ئێمە لە تۆرە کۆمەڵایەتیەکان

جیهانی

“مایسترۆ” بڕیاری کۆتایی داوە و بڕیارەکەش بە دڵی سەرۆکی ڕیاڵ مەدریدە !


خەڵک سپۆرت

کریستیان ئیریکسنی دانیمارکی ئەستێرەی هێڵی ناوەندی یانەی تۆتنهام بڕیاریداوە بۆندەکەی لەگەڵ یانەی تۆتنهام نوێ نەکاتەوە، سەرچاوەکانیش یانەی داهاتووی دیاری دەکەن.

ماڵپەڕی “کالچیۆ میریکاتۆ”ی ئیتاڵی لەزاری سەرچاوە ئینگلیزیەکانەوە ئاشکرای کردووە، کریستیان ئیریکسنی دانیمارکی مایسترۆی یانەی تۆتنهام چەندین هەوڵی ئیدارەی یانە لەندەنیەکەی بۆ نوێکردنەوەی گرێبەستەکەی پوچەڵ کردۆتەوە، ناوبراو ئامادەنەبووە لەژێر هیچ بارودۆخێکدا بۆندی نوێ ئیمزا بکات تەنانەت بە بەرزکردنەوەی موچەکەیی و پێدانی ئیمتیازاتی زیاتریش قایل نەبووە.

بەپێی سەرچاوەکە، ئیریکسن چەندین کۆبونەوەی نهێنی لەگەڵ نوێنەرانی یانەی ڕیاڵ مەدرید ئەنجامداوە و هاوینی ٢٠٢٠ بۆندەکەی لەگەڵ کەڵەشێرە ڕومیەکان کۆتایی دێت، لەدوای ئەو وادەیەش نرخی گواستنەوەی دەبێتە بێبەرامبەر و دەتوانێت پەیوەندی بەهەر یانەیەکی ترەوە بکات کە خۆی هەڵیدەبژێرێت، ئەو یانەیەش کە دیاری کردووە یانەی ڕیاڵ مەدریدی ئیسپانییە.

کالچیۆ میریکاتۆ جەختی لەوە کردۆتەوە، کە نوێنەرانی یانەی شاهانە بڕیاری موچەی بەرزتر و ئیمتیازاتی زیاتریان پێداوە، یەکێک لە بەڵێنەکانیان ئەوەبووە بۆ داهاتووی یانەکەیان وەک شوێنگرەوەی لوکا مۆدریچی کرواتی ئەستێرەی ناوداری کرواتیا مامەڵەی لەگەڵدا بکەن.

ئەستێرەکەی دانیمارک تەمەنی ٢٧ ساڵە و لە پێگەی ناوەندی هێرشبەری یاریی دەکات، هەمان ئەو پێگەیەی لوکا مۆدریچ تیایدا ناوبانگی دەرکردووە، بەپێی جموجۆڵانەی تائێستا لەنێوان جەمسەرەکاندا ئەنجامدراوە ئاشکرا دەبێت، کە مۆدریچ لە هاوینی ٢٠٢٠ ماڵئاوایی لە ڕیاڵ مەدرید دەکات و دانیمارکیەکەی تۆتنهام جێگەی دەگرێتەوە.

جیهانی

گاریس بەیڵ: شەیدای یاریی گۆڵفم


خەڵك
گاریس بەیڵی وێڵزیی و یاریزانی یانەی ریاڵ مەدرید، دەڵێت: هەندێك وا بیر دەكەنەوە كە ئێمە بۆ یاریكردن دروست بووین، ئەمە هەڵەیە، ئێمەش مرۆڤین و كاتمان بۆ نان خواردن و بەسەربردن و ئاهەنگ گێڕان دەوێت خۆ رۆبۆت نین.

رۆژنامەی ماركا، دیمانەیەكی لەگەڵ ئەستێرە وێڵزییەكە سازداوە و تیایدا بەیڵ وتوویەتی ” لەروانگەی هەندێكەوە رۆبۆتێك زیاتر هیچی كە نین، خەڵكانێ: هەن وا دەزانن كە تۆ تەنها بۆ یاریكردن دروست بوویت، دەیانەوێت بەو شێوەیەی كە خۆیان دەیانەوێت تۆ بژیت، ئێمەش دەبێت نان بخۆین و بچینە دەرەوە و كات و ساتی خۆش بەسەر بەرین “.

