ئێمە لە تۆرە کۆمەڵایەتیەکان

کوردستان

گەورەترین هەوڵی بەقاچاغبردنی ماددەی هۆشبەر لە هەرێمەوە بۆ كەنەدا پوچەڵدەكرێتەوە

خەڵك- بەشی هەواڵ
بەڕێوەبەرایەتی گشتی نەهێشتنی ماددە هۆشبەرەكان لە هەرێمی كوردستان، پوچەڵكردنەوەی هەوڵی بەقاچاغبردنی زۆرترین ماددەی هۆشبەر لە هەرێم ڕادەگەیەنێت، كە بریتی بووە لە 10 كیلۆگرامی ماددەی هۆشبەر بۆ كەنەدا.

بەپێی ڕاگەیەنراوێك، كە لەلایەن بەڕێوەبەرایەتی گشتی نەهێشتنی ماددە هۆشبەرەكان لە هەرێمی كوردستان بڵاوكراوەتەوە، “لە دوو چالاكی جیادا، ئەفسەران و كارمەندانی بەڕێوەبەرایەتی نەهێشتنی ماددە هۆشبەرەكان، توانیان 9 كیلۆگرام و 900 گرامی ماددەی هۆشبەر لە جۆری (كریستاڵ) و 610 گرامی ماددەی تلیاك دەست بەسەردا بگرن، كە لە نێو ژمارەیەك سەریندا شاردرابوونەوە”.

هەر لە بەیاننامەكەدا هاتووە، “تۆمەتبارەكان بەنیازبوون ئەو ماددە هۆشبەرە لەڕێی كۆمپانیایەكی پۆستكردنەوە بەرەو كەنەدا بەقاچاخ ببەن”.

جەختیشی كردۆتەوە، لە دوای دەستگیركردنیشیان دانیان بە تاوانەكانیاندا ناوە و پەڕاوی لێكۆڵینەوەش بەپێی ماددەی (14)ی ماددە هۆشبەرەكان كراوەتەوە و تۆمەتبارانیش ڕادەستی دادوەری كراون.

کوردستان

نێچیرڤان بارزانی: ئامادەین یارمەتیدەربین بۆ دڵنیابوونەوە لە سەقامگیریی عیراق

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نیگەرانن لە هێرش و هەڕەشەی ئەم دواییەی سەر ئەركە دیپلۆماتییەكان و بنكەكانی هاوپەیمانیی نێودەوڵەتی، ئامادەشن هاوكاریی عیراق بكەن بۆ دابینكردنی ئاسایش و سەقامگیری.

نێچیرڤان بارزانی سەرۆكی هەرێمی كوردستان ئەمڕۆ 25ی ئەیلول لە جریوەیەكدا لە تۆڕی كۆمەڵایەتی تویتەر نووسیویەتی، پاڵپشتیی هەوڵی سەركردە عیراقییەكان دەكەن بۆ ڕێگریكردن لەو هێرشانە. ئامادەی هاوكارین بۆ دڵنیابوونەوە لە ئاسایش و سەقامگیریی لە وڵاتدا.

 

دەقی جریوەكەی نێچیرڤان بارزانی:

بە نیگەرانییەكی زۆرەوە چاودێریی دوایین هێرش و هەڕەشەكان دژی ئەركە دیپلۆماتییەكان و بنكە سەربازییەكانی هاوپەیمانیی نێودەوڵەتی دەكەین كە عیراقییەكان لە “تیرۆر” دەپارێزن. پاڵپشتی لە هەوڵی سەركردە عیراقییەكان بۆ ڕێگەگرتن لە هێرشی زیاتر دەكەین و ئامادەین یارمەتیدەربین بۆ دڵنیابوونەوە لە ئاسایش و سەقامگیری لە وڵاتدا.

 

بەردەوام بە لە خوێندنەوە

کوردستان

كۆیە.. كچێكی دەرچووی 12 ئامادەیی كۆتایی بە ژیانی خۆی هێنا

خەڵك – بەشی هەواڵ

لە شاری كۆیە كچێكی تەمەن 18 ساڵ كۆتایی بە ژیانی خۆی هێنا.

ئێوارەی ئەمڕۆ هەینی لە شاری كۆیە كچێك بەناوی (گ.ب.ج) تەمەن 18 ساڵ دەرچووی پۆلی 12ی ئامادەیی دانیشتووی گەڕەكی كەكۆن، بە چەكی جۆری كڵاشینكۆف كۆتایی بە ژیانی خۆی هێنا.

بەپێی زانیارییەكانی (تۆڕی میدیایی خەڵك)، هۆكاری خۆكوشتنی ئەو كچە دەگەڕێتەوە بۆ بەدەستهێنانی نمرەی كەم لە پۆلی 12ی ئامادەیی.

لە ئێستادا پۆلیس پەڕاوی لێكۆڵینەوەی بۆ ڕووداوەكە كردووەتەوە.

بەردەوام بە لە خوێندنەوە

کوردستان

تەقتەق.. گەنجێك بە تەزووی كارەبا گیانی لەدەستدا

خەڵك – بەشی هەواڵ

لە شارەدێی تەقتەق گەنجێك لەكاتی پاككردنەوەی حەوزی ماسیدا بەهۆی تەزووی كارەباوە گیانی لەدەستدا.

ئێوارەی ئەمڕۆ هەینی، گەنجێك بەناوی (م.أ) دەرچووی زانكۆ / بەشی یاسا، دانیشتووی شارەدێی تەقتەق لەكاتی پاككردنەوەی پڕۆژەی بەخێوكردنی ماسیدا تەزووی كارەبا لێیداوە و بەهۆیەوە گیانی لەدەستداوە.

لە ئێستادا تەرمی ناوبراو گەیەنراوەتەوە پزیشكی دادی كۆیە و لێكۆڵینەوەش لەڕووداوەكە دەستپێكردووە.

بەردەوام بە لە خوێندنەوە

کوردستان