ئێمە لە تۆرە کۆمەڵایەتیەکان

ئابوری

كتێب بۆ قوتابییان دابین ناكرێت

خەڵك – بەشی هەواڵ

بەڕێوەبەرایەتی پەروەردەی سلێمانی بانگەشەی ئەوەدەكات، كە كتێبی پێویست بۆ قوتابخانەكانی سلێمانی دابیندەكەن، بەڵام نزیكی دە ڕۆژە قوتابخانە كراوەتەوە، بەڵام هێشتا هەندێك كتێب بۆ قوتابخانەكان دابیننەكراوە و قوتابییانیش ناچارن لەدەرەوە هەندێك كتێب بكڕن.

لەبەدواداچوونێكی مەیدانی (خەڵك)دا، كە سەردانی كتێب فرۆشەكانی سەرای سلێمانیمان كرد، دەركەوت بەشێك لەبەخێوكارانی قوتابییان لای كتێب فرۆشەكان، خەریكی كتێب كڕین بوون، یەكێك لەو بەخێوكەرانە لەوتووێژێكماندا لەگەڵی ڕایگەیاند، ناچارە كتێب بۆ منداڵەكانی بكڕێت.

ئەو بەخێوكارە ڕایگەیاند، قوتابخانەی منداڵەكانی، هەموو كتێبەكانیان وەرنەگرتووە و مامۆستاكانیشیان دەستیان بەوانە خوێندن كردووە، بۆیە ناچارە كتێب بۆ منداڵەكانی بكڕێت، چونكە لەخوێندن دوادەكەون و لەتاقیكردنەوەش دەرناچن.

یەكێك لەكتێب فرۆشەكانی سەرای سلێمانی، كتێب و مەلزەمەش دەفرۆشێت، لەوتووێژێكیدا لەگەڵ پەیامنێری (خەڵك) ڕایگەیاند، لەو كاتەوەی دەوامی قوتابخانەكان كراونەتەوە فرۆشی كتێب زیادیكردووە و هەموو جۆرە كتێبێك دەفرۆشن.

ئەوەشی خستەڕوو، ئەگەر حكومەت بڵێت فرۆشتنی كتێب لەبازاڕ قەدەغەیە، كەواتە پێویستە خۆی كتێب لەقوتابخانەكان دابینبكات، ئەو كاتە لەبازاڕ قەدەغەی بكات.

ئەمە لەكاتێكدایە پێشتر بەڕێوەبەری كۆگاكانی بەڕێوەبەرایەتی پەروەردەی سلێمانی نوعمان عوسمان لەلێدوانێكیدا بۆ (خەڵك) داوا لە بەخێوكارانی خوێندكاران دەكات، بەهیچ شێوەیەك كتێب لەبازاڕ نەكڕن، چونكە هەموو كتێبێك دەگاتە قوتابخانەكان، بەڵام ڕەنگە كەمێك دوابكەوێت.

ساڵانە لەگەڵ دەستپێكی دەوامی قوتابخانەكاندا كتێب بەسەر خوێندكاراندا دابەشدەكرێت، بەڵام لەهەندێك قوتابخانە كەم و كوڕی لەڕێژەی كتێبەكان هەیە، بۆیە بەخێوكارانی قوتابییان ناچارن لەبازاڕ كتێب بۆ قوتابییەكەیان بكڕن.

ئابوری

مەسرور بارزانی: دەستكەوتی بەرچاو بەدیهاتوون

خەڵك- بەشی هەواڵ
سەرۆك وەزیرانی هەرێمی كوردستان بەبۆنەی تێپەڕبوونی 100 ڕۆژ بەسەر دەستبەكاربوونی حكومەتی هەرێمەوە ڕایدەگەیەنێت، كە دەستكەوتی بەرچاوومان بەدەستهێناوە و دەشڵێت: “50%ی داهاتی ناوخۆ لەڕێگەی ڕێكخستنەوەی باج زیاد دەكەین”.

مەسرور بارزانی، سەرۆك وەزیرانی هەرێم لە وتارەكەیدا ئاماژەی بەوەكرد، كە ڕێكاری توندمان گرتۆتە بەر بەرامبەر ئەوانەی بۆ ڕاپەڕاندنی كارەكان لە دامودەزگا حكومیەكان بەرتیل وەردەگرن و چەندین كارمەند و خاوەن كارمان لەكار لاداوە.

