ئێمە لە تۆرە کۆمەڵایەتیەکان

جیهان

شازادەی سعودیە داوای ڕاگرتنی شەڕی یەمەن دەكات

خەڵك-بەشی هەواڵ

شازادەی سعودیە ڕایدەگەیەنێت، پێویستە دۆناڵد تڕەمپ لەگەڵ حەسەن ڕۆحانی گفتوگۆ بكات بۆ چارەسەركردنی كێشەكانیان.

محەمەد بن سەلمان شازادەی سعودیە لە دیمانەیەكیدا لەگەڵ كەناڵی (CBS) ڕایگەیاند، ئەگەر جیهان هەنگاوێكی بەهێز نەنێت بۆ وەستاندنی ئێران، هۆشداری ئەوە دەدەین جیهان ڕووبەڕووی مەترسییەكی گەورە دەبێتەوە.

وتیشی”باشترین ڕێگای بۆ چارەسەركردنی كێشەكان ڕێگای سیاسییە”.
ئاشكراشیكرد، هەر جۆرە جەنگێك لەنێوان سعودیە و ئێران دەبێتە هۆكاری وێرانبوونی ئابووری جیهانی.

شازادەی سعودیە ڕاشیگەیاند، پێویستە دۆناڵد تڕەمپ سەرۆك كۆماری ئەمریكا لەگەڵ حەسەن ڕۆحانی سەرۆك كۆماری ئێران گفتوگۆكیانیان دەست پێبكەن لە چوارچێوەی مامەڵەیەكی نوێ، چونكە ئەوە هەمان ئەو بابەتەیە كە تڕەمپ دەیەوێت و هەمووشمان كاری بۆ دەكەین، بەڵام ئێرانییەكان كەسانێكن نایانەوێت لەسەر میزی گفتوگۆ دابنیشن.

سەبارەت بە بارودۆخی یەمەن ناوبراو ڕایگەیاند، ڕێگای سیاسی ئاسانترین ڕێگایە بۆ چارەسەركردنی پرسی یەمەن، هەڵبەت ئەگەر ئێران دەستوەرنەداتە كاروباری حوسییەكان.
ئاشكراشیكرد، ئێمە خوازیاری كۆتاییهێنانین بە شەڕ لەگەڵ یەمەن و هەر ڕۆژێكیش بێت ئەم كارە ئەنجام دەدەین و هەوڵ دەدەین ئەم گفتوگۆیانە بە كردەیی ئەنجام بدەین.

جیهان

توركیا 11 داعشی ڕەوانەی فەڕەنسا كردەوە

لوقمان غەفوور

دوای ڕێكەوتنەكەی لوتكەی ناتۆ لەنێوان توركیا و فەڕەنسا و ئەڵمانیا و بەریتانیا، ئەمڕۆ 9ی دیسێمبەر، فەڕەنسا 11 داعش-ی وڵاتەكەی لە توركیا وەرگرتەوە.

لەچوارچێوەی ئەو ڕێككەوتنەی كە وڵاتانی ناتۆ لەگەڵ هاوتا ناتۆییەكەیان (توركیا) كردوویانە لە لوتكەی ناتۆ كە ڕۆژانی 3 و 4ی دیسێمبەر لە بەریتانیا، ڕێكخرا. توركیا 11 داعشی بەڕەگەز فەڕەنسی گەڕاندەوە بۆ وڵاتەكەی خۆیان كە بەشێكە لەو ڕێككەوتنەی نێوانیان بۆ گەڕاندنەوەی تیرۆریستان بۆ وڵاتەكەیان.

توركیا لە پڕۆسەی داگیركردنی باكووری سوریا لە سەرەتای ئۆكتۆبەر و هێرشكردنە سەر ڕۆژئاوای كوردستان، زیاتر لە 250 ژن و پیاوی چەكداری داعش-ی كەوتە دەست، لە چەند ڕۆژی ڕابردووەوە بەپێی ڕێككەوتنێك لەنێوان وڵاتانی ناتۆ دەستكراوە بەگێڕانەوەیان و لەو چوارچێوەیەدا ڕۆژی 4ی دیسێمبەر، لیزا سمیس، كارمەندی وەزارەتی بەرگری ئێرلەندا لەناو ڕیزەكانی داعش، دوای دەستبەسەربوونی لە توركیا، گەیەندرایە دادگای تاوانەكان لە دبلن، تا بە تۆمەتی تاوانی هەڵاتن لە سەربازیی و خیانەتی نیشتمانی لە ئۆكتۆبەری ٢٠١٥ – دیسێمبەری ٢٠١٩، دادگایی بكرێت.

