ئێمە لە تۆرە کۆمەڵایەتیەکان

کوردستان

لە جیاتی حزبەكان ڕێكخراوەكان داوای یەك لیستی لە كەركوك دەكەن

خەڵك – بەشی هەواڵ
ڕێكخراوە جەماوەری و پیشییەكانی حزبە بەشداربووەكانی لیستی “كەركوكی كوردستانی” لە شاری كەركوك كۆبوونەوە و ڕایانگەیاند، كە پێویستە تێكڕای حزبەكان بە یەك لیست بەشداری لە هەڵبژاردنی ئەنجوومەنی پارێزگادا بكەن.

نیوەڕی ئەمڕۆ، ڕێكخراوە پیشەیی و جەماوەرییەكانی حزبە كوردستانیەكانی بەشدار لە لیستی “كەركوكی كوردستانی” لە بارەگای ڕێكخراوە دیموكراتیەكانی یەكێتی لە كەركوك كۆبوونەوە.

ڕێبین محەمەد ، بەرپرسی ڕێكخراوە دیموكراتیەكانی یەكێتی لە كۆنگرەیەكی ڕۆژنامەوانیدا ڕایگەیاند، هەمووان هاوهەڵوێست بووین لەسەر ئەوەی پێویستە تێكڕای حزبە كوردستانیەكانی كەركوك بە یەك لیست بەشداری لە هەڵبژاردنی ئەنجوومەنی پارێزگای كەركوك بكەن.

ڕاشیگەیاند، بە ئامانجی یەك لیستی و پشتیوانی لە لیستی “كەركوكی كوردستانی” كۆبوونەوە و داواش لە تەواوی سەركردایەتی دەكات هەرچی زووە كۆبوونەوەی لوتكەی حزبە كوردییەكان ئەنجام بدەن.

ئاماژەی بۆ ئەوەشكرد، بڕیاردرا ناوەڕۆكی كۆبوونەوەكەی ئەمڕۆیان ئاڕاستەی پەڕلەمانی هەرێمی كوردستان و نوێنەری نەتەوە یەكگرتووەكان بكرێت لە كەركوك، كار ئاسانی و هاوكاری تەواوی ئەو هاووڵاتیانە بكرێت، كە سەردانی ناوەندەكانی تۆماری دەنگدەران دەكەن بۆ وەرگرتنەوەی كارتی بایۆمەتری تایبەت بە دەنگدان.

کوردستان

مەسعود بارزانی بەشێوەیەكی جیاواز یادی ریفراندۆم دەكاتەوە

خەڵك- بەشی هەواڵ
سەرۆكی پارتی دیموكراتی كوردستان لە سێیەم ساڵیادی ریفراندۆمدا ڕایگەیاند “خۆناچەمێنین”.

ئەمڕۆ هەینی 25ی ئەیلولی 2020، مەسعود بارزانی سەرۆكی پارتی دیموكراتی كوردستان لەڕێی توێتێكەوە لەسەر تۆڕی كۆمەڵایەتی (تویتەر) و لە یادی سێ ساڵەی ڕاپرسی لە هەرێمی كوردستان پەیامێكی بڵاوكردەوە.

پەیامەكەی بارزانی لە مساڵدا بەبۆنەی تێپەڕینی سێ‌ ساڵ بەسەر پرۆسەكەدا جیاوازبوو، چونكە تەنیا بو وشەی “خۆناچەمێنین” یادەكەی كردەوە.

سێ ساڵ لەمەوبەر لە هەرێمی كوردستان، بە پشتیوانی زۆربەی هەرە زۆری هێزە كوردستانییەكان پرۆسەی ریفراندۆم بۆ سەربەخۆیی ئەنجامدرا و ڕێژەی 92.7%ی بەشداربوانیش بە “بەڵێ‌” دەنگیاندا بۆ سەربەخۆیی كوردستان.

بەردەوام بە لە خوێندنەوە

کوردستان

ئەمڕۆ ساڵیادی ریفراندۆمە

خەڵك- بەشی هەواڵ
سێ‌ ساڵ لەمەوبەر پرۆسەی ڕاپرسی یان ریفراندۆم لەسەر جیابوونەوەی هەرێمی كوردستان لە عیراق و دروستكردنی دەوڵەتی سەربەخۆی كوردستان ئەنجامدرا كە بووە خاڵێكی وەرچەرخان لە مێژووی كورد،  بە بۆچوونی زۆرێكیش پرۆسەكە لە ئایندەی میللەتی كورددا وەك هەنگاوێكی ئەرێنی دەمێنێتەوە.

ریفراندۆم لە 25ی ئەیلولی 2017 ئەنجامدرا و زۆربەی هێزە سیاسییەكانی كوردستان پاڵپشت و پشتیوانی پرۆسەكە بوون، گەلی كوردیش لە دەنگدانەكەدا بە ڕێژی زیاتر 90% دەنگی بە “بەڵێ”دا بۆ سەربەخۆیی كوردستان و دروستكردنی دەوڵەتی كوردی.

هەرچەندە پرۆسەكە ئامانجی خوازراوی خۆی نەهێنایەدی و دواتر هەرێمی كوردستان لەلایەن حكومەتی فیدراڵ و وڵاتانی دراوسێوە گوشارێكی زۆری خرایەسەر، بەڵام بەپێی لێكدانەوەی زۆرێك لە شرۆڤەكاران، هەنگاوەكە قۆناغێكی مێژوويی تری بۆ گەلی كورد هێنایەپێش و كورد جارێكی تر خواستی خۆی بۆ سەربەخۆی و دەوڵەتی سەربەخۆ، بەگوێی جیهاندادا.

ریفراندۆم دەنگی گەلی كورد بوو بۆ سەربەخۆی و ناكرێت بەرگی حزبایەتی و كەسێتییە دیاركراوەكانی بەبەردا بكرێت، جوڵە و بزاوتنێكی تری كوردانەش بوو بەرەو ئەو ئامانجەی كە دەبێت ڕۆژێك لەڕۆژان بێتەدی.

بەردەوام بە لە خوێندنەوە

کوردستان

وێنە.. لە هەولێر كەسێك بە تۆمەتی بەكارهێنانی ماددەی كریستاڵ دەستگیركرا

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێكیان بە تۆمەتی بەكارهێنانی ماددەی هۆشبەر دەستگیركردووە.

بەڕێوەبەرایەتی پۆلیسی پارێزگای هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، هێزەكانیان ئاگاداركرانەوە لەوەی ئۆتۆمبێلێكی جۆری (مارسیدس) بۆ ماوەیەكی زۆر لە شەقامی كۆیە وەستاوە، دوای گەیشتنی پۆلیس دەركەوت كە شۆفێری ئۆتۆمبێلەكە بە هۆی بەكارهێنانی ماددەی هۆشبەرەوە بێ هۆش بووە.

پۆلیسی هەولێر ڕوونیشیكردووەتەوە، تۆمەتبارەكە ناوی (هـ.ن.ر)ە، بڕێكی زۆر ماددەی هۆشبەری لە جۆری (كریستاڵ) و حەب و كەلوپەلی بەكارهێنانی ماددەی هۆشبەر و چەقۆ پێبووە.

پۆلیسی هەولێر ئەوەشیخستووەتەڕوو، پەڕاوی لێكۆڵینەوە بۆ تۆمەتبار كراوەتەوە و بەپێی ماددەی (١٤)ی ماددە هۆشبەرەكان ڕاگیراوە.

 

بەردەوام بە لە خوێندنەوە

کوردستان