ڕاشیگەیاند، كە قۆناغی باشمان بڕیوە و دەستكەوتی باش بەدیهاتوون و بە پشتیوانی خوا و هاووڵاتیان بەردەوام دەبین و چاوپۆشی لە گەندەڵكاران ناكەین.

ئاشكراشی كرد، كە دوای پێداچوونەوەیەكی ورد بە پڕۆژەی چاكسازی لە ئێستادا ئامادە بووە و ڕەوانەی پەڕلەمانی دەكەین بۆ پەسەند كردنی.

سەرۆك وەزیرانی هەرێم وتیشی، “تا كۆتایی ساڵ 50%ی داهاتی ناوخۆ زیاد دەكەین ئەوەش لەڕێگەی ڕێكخستنەوەی سیستمی باج و ناهێڵین كۆمپانیاكان لە پێدانی باج خۆیان بدزنەوە”.

جەختیشی، “ئێستا داوامی فەرمانبەران باشتر بووە و دەوامی ڕێكوپێك دەكەن و كاردانەوەی هاووڵاتیانمان بەدەست دەگاتەوە، كە خۆشحاڵن كاروبارەكانیان خێرا ڕایی دەكرێت”.

سەبارەت بە پەیوەندیەكانی هەولێر و بەغدا، مەسرور بارزانی ئاماژەی بەوەكرد، كە پەیوەندییەكان بەرەو باشتر چوون و دوای دەستبەكاربوونمان ڕاستەوخۆ بۆ دەربڕینی نازپاكی چووینە بەغدا و دەمانەوێت ڕێككەوتنی گشتگیر بكەین و خۆشحاڵانە لەسەر چوار تەوەر لەگەڵ بەغدا گفتوگۆ دەكەین، كە بودجە و دەسەڵاتەكانی هەرێم و ناوچە دابڕێنراوەكان و هێزی پێشمەرگەیە.

جەختیشی كردەوە، كە هەوڵەكانمان بەردەوامە بۆ ئەوەی بودجەی هەرێم دابین بكرێت تاوەكو مووچەی فەرمانبەران كێشەی نەبێت و جارێكی دیكە تووشی كێشەی پاشەكەوتی مووچە نەبینەوە.

داواشی لە حزب و لایەنەكان كرد، “ئەم حكومەتە هی هەمووانە و لە كارە چاكەكان هاوكارمان بن و خاڵە خراپ و كەموكوڕەكانمان بۆ دیاری بكەن” و جەختیشی كردەوە، كە لەم دۆخە نالەبارەی ناوچەكە پێویستمان بە یەكگرتوویی و هەماهەنگی زیاترە.

دەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان،

‎‏‎كوردی / Kurdi Latini / عربي / Türkçeدەقی وتارێکمان بەبۆنەی تێپەڕبوونی 100 رۆژ کارکردنی کابینەی نۆیەمی حکومەتی ھەرێمی کوردستان، کە تێیدا رۆشنایمان خستە سەر ئەو پێشکەوتنانەی تا ئێستا بەدیھاتوون و ھەنگاوەکانی داھاتوو بەرەو کوردستانێکی بەھێزتر.___Naveroka gotareke me ya bi minasebeta derbasbûna 100 roj kar kirina kabîneya nû ya hikûmeta herêma Kurdistanê, ku têde me balkêşandiye ser ev pêşkeftinên ku niha hatine bidestxistin û pêngavên dahatî yên ber bi Kurdistaneke bihêztir ve.___نص الخطاب الذي ألقيناه بمناسبة مرور ١٠٠ يوم من عمل التشكيلة الوزارية التاسعة لحكومة إقليم كوردستان والتي سلطنا الضوء خلالها على الإنجازات التي تحققت خلال الفترة الماضية والخطوات المرتقبة نحو كوردستان اكثر قوة.___Kürdistan Bölgesi’nin yeni hükümet kabinesinin 100’üncü günü münasebetiyle yaptığımız sunumda, güçlü bir Kürdistan için bugüne kadarki gelişmeler ve gelecekteki atılımlara vurgu yaptık.

Posted by Masrour Barzani on Saturday, December 7, 2019

بەردەوام بە لە خوێندنەوە

ئابوری

بەفر باری و خەڵك هەر چاوەڕێی بەڵێنەكەی حكومەتە بۆ پێدانی نەوت

خەڵك- بەشی هەواڵ
ماوەی 3 مانگ تێدەپەڕی بەسەر بەڵێنەكەی حكومەتی هەرێمی كوردستان بۆ دابەشكردنی نەوتی سپی بەسەر هاووڵاتیاندا، بەڵام تائێستا جێبەجێ‌ نەكراوە و تەنها ڕۆژانە چەند بڕێكی كەم لە عیراقەوە دەگاتەوە شارەكانی هەرێم و بە پارە بەسەر هاووڵاتیاندا دابەش دەكرێت.

