ئێمە لە تۆرە کۆمەڵایەتیەکان

ئابوری

“ڕاگرتنی تەمویلی بەڵێندەران گوزارشتێكی خراپە لەسەر كابینەی نوێ”

خەڵك – بەشی هەواڵ
وتەبێژی یەكێتی وەبەرهێنەرانی كوردستان ڕایدەگەیەنێت، ڕاگرتنی پاڵپشتی دارایی پڕۆژەكان لە لایەن حكومەتی هەرێمەوە جارێكی دیكە خەڵكی نیگەران دەكات و بەڵێنەكانی كابینەی نۆیەمی حكومەت دەخاتە ژێر پرسیارەوە، كە خەڵك هیوای لەسەر هەڵچنی بوو.

یاسین مەحمود ڕەشید، وتەبێژی یەكێتی وەبەرهێنەرانی كوردستان بە (خەڵك) ی ڕاگەیاند، بڕیاری ڕاگرتنی پاڵپشتی دارایی پڕۆژەكان، گرفتی گەورە بۆ بەڵێندەر و وەبەرهێنەران دروست دەكات، چونكە ئەوان لە ساڵی 2019، پاش باشبوونی مووچە ڕەزامەندیان دەربڕی، كە دەست بە پڕۆژەكانیان بكەنەوە بەشێوازی چەكی بانكی.

وتیشی ،” ئەو پڕۆژانە زۆربەیان پرۆژەی خزمەتگوزارین بۆ هاووڵاتیان لە شەقام و شەقامی سەرەكی و ڕێگاكانی نێوان شارەكان، پرد و ئاو ئاوەڕۆن، ئەم پڕۆژانە خزمەتی بە خەڵكی دەكرد، وەستاندنی تەمویل سەرسوڕمانی زۆری دروست كردووە لای ئەو توێژەی بەڵێندەران و ئەو وەبەرهێنەرانەش كە بەشێوەی دەرخستە پرۆژەیان بۆ حكومەت جێ بەجێكردووە”.

ڕاشیگەیاند، ساڵانە لە 25ی 12 پاڵپشتی دارایی پڕۆژەكان ڕادەگیرێت، بەڵام دیارنەبوونی شێوازی وەستاندنەكە و هۆكارەكەی وادەكات دەیان پرۆژەی خزمەتگوزاری گرنگ ڕابگیرێت، كە ئەمساڵ دەستی پێكراوەتەوە و بەهەزاران هەلی كاریش لەدەست هاووڵاتیان دەچێت .

یاسین مەحمود، ئاماژەی بۆ ئەوەشكرد، ئەم ماوەیە بازاڕ بووژابووەوە و هەلی كار زیادیكردبوو خەڵكی تا ئەندازەیەك ژیانی بوژابووەوە و وەبەرهێنەران و بەڵێندەران بە دڵخۆشیەوە هەنگاوی نوێیان دەنا، بەڵام وەستاندنی تەمویل گوزارشتێكی زۆر خراپە لە جوڵەی بازِار و نزیكە چەندین بەڵندەری دیكە مایە پووچ ببن .

یاسین مەحمود ڕەشید وتیشی ،” هیوادارین ئەم ڕاگرتنەی پاڵپشتی دارایی پڕۆژەكان، زۆر نەخایەنێت و وەزارەتی دارایی و حكومەت ڕوونكردنەوەیان هەبێت لەسەری و بەرچاوی بەڵێندەر ڕوون بێت كە ئایا تەمویل وەستا پرۆژەش دەوەستێت، كە بەمە زۆرترین زیان بەر پرۆژەكانی نێوان شارەكان دەكەوێت، كە ئەم دوو مانگە وەرزی كار كردنە بۆ ڕێگاكانی نێوان سلێمانی – هەڵەبجە و ڕێگای كۆیە – هەولێر و چەندین پرۆژەی گرنگی دیكە “.

ئابوری

نرخی نەوت لە بازاڕەكانی جیهان

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەجێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 20ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

ئابوری

خەڵك؛ وردەكاری بڕیارەكەی حكومەت بۆ پێوەری ئاو ئاشكرادەكات

خەڵك- بەشی هەواڵ
بەپێی ڕێنماییەكانی وەزارەتی شارەوانی و گەشتوگوزاری هەرێم، هەر ماڵ و شوێنێك پێوەری ئاو نەبەستێك مانگانە بڕی 100 تاوەكو 450 هەزار دینار غەرامە دەكرێت و بەڕێوەبەرایەتی گشتی ئاو و ئاوەڕۆی هەرێم دەڵێت: “لەم مانگەوە دەستپێدەكات”.

بەڕێوەبەرایەتی گشتی ئاو و ئاوەڕۆ، كە سەر بە وەزارەتی شارەوانییە لە ڕاگەیەنراوێكدا ئاماژەی بەوەكردووە، كە دەست بە جێبەجێکردنی ماددەی (٩) لە ڕێنمایی ژمارە (١)ی ساڵی ٢٠١٨ دەكەن لەگەڵ ئەنجامدانی خوێندنەوە بۆ پێوەری ئاو لە خولی (٧)، كە لە ٢٠٢٠/٩/١٣ دەست پێ دەکات.

بەپێی نووسراوی بەڕێوەبەرایەتی گشتی ئاو و ئاوەڕۆ ژمارە (٢٢١٩ لە ٢٠٢٠/٩/٨)، كە دەست (خەڵك) كەوتووە، پێویستە ماددەی (٩) لە ڕێنمایی تایبەت بە بەستن و خوێندنەوەی پێوەری ئاوی خواردنەوە لە هەرێمی کوردستان ژمارە (١)ی ساڵی ٢٠١٨ جێبەجێ بکرێت بۆ گشت بەکارهێنەرانی ئاو لە ڕێکەوتی دەستپێکردنی خولی (٧).

بەپێی ڕێنماییەكە، كە دەست (خەڵك) كەوتووە، هەر ماڵێك یان شوێنێكی نیشتەجێبوون یان پەرستگایەك پێوەری ئاوی نەبەستبێت بڕی 100 هەزار دینار غەرامە دەكرێت و دوای 3 مانگ ئەگەر هەر نەیبەست بڕەكە دەبێتە 200 هەزار و بۆ فەرمانگەكان و كەرتی تایبەت و بازرگانی بڕی غەرامەكە زیاترە و زۆرترین غەرامەش بۆ شووشتنگە (غەسل) دیاری كراوە، كە 250 هەزار دینارە و دوای 3 مانگ دەبێتە 450 هەزار دینار.

بەردەوام بە لە خوێندنەوە

کوردستان