ئێمە لە تۆرە کۆمەڵایەتیەکان

کوردستان

“ئالودەبوون بە ماددەی هۆشبەر زیادی كردووە”
ئاسایش 13 كەس لەسەر بەكارهێنانی ماددەی هۆشبەر دەستگیر دەكات


خەڵك- بەشی هەواڵ

لەماوەی تەنیا یەك هەفتەدا، بەڕێوەبەرایەتی ئاسایشی سلێمانی دەستگیركردنی 13 كەس، بە تۆمەتی بەكارهێنانی ماددەی هۆشبەر، ڕادەگەیەنێت.

بەپێی ڕاگەیەنراوێك، كە لەلایەن بەرێوبەرایەتی ئاسایشی ڕۆژئاوای سلێمانییەوە بڵاوكراوەتەوە، “لەماوەی یەك هەفتەدا 13 كەس بەتۆمەتی بەكارهێنانی ماددەی هۆشبەر دەستگیكران و 7 لەو تۆمەتبارانە لە چەمچەماڵ دەستگیركراون و 6 كەسەكەی تریان لەبازگەی سەنگاو دەستگیركراون”.

ئاشكراشی كردووە، كە لەكاتی دەستگیركردنیاندا بڕی 16 گرام شیشە و كۆمەڵیك توتن و چەندین كەرەستەی دیكەی بەكارهێنانی ماددەی هۆشبەریان پێ بووە، بەبڕیاری دادوەر و بەپێی ماددەی 14ی هۆشبەر، بەندن.

هەر لەڕاگەیانراوەكەی بەڕێوەبەرایەتی ئاسایشی ڕۆژئاوای سلێمانیدا هاتووە، “هەرچەندە بەكارهێنانی ماددەی هۆشبەر ڕووی لەزیاد بوون كردووە، بەڵام دڵنیایی تەواو دەدەین بەهاووڵاتیان، كە بەردەوام دەبین لەڕێگری كردن و بڵاوبوونەوەی زیاتری دیاردەی بەكارهێنانی ماددەی هۆشبەر”.

کوردستان

ڕێنمایی نوێ و فەڕمی لە پارێزگاری سلێمانییەوە


خەڵك – بەشی هەواڵ

سەرۆكی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا لە ڕاگەیەنراوێكدا ڕایدەگەیەنێت: لەدوای (٤٨) كاتژمێری قەدەغەی تەواو، هەر خزمەتگوزاریی‌ و ماركێت‌ و بوارێك بكرێتەوە پێویستە بە پلەی یەكەم كار لەسەر پەیڕەوی دلیڤەری بكات‌ و پابەندی ڕێنماییە تەندروستی‌ و كارگێڕی‌ و ئارامییەكان بێت.

 

دەقی ڕاگەیەنراوەكە:

 

ڕێنمایی نوێ و فەرمی
….
لەدوای (٤٨) سەعاتی قەدەغەی تەواو، هەر خزمەتگوزاریی‌و ماركێت‌و بوارێك بكرێتەوە پێویستە بە پلەی یەكەم كار لەسەر پەیڕەوی دلیڤەری بكات‌و پابەندی ڕێنماییە تەندروستی‌و كارگێڕی‌و ئارامییەكان بێت.
……………..

