ئێمە لە تۆرە کۆمەڵایەتیەکان

ئابوری

ئاگرێك لە ناوچەیەكی گەشتیاری سلێمانی كەوتەوە

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، لە ئاگرێكی فراوان لە سنوری چەمی ڕەزان كەوتەوە و زیانێكی زۆری لە پووش و پاوانی ناوچەكە دا و دەشڵێت: “دوو هاووڵاتی لە سنووری سەیدصادق لەسەر ڕاوكردن دەستگیر كران”.

عەمیدی پۆلیس هێمن كمرخان ئەفندی، بەڕێوەبەری هۆبەی ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، ئاگرێكی فراوان لە سنوری چەمی ڕەزان كەوتەوە و بەهۆی بەهێزی تەوژمی (با) ئاگرەكە تەشەنەی كرد بۆ گوندەكانی (گەورەدێ، كەڵەشێرە)، دوای گەیشتنی هەواڵەكە دەستبەجێ مەفرەزەیەكی بنكەی پۆلیسی دارستانی پیرەمەگروون گەیشتە شوێنی ئاگرەكە و بەهاوكاری بنكەكانی (ئاگركوژێنەوەی پیرەمەگروون، ئاگركوژێنەوەی ئاغجەلەر) و دانیشتوانی سنورەكە دوای هەوڵ و ماندوبوونێكی زۆر توانیان ئاگرەكە كۆنتڕۆڵ بكەن و ڕێگە لە زیاتر تەشەنەكردنی بگرن.

ڕاشیگەیاند، زەرەر و زیانی ئاگرەكە مەزەندە دەكرێت بە سووتانی نزیكەی ( ١٠٠ ) دۆنم پووش و پاوان و داری سروشتی و هۆكاری ئاگرەكە بەهۆی كردنەوەی ئاگر بووە لە لایەن گەشتیارانەوە.

ئاماژەی بەوەشكرد، هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان، بەڵام خۆشبەختانە بەهۆی ئەرك و ماندوبوون و شەونخونی ئەفسەر و كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت و سەرپێچیكارانیش ڕووبەڕوی یاسا بكرێنەوە.

عەمید هێمن دەشڵێت: “لە ئەنجامی دەرچوون و كێوماڵكردنی سنوری چالاكیان بۆ گوندی (سۆیلە میش) مەفرەزەیەكی بەشی پۆلیسی دارستانی سەیدصادق توانیان (2) هاووڵاتی دەستگیر بكەن، كە سەرقاڵی ڕاوكردنی باڵندەیەكی كێوی بوون و توانرا دەست بگیرێت بەسەر (2) چەكی جۆری تاپڕ و (4) باڵندەی پۆڕی كوژراودا”.

بەڕێوەبەری ڕأگەیاندنی پۆلیسی دارستان و ژینگەی سلێمانی داوا لە هاووڵاتیان دەكات، “كە لەپێناو پاراستنی سروشت و ژینگەی كوردستان دا پێویستە هەمووان پابەندبین بەڕێنمایەكانی پۆلیسی دارستانەوە” .

ئابوری

بەهای دراوەكە دادەبەزێت
بانكی ناوەندی عیراق زیاتر لە 198 ملیۆن دۆلاری خستە بازاڕەوە

خەڵك- بەشی هەواڵ
بانكی ناوەندی عیراق، ئەمڕۆ دوو شەممە بڕی 198.14 ملیۆن دۆلاری خستە بازاڕەوە، ئەمەش بەراورد بە ڕۆژی پێشوو كە 198.27 ملیۆن دۆلار بوو، بڕی كەمتری لەو دراوە ئەمریكاییە خستەبازاڕەوە.

لە زیادكردنی ئاشكرای فرۆشتن و كڕینی دراوی بانكی ناوەندی عیراقی ئەمڕۆ، هەندێك بەرزبوونەوە بەدیكرا و بڕی 198.14 ملیۆن دۆلار بە نرخی بنەڕەتی كە 1190 دینار بۆ یەك دۆلارە فرۆشرا، ئەمەش لەكاتێكدایە كە دوێنێ‌ یەك شەممە بانكی ناوەندی بڕی ملیۆن دۆلاری فرۆشت.

