ئێمە لە تۆرە کۆمەڵایەتیەکان

ئابوری

ئاگرێك لە ناوچەیەكی گەشتیاری سلێمانی كەوتەوە

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە ئاگرێكی فراوان لە سنوری چەمی ڕەزان كەوتەوە و زیانێكی زۆری لە پووش و پاوانی ناوچەكە دا و دەشڵێت: “دوو هاووڵاتی لە سنووری سەیدصادق لەسەر ڕاوكردن دەستگیر كران”.

عەمیدی پۆلیس هێمن كمرخان ئەفندی، بەڕێوەبەری هۆبەی ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، ئاگرێكی فراوان لە سنوری چەمی ڕەزان كەوتەوە و بەهۆی بەهێزی تەوژمی (با) ئاگرەكە تەشەنەی كرد بۆ گوندەكانی (گەورەدێ، كەڵەشێرە)، دوای گەیشتنی هەواڵەكە دەستبەجێ مەفرەزەیەكی بنكەی پۆلیسی دارستانی پیرەمەگروون گەیشتە شوێنی ئاگرەكە و بەهاوكاری بنكەكانی (ئاگركوژێنەوەی پیرەمەگروون، ئاگركوژێنەوەی ئاغجەلەر) و دانیشتوانی سنورەكە دوای هەوڵ و ماندوبوونێكی زۆر توانیان ئاگرەكە كۆنتڕۆڵ بكەن و ڕێگە لە زیاتر تەشەنەكردنی بگرن.

ڕاشیگەیاند، زەرەر و زیانی ئاگرەكە مەزەندە دەكرێت بە سووتانی نزیكەی ( ١٠٠ ) دۆنم پووش و پاوان و داری سروشتی و هۆكاری ئاگرەكە بەهۆی كردنەوەی ئاگر بووە لە لایەن گەشتیارانەوە.

ئاماژەی بەوەشكرد، هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان، بەڵام خۆشبەختانە بەهۆی ئەرك و ماندوبوون و شەونخونی ئەفسەر و كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت و سەرپێچیكارانیش ڕووبەڕوی یاسا بكرێنەوە.

عەمید هێمن دەشڵێت: “لە ئەنجامی دەرچوون و كێوماڵكردنی سنوری چالاكیان بۆ گوندی (سۆیلە میش) مەفرەزەیەكی بەشی پۆلیسی دارستانی سەیدصادق توانیان (2) هاووڵاتی دەستگیر بكەن، كە سەرقاڵی ڕاوكردنی باڵندەیەكی كێوی بوون و توانرا دەست بگیرێت بەسەر (2) چەكی جۆری تاپڕ و (4) باڵندەی پۆڕی كوژراودا”.

بەڕێوەبەری ڕأگەیاندنی پۆلیسی دارستان و ژینگەی سلێمانی داوا لە هاووڵاتیان دەكات، “كە لەپێناو پاراستنی سروشت و ژینگەی كوردستان دا پێویستە هەمووان پابەندبین بەڕێنمایەكانی پۆلیسی دارستانەوە” .

ئابوری

“لە پڕۆژە چاكسازيیەكە بۆ خانەنشینی پلە باڵاكان كڵاو دەكرێتە سەری خەڵك”

خەڵك- بەشی هەواڵ
حكومەتی هەرێم پڕۆژە یاسای چاكسازی لە مووچە و دەرماڵە و خانەنشینی پەسەند كرد و ڕەوانەی پەڕلەمانی كرد بۆ دەنگدان لەسەری، پەڕلەمانتارێكی پێشووی گۆڕان-یش دەڵێت: “سەبارەت بە كەمكردنەوەی مووچەی خانەنشینی پلە باڵاكان خەریكە كڵاوێكی زلمان بكەنە سەر”.

لەتیف مستەفا، پسپۆڕی یاسایی و ئەندامی پێشووی پەڕلەمانی عیراق لە هەژماری خۆی لە فەیسبووك ئاماژەی بەوەكردووە، سەبارەت بە كەمكردنەوەی مووچەی خانەنشینی پلە باڵاكان خەریكە كڵاوێكی زلمان بكەنە سەر، چونكە بەگوێرەی ئەو معادەلەیەی دانراوە لە پڕۆژەكە بریتیە لە (25%ی كۆی مووچە و دەرماڵە + 2.5% بۆ ھەر ساڵێكی خزمەت، واتە ئەگەر كەسێك كەمترین خزمەتی ھەبێت بۆ خانەنشینی، كە ١٥ ساڵە، ١٥ كەڕەت 2.5% ئەكاتە 37.5% + 25% ئەكاتە 62.5%)”.

دەشڵێت: “بەم پێیەبێت پەڕلەمانتارێك، كە كۆی مووچەكەی ٨ ملێۆن و ٢٠٠ ھەزارە ئەگەر تەنھا ١٥ ساڵ خزمەتی ھەبێت، مووچەكەی ئەكاتە ٥ ملێۆن و ٣٠٠ ھەزار، كەئەمەش زۆر زۆرە لەچاو ئەوەی بەغدا”.

ڕوونیشی كردۆتەوە، لە بەغدا بەم شێوەیە مووچەی خانەنشینی پلە باڵاكان هەژمار كراوە، كە (ژمارەی ساڵی خزمەت كەڕەت 2.5% كەڕەت مووچەی بەنڕەتی، كە ھی پەرلەمانتار و وەزیر ٤ ملیۆنە دابەش 100 + دەرماڵەی بڕوانامە، بەگوێرەی بڕوانامەكەی دەگۆڕێ 10% بەكالۆرێۆس، 15% ماستەر، 20% دكتۆرا + دەرماڵەی گوزەران).

ئاشكراشی كردووە، بەم پێیە لەبەغدا ئەگەر پەڕلەمانتارێك تەنھا ١٥ ساڵ خزمەتی ھەبێ دەگاتە تەنھا ٢ ملیۆن، بەو شێوەیە.

جەختیشی كردۆتەوەن كە دەبێت ئەوەی ئێرەش وەك بەغدا بێت، بەپێچەوانەوە لەغەیری كڵاو كردنە سەری خەڵك سەبارەت بەكەمكردنەوەی مووچەی پلەی باڵا ھیچی تر نیە.

بەردەوام بە لە خوێندنەوە

ئابوری

حكومەتی هەرێم شایستە داراییەكانی دوو كۆمپانیای نەوت دەخاتە ساڵی نوێ‌

خەڵك- بەشی هەواڵ
هەردوو كۆمپانیای (گەنەڵ ئینێرجی) و (گۆڵف كیستۆ)ی بواری نەوت ئاشكرای دەكەن، كە حكومەتی هەرێمی كوردستان پێدانی شایستە داراییەكانیانی بۆ چەند هەفتەیەك دواخستووە.

بەپێی هەواڵێكی ئاژانسی (ڕۆیتەرز) ئەو دوو كۆمپانیا نەوتییە ئاماژەیان بەوەداوە، كە ئاگاداركردنەوەیەكیان پێ‌ گەیشتووە لە وەزارەتی سامانە سروشتییەكانی حكومەتی هەرێمەوە، كە شایستە داراییەكانی تایبەت بە بەرهەمهێنانی نەوت بۆ مانگەكانی (ئاب و ئەیلول) و شایستەكانی (تشرینی دووەم و كانوونی یەكەم) لە مانگی كانوونی دووەمی 2020 وەردەگرن.

ئەو دوو كۆمپانیایە ڕاشیگەیاندووە، كە شایستەكانی هەردوو كۆمپانیاكە بەهۆی ئەو گرێبەستانەوەیە، كە بەرهەمهێنانی نەوت لەگەڵ حكومەتی هەرێم دابەش دەكات.

كۆمپانیای (گەنەڵ ئینێرجی) نزیكەی 37 هەزار بەرمیل نەوتی ڕۆژانە بەشێوەی پوخت لە كوردستان بەرهەم دەهێنێت و كۆمپانیای (گۆڵف كیستۆن)یش زیاتر لە 30 هەزار بەرمیل نەوتی ڕۆژانە لە هەرێم بەرهەم دەهێنێت.

لای خۆشیەوە، وتەبێژێك بەناوی كۆمپانیای (گەنەڵ ئینرێجی) وتویەتی، “شایستەكانیان ڕێكخراوە بە درێژایی زیاتر لە 4 ساڵ و ئێمە متمانەمان بە توانای وەزارەتی سامانە سروشتیەكان هەیە و ئامادەیە بۆ پێدانی شایستەكان و پێدانی ئەو شایستە دواخراوانە”.

ڕاشیگەیاندووە، ئەو بابەتە كاتییە و كاریگەری ناكاتە سەر بۆچوونە ئەرێنییەكانمان بۆ كاركردن و وەبەرهێنان لە هەرێمی كوردستان.

بەردەوام بە لە خوێندنەوە

ئابوری

“لە یاسای چاكسازیيەكەدا مووچەی خانەنشینان زیاد نەكراوە”

خەڵك- بەشی هەواڵ
بڕیاردەری فراكسیۆنی یەكگرتوو لە پەڕلەمانی كوردستان ڕایدەگەیەنێت، هەر هەنگاوێك بۆ چاكسازی بێت لە هەرێم ئێمە لەگەڵیداین.

سەرچنار ئەحمەد، بڕیاردەری فراكسیۆنی یەكگرتوو لە پەڕلەمانی كوردستان لە ڕوونكردنەوەیەكدا ئاماژەی بەوەداوە، هەر هەنگاوێك بۆ چاكسازی بێت ئێمە وەك فراكسیۆنی یەكگرتوو لەگەڵیداین و وتیشی، “ئەو پڕۆژە یاسایەی، كە گەیشتۆتە پەڕلەمانی كوردستان بەشێكە لەو چاكسازییەی هەرێمی كوردستان پێویستی پێیەتی”.

ڕاشیگەیاند، “دەكرێت ئێمە پێداگری لەسەر ئەو خاڵانە بكەینەوە، كە كەموكورتی تیادایە بە تایبەتی لە بواری مافی خانەنشینی”.

سەرچنار ئەحمەد وتیشی، “لە پڕۆژە چاكسازییەكەی، كە فراكسیۆنی یەكگرتوو پێشكەشی سەرۆكایەتی پەڕلەمانی كرد لە 18-2-2019ەدا تیایدا ئەو خاڵە هەیە، كە كەمترین مووچەی خانەنشینی 400 هەزار دینار بێت، بەڵام ئەو پڕۆژە یاسا چاكسازییەی حكومەتی هەرێم ڕەوانەی پەرلەمانی كردۆتەوە ئەو خاڵەی تیادا نییە، كە مووچەی خانەنشینان بكرێتە 400 هەزار دینار”.

ئەو پەڕلەمانتارەی یەكگرتوو جەختیشی كردەوە، زۆرینەی ناو پەڕلەمانی كوردستان لەگەڵ ئەوەدایە ئەو پڕۆژە یاسایەی، كە حكومەت ڕەوانەی پەڕلەمانی كردووە پەسەند بكرێت.

بەردەوام بە لە خوێندنەوە

کوردستان