هەرچەندە ئاژانسەكانی فەڕەنسا داوای لێدوانی فەڕمی لە وەزارەتی ناوخۆی فەڕەنسا دەكەن، بەڵام وەزارەتەكە هەموو لێدوانێك ڕەتدەكاتەوە، بەڵام سەرچاوەیەكی دیپلۆماتی دەڵێت:”11 تیرۆریستەكە، چوار ژن و 7 منداڵن”.

ئەنقەرە نیگەرانە لە پڕۆسەكە و داوادەكات پەلەبكرێت لە وەرگرتنەوەی هەموو ئەو داعشانەی لە ئەوروپاوە هاتوون بۆ ڕۆژهەڵاتی ناوەڕاست بۆ شەڕكردن لەناو ڕیزەكانی ڕێكخراوی داعش و ئێستا دەستبەسەرن لەوڵاتەكەی.

سلێمان سۆیلۆ وەزیری ناوخۆی توركیا بۆ ڕۆیتەرز وتویەتی، كە توركیا هەموو ئەو داعشانە دەگێڕێتەوە بەر لەهاتنی 2020.

جێی ئاماژەیە پاریس ڕێككەوتنێكی كۆنی لەگەڵ توركیا هەیە كە بۆ 5 ساڵ لەمەوبەر دەگەڕێتەوە كە هەر كەسێكی فەڕەنسی هەڵاتوو لە وڵاتەكەی دەستبەسەربێت، دەگێڕێتەوە بۆ فەڕەنسا. تا ئێستا لەم چوارچێوەیەدا 300 هاووڵاتی فەڕەنسی گەڕێندراوەتەوە بۆ فەڕەنسا. بەڵام سەبارەت بە گەڕانەوەی داعش-ە دەستبەسەركانی لای توركیا، فەڕەنسا ئامادەنەبوو بیانگێڕێتەوە تا دواجار ڕێككەوتنێك لە لوتكە كرا بۆ گەڕانەوەیان، بەڵام تائێستا نەزانراوە ئەوروپا و توركیا لەبەرامبەر چی ئەمە دەكەن!

هەروەها ڕۆژنامەی زە نیویۆرك تایمز لە چاپی ئەمڕۆدا، ئەوەی ئاشكراكردووە كە تا 17 نۆڤێمبەر-یش، توركیا بڕیاری داوە 18 تۆمەتباری داعش بگێڕێتەوە ئەڵمانیا و دوێنێ 8 دیسێمبەر، كەسێكی سەر بە ڕێكخراوی داعش-ی بەڕەگەز ئوسترالی گێڕایەوە بۆ وڵاتەكەی.

ڕۆژنامەی ستار سترێب-ی ئەمریكی-ش لەژمارەی ئەمڕۆدا نووسیویەتی:”توركیا 60 دەستبەسەركراوی داعشی ئامادەكردووە لەماوەی 5 ڕۆژی داهاتوودا بیگێڕیتەوە بۆ ئەڵمانیا و هۆڵەندا و دانیمارك و بەریتانیا و ئەمریكا”، دەشڵێت:”لە پەراوێزی ناتۆ-دا و لە دانیشتنێكی نا فەڕمیدا سەرۆك دۆناڵد ترەمپ ڕازی بووە كە ئەو سێ كەسە داعشە وەرگرێتەوە كە هەڵگری ڕەگەزنامەی ئەمریكین و لە ئەمریكا دادگایی بكرێن”.