لە فرۆشتنەكەدا كە 37 بانك بەشدارییان كرد، بڕی هەرەزۆری فرۆشتنەكان بۆ پتەوكردنی ڕەسیدی بانكەكان بوو لە دەرەوەی وڵات.

ئەمەش لەكاتێكدایە كە ئەمڕۆ 100 دۆلار لە بازاڕەكانی ئاڵوگۆڕی دراو لە هەرێمی كوردستان، بە 123 هەزار و 650 دینار مامەڵەی پێوەكرا.

بەردەوام بە لە خوێندنەوە

ئابوری

بە وێنە؛ دەمامكێك بەهاكەی دەگاتە 1.5 ملیۆن دۆلار

خەڵك – بەشی هەواڵ
كۆمپانیایەكی زێڕی ئیسرائیلی كار لەسەر دروستكردنی دەمامكێكی كۆرۆنا دەكات كە نرخەكەی دەگاتە بڕی 1.5 ملیۆن دۆلار.

ئیسحاق لیڤی خاوەنی كۆمپانیاكە ڕایگەیاند دەمامكەكە لە زێڕی سپی عەیار 18 و بەكارهێنانی سێ هەزار و 600 پارچە نقێمی ئەڵماس دروستكراوە.

ڕوونیشیكردەوە دەمامكەكە لەسەر خواستی بازرگانێكی چینی دانیشتووی ئەمریكا دروستكراوە و مەرجیشی ئەوەبووە كە پێش كۆتایی 2020 تەواو بێت.

ئیسحاڤ لیڤی ئەوەشی خستەڕوو كە بازرگانە چینییەكە دەیەوێت تەنیا بۆ سەرنجڕاكێشان دەمامكەكە بەكاربهێنێت.

Parts and a model of a mask is displayed in the Israeli jewelry company Yvel in Motza near Jerusalem, Sunday, Aug. 9, 2020. An Israeli jewelry company is working on what it says will be the world’s most expensive coronavirus mask, a gold, diamond-encrusted face covering with a price tag of $1. 5 million. (AP Photo/Sebastian Scheiner)

بەردەوام بە لە خوێندنەوە

ئابوری

وەزیری دارایی بڕیارێكی نوێی لەبارەی مووچەی مانگی ئازار دەركرد

خەڵك – بەشی هەواڵ

بە بڕیاری ئاوات شێخ جەناب، وەزیری دارایی و ئابووریی هەرێمی كوردستان، نووسراوێكی وەزارەتەكە سەبارەت بە مووچەی مانگی ئازار ڕادەگیرێت كە تایبەتە بە بڕینی 21%ی مووچەی فەرمانبەران.

وەزارەتەكە پێشتر نووسراوێكی ئاڕاستەی فەرمانگەكانی حكومەت كردبوو كە لیستی مووچەیان بە بڕینی 21% بۆ بنێرن، بەڵام بەپێی سەرچاوەیەك لە وەزارەتی دارایی، وەزیر ئەو نووسراوەی ڕاگرتووە.

كەناڵی ڕووداو لە زاری سەرچاوەیەكەوە بڵاویكردەوە، وەزیری دارایی ڕێنمایی داوەتە وەزارەتەكەی كە كار بەو نووسراوە نەكرێت تا كۆبوونەوەی ئەنجومەنی وەزیران لە چەند ڕۆژی داهاتوودا دەكرێت.

كەناڵەكە ئەوەشی ئاشكراكردووە، بڕیارە لەم هەفتەیەدا زیاتر لە 100 ملیار دیناری تر لە پارەی نەوت بخرێتە بەردەست وەزارەتی دارایی بۆ دابەشكردنی مووچەی فەرمانبەران.

بەردەوام بە لە خوێندنەوە

کوردستان