێت پێشبینی دەكرێت زستانی ئەمساڵ دۆخی كارەبا باشتر بێت.

ئومێد ئەحمەد، بەڕێوەبەری كۆنتڕۆڵی كارەبای هەرێم بە (خەڵك)ی ڕاگەیاند، لەماوەی ساڵانی پێشوو بەهۆی بوونی قەیرانی دارایی، كە ماوەی پێنج ساڵ تەواوی ئیشەكانی ڕاگرت نەتوانرا بودجەی پێویست بۆ كەرتی كارەبا دابین بكرێت.

وتیشی، “بەپێی ئەو پلانەی بڕیاری لێدراوە غازی سروشتی لە خورمەڵە و كۆڕمۆر و وێستگەی خەباتی هەڵمی زیاد دەكرێت و چەند تێستێكی بۆ كراوە، بۆیە چاوەڕێی كۆمپانیا كۆریەكەین ڕاپۆرتی كۆتایی خۆیان ئامادە بكەن، هەموو ئەمانە بەرهەمی كارەبای نیشتمانی زیاد دەكەن، كە ئەمەش دڵخۆشكەر دەبێت بۆ ئەوەی زستانی ئەمساڵ كارەبا باشتر بێت”.

لە بارەی دانانی پێوەری زیرەك بۆ هاوبەشەكانی كارەبا، ئومێد ئەحمەد ڕایگەیاند، پڕۆژەكە دەستی بەكاركردن كردووە، بەڵام ماوەی ساڵێك و نیوی بۆ دانراوە، ڕەنگە تەواو فریای زستانی ئەمساڵ نەكەوێت، بەڵام هەر ئەوەش كاریگەری دەبێت لە گۆڕانكاری لە دۆخی كارەبا لە زستاندا.

ئاماژەی بۆ ئەوەشكرد، هەموو هەوڵەكانی ئێمە بەو ئاڕاستەیەیە، كە ئەگەر ئەوانەی لەسەرەوە باسكران و جێبەجێ‌ بكرێن دۆخی كارەبا بەرەو باشبوون بچێت، بۆیە هێشتا زووە بڕیاری باشی یان خراپی دۆخی كارەبا لە زستاندا بدەین.

ئابوری

لە چەند فەرمانگەیەكی سلێمانی مۆبایل و تۆڕە كۆمەڵایەتییەكان لە فەرمانبەران قەدەغەكرا

خەڵك – بەشی هەواڵ
بەڕێوەبەرایەتی گشتی‌ چاودێری‌‌ و گەشەپێدانی‌ كۆمەڵایەتی‌ لە پارێزگای‌ سلێمانی بەكارهێنانی‌ مۆبایل ‌و تۆڕە كۆمەڵایەتییەكانی لە فەرمانبەرانی فەرمانگەكانی سەر بە بەڕێوەبەرایەتییەكەی قەدەغەكرد.

بەڕێوەبەرایەتی گشتی‌ چاودێری‌‌ و گەشەپێدانی‌ كۆمەڵایەتی‌ لە پارێزگای‌ سلێمانی لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، ڕۆژی‌ چوار شەممە 23-10-2019 بە ئامادەبوونی‌ عومەر گوڵپی‌، بەڕێوەبەری‌ گشتی‌ ‌‌و بەرپرسی‌ ماڵەكانی‌ ساوایان و منداڵان و نەوجەوانان ‌و بەساڵاچووان و هۆبەی‌ خێزانی‌ جێگرەوە و هێڵی‌ گەرمی‌ فریاكەوتنی‌ منداڵان ‌و بەرپرسی‌ هۆبەكانی‌ ژمێریاری‌‌ و وردبینی‌ ‌و یەكەكانی‌ پلان‌ و یاسا، كۆبوونەوەی‌ ئاسایی‌ مانگانەی‌ خۆی‌ بەڕێوەبرد.