بەیڵ دەڵێت ” ژیانی تۆپی پێ ماوەیەكی كەمە، ناكرێت قوربانی بەژیانی خۆمان بدەین لە پێناو ئەو ماوە كەمەی لە تۆپی پێدا هەیە”.

گاریس بەیڵ ڕاشكاوانە دەڵێت ” شەیدای یاریی گۆڵفم، بەڵام هێشتا بیرم لەوە نەكردۆتەوە دوای وازهێنانم لە یاریی تۆپی پێ چی بكەم”.

بەردەوام بە لە خوێندنەوە

جیهانی

كریستیانۆ رۆناڵدۆ:  مێسی پێی وتم  بە ڕۆشتنت توشی كێشە بووم


خەڵك
كریستیانۆ رۆناڵدۆی پورتوگالی و ئەستێرەی یانەی یۆڤانتۆسی ئیتاڵی، دەڵێت، بەكاروانی وەرزشی مێسی سەرسامم و لە كاتی ڕۆشتنم لە ڕیاڵ مەدرید پێی وتم بە رۆشتنت تووشی كێشە دەبم چونكە، بوونت لە لالیگا ڕكابەری نێوانمانی بەهێزتر دەكرد.

رۆژنامەی میرەری بەریتانی بڵاویكردووەتەوە، كە كریستیانۆ ڕۆناڵدۆ، سەرسامە بەو كاروانە وەرزشییەی مێسی پێیدا تێپەڕیوە..

بەگویرەی ڕۆژنامەكە، ڕۆناڵدۆ ڕایگەیاندووە، جوانە ڕكابەریی هەبێت، هەموو كەسێكی دیار ڕكابەرێكی هەیە، من چیژم لە ڕكابەریی نێوان خۆم و مێسی وەردەگرت، هەمیشە هەوڵی زیاترم دەدات بۆ بردنەوە و چنینەوەی نازناوەكان.
كریس ئەوەشی وتووە: كاتێك خولی ئیسپانیم بەجێهێشت، مێسی پێی وتم بە ڕۆیشتنت توشی كێشە بووم، چونكە ڕكابەری نێوانمان بەهێزتری دەكردین.

بەردەوام بە لە خوێندنەوە

جیهانی

گواردیۆلا لە یەک حاڵەتدا دەگەڕێتەوە بۆ بەرشلۆنە


خەڵک سپۆرت

سەرۆکی پێشوی یانەی بەرشلۆنە بەشداری هەڵبژاردنەکانی سەرۆکایەتی یانەکە دەکاتەوە و بەڵێن دەدات هەوڵ بۆ گەڕاندنەوەی گواردیۆلا بدات.

خوان لاپۆرتای سەرۆکی سەردەمی زێڕینی یانەی بەرشلۆنە لە لەچاوپێکەوتنێکدا بە (تی ڤی ٣)ی ئیسپانیای ڕاگەیاندووە، ” کاردەکەم دووبارە بگەڕێمەوە، لە ساڵی ٢٠٢١ دۆخی بەرشلۆنە گونجاو دەبێت بۆ گەڕانەوە، بۆ ئەم مەبەستە لەگەڵ کەسانێک دەستم بەکارکردووە”.

لاپۆرتا دەڵێت، ” حەزدەکەم پیپ گواردیۆلا لە بەرشلۆنە ببینمەوە، ئەو بڕیارەش پێویستی بەڕەزامەندی ڕاهێنەرەکە هەیە، لەکاتی گونجاودا قسەی لەگەڵ دەکەم”.

بڕیارە لەهاوینی ٢٠٢١ هەڵبژاردنی سەرۆکایەتی بەرشلۆنە ئەنجامدەدرێت، لاپۆرتا بەڵێنیداوە لەگەڵ ستافێکی نوێ بەشداری پڕۆسەکە بکات.

لاپۆرتا لە ساڵی ٢٠٠٣ بۆ ٢٠١٠ سەرۆکی یانە کەتەلۆنیەکە بووە و لەسەردەمی ئەودا حەوت ساڵی مێژووییان بەڕێکرد.

ساڵی ٢٠٠٨ پیپ گواردیۆلای وەک ڕاهێنەر گەڕاندەوە بۆ یانەکە و توانیان بەیەکەوە سێ نازناوی لالیگا و دوو نازناوی چامپیۆنزلیگ بەدەستبهێنن.

بەردەوام بە لە خوێندنەوە

کوردستان