ئێمە لە تۆرە کۆمەڵایەتیەکان

ئابوری

“ڕێككەوتنی بەغدا و هەرێم بەرژەوەندی سیاسی و ئابووری بۆ هەدوولا دەبێت”

خەڵك-بەشی هەواڵ

مامۆستایەكی بەشی ئابووری زانكۆی سەڵاحەدین ڕایدەگەیەنیت، ڕێككەوتنی نێوان هەرێم و بەغدا لە بەرژەوەندی ئابووری و سیاسی هەردوولایە.

دوای چەندین كۆبوونەوە و گفتوگۆی نێوان لیژنە جیاوازەكان، تا ئێستا هەرێم و بەغدا لەسەر كێشەكانی نێوانیان ڕێكنەكەوتوون و ئەمەش كاریگەری نەرێنی لەسەر چۆنێتی بەڕێوەچوونی كاروباری هاووڵاتیان كردووە.

ئیدریس ڕەمەزان، مامۆستای بەشی ئابووری زانكۆی سەڵاحەدین بە (خەڵك)ی ڕاگەیاند، زۆر گرنگە هەرێم لەگەڵ بەغدا ڕێكبكەوێت، چونكە ڕێككەوتنەكە نەك تەنها لە ڕووی ئابوورییەوە، بەڵكو لە ڕووی سیاسی و بازرگانیشەوە بۆ هەردوولا سوودبەخش دەبێت.

وتیشی، “لە ئەگەری ڕێكنەكەوتنیان، زۆرجار دۆخی ئابووری هەرێم كاریگەری لەسەر عیراقیش دەبێت، چونكە زۆرجار بەرهەمەكانی ئێران و توركیا، كە بۆ عیراق دەڕوات لە هەرێمەوە دەڕوات، بوونی دۆخێكی ئاڵۆز كاریگەری لەسەر هەردووكیان دەبێت، بۆیە ڕێككەوتن بۆ هەردوولا بەسوودە”.

ئاماژەی بۆ ئەوەشكرد، هەركاتێك هەرێم لەگەڵ بەغدا ڕێككەوت، نابێت دەستبەرداری دۆخی ئابووری ناوخۆ ببێت، بەڵكو پێویستە سێكتەرەكانی ئابووری نێوخۆیی ببوژێنێتەوە بۆ ئەوەی جارێكی دیكە پشت بە بەرهەمی دەرەوە نەبەستێت و ئەوكات كاریگەری تەواویان لەسەر داهاتی هەرێم دەبێت.

ئابوری

نوام چۆمسكی: بایكۆت ئابووری توركیا دادەڕمێنێت

خەڵك – بەشی هەواڵ

فەیلەسوفێكی ئەمریكایی ڕایدەگەیەنێت، بایكۆتكردنی كاڵای توركیایی ئابووری ئەو وڵاتە دادەڕمێنێت.

نوام چۆمسكی نووسەری بەناوبانگ و فەیلەسوفی ئەمریكایی لە پەیامێكدا سەبارەت بە بایكۆتی كاڵای توركیایی بەهۆی هێرشەكانی بۆ سەر ڕۆژئاوای كوردستان و باكووری سوریا ڕایگەیاند، پێویستە هونەرمەندان و نووسەران و ڕۆشنبیرانی جیهان ، بایكۆتی كاڵای توركيايی بكەن و مامەڵەی پێوەنەكەن.

نوام چۆمسكی ئاماژەی بەوەشكرد، ئەگەر بایكۆتی كاڵای توركی بكرێت و بازاڕەكان بەبێ بەرهەمی توركیایی بمێنێتەوە، توركیا تووشی داڕمانی ئابووریی دەبێت، هەروەها بۆ ڕاوەستانی هێرشەكان داوا دەكات توركیا بخرێتە ژێر گوشاری نێودەوڵەتییەوە.

بەردەوام بە لە خوێندنەوە

ئابوری

خەڵك؛ هۆكاری دابەشنەكردنی نەوت ئاشكرادەكات

خەڵك – بەشی هەواڵ
ئەندامێكی لیژنەی نەوت و وزە و سامانە سروشتیەكانی پەڕلەمانی عیراق ڕایدەگەیەنێت، بەهۆی خۆپیشاندانەكانەوە تا ئێستا لە عیراق وەك پێویست دەست بەدابەشكردنی نەوت نەكراوە، دەشڵێت: “ئەوەی حكومەتی هەرێم لەدوو كۆبوونەوەی خۆی باسی لێوە كرد هیچ دیارنیە”.

غالب محەمەد، ئەندامی لیژنەی نەوت و وزە و سامانە سروشتیەكانی پەڕلەمانی عیراق بە (خەڵك)ی ڕاگەیاند، حكومەتی هەرێم لە دوو كۆبوونەوەی وەزاری خۆیدا بڕیاریدا بە دابەشكردنی بەرمیلێك نەوت بەسەر هاووڵاتیاندا پێش هاتنی سەرما، ئەوە بۆ حكومەت جێدەهێڵم، كە كەی دابەشی دەكات.

وتیشی، “لە ئێستادا حكومەتی عیراق وەك پێویست دەستی بە دابەشكردنی بەشە نەوتی ساڵانەی خۆی بۆ پارێزگاكان نەكردووە، بەهۆی خۆپیشاندانەكانەوە زیاتر سەرقاڵی ئەو دۆخەن، كە ئێستا عیراقی پێدا تێپەڕدەبێت”.

ڕاشیگەیاند، ئەگەر حكومەتی هەرێم 250 هەزار بەرمیل نەوتەكەی خۆی ڕادەستی بەغدا بكات، ئێمە دەتوانین زیاتر لەوەی ئێستا بڕیارە ڕەوانە بكرێت داوای بكەین، هەڵبەتە ئەگەر كێشەی سیاسی ڕێگری لێنەكات.

ئاشكراشیكرد، ئێمە بە فەرمی نووسراومان بۆ وەزارەتی نەوت كردووە بۆ ڕەوانەكردنی بەشە نەوتی هەرێم، هەروەها لەگەڵ جێگری بەڕێوەبەری دابەشكردنی سووتەمەنی وەزارەتی نەوتیش لەسەر خەتین.

بەردەوام بە لە خوێندنەوە

ئابوری

شارەوانی سلێمانی بڕیارێك دەربارەی فڕێدانی خۆڵ و خاشاك دەردەكات

خەڵك- بەشی هەواڵ
سەرۆكایەتی شارەوانی سلێمانی ڕایدەگەیەنێت، كە چەند شوێنێك دیاری كراوە بۆ فڕێدانی خۆڵ و خاشاكی بیناسازی.

سەرۆكایەتی شارەوانی سلێمانی لە ڕاگەیەنراوێكدا ئاماژەی بەوەكردووە، “ئاگاداری هاووڵاتییانی خۆشەویستی شاری سلێمانی و دەورووبەری دەكەین، كە بە شێوەیەكی فەمی ئەم شوێنانەی لای خوارەوە تەرخانكراوە بۆ فڕێدانی خۆڵ و خاشاكی بیناسازی.”

ئاشكرای كردووە، شوێنەكانی فڕێدانی خۆڵ و خاشاك بریتین لە ( كانی شەكراو لە قرگە، تانجەرۆ نزیك (گمر صحی)، تاڤگە پشتی وێستگەی كارەباكە”.

بەردەوام بە لە خوێندنەوە

کوردستان