ئێمە لە تۆرە کۆمەڵایەتیەکان

کوردستان

هۆشداری دەدرێتە هاووڵاتیان ماددەی شێرپەنجەیی لەناو دەرمانی رانیتیدین هەیە

خەڵك – بەشی هەواڵ
دامەزراوەی دەرمانی كوردستان KMCA ڕایدەگەیەنێت، عیراق سەرجەم پارێزگاكانی ئاگاداركردۆتەوە لەوەی بەهۆی بوونی ماددەی شێرپەنجەیی لەناو دەرمانی رانیتیدین دەبێت حكومەت بە ئاگادارییەوە ئەو دەرمانە بۆ نەخۆشخانەكانی بكڕێت.

دامەزراوەی دەرمانی كوردستان KMCA لە ئاگادارییەكدا، كە وێنەیەكی بۆ (خەڵك) ناردووە ڕایگەیاندووە، بەپێی فەرمانێكی وەزاریی وەزارەتی تەندروستیی عیراقی فیدڕاڵ بە ژمارە (٦۳۱۹۳) لە فەرمانگەی كاروباری هونەریی وەزارەتی تەندروستیی عیراق \بەشی دەرمانسازی لە بەرواری (۲٦/۹/۲۰۱۹) كە بۆ كوردستان، بەغدا، سەرجەم پارێزگاكانی ناوەڕاست و خوارووی عیراق نێردراوە، كە تێیدا ئاگاداركردنەوەیەك دەدات بەهۆی بوونی ماددەی شێرپەنجەیی N-nitrosodimethylamine NDMA لەناو دەرمانی رانیتیدین – ranitidine بەپێی فەرمانەكە دەبێت حكومەت بە ئاگادارییەوە رانیتیدین بۆ نەخۆشخانەكانی بكڕێت.

ڕاشیگەیاندووە، نەخۆش دەتوانێت لەڕێی ڕاوێژكردن بە پزیشك و دەرمانساز دەرمانەكەی بگۆڕێت یان بەردەوام بێت لەسەر وەرگرتنی، بەڵام دەبێت تەنها ئەو دەرمانانە بكڕێت، كە پشكنینی بۆ كراوە و ستیكەری لەسەرە و هەروەها دەرمانی رانیتیدین، كە لە دەرمانخانەكان و كۆگاكاندا هەیە ناكێشرێتەوە، بەڵام دەبێت لەسەر ئاستی نەخۆش، پزیشك، دەرمانساز و نەخۆشخانەكان ڕاپۆرتی كاریگەریی لاوەكی لەسەر دەرمانەكە بدرێت بە لایەنی پەیوەندیدار.

لە ڕاگەیەنراوەكەداهاتووە، بەپێی لێكۆڵینەوە جیهانییەكانی دامەزراوەی خۆراك و دەرمانی ئەمریكی FDA و دامەزراوەی دەرمانی ئەوروپی EMA بڕی ماددەی شێرپەنجەیی NDMA لەناو رانیتیدیندا زۆر كەمە و هەمان بڕ لەناو هەندێك خۆراكدا هەیە.

دەرمانی رانیتیدین چیە ؟ بۆ چارەسەركردنی ترشەڵۆكی و گەدەكزێ بەشێوەیەكی زۆر بەربڵاو لەلایەن خەڵكەوە بەكاردەهێنرێت، ئەو دەرمانە دەتوانرێت لەلایەن پزیشك یان دەرمانساز وەربگیرێت.

کوردستان

بۆ دووەم جار، کەس و کاری بەشێک لەزیندانیان گردبوونەوە

خەڵک-ئارام سەردار
ئەمڕۆ کەسوکاری بەشێک لە زیندانیانی چاکسازی گەورانی هەولێر لەبەردەم ئەنجوومەنی دادوەری لەهەولێر گردبونەوە.

کەس و کاری گیراوان کە پێشتر لەبەردەم پەڕلەمانی کوردستان گردبوونەوە، نیگەرانن بە ڕاگرتنی جێبەجێ کردنی بڕیاری ئازادکردنی مەرجدار، چونکە بەهۆی ڕاگرتنی ئەو بڕیارە، دەبێ زیندانیکراوەکانيان چەند ساڵێکی تر لەزیندان بن.

دەشڵێن، ماوەی چەند ساڵێکە چاوەڕوانین زیندانیکراوەکانمان ئازاد بکرێن، بەڵام ناکرێت چەند ساڵێکی تر چاوەڕوان بین، ئێمەش خاوەنی منداڵین، داوا دەکەین حکومەت و ئەنجوومەنی دادوەری و پەڕلەمان گیراوەکانمان ئازاد بکەن.

