ئێمە لە تۆرە کۆمەڵایەتیەکان

کوردستان

بەرپرسێكی كۆمەڵ: كاتی ئەوە نەهاتووە بازگەكان لابرێن؟

خەڵك – بەشی هەواڵ
كارگێڕی ئەنجوومەنی سیاسی كۆمەڵی ئیسلامی كوردستان ڕایدەگەیەنێت، ڕووداوی ڕێگرتن لە بەرپرسان لە بازگەكان بە دواییدا تەقەكردن لە بارەگاكانی هەردوولا دڵەڕاوكێ و مەترسی گەورەبوونی ناكۆكیەكان لای هاووڵاتیان دروست دەبێت، دەشڵێت: “كاتی ئەوە نەهاتووە سەرۆكایەتی حكومەت بیر لە لابردنی ئەم هەموو بازگانەی نێوان شارەكان بكاتەوە؟”.

محەمەد حەكیم، كارگێڕی ئەنجوومەنی سیاسی كۆمەڵی ئیسلامی كوردستان لە هەژماری تایبەتی خۆی لە فەیسبووك ڕایگەیاندووە، ڕووداوی ڕێگرتن لە بەرپرسان لە بازگەكان، كە ئۆتۆماتیكی بە دواییدا تەقەكردن لە بارەگاكانی هەردوولا دێت و دواتر دەبێتە دڵەڕاوكێ و مەترسی گەورەبوونی ناكۆكیەكان لای هاووڵاتیان.

ئەو بەرپرسەی كۆمەڵ دەشپرسێت، “كاتی ئەوە نەهاتووە، سەرۆكایەتی حكومەت بیر لە لابردنی ئەم ھەموو بازگانەی نێوان شارەكان بكاتەوە و تەنها بازگەكانی نێوان ھەرێم و ناوەند مەحكەم بكات و چاودێری ئەمنی نێو شارەكان توندكرێن؟”.

ئەمە لەكاتێكدایە، كە ڕۆژی پێنج شەممە لە بازگەی سماقوڵی ڕێگری لە مەحمود سەنگاوی، ئەندامی مەكتەبی سیاسی یەكێتی كرا بچێتە هەولێر و دوابەدوای ئەوەش سەركردایەتی پارتی لە سلێمانی ڕایگەیاند، كە تەقە لە بارەگای لقی چوار كراوە و شەوی ڕابردووش تەقە لە 3 كۆمیتەی یەكێتی لە هەولێر كرا.

کوردستان

بە ڤیدیۆ؛ لە فەرمانگەیەكی سلێمانی ڕۆژانی هەینی و شەممە دەوام كرایەوە

خەڵك- بەشی هەواڵ
لەپێناو كارئاسانی بۆ هاووڵاتیان و پێدانەوەی كارتەكانیان، فەرمانگەی كارتی نیشتمانی سلێمانی ڕۆژانی هەینی و شەممە دەوام دەكات.

بەپێی ئەو ڤیدیۆیەی فەرمانگەی كارتی نیشتمانی سلێمانی بڵاویكردۆتەوە، ئەمڕۆ هەینی 23-12-2019 فەرمانبەران و كارمەندانی فەرمانگەكە كاریان كردووە و چەندین كارتی نیشتمانیان ڕادەستی هاووڵاتیان كردۆتەوە.

ڕائید شێركۆ ئەحمەد، بەرێوەبەری كاروباری كارتی نیشتیمانی سلێمانی بۆ (خەڵك) پێشتر ڕایگەیاندبوو، لە پاش ھەوڵ و ماندووبونێكی زۆر لەگەڵ بەڕێوەبەرایەتی گشتی ڕەگەزنامەی ھەرێم و بەغداد (٨٩) ھەزار كارتی نیشتیمانی هاووڵاتیان گەڕاوەتەوە بۆ ئەوەی كارتی ساڵی ٢٠١٩ دوانەخرێت بۆ ساڵ ئایندە.

جەختیشی كردەوە، كە ڕۆژانی هەینی و شەممە لە كاتژمێر 9ی بەیانی تاوەكو 5ی ئێوارە پێدانەوەی كارتی نیشتمانی بە هاووڵاتیان بەردەوام دەبێت..

راستەۆ خۆ کارمەندانی کارتی نیشتیمانی سلێمانی لە کاتی پێدانەوەی کارتی نیشتیمانی بە ھاوڵاتیانسەرەرایی ئەمرۆ پشووە

Posted by ‎ڕەگەزنامةي سلێمانی ragaznamay sulaimany كارتى نيشتيمانى سليمانى‎ on Friday, December 13, 2019

بەردەوام بە لە خوێندنەوە

کوردستان

سەرۆكی هەرێم پەیامێكی پیرۆزبایی ئاڕاستەی جۆنسن دەكات

خەڵك – بەشی هەواڵ
سەرۆكی هەرێمی كوردستان ڕایدەگەیەنێت، بەدەستهێنانی متمانەی گەلی بەریتانیا سەركەو‌تنێكی گەورەیە بۆ ئێستا و داهاتووی ئەو وڵاتە، بۆیە ئێمە لە هەرێمی كوردستان بە ڕێز و پێزانینەوە لە هاوكاری و پشتگیرییەكانی بەریتانیا بۆ گەلی كوردستان دەڕوانین.

