ئێمە لە تۆرە کۆمەڵایەتیەکان

عێراق

حەلبوسی: 141 خێزانی ئاوارە گەڕاونەتەوە بۆ ئەنبار

خەڵك – بەشی هەواڵ
سەرۆكی پەڕلەمانی عیراق ڕایدەگەیەنێت، لە چوارچێوەی هاندانە بەردەوامەكانمان بۆ گەڕانەوەی ئاوارەكان ئەمڕۆ 141 خێزانی ئاوارەی ئەنبار لە كەمپی عامریەی فەلوجەوە گەڕانەوە زێدی خۆیان.

نووسینگەی محەمەد حەلبوسی، سەرۆكی پەڕلەمانی عیراق لە ڕاگەیەنراوێكدا، كە وێنەیەكی دەست (خەڵك) ڕایگەیاندووە، بەرهەمی هەوڵەكان بۆ پەلەكردن لە گەڕانەوەی ئاوارەكان لە لایەن سەرۆكی پەڕلەمانەوە بووە هۆی گەڕانەوەی وەجبەی یەكەم لە كامپی عامریەی فەلوجە بۆ سەرماڵ و حاڵی خۆیان لە قائیم، كە 141 خێزان بوون و لە 668 كەس پێكهاتبوون لە ژن و پیاو و منداڵ و هەموویان كەمپەكەیان جێهێشتووە.

ڕاشیگەیاندووە، وەجبەكانی دیكەش بەردەوامدەبن لە گەڕانەوەی ئاوارەكان بۆ سەر ماڵ و حاڵی خۆیان لە ڕۆژانی داهاتوودا دوای تەواوبوونی ڕێوشوێنی فەرمی بە هاوكاری لەگەڵ فەرماندەیی پڕۆسەكانی ئەنبار و فەرماندەیی پڕۆسەكانی جزیرە و بادیە.

ئاشكراشی كردووە، ئۆتۆمبێلی گواستنەوەیان بۆ دابیكراوە بەمەبەستی گواستنەوەی كەلوپەلەكانیان، لەگەڵ پێدانی بڕێك پارە بە سەرجەم خێزانەكان وەك خەڵاتێك بەمەبەستی ڕێكخستنەوەی باری گوزەرانیان لە كاتی گواستنەوەدا.

عێراق

عیراق.. پێشنیار دەكرێت 85%ی دەستوور هەموار بكرێتەوە

خەڵك – بەشی هەواڵ

ئەندامێكی لیژنەی هەمواركردنەوەی دەستوور لە سەرۆكایەتی حكومەتی عیراق ڕایدەگەیەنێت: پێشنیارمان كردووە 85%ی دەستوور هەموار بكرێتەوە.

عادل لامی ئەندامی لیژنەی هەمواركردنەوەی دەستوور لە سەرۆكایەتی حكومەتی عیراق ئاشكرایكرد، لیژنەكەیان پێشنیارێكی خستووەتەڕوو بۆ هەمواركردنەوەی 85%ی دەستوور كە لە 143 ماددە پێكهاتووە.

دووپاتیشیكردەوە، هەمواركردنەوەی هەر ماددەیەكی دەستوور كارێكی زۆر قورس دەبێت.

عادل لامی ڕوونیشی كردەوە، هەمواركردنەوەی ماددەكانی دەستوور لەم كاتانەدا كارێكی قورسە و هەموو ئەو لیژنانەش كە پێكهێنراون بۆ كەمكردنەوە و نەهێشتنی توڕەیی جەماوەر بووە لەو كاتانەدا و ئەوەی كە تا ئێستا هەموار كراوەتەوە تەنها پێدانی مافی پێكهێنانی حكومەتە بەو قەوارە سیاسییەی لە هەڵبژاردنەكاندا زۆرینەی دەنگەكان بەدەست دەهێنێت و دەتوانێت بێ گەڕانەوە بۆ ئەنجومەنی نوێنەران و پێكهێنانی هاوپەیمانیەتی لەگەڵ لیست و قەوارەكانی تردا حكومەت دروست بكات.

ئەو ئەندامەی لیژنەی هەمواركردنەوەی دەستوور لە سەرۆكایەتی حكومەتی عیراق ئەوەشی خستەڕوو، ئەو لیژنەیەی لە ئەنجومەنی نوێنەرانەوە بۆ هەمواركردنەوەی دەستوور پێكهێنراوە سستە و توانای هیچ بەرەوپێش چوونێكی پرسەكەی نییە و هیچ هەموار كردنەوەیەكیش بێ ئەو لیژنەیە ئەنجام نادرێت.

بەردەوام بە لە خوێندنەوە

عێراق

عیراق، پرۆژە یاسای بودجەی 2020 گەیشتە پەرلەمان

خەڵك- بەشی هەواڵ
دوای چاوەڕوانییەكی زۆر، پرۆژە یاسای بودجەی گشتی عیراق بۆ ساڵی 2020 گەیشتە پەرلەمان.

ئەمڕۆ دوو شەممە، سەرچاوەیەك لە پەرلەمانی عیراق ڕایگەیاند”پەرلەمان پرۆژە یاسای بودجەی فیدراڵی بۆ ساڵی 2020 بەدەست گەیشت”.

ئەنجومەنی وەزیرانی عیراق، لە 14ی ئەم مانگەدا، پرۆژە یاسای بودجەی گشتی دەوڵەتی پەسەند كرد و ڕەوانەی پەرلەمانی كرد، ئەم پرۆژە یاسایەش بۆ چەند مانگی داهاتووی ئەمساڵە و پێشتر لەلایەن حكومەتەكەی عادل عەبدولمەهدییەوە ئامادەكرابوو، بەڵام حكومەتی ئێستا كە لەلایەن مستەفا كازمییەوە سەرۆكایەتی دەكرێت، بە ڕەچاوكردنی دابەزینی نرخی نەوت و هەندێك كاروباری تر، دەستكاریی پرۆژە یاساكەی كرد و لەپاش تەواوبوونی دەستكارییەكانیش ڕەوانەی پەرلەمانی كرد.

بەردەوام بە لە خوێندنەوە

عێراق

عیراق؛ ئەمڕۆ زۆرترین ڕێژەی چاكبوونەوە تۆماركراوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 3821 حاڵەتی نوێی تووشبوون بە ڤایرۆسی كۆرۆنا تۆماركراوە و 4484 كەسیش چاكبوونەتەوە و 70 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 19 هەزار و 756 پشكنینی تایبەت بە كۆرۆنا ئەنجام دراوە و دەركەوتووە 3821 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 158 و هەولێر 226 و كەركوك 118 و دهۆك 346 حاڵەت تۆماركراوە.

ڕوونیشی كردۆتەوە ، كە 4484 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 81 و هەولێر 215 و دهۆك 168 و كەركوك 161 كەس چاكبوونەوە.

ڕاشیگەیاندووە، 70 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8625 كەس.

بەردەوام بە لە خوێندنەوە

کوردستان