بەهۆی ڕاگرتنی جێبەجێ کردنی بڕیاری ئازادکردنی مەرجدار، ژمارەیەک زیندانی لەچاکسازی هەولێر مانگرتنیان ڕاگەیاند و تائێستاش هیچ بڕیارێکی نوێ نیە بۆ دەست پێکردنەوەی جێبەجێ کردنی ئەو بڕیارە کە بۆ هەر زیندانیەک نزیکەی لە۲٥٪ کۆی ساڵەکانی زیندانی لێخۆشبوونیان بۆ دەردەچێت.

بەردەوام بە لە خوێندنەوە

کوردستان

لە پیرانشا و سەردەشت مەتر و نیوێك بەفر باریوە

خەڵك- بەشی هەواڵ

سەرۆكی ئیدارەی ڕێگەوبان و گواستنەوەی وشكانی پیرانشار وتی: بەرزایی بەفر لە مەودای پیرانشار – سەردەشت گەیشتە مەتر و نیوێك.

جەلال محەمەدی بۆ مێدیاكانی ئێران وتی : ئاستی بارینی بەفر كە شەوی یەكشەممە دەستی پێ كردووە، لە مەودای پیرانشار – سەردەشت و تەمەرچین – پیرانشار یەك مەتر و نیو بووە.

وتیشی : لە ئێستادا ڕێگەی تەمەرچین بۆ پیرانشار داخراوە و هێزەكانی ڕێگەوبان خەریكی كردنەوەی ئەو ڕێگەیەن.

محەمەدی پێداگری لەپێویستی خۆپاراستنی شۆفێرانی ناو جادە لە هاتوچۆ لە ڕێگەكانی پیرانشار تا كەمكردنەوەی كڕێوە و بارینی بەفر كردو، پێشبینیكرد بەفری زیاتر ببارێت.

بەردەوام بە لە خوێندنەوە

ئابوری

سەبارەت بە مووچە، دڵنیایی دەدرێتە مووچەخۆرانی هەرێم

خەڵك-بەشی هەواڵ

جێگری دووەمی سەرۆكی پەڕلەمانی عیراق ڕایدەگەیەنێت، موچەی هاوڵاتیانی هەرێمی كوردستان بە گویرەی بودجەی ساڵی ٢٠١٩ بەردەوام دەبێت.

بەشیر حەداد جێگری دووەمی سەرۆكی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دڵنیاییەك لەبارەی مووچەی هاوڵاتیانەوە دەمێكە بڵاودەبێتەوە كە گوایە حكومەتی عیراق مووچەی فەرمانبەرانی هەرێم ڕادەگرێت، یەكەم شت خەڵكی خۆشەویستی هەرێمی كوردستان دڵنیا دەكەینەوە كە هیچ مەترسییەك لەسەر موچەكانیان نیە و ناشبێت.

وتیشی”مووچەی هاوڵاتیانی هەرێمی كوردستان بە گوێرەی بودجەی ساڵی ٢٠١٩ بەردەوام دەبێت، كەی بودجەی سالی ٢٠٢٠ هاتە پەڕلەمانی عیراق ئەوە بگرە هەوڵی زیادكردنیشی دەدەین نەك كەمكردنەوەی”ز

ئاشكراشیكرد، ئەو هەواڵانەی باس لە ڕاگرتنی مووچەش دەكەن جگە لە پڕوپاگەندە و ترس نانەوە هیچی دیكە نیە، ڕاستە بارودۆخی سیاسی و ئاسایشی عیراق تا ئاستێك خراپ بووە، بەڵام لە ڕووی ئابووریەوە عیراق لە هەناردەكردنی نەوت ڕانەوەستاوە، ئەمە لەكاتێكدایە عیراق خاوەنی یەدەگێكی باشی پارەیە كە مەزەندەی ٨٠ بۆ ١٠٠ ملیار دۆلاری ئەمەریكیە و هەر بەم بڕە پارەیەی دەتوانێ مووچەی خۆی بدات تاكو دۆخەكە ئاسایی دەبێتەوە.

دەشڵێت” دڵنیایی تەواو بە هاوڵاتیانی خۆشەویستی خۆمان دەدەین كە حكومەتی عیراق لە ناردنی مووچەی فەرمانبەران بۆ هەرێمی كوردستان بەردەوام دەبێت”.

بەردەوام بە لە خوێندنەوە

کوردستان