نێچیرڤان بارزانی، سەرۆكی هەرێمی كوردستان لە پەیامێكی پیرۆزباییدا بۆ بۆریس جۆنسۆن، سەرۆك وەزیرانی بەریتانیا بە بۆنەی سەركەوتنی پارتەكەی لە هەڵبژاردنەكانی پەڕلەماندا ڕایگەیاندووە، ئەم سەركەو‌تنە گەورەیە نیشانەی بڕوا و پشتگیری گەلەكەتانە لە سەركردایەتی و ڕوانینی خۆتان و پارتەكەتان بۆ ئێستا و داهاتووی بەریتانیا.

دەقی پەیامەكەی نێچیرڤان بارزانی:

جەنابی سەرۆك وەزیران بۆریس جۆنسۆن،
سەرۆكی پارتی پارێزگارانی بەریتانیا

بەگەرمی پیرۆزباییتان لێدەكەم بۆ ئەو سەركەوتنە گەورەیەی پارتەكەتان پارتی پارێزگارگارانی بەریتانیا لە هەڵبژاردنەكانی پەرلەماندا بەدەستی هێنا. هیوای سەركەوتن بۆ خۆتان و پارتەكەتان دەخوازم.

ئەم سەركەو‌تنە گەورەیە و بەدەستهێنانی متمانەی گەلی بەریتانیا، نیشانەی بڕوا و پشتگیریی گەلەكەتانە لە سەركردایەتی و ڕوانینی خۆتان و پارتەكەتان بۆ ئێستا و داهاتووی بەریتانیا. ئێمە لە هەرێمی كوردستان بە ڕێز و پێزانینەوە لە هاوكاری و پشتگیرییەكانی بەریتانیا بۆ گەلی كوردستان دەڕوانین و بە پەرۆشەوە خوازیاری پەرەپێدانی زیاتری پەیوەندییەكانمانین.

دووبارە پیرۆزبایی لە جەنابتان و پارتەكەتان دەكەم، هیوای سەركەوتن بۆ خۆتان و حكوومەتی داهاتووتان و ئارامی و پێشكەوتنی بەردەوام بۆ گەلی بەریتانیا دەخوازم.

نێچیرڤان بارزانی
سەرۆكی هەرێمی كوردستان
13/12/2019

بەردەوام بە لە خوێندنەوە

کوردستان

بەوێنە؛ بەهۆی تیژڕۆییەوە ئۆتۆمبێلێك وەردەگەڕێت

خەڵك – بەشی هەواڵ
وتەبێژی پۆلیسی هاتووچۆی هەولێر ڕایدەگەیەنێت، بەهۆی تیژڕۆیی و تەڕبوونی شەقامەكە ئۆتۆمبێلێك لە سەر ڕێگای هەولێر- پیرمام كۆنتڕۆڵی لەدەستدا، شۆفێرەكەی بەسەختی برینداربووە، دەشڵێت: “بەهۆی ڕووداوەكەوە بزوێنەری ئۆتۆمبێلەكە ماوەی 50 مەتر لە ئۆتۆمبێلەكە دووركەوتۆتوە”.

فازڵ حاجی، وتەبێژی پۆلیسی هاتووچۆی هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەیانی ئەمڕۆ هەینی 13-12-2019 لە سەر ڕێگای هەولێر- پیرمام ئۆتۆمبێلێكی جۆری (BMW )ی تایبەت بە هۆی تیژڕۆیی و تەڕبوونی شەقامەكە بە ئاوی باران كۆنتڕۆڵی لەدەستدا و بەسەر شۆستەی دورگەی ناوەندی شەقامەكە كەوت.

ڕاشیگەیاندووە، دواتر خۆی كێشاوە بەچەند دارێكی جوانكاری و ستوونی كارەبا ئەوجا ڕاوەستا و پاش ڕۆیشتنی لەسەر دوورگەی ناوەڕاستی شەقامەكە بۆ مەودای 80 مەتر.

دەشڵێت: “كەوتنی بزوێنەرەكەی بە دووری 50 مەتر لە ئۆتۆمبێلەكەوە تیژڕۆییەكەی نیشان دەدات”.

فازڵ حاجی ئاماژەی بەوەكردووە، بەهۆی ئەو ڕووداوەوە جگە لە زیانە ماددییەكان، شوفێرەكەش زۆر بەسەختی برینداربووە.

بەردەوام بە لە خوێندنەوە

کوردستان