ئاماژە بۆ ئەوەشكراوە، لەو كۆبوونەوەكەدا بەڕێوەبەری‌ گشتی‌ سێ بنەمای‌ گرنگی‌ بەڕێوەبردنی ڕوونكردەوە، هەروەها جەختی‌ كردەوە لەسەر جێبەجێكردنی‌ سەرجەم ئەو یاساو ڕێنمایی ‌‌و سیستمانەی‌ دامەزراوە كۆمەڵایەتییەكان ڕێكدەخەن، بەتایبەت جەختی‌ كردەوە لەسەر پاراستنی‌ مافی‌ منداڵان ‌و بەساڵاچووان‌ و باشترین بەكارهێنانی‌ توانا ماددی ‌‌و مرۆییەكان بۆ خزمەتكردنیان، لەلایەكی ترەوە ستراتیجی‌ كاركردن بۆ ماڵەكانی‌ منداڵان‌ خستەڕوو.

ئەوەشخراوەتەڕوو، ژمارەیەك بڕیار گەڵاڵە كرا، كە یەكێك لە بڕیارەكانی‌ كۆبوونەوەكە بریتی بوو لە ڕێگە نەدان بە بەكارهێنانی‌ مۆبایل ‌و تۆڕە كۆمەڵایەتییەكان لەكاتی‌ دەوام‌ و لەكاتی‌ كاركردن و ڕاپەڕاندنی‌ ئەركەكاندا، لەو ڕوانگەیەوە كارمەندان پابەندكران بە تەرخانكردنی‌ هەموو توانا و كاتیان بۆ كار و ئەركەكانیان لە خزمەتكردنی‌ منداڵان و بەساڵاچووان و ژنانی‌ هەڕەشەلێكراو و منداڵانی‌ دایەنگە و سەنتەر و پەیمانگاكان و كارە كارگێڕی‌ و ژمێریارییەكان.

بەردەوام بە لە خوێندنەوە

ئابوری

بە بەڵگە؛ كرێی خوێندن لە زانكۆ و پەیمانگا تایبەتەكان كەمكرایەوە

خەڵك- بەشی هەواڵ
وەزارەتی خوێندنی باڵا و توێژینەوەی زانستی حكومەتی هەرێم بڕیاریدا بە كەمكردنەوەی كرێی خوێندن لە زانكۆ و پەیمانگا تایبتەكان.

بەپێی نووسراوێكی وەزارەتی خوێندنی باڵا بە ژمارە (1675) كە لە ( 17/ 10/2019) دەرچووە و وێنەی دەست (خەڵك) كەوتووە، “پاڵپشت بە كارنامەی حكومەتی هەرێم و كۆنووسی ئەنجوومەنی وەزارەتی خوێندنی باڵا، بڕیار دراوە بە كەمكردنەوەی كرێی خوێندن لە زانكۆ و پەیمانگا تایبەتەكان”.

وەك لە نووسراوەكەدا هاتووە، “كرێی خوێندن بە ڕێژەی 25% كەمدەكرێتەوە بۆ گشت قۆناغەكان لە خوێندنی بەرایی و خوێندنی باڵا”.

بەردەوام بە لە خوێندنەوە

ئابوری

پێدانی ڤیزەی ئێران بۆ هاووڵاتیانی هەرێم لادەبرێت

خەڵك – بەشی هەواڵ
بە ڕەزامەندی كۆماری ئیسلامی ئێران لە سبەینێوە هاووڵاتیان و گەشتیاران دەتوانن بەبێ ڤیزە سەردانی ئەو وڵاتە بكەن.

ژووری بازرگانی و پیشەسازی سلێمانی بڵاویكردەوە، بەبڕیاری حكومەتی هەرێم لە سبەینێ پێنج شەممەوە 24/10/2019ەوە هاووڵاتیانی عیراق و هەرێمی كوردستان دەتوانن بەبێ ڤیەا لە مەرزی نێودەوڵەتی پەروێزخانەوە سەردانی وڵاتی ئێران بكەن و بۆ ماوەی 30 ڕۆژ لەو وڵاتە بمێننەوە.

بەپێی زانیارییەكان، بڕیارەكەی هاتووچۆی هاووڵاتیان بەبێ ڤیزە بۆ ئێران تا 31/12/2019 بەردەوام دەبێت و هاووڵاتیان بەبێ بەرامبەر و بێ‌ وەرگرتنی هیچ بڕە پارەیەك دەتوانن بچنە وڵاتی ئێران.

بەردەوام بە لە خوێندنەوە

کوردستان