ئێمە لە تۆرە کۆمەڵایەتیەکان

ئابوری

مالكی بە بڕینی مووچە شەڕی دەسەڵاتدارانی هەرێم دەكات


خەڵك- بەشی هەواڵ

ئەندامێكی پەرلەمانی عیراق لە فراكسیۆنی دەوڵەتی یاسا كە لەلایەن نوری مالكییەوە سەرۆكایەتی دەكرێت ڕایگەیاند، هەرێمی كوردستان هیچ كاتێك پابەندنەبووە بە ناردنی نەوت و داهاتەوە بۆ بەغدا و باشترین فشارێك بۆ سەری “ڕاگرتنی مووچەی فەرمانبەرانە”.

مەنسور بعێجی، لە ڕاگەیەنراوێكدا ئەمڕۆ دووشەممە ئاماژەی بەوەكردووە، لە دوای ڕوخانی ڕژێمی پێشووی عیراقەوە، هەرێمی كوردستان پابەندنەبووە بە ناردنی داهاتی ناوخۆوە بۆ بەغدا، كە لە دەستوردا بە ڕوونی ئاماژەی بۆ كراوە، بۆیە مافی ئەوەی نییە داوای داهاتی پارێزگاكانی دیكەی عیراق بكات.

ناوبراو ئاماژەی بەوەكردووە، گونجاوترین كارتی فشار بۆ سەر هەرێم ڕاگرتنی مووچەی فەرمانبەرانی هەرێم، تا ئەو كاتەی حكومەتی هەرێم مل بۆ داواكارییەكانی بەغدا دەدات.

ڕۆژی 2ی كانوونی یەكەمی 2014، حكومەتی هەرێم و بەغدا لەسەر نەوت و مووچە ڕێككەوتن، بەڵام دواتر هەرێم پابەندی ڕێككەوتنەكە نەبوو، بۆیە بەغدا مووچەی فەرمانبەرانی ڕاگرت.

ڕۆژی 21ی حوزەیرانی 2015، هەرێمی كوردستان بە فەڕمی ئابوری سەربەخۆ و ناردنی نەوتی بە سەربەخۆی ڕاگەیاند و وەزیری سامانە سروشتییەكان ڕایگەیاند، دەتوانن كێشەی مووچە چارەسەر بكەن.

ئابوری

نرخی نەوت بەرز بووەوە


خەڵك-بەشی هەواڵ

نرخی نەوت بۆ ئەمڕۆ سێشەممە 7-4-2020 لە بازاڕەكانی جیهان بەراورد بە ڕۆژانی ڕابردوو بەرزبونەوەی بەخۆیەوە تۆمار كردووە.

میدیاكانی جیهان بڵاویانكردەوە، نرخی بەرمیلێك نەوتی خاوی برێنت بە 34 دۆلار و 6 سەنت مامەڵەی پێوە كراوە و بەرمیلێك نەوتی خاوی ئەمریكیش بە 27 دۆلار و 3سەنت مامەڵەی پێوە كراوە.

بەهۆی بڵاوبوونەوەی ڤایرۆسی كۆرۆنا لە جیهاندا، دابەزینی بەرهەمهێنان و داخستنی زۆرێك لە پیشەسازییەكان و هاتوچۆ لە جیهاندا، بەكارهێنانی نەوت كەم بووەتەوە، ئەمەش وایكردووە نرخی نەوت دابەزێت.

بەردەوام بە لە خوێندنەوە

ئابوری

خانەنشینی سەربازی و دوو وەزارەت مووچە وەردەگرن


خەڵك-بەشی هەواڵ

ئەمڕۆ دوو شەممە دابەشكردنی مووچە بەردەوام دەبێت و بەپێی خشتەكەی وەزارەتی دارایی و ئابووری حكومەتی هەرێمی كوردستان مووچەی مانگی 12ی ساڵی ڕابردووی وەزارەتێك و خانەنشینی سەربازی دابەش دەكرێت.

بەپێی خشتەكەی وەزارەتی دارایی، ئەمڕۆ دوو شەممە 6ی نیسانی 2020، مووچەی وەزارەتی شارەوانی و گەشتوگوزار دابەش دەكرێت و هاوكات ئەمڕۆ دوو شەممە و سبەینێ سێ شەممە 7ی نیسان، مووچەی خانەنشینی سەربازی دابەش دەكرێت.
هەر بەپێی خشتەكە، سبەینێ سێ شەممە مووچەی وەزارەتی كارەباش دابەش دەكرێت.

ئەمەش لەكاتێكدایە، زیاتر لە سێ مانگە بەسەردابەشكردنی مووچەی مانگی 12 تێپەڕ دەبێت و تاكو ئێستاش هیچ ڕوئیایەك نییە بۆ دابەشكردنی مووچەی مانگی 1ی ئەمساڵ.

بەردەوام بە لە خوێندنەوە

ئابوری

بەڕێوەبەرایەتییەكی سلێمانی شێوازی دابەشكردنی مووچە بڵاودەكاتەوە


خەڵك- بەشی هەواڵ
بەڕێوەبەرایەتی باخچەكانی سلێمانی سەر بە وەزارەتی شارەوانی، شێوازی دابەشكردنی مووچەی فەرمانبەران ڕێكدەخات بەجۆرێك قەرەباڵغی دروست نەبێت و ڕێكارەكانی خۆپارێزیش بگیرێنەبەر.

بەڕێوەبەرایەتی باخچەكانی سلێمانی لە ڕاگەیەنراوێكدا ئاماژەی بەوەكردووە، لەبەرئەوەی سبەینێ دوو شەممە 6-4-2020 مووچەی بەرێوەبەرایەتی باخچەكان دابەش دەكرێت تكایە ڕەچاوی ئەم خاڵانە بكەن:

1- سەرجەم لێپرسراوی ھۆبە كشتوكاڵیەكان لە بەرێوەبەرایەتی ئامادەبن بۆ وەرگرتنی مووچەی كارمەندی ھۆبەكەیان.

2- ھەر ھۆبەیەكی كشتوكاڵی بەرپرس دەبێت لە دابەشكردنی مووچەی كارمەندەكانی بەشێوەیەك، كە نەبێتە ھۆی كۆمەڵبونێكی زۆر .

3- فەرمانبەر و كارمەندی بەرێوەبەرایەتی واباشترە لە كاتی ھاتنی بۆ مووچە ھەوییەی بەڕێوەبەرایەتی یان باجی باخچەكان و شارەوانی پێبێت بۆ ئەوەی زۆر كێشەی بۆ دروست نەبێت لە كاتی ھاتووچۆدا.

4- كارمەندان و فەرمانبەرانی ھۆبە كشتوكاڵیەكان لە ھۆبەكانی خۆیان مووچە وەردەگرن پەیڕەوی ڕێنمایەكانی سەلامەتی تەندروستی بكەن بە بەستنی دەمامك و لەدەستكردنی دەستكێش .

5- ئەو كارمەندانەی لەناو ئیدارەی بەڕێوەبەرایەتی باخچەكان مووچە وەردەگرن پەیڕەوی ڕێنماییەكانی سەلامەتی تەندروستی بكەن بە بەستنی دەمامك و لەدەستكردنی دەستكێش.

بەردەوام بە لە خوێندنەوە

کوردستان