لە 4-9-2019دا ئەنجوومەنی وەزیرانی هەرێمی كوردستان كۆبووەوە و بڕیاریدا “پێش هاتنی وەرزی زستان نەوتی سپی بەسەر هاووڵاتیانی هەرێمی كوردستان دابەش بكرێت”، بەڵام 3 مانگ بەسەر ئەو كۆبوونەوەیە و بەڵێنەی حكومەت تێپەڕیوە و تا ئێستا هاووڵاتیانی هەرێم هەر چاوەڕێی وەرگرتنی نەوت-ن.

دابەشكردنی نەوت بەسەر هاووڵاتیاندا سەرەڕای ئەوەی كێشەی گەورەی بۆ هاووڵاتیان دروست كردووە لە نەبوونی سەرچاوەی گەرم كردنەوە لە وەرزی سەرمادا، كە دوو ڕۆژە بەفرێكی زۆر باریوە لە زۆربەی ناوچەكانی هەرێم، هاوكات كێشەی بۆ كارەبا و ژینگەش دروست كردووە، چونكە لە چەند ڕۆژی ڕابردوودا وەزارەتی كارەبای هەرێم ئاماژەی بەوەكرد، كە پێدانی كارەبا بە هاووڵاتیان كەمبۆتەوە بەهۆی خواستی زۆر لەسەر كارەبا، كە هاووڵاتیان بۆ گەرم كردنەوە بەكاری دەهێنن.

لای خۆشیەوە، هێمن كەمەرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی سلێمانی بە(خەڵك)ی ڕاگەیاند، لەئێستادا، كە وەرزی سەرما‌وسۆڵەیە لەناوچە سنوورییەكان و دوورە دەستەكان ڕۆژانە هاووڵاتیان دەستگیر دەكەن، كە داری دارستانەكان دەبڕنەوە بەبیانووی خۆگەرم كردنەوە.

(خەڵك) بۆ زانیاری زیاتر پەیوەندی بە جوتیار عادل، وتەبێژی حكومەتی هەرێمەوە كرد، بەڵام وەڵامی پەیوەندییەكەی نەدایەوە.

بەردەوام بە لە خوێندنەوە

ئابوری

دواین مووچەی فەرمانبەران لەمساڵدا دابەش دەكرێت

خەڵك- بەشی هەواڵ
لەم مانگی 12یەدا، كە دوایین مانگی ساڵی دارایی 2019یە، دوایین مووچەی ئەمساڵی فەرمانبەران دابەش دەكرێت و تا ئێستاش حكومەتی هەرێم هیچ بڕیارێكی لە چارەنووسی مووچەی مانگەكانی (10 و 11 و 12) نەداوە.

سەرچاوەیەك لە وەزارەتی دارایی و ئابووری هەرێم بۆ (خەڵك) ڕایگەیاند، كە سبەینێ‌ یەك شەممە 8-12-2019 دابەشكردنی مووچەی مانگی 9ی فەرمانبەران دەستپێدەكات و سەرەتاش مووچەی وەزارەتی پێشمەرگە و لیواكان خەرج دەكرێت.

ڕاشیگەیاند، ڕۆژی دوو شەممە مووچەی هێزەكانی 70 و 80ی پێشمەرگە و سێ‌ شەممە مووچەی وەزارەتی پەروەردە دابەش دەكرێت.

ئاشكراشی كرد، كە ڕۆژانی چوار شەممە و پێنج شەممە، مووچەی هەردوو وەزارەتی دارایی و تەندروستی دابەش دەكرێت.

پێشتر وتەبێژی وەزارەتی دارایی و ئابووری هەرێم لەلێدوانێكدا ڕایگەیاندبوو، كە بە 3 مووچەی ئەمساڵەوە حكومەتی هەرێم مووچەی 12 مانگی تەواوی فەرمانبەران قەرزدارە و ڕۆژی پێنج شەممەش ئاوات جەناب، وەزیری دارایی لە كۆنگرەیەكی ڕۆژنامەوانیدا وتی، “حكومەتی هەرێم 8 مووچەی تەواوی فەرمانبەران و 12 مووچەی خانەنشینان قەرزدارە”.

بەردەوام بە لە خوێندنەوە

کوردستان