ئێمە لە تۆرە کۆمەڵایەتیەکان

ژینگە

وەك ناڕەزایەتییەك، بوك و زاوایەك، وێنەی یادگارییان لە تانجەرۆ دەگرن

خەڵك

 

وەك نیگەرانی و ناڕەزایەتییەك بەرامبەر خراپی و نالەباری دۆخی ژینگەیی ناوچەكە، دوو چالاكی بواری ژینگە وێنەی یادگاری ڕۆژی هاوسەرگیرییان، دەبەنە ناوچەی تانجەرۆی سەر بە پارێزگای سلێمانی.

سەروەر قەرەداغی، چالاكی بواری ژینگە، بە تۆڕی میدیایی (خەڵك)ی ڕاگەیاند” تانجەرۆ ناوچەیەكی كارەساتباری ژینگەیی یە، سەرچاوەی توشبوونە بە نەخۆشی شێرپەنجە”.


وتیشی، ئەم كارەمان، گەیاندنی پەیامی پاراستنی ژینگە و ژیان دۆستی یە، بۆیە لە جوانترین ڕۆژی ژیانمان هاتووینەتە ئێرە، تا پەیامێك بگەیەنین و ئەوە بخەینە ڕوو كە ژینگەكەمان بە دەستی خۆمان وێران نەكەین و نەبینە هۆكاری پیس بوونی.

وتیشی، دەبێت بەم كارەمان بەرپرسان لەوە بگەن، كە ناوچەكە لە كارەساتدایە و دەبێت هەرچی زووە بە هانای بێن و رێچارەی گونجاویان بۆ تانجەرۆ و ژینگەی وڵات بە گشتی هەبێـت.

ئەم دوو هاوسەرە، لە ڕۆژی ئاهەنگی هاوسەرگیریشیاندا، جیاواز لە ڕێوڕەسمە تەقلیدییەكان، بە پاسكیل بەشەقامی سالمدا گوزەریان كردوو، لە جیاتی شیرینی گوڵیان بەخشییە هاوڵاتیان و لە باخچەی گشتی شاری سلێمانیشدا نەمامیان ناشت.

ژینگە

چەند دیمەنێكی گەڵا ئاڵتونییەكانی كۆتایی پاییز

سلێمانی ـ نزار جەزا

لەگەڵ وەرزی پاییزدا وردە وردە گەڵای دارەكان بەرەو زەردبوون دەچن و هەڵدەوەرن، ئەمەش دیمەنێكی جوان بەسروشت دەبەخشێت.

بەردەوام بە لە خوێندنەوە

ژینگە

شەپۆلی بەفر و باران تا كەی بەردەوام دەبێت؟

خەڵك- بەشی هەواڵ
بەپێی پێشبینییە كەشناسییەكان شەپۆلی بەفر و باران تا دوو ڕۆژی دیكە بەردەوام و ڕۆژانی كۆتایی ئەم هەفتەیە كەشوهەوا ئاسایی دەبێتەوە و كەشناسی عیراق دەڵێت: “پلەكانی گەرما ڕوو لە نزمبوونەوە دەكەن”.

بەپێی ڕاپۆرتێك كە دەستەی كەشناسی و بوومەلەرزەزانی عیراق بڵاویكردۆتەوە، ڕۆژانی دوو شەممە و سێ‌ شەممەی ئەم هەفتەیە شەپۆلی باران بارین لە زۆربەی ناوچەكانی عیراق و بەتایبەت هەرێمی كوردستان بەردەوام دەبێت و زۆر جار هەورە تریشقەی لەگەڵ دەبێت.

ڕاشیگەیاندووە، كە لەناوچە شاخاوییەكانی هەرێم بەفر دەبارێت و پلەكانی گەرما زیاتر ڕوو لە نزمبوونەوە دەكەن.

هەر بەپێی ڕاپۆرتەكە، “ڕۆژانی كۆتایی ئەم هەفتەیە دۆخی كەشوهەوا ئاسایی دەبێتەوە و ئاسمان ساماڵ دەبێت لەگەڵ بوونی هەندێك پەڵەهەور، بەڵام پلەكانی گەرما بە نزمی دەمێننەوە و خێرایی با مامناوەند دەبێت”.

لای خۆشیەوە، صادق عەتیە، شارەزای كەشناسی عیراقی لە هەژماری خۆی لە فەیسبووك ئاماژەی بەوەكردووە، كە نزمە پاڵەپەستۆیەك كاریگەری لەسەر ناوچەكانی عیراق دروست كردووە و بەهۆیەوە لە ڕۆژانی دوو شەممە و سێ‌ شەممە شەپۆلێكی دیكەی بەفر و باران ناوچەكانی هەرێمی كوردستان دەگرێتەوە.

ڕاشیگەیاندووە، ئەو شەپۆلە كاریگەری لەسەر ناوچەكانی ناوەڕاستی وڵات دەبێت، بەڵام كاریگەرییەكەی لەسەر ناوچەكانی باشوور لاوازترە.

بەردەوام بە لە خوێندنەوە

ژینگە

كەشناسی بڕی باران بارینی 24 كاتژمێری ڕابردووی بڵاوكردەوە

خەڵك- بەشی هەواڵ

دەزگای كەشناسی و بومەلەرزەزانی هەرێمی كوردستان بڕی باران بارینی 24 كاتژمێری ڕابردووی هەرێمی كوردستانی بڵاوكردەوە.

لە ڕاگەیەندراوێكدا دەزگاكە ئاماژەی بەوەكردووە، زۆرترین بڕی باران لە شارۆچكەی دەربەندیخانی سەر بە پارێزگای سلێمانی باریووە و لە شوێنەكانی دیكەش بە بڕی جیاواز باران باریووە.

بەردەوام بە لە خوێندنەوە

کوردستان