بەپێی لیستی موچە، ڕۆژانە كارئاسانیی بۆ موچەخۆرانی ئەو شوێنانە دەكرێت كە موچە وەردەگرن، بەمەرجێك بەڵگەی فەرمیی پیشانبدەن‌و پابەندی ڕێنماییە تەندروستی‌و كارگێڕی‌و ئارامییەكان بن.
….
هەموو هێزەكانی پۆلیس‌و ئاسایش‌و پۆلیسی هاتوچۆ‌و لیوای یەكی پاراستنی سلێمانی، بە شێوازێكی نوێ‌‌و بەپێی دابەشبوونی گەڕەكەكان، لە تیمی هاوبەشدا ئەركی چاودێریكردنی پابەندبوون بە قەدەغەی هاتووچۆوە جێبەجێ‌ دەكەن، تەنها پۆلیسی هاتووچۆ مافی لێپێچینەوەی لە شۆفێرو ئۆتۆمبێلەكان هەیە، لەگەڵ هەموو تیمێكدا ڕێبەرێكی تەندروستی بەشدار دەبێت بۆ ڕێنماییكردنی شۆفێرو سەرنشینان.
…..
لە دوای (٤٨) سەعاتی قەدەغەی تەواو، هەموو چالاكییە ئابووریی‌و بازاڕگەریی‌و دارایی‌و عەلوەو یەكەكانی نیشتەجێبوون‌و سیتیەكان و كۆمپانیاكانی دابەشكاریی‌و ماركێت‌و خزمەتگوزاریی ڕۆژانە پێویستەكان لەلایەن قائمقامیەتی سلێمانی‌و (یەكە كارگێڕییەكانەوە) بەهاوبەشی لەگەڵ بەڕێوەبەرایەتی چاودێری بازرگانی و بەڕێوەبەرایەتی ئاسایشی ئابووریدا، ڕێكدەخرێنەوە، بەمەرجێك كە پابەندی ڕێنماییە تەندروستی‌و كارگێڕی‌و ئارامییەكان بن.
….
جوڵەو كاروباری دامودەزگا حكومیەكان‌و كۆمپانیاكانی كەرتی تایبەت لەلایەن پارێزگای سلێمانی‌و بەڕێوەبەرایەتی كاروباری ناوخۆی پارێزگاو فەرمانگەی پەیوەندیدارەوە ڕێكدەخرێنەوە.
…..
لەدوای (٤٨) سەعاتی قەدەغەی تەواو، پێویستە هەموو هاووڵاتییەك لەكاتی هاتنە دەرەوەو مامەڵەی ڕۆژانەدا، دەستكێش‌و ماسك بەكاربهێنێت‌و پابەندی ڕێنماییە تەندروستی‌و كارگێڕی‌و ئارامییەكان بێت.
….
٨-ئاڵوگۆڕی بازرگانی‌و كاركردن لە كەرتەكانی كارەبا، پاڵاوگەكان، ئاو، پەیوەندییەكان، ئینتەرنێت، كۆكردنەوەی خۆڵ و خاشاك، بەپێی بڕیارو ڕێكارە دیاریكراوەكانی وەزارەتی ناوخۆو پارێزگای سلێمانی بەردەوام دەبێت، بەمەرجێك پابەندی ڕێنماییە تەندروستی‌و كارگێڕی‌و ئارامییەكان بن
….
لەدوای (٤٨) سەعاتی قەدەغەی تەواو، بانكە ئەهلییەكان بەهەمان پەیڕەوی ڕاگەیەندراوی پێشوو بەردەوام دەبن.
….
بازاڕی دراوی سلێمانی‌و هەر شوێنێكی تریش دادەخرێن تا ئەوكاتەی لەلایەن قائمقامیەتی قەزای مەڵبەندی سلێمانی‌و بەڕێوەبەرایەتی ئاسایش‌و ژوری بازرگانی و پیشەسازییەوە بەشێوەیەكی تەندروستی گونجاو ڕێكدەخرێنەوە.
….
لەدوای (٤٨) سەعاتی قەدەغەی تەواو، هەر خزمەتگوزاریی‌و ماركێت‌و بوارێك بكرێتەوە پێویستە بە پلەی یەكەم كار لەسەر پەیڕەوی دلیڤەری بكات‌و پابەندی ڕێنماییە تەندروستی‌و كارگێڕی‌و ئارامییەكان بێت.

د.هەڤاڵ ئەبوبەكر
پارێزگاری سلێمانی
سەرۆكی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا
٤/ ٤/ ٢٠٢٠

بەردەوام بە لە خوێندنەوە

کوردستان

مەسرور بارزانی هۆكاری بڕیاری ٤٨ كاتژمێرەكە ڕووندەكاتەوە


خەڵك – بەشی هەواڵ

مەسرور بارزانی سەرۆكی حكومەتی هەرێمی كوردستان لە جریوەیەكدا هۆكاری ڕاگەیاندنی ٤٨ كاتژمێر قەدەغەی هاتوچۆی تەواوەتی ڕوون دەكاتەوە.

مەسرور بارزانی سەرۆكی حكومەتی هەرێمی كوردستان لە هەژماری تایبەتی خۆی لە تۆڕی كۆمەڵایەتی تویتەر نووسیویەتی “ئەمڕۆ قەدەغەی هاتوچۆمان لە سەرتاسەری هەرێمی كوردستان بۆ ماوەی 48 كاتژمێر ڕاگەیاند، ئەمە ئاسان نییە، بەڵام بۆیە ئەم ڕێككارەمان گرتەبەر، چونكە ژمارەی حاڵەتەكانی توشبوون بە ڤایرۆسی كۆرۆنا و پێشێلكردنی ڕێكارەكانی قەدەغەی هاتوچۆ لەزیادبوون دابوو”.

مەسرور بارزانی لە ئاماژەیەكدا بۆ هاووڵاتیانی هەرێم ڕایگەیاندووە: “ئێمە لەم جەنگەدا پێكەوەین و پابەندبوونی ئێوەش زۆر گرنگە نابێت بەهیچ شێوەیەك لەماڵەكانتان بڕۆنە دەرەوە”.

سەرۆكی حكومەتی هەرێم نووسیویشیەتی: “ئەم جۆرە تەنگەژانە بۆ ئێمەی كوردستانیان نوێ نییە، قوربانیدانێكی كەم سەركەوتن بەدەست دەهێنین، بە بەیەكەوە كاركردن ژیانی خەڵك ڕزگار دەكەین، گەڕانەوەمان بۆ ژیانی ئاسایی ئاسانتر دەبیێت و جەنگەكەمان دژی ڤایرۆسی كۆرۆنا دەبەینەوە”.

 

بەردەوام بە لە خوێندنەوە

کوردستان

تەندروستی هەرێم بۆ كارمەندان و پزیشكان: هەمووتان دڵنیا دەكەینەوە بەوپەڕی ڕێزەوە مامەڵەتان لەگەڵ دەكرێت


خەڵك – بەشی هەواڵ

وەزارەتی تەندروستی هەرێم ڕایدەگەیەنێت: پزیشكان و كارمەندانی تەندروستی دڵنیا دەكەینەوە كە هەمیشە جێگای ڕێز و سوپاسكردنن و بەوپەڕی ڕێزەوە مامەڵەیان لەگەڵ دەكرێت لەكاتی جوڵە و هاتوچۆیان بۆ خزمەتی نەخۆش و ئەركەكانیان بۆ چالاكییەكانی بەرەنگاربونەوەی ڤایرۆسی كۆرۆنا.

وەزارەتی تەندروستی هەرێم لە ڕاگەیەنراوێكدا سوپاس و دەستخۆشی لە پزیشكان و كارمەندانی تەندروستی دەكات و ڕایدەگەیەنێت:”خزمەت و شەونخونی و ماندووبونی ئێوە هەمیشە جێگای ڕێز و پێزانین و سوپاسی بێپایانی حكومەتی هەرێم و تەواوی خەڵكی كوردستانە. ئەمڕۆ ئێوە لەسەنگەری پێشەوەی ڕووبەڕووبوونەوەی ڤایرۆسی كۆرۆنان كە هەڕەشە لەهەموو مڕۆڤایەتی دەكات لەجیهاندا، هەرێمی كوردستان لەئێستادا بەقورسی ڕووبەڕووی ئەو مەترسیە بۆتەوە و لەو پێناوەدا ڕێوشوێنەكانی قەدەغەی هاتوچۆ توندتركراوە بەمەبەستی پاراستنی ژیانی هاووڵاتیانی خۆشەویست، هەروەك دەركەوتووە بەهێزترین ڕێككار بۆ بەرەنگاربوونەوە و كۆنتڕۆڵكردنی نەخۆشییەكە ڕاگرتنی جوڵە و قەدەغەكردنی هاتوچۆیە.

وەزارەتی تەندروستی هەرێم ئاماژە بەوەشدەكات: پزیشكان و كارمەندانی تەندروستی دڵنیا دەكەینەوە كە هەمیشە جێگای ڕێز و سوپاسكردنن و بەوپەڕی ڕێزەوە مامەڵەیان لەگەڵ دەكرێت لەكاتی جوڵە و هاتوچۆیان بۆ خزمەتی نەخۆش و ئەركەكانیان بۆ چالاكییەكانی بەرەنگاربونەوەی ڤایرۆسی كۆرۆنا.

 

دەقی ڕاگەیەنراوەكە:

ڕاگەیەندراوی ژمارە 38

بۆ پزیشكان و كارمەندانی تەندروستی خۆشەویست . . .

خزمەت و شەونخونی و ماندووبونی ئێوە هەمیشە جێگای ڕێز و پێزانین و سوپاسی بێپایانی حكومەتی هەرێم و تەواوی خەڵكی كوردستانە. ئەمڕۆ ئێوە لەسەنگەری پێشەوەی ڕووبەڕوبونەوەی ڤایرۆسی كۆڕۆنان كە هەڕەشە لەهەموو مڕۆڤایەتی دەكات لەجیهاندا، هەرێمی كوردستان لەئێستادا بەقورسی ڕووبەڕوی ئەو مەترسیە بۆتەوە و لەو پێناوەدا ڕێوشوێنەكانی قەدەغەی هاتووچۆ توندتركراوە بەمەبەستی پاراستنی ژیانی هاوڵاتیانی خۆشەویست.
هەروەك دەركەوتووە بەهێزترین ڕێككار بۆ بەرەنگاربونەوە و كۆنتڕۆڵكردنی نەخۆشیەكە ڕاگرتنی جوڵە و قەدەغەكردنی هاتوچۆیە.

بەم بۆنەیەوە وێڕای دەستخۆشیمان، هەموو پزیشكان و كارمەندانی تەندروستی دڵنیا دەكەینەوە كە هەمیشە جێگای ڕێز و سوپاسكردنن و بەوپەڕی ڕێزەوە مامەڵەیان لەگەڵ دەكرێت لەكاتی جوڵە و هاتوچۆیان بۆ خزمەتی نەخۆش و ئەركەكانیان بۆ چاڵاكیەكانی بەرەنگاربونەوەی ڤایرۆسی كۆڕۆنا، هاوكات سوپاسی برایان و هاوكارانمان دەكەین لەهێزەكانی ناوەخۆ و پۆلیس و لایەنەكانی تر كە دڵسۆزانە بۆ ڕێكخستن و جێبەجێكردنی ڕێككارەكانی قەدەغەی هاتوچۆ لەهەرێمی كوردستان ئەركەكانیان بە هەماهەنگی زیاتر دەبێت بۆ سەركەوتن لەسەر قەیرانی نەخۆشی كۆڕۆنا.

وەزارەتی تەندروستی
4 نیسان 2020

بەردەوام بە لە خوێندنەوە

کوردستان