بەردەوام بە لە خوێندنەوە

جیهان

ئیدارەی خۆسەریی: دەستووری داهاتووی سوریا بەر لەوەی لە دایكبێت مردووە

خەڵك – بەشی هەواڵ

ئیدارەی خۆسەریی باكوور و ڕۆژهەڵاتی سوریا ڕایدەگەیەنێت، پابەندی ئەو دەستوورە نابن كە لە ئێستادا و بە بێ بەشداری نوێنەرانی ئەوان لە جنێڤ ئامادەكاری بۆ نووسینەوەی دەكرێت.

ئیدارەی خۆسەریی باكوور و ڕۆژهەڵاتی سوریا لە ڕاگەیەنراوێكدا بە ئاماژەدان بە بەردەوامی پەراوێزخستنیان لە كارەكانی نووسینەوەی دەستووری داهاتووی سوریا كە لە جنێڤ بە بەشداری بەشێك لە نوێنەرانی ئۆپۆزسیۆن و نوێنەرانی حكومەتی دیمەشق بەڕێوەدەچێت، ڕایگەیاندووە، ئەو دەستوورە بەر لەوەی لە دایكبێت مردووە، چونكە دەستوورێكی جیاكارانەیە و بەشێكی سەرەكی لە پێكهاتەكانی باكوور و ڕۆژهەڵاتی سوریا نادیدەگیراون.

ئیدارەی خۆسەریی باكوور و ڕۆژهەڵاتی سوریا ئەوەشیخستووەتەڕوو، پەراوێزخستنی پێكهاتەكانی باكوور و ڕۆژهەڵاتی سوریا لە كاتێكدایە نوێنەرانی گروپە توندڕەوەكان و كەسانی سەر بە داعش و بەرەی نوسڕە لە ئامادەكردنی دەستووردار بەشداریان پێكراوە.

ئیدارەی خۆسەریی باكوور و ڕۆژهەڵاتی سوریا جەختی لەوەشكردووەتەوە، پابەندی دەستوورێكی لەو جۆرە و بڕیاری هیچ كۆبوونەوەیەك نابن كە تیایدا بەشدار نەبن و ڕاشیگەیاندووە، بەردەوام دەبن لە هەوڵەكانیان لە پێناوە بونیاتنانی سوریایەكی یەكگرتووی، فرەیی و ناناوەندی (اللامركزی).

بەردەوام بە لە خوێندنەوە

جیهان

ئێران: ئامادەین دیل بەدیلی تەواوەتی لەگەڵ ئەمریكادا بكەین

خەڵك- بەشی هەواڵ
وەزیری دەرەوەی ئێران ڕایدەگەیەنێت، وڵاتەكەی ئامادەیی تەواوی هەیە، دیل بەدیلی هەمەلایەن و گشتی لەگەڵ ئەریكادا بكات، ئەم لێدوانەش دوای پڕۆسەی ئاڵوگۆڕپێكردنی دوو زیندانی نێوان هەردوو وڵات بوو لە 7ی ئەم مانگەدا.

محەمەد جەواد زەریف، وەزیری دەرەوەی ئێران لە تویتێكیدا لەسەر تۆڕی كۆمەڵایەتی (تویتەر) ڕاگەیاندووە، “دوای گێڕانەوەی دوو دەستبەسەر لەم هەفتەیەدا، ئامادەیی تەواوییان هەیە ئاڵوگۆڕی هەمەلایەنەی زیندانییەكان لەگەڵ ئەمریكادا بكەن”.

بە وتەی جەواد زەریف، “تۆپەكە لەئێستادا لە یاریگای ویلایەتە یەكگرتووەكاندایە”.

لە 7ی ئەم مانگەدا ئێران و ئەمریكا دوو دیلییان ئاڵوگۆڕكرد، ئەم هەنگاوەش بە هەڵوێستێكی ئەرێنی لێكدانەوەی بۆكرا، بەو پێیەی لەدوای پاشەكشەكردنی ئەمریكا لە ڕێككەوتنی ئەتۆمی لە مانگی ئایاری 2018 و سەپاندنەوەی سزاكان بەسەر ئێراندا، پەیوەندییەكان لەنێوان تاران و واشنتندا، تا دێن ڕوو لە ئاڵۆزبوون دەكەن.

بەردەوام بە لە خوێندنەوە

کوردستان