ئێمە لە تۆرە کۆمەڵایەتیەکان

کوردستان

یەكێتی و پارتی لیستی هاوبەش بۆ هەڵبژاردن دروست دەكەن؟

خەڵك – بەشی هەواڵ
ئەندامێكی مەكتەبی سیاسی یەكێتی نیشتمانی كوردستان ڕایدەگەیەنێت، سبەی هەردوو بەرپرسی دەزگای هەڵبژاردنی یەكێتی و پارتی بۆ گەنگەشەكردنی لیستێكی هاوبەش و چۆنیەتی كاركردن بۆ هەڵبژاردنەكانی ئەنجوومەنی پارێزگاكانی عیراق لە ناوچە جێناكۆكەكان كۆدەبنەوە.

سەعدی ئەحمەد پیرە، ئەندامی مەكتەبی سیاسی یەكێتی بە (خەڵك)ی ڕاگەیاند، سبەی پێنج شەممە 26-9-2019 بڕیارە هەردوو بەرپرسی دەزگای هەڵبژاردنی یەكێتی و پارتی لە كۆبوونەوەیەكدا گەنگەشەی دروست كردنی لیستێكی هاوبەش بۆ هەڵبژاردنی ئەنجوومەنی پارێزگاكانی عیراق لە ناوچە جێناكۆكەكان ئەنجام بدەن.

وتیشی، “كۆبوونەوەكە بۆ گەنگەشە كردن و زەمینەسازیە بۆ كۆبوونەوەی فراوانی تەواوی لایەنە كوردیەكانە بۆ دروستكردنی یەك لیستی هەڵبژاردن لە ناوچە جێناكۆكەكان”.

ڕاشیگەیاند، كۆبوونەوەكەی سبەی هیچ پەیوەندیەكی بە كێشە و ئاڵۆزییەكانی نێوان یەكێتی و پارتیەوە نیە و تەنها قسە لەسەر پێكهێنانی لیستێكی هاوبەش دەكرێت.

كۆبوونەوەی ڕزگار عەلی، بەرپرسی مەكتەبی هەڵبژاردنی یەكێتی و خەسرەو گۆران، بەرپرسی دەزگای هەڵبژاردنی پارتی بۆ دروست كردنی لیستی هاوبەش لەكاتێكدایە، زۆرینەی حزبە كوردیەكان ڕێككەوتن لە كەركوك لیستی “كەركوكی كوردستانی” بۆ هەڵبژاردنی ئەنجوومەنی پارێزگاكان دروست بكەن.

لە ماوەی ڕابردووشدا دەزگاكانی هەڵبژاردنی ئەو دوو حزبە لە مەكتەبی سیاسی یەكێتی لە هەولێر كۆبوونەوە.

کوردستان

دوواین ئاماری تووشبووانی كۆرۆنا لە ڕۆژئاوای كوردستان

خەڵك-بەشی هەواڵ

 

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان ڕایدەگەیەنێت، ئەمڕۆ یەك شەممە 39 تووشبووی نوێ لە ناوچەكانی باكوری سوریا تۆماركراون و دوو تووشبووش گیانیان لەدەستداوە.

بەڕێوەبەرایەتی تەندروستی ئیدارەی خۆسەری لە ڕۆژئاوای كوردستان لە ڕاگەیەنراوێكدا ئاماژە بۆ ئەوە دەكات، لە 24 كاتژمێری ڕابردوودا 39 تووشبووی نوێی كۆرۆنا لەناوچەكانی ئیدارەی خۆسەر تۆماركراون كە زۆرترینیان لە قامشلۆ 9 تووشبوو، حەسەكە 17 تووشبوو و لە شارۆچكەی گركێ لەگی-یش 4 تووشبوو تۆماركراون.

ئاشكراشیدەكات، دوو تووشبووی كۆرۆنا لە كۆبانی گیانیان لەدەستداوە و 7 تووشبووی دیكەش چاكبوونەتەوە و كۆی گشتی تووشبووانیش گەیشتە هەزار و 398 كەس.

بەردەوام بە لە خوێندنەوە

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

سلێمانی ـ نزار جەزا

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

ناڕازییەکان کە مامۆستایان ڕابەرییان دەکەن لەبەردەم بەڕێوەبەرایەتی پەروەردەی ڕۆژئاوای سلێمانی گردبوونەتەوە و دروشمی جۆراوجۆر دەڵێنەوە.

بڕیارە پاش کەمێکی دیکە بەڕێپێوان بەڕێبکەون بۆ بەردەم بینای پارێزگای سلێمانی و لەوێ بەیاننامەی خۆیان بخوێننەوە و تێیدا کۆی داواکارییەکانیان دەخەنەڕوو و هەنگاوی دواتریان ئاشکرادەکەن.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان