ئێمە لە تۆرە کۆمەڵایەتیەکان

ڕاپۆرت و شیکاری

ئەو (١٠) لاوە بەهرەمەندەی لە خولی یانە پاڵەوانەکانی ئەم وەرزەدا دەبنە ئەستێرەی جیهانی

خەڵک سپۆرت

لەم وەرزەدا یانەکانی ئەوروپا پێکهاتەکانیان بە لاوان توندوتۆڵ کردۆتەوە و هەر یانەیەک بە بەهرەیەکەوە شانازی دەکات، ئەوەش ململانێی نێوان ئەو یاریزانانە دەگەیەنێتە لوتکە و پێدەچێت بە سود بۆ جیهانی تۆپی پێ بگەڕێتەوە.

ڕۆژنامەی “مارکا”ی ئیسپانی بە راپۆرتێک ئاماژەی بە ئاستی یانە بەشدارەکانی چامپیۆنز لیگی وەرزی ٢٠١٩/٢٠٢٠ کردووە و نوسیویەتی، لەم وەرزەدا زۆرینەی یانە گەورەکان بەلایەنی کەمەوە خاوەنی یاریزانێکی لاوی بەهرەدارن و دەیانەوێت لەم خولەدا تواناکانیان هەڵبکۆڵن و بیانگەیەننە ترۆپکی توانا هونەرییەکانیان.

زۆرینەی ئەوانەی لە خوارەوە ناویان هاتووە، لە یانەکانیان بەشێوەیەکی یەدەگ تا سەرەکی دەستیان بە یاریکردن کردووە و ئەگەر زۆرە لەم وەرزەدا لە لاوێکی بەهرەمەندەوە ببنە ئەستێرەی جیهانی و نرخیان سەدان ملیۆن یورۆ زیاد بکات.

  • جادۆن سانچۆ: بەهرەمەندە ئینگلیزیەکە لە یانەی بوروسیا دۆرتمۆندی ئەڵمانی یاریی دەکات، وەرزی ڕابردوو ١٣ گۆڵی تۆمار کرد و ١٩ گۆڵیشی دروست کرد، لەم وەرزەدا ئاستی بەرەوپێشچووە و چاوەڕوانی زیاتری لێدەکرێت.
  • جواو فیلێکس: بەبڕی ١٢٨ ملیۆن یورۆ لە یانەی بەنفیکاوە ڕوویکردە ئەتلەتیکۆ مەدرید، تەمەنی تەنها ١٩ ساڵە و بەدرێسی یانە ئیسپانیەکەیەوە لەم وەرزەدا ئاستێکی بەرزی پێشکەش کردووە، شارەزایان و میدیاکان چاودێری دەکەن.
  • ماتیاس دی لیخت: لە تەمەنی ١٩ ساڵیدا و بەدرێسی ئەیاکس ئەمستەردامەوە هاتە خانەی باشترین بەرگریکارەکانی جیهان، لەئێستادا درێسی یانەی یوڤانتۆسی ئیتاڵی پۆشیوە و بە داهاتووی بیانکۆنێری و هۆڵەندا وەسف دەکرێت.

  • ڤینیسیۆز جونیۆر: لەم وەرزە و وەرزەکانی ڕابردووشدا گەوهەرەکەی سیلیساو لەژێر چاودێری وردی شارەزایاندا بووە، چاوەڕوان دەکرێت لەم وەرزەدا بەسەرپەرشتی زینەدین زێدان بگاتە ترۆپکی توانا هونەری و تاکتیکیەکانی.
  • ئانسو فاتی: لەناکاو لەهەناوی لاماسیای بەرشلۆنەوە دەرکەوت و لە ١١٢ خولەکدا توانیویەتی دوو گۆڵ تۆمار بکات و گۆڵێکیش دروست بکات، سودی لەپێکانی دیمبیلی و سوارێز و مێسی وەرگرتووە و لەتەمەنی ١٦ ساڵیدا بووەتە یەکێک لە باشترینەکانی پێکهاتەی ڤاڵڤێردی، داهاتویەکی پرشنگدار چاوەڕوانی دەکات.
  • کای هاڤێرتز: تەمەنی ٢٠ ساڵە و یەکێکە لە لاوە بەهرەمەندە سەرەکیەکان لەپێکهاتەی یانەی بایەرلیڤەرکوزن، لەلایەن چەندین یانەی زەبەلاحەوە چاودێری تواناکانی دەکرێت و شارەزایانی ئەڵمانیا پێیان وایە لەم وەرزەدا دەگاتە ئەوپەڕی تواناکانی و یانەکەشی ڕووەو یانەیەکی زەبەلاح دەگۆڕێت.
  • ماسۆن ماونت: وەرزێکی لە دێربی کاونتی لەگەڵ فرانک لامپارد بەڕێکرد، دواتر ماوەی خواستنەکەی کۆتایی هات و دووبارە لە چێڵسی گەڕایەوە ژێر دەستی لامپاردی ڕاهێنەر، ناوەندسازە ئینگلیزیە لاوەکە لە پێنج ڕووبەڕوبونەوەدا ئاستی ناوازەی نیشانداوە و سێ گۆڵی تۆمار کردووە.
  • فیران تۆرێس: لاوە ئیسپانیەکە یاریی بۆ هەڵبژاردەکانی لاوانی خوار ١٧ و ١٩ ساڵی ئیسپانیا کردووە و نازناویمۆندیالی بەدەستهێناوە، لەم وەرزەدا بووە بچوکترین یاریزان کە بەدرێسی یانەی ڤالێنسیاوە گۆڵ تۆمار بکات.
  • فیل فودین: گواردیۆلا لەبارەیەوە دەڵێت :”فیل فودین یەکێکە لەباشترین ئەو بەهرەمەندانەی مەشقم پێکردوون”، یاریزانە ئینگلیزیەکە ١٤٧٦ خولەک بەدرێسی مان سیتیەوە یاریی کردووە و خاوەنی حەوت گۆڵە.
  • فلۆرنتینۆ: بەهۆی پێکانەوە یەکەمین جەولەی خولی یانە پاڵەوانەکان لەدەست دەدات، هەر لەقۆناغی گروپەکاندا لەپێکان دەگەڕێتەوە، ئەم لاوە بەهرەدارە لەهەر ڕووبەڕوبونەوەیەکدا بەشداری بکات یانەی بەنفیکا بەرەو ئاستێکی بەرزتر دەبات.

ڕاپۆرت و شیکاری

پێش مێسی و دوای مێسی، چی لە بەرشلۆنە گۆڕا و چەند نازناویان بەدەستهێنا؟

خەڵک سپۆرت

کاتێک داتا و ژمارەکان کۆدەکەینەوە، بۆمان دەردەکەوێت لەدوای پەیوەندیکردنی مێسی بە پێکهاتەی یەکەمی بەرشلۆنەوە یانەکە لەسەر ئاستی خەڵات و نازناوەکان گۆڕانکاری گەورەی بەسەرهاتووە، بەتەنها لەسەردەمی ئەفسانە ئەرجەنتینیەکەدا (١٠) نازناوی خولی ناوخۆ و شەش نازناوی جامی شای ئیسپانیا و چوار چامپیۆنز لیگیان لەمێژووی یانەکەدا تۆمار کردووە.

هەوادارانی “بلاوگرانا” قورسە بەلایانەوە بەبێ مێسی بیر لە یانەکەیان بکەنەوە، هۆکارەکەش ئەوەیە کە ئەم یاریزانە لە ١٦ی ئۆکتۆبەری ٢٠٠٤وە مێژووی یانەکەی بە ئاڕاستەیەکی تردا بردووە و چەندین خەڵاتی بەکۆمەڵ و تاکە کەسی خستۆتە هەگبەی نازناوەکانی خۆیی و یانە مێژووییەکەوە.

بۆ یەکەم جار لیۆ لە وەرزی ٢٠٠٤/٢٠٠٥ درێسی بارسای لەسەردەمی فرانک ڕایکاردی هۆڵەندیدا پۆشی، لەو وەرزەدا تەنها لە شەش ڕووبەروبونەوەدا بەشێوەی سەرەکی بەشداری کرد و دەرکەوت جادوی پێیەکانی بۆ داهاتوو کاریگەری زیاتری دەبێت، لەو وەرزەدا نازناوی خولی ناوخۆی ئیسپانیایان “لالیگا” بەدەست هێنا کە لە وەرزی ١٩٩٨/١٩٩٩وە بەدەستیان نەهێنابوو، هەروەها لەوەرزی ٢٠٠٥/٢٠٠٦ نازناوی خولی یانە پاڵەوانەکانیان بەدەستهێنا کە لە وەرزی ١٩٩١/١٩٩٢ توانیبویان تاکە نازناوێک بەدەست بهێنن.

ئێستا و ڕابردوو

بەدرێژایی مێژووی تۆپی پێی ئیسپانیا، بەرشلۆنە خاوەنی ٢٦ نازناوی “لالیگا”یە و (١٠) نازناوی لەسەردەمی مێسیدا تۆمارکراوە، هەروەها خاوەنی پێنج نازناوی خولی یانە پاڵەوانەکانن کە چواریان بەهەمان شێوە لەسەردەمی لیۆدا بووە (٢٠٠٥/٢٠٠٦، ٢٠٠٨/٢٠٠٩، ٢٠١٠/٢٠١١، ٢٠١٤/٢٠١٥)، لەکۆی (٣٠) نازناوی “کۆپا دێل رێ” شەش نازناویان بەهەمان شێوە لەسەردەمی “پوڵگا”دا چنراوەتەوە.

لەپێش سەردەمی “پوڵگا” ئەستێرەکانی بەرشلۆنە لە پێنج بۆنەدا خەڵاتی باشترین یاریزانی جیهانیان بەدەستهێناوە (کرۆیف دووجار ١٩٧٣ و ١٩٧٤، ڕیڤاڵدۆ ١٩٩٩، ستۆیچکۆڤ ١٩٩٤، لویس سوارێز ١٩٦٠)، بەڵام لەدوای دەرکەوتنی مێسی بۆ یەکەم جار ڕۆناڵدینیۆ لەساڵی ٢٠٠٥ بەدەستی هێناوە و لەدەوای ئەو وادەیە مێسی ڕێژەیەی نازناوە تاکە کەسیەکانی یاریزانانی بارسای بۆ ١٢ بەرز کردۆتەوە، کە کۆتاییەکەی باڵۆندۆری(٢٠١٩) بوو.

بەپێی هەژماری کۆتایی داتا و ژمارەکانی لالیگا و چامپیۆنز لیگ و کۆپا و خەڵاتە تاکە کەسیەکان دەردەکەوێت، لەسەردەمی مێسی یانەی بەرشلۆنە هێندەی ٤٥ ساڵی سەردەمی ڕابردووی یانە کەتەلۆنیەکە نازناوی کۆکردۆتەوە.

بەردەوام بە لە خوێندنەوە

ڕاپۆرت و شیکاری

چێڵسی چاوەڕێی وەڵامی (فیفا)یە و پلانیان بۆ سێ بۆندی گەورە داڕشتووە

خەڵک سپۆرت

دەستەی کارگێڕی یانەی چێڵسی ئینگلیزی دووبارە پیاهەڵچونەوەیان بۆ بڕیاری سڕکردنیان لەلایەن یەکێتی تۆپی پێی جیهانەوە کردووە و لەئەگەری هەڵوەشاندنەوەی بڕیارەکەدا سێ بۆندی گەورە ئیمزا دەکەن.

بەهۆی لادان لە ڕێسا کارپێکراوەکانی یەکێتی تۆپی پێی جیهان سەبارەت بە چۆنیەتی مامەڵەکردن و کارپێکردنی بۆندی لاوان، یەکێتی تۆپی پێی جیهان (فیفا) بۆ ماوەی دوو وەرزی گواستنەوەکان سزای سڕکردنی بەسەر یانەی چێڵسیدا سەپاند، بەرپرسانی یانە ئینگلیزیەکە چەند جارێک هەوڵیاندا بە پێشکەشکردنی بەڵگەی دروست سزاکە هەڵبوەشێننەوە، بەڵام سەرکەوتوو نەبوون و لە کۆتا جموجۆڵیاندا لەڕێگەی دادگای باڵای وەرزشیەوە هەڵپەساردنیان بە بڕیارەکەدا کردووە و بڕیارە لەم هەفتەیەدا دادگا وەڵامێکی یەکلاکەرەوەیان بداتەوە.

ڕۆژنامەی “زە سەن”ی بەریتانی ئاماژەی بەوە کردووە، کە ئەگەر بێتو (فیفا) و دادگای وەرزشیی لە سویسرا سزاکە هەڵپەسێرن، یاخود هەڵبوەشێننەوە ئەوا فرانک لامپارد داوای گواستنەوەی سێ یاریزان لە سێ پێگەی جیاوازدا دەکات.

پێگەی بەرگری باڵی چەپ: لەم پێگەیەدا ئەگەرەکان بە ئاڕاستەی کڕینی بین چیلوڵی ئەستێرەی یانەی لیستەر سیتی و نیکۆلاس تالیافیکۆی بەرگریکاری یانەی ئەیاکس ئەمستەردامن، هەروەها چەند ناوێکی تریش لەنێو لیستەکەدان، لەنمونەی: ئەلێکس تیلیس بەرگریکاری یانەی پۆرتۆ.

پێگەی باڵی هێرشبەری: سەرباری بوونی کریستیان پولیسیچ و هۆدسۆن ئۆدۆی، بەڵام بەردەوامبوونی ویلیان و پیدرۆ یەکلایی نەبۆتەوە، بۆ ئەم مەبەستەش جادۆن سانچۆی ئەستێرەی یانەی بوروسیا دۆرتمۆند وەک هەڵبژاردەی سەرەکی دیاری کراوە، هەروەها چەند ناوێکی جێگرەوەش دیاری کراون لەنمونەی: عوسمان دیمبیلی (بەرشلۆنە)، وڵفرێد زاها (کریستاڵ پاڵاس).

پێگەی هێرشبەر: تامی ئەبراهام لەم وەرزەدا ئاستێکی بەرزی پێشکەش کردووە، بەڵام ئۆلیڤی جیروی فەرەنسی بەپێی پیویست دەرنەکەوتووە، و میچی باچوای بەلجیکیش نەیتوانیوە پێگەکە پڕ بکاتەوە، بەم هۆیەوە یانەکە پێویستی بە هێرشبەرێکی کارایە، ڕۆژنامەکە پێشبینی دەکات موسا دیمبیلی هێرشبەری یانەی لیۆنی فەرەنسی داواکراوی فرانک لامپاردی ڕاهێنەر بێت.

بەردەوام بە لە خوێندنەوە

ڕاپۆرت و شیکاری

شەش کێشەی گەورە لە تۆتنهام ڕووبەروی مۆرینیۆ دەبێتەوە و پێویستە چارەسەریان بکات

خەڵک سپۆرت

جوزێ مۆرینیۆی پورتوگالی پۆستی ڕاهێنانی یانەی تۆتنهامی ئینگلیزی وەرگرت و لەئێستا بەرەدوا پێویستە تەواوی ئەو کێشانەی لەم وەرزەدا دروست بوون چارەسەریان بکات.

بەپێی ئەو زانیاریانەی لە میدیاکانی ئینگلتەراوە بڵاودەکرێنەوە، یانەی تۆتنهام لەئێستادا ئەو یانە تێروتەسەلە نییە کە وەرزی ڕابردوو گەیشتونەتە فاینەڵی خولی یانە پاڵەوانەکانی ئەوروپا، بەڵکو چەندین کەموکەرتی لە پێکهاتەکانی ماوریسیۆ پۆچتینۆ دروست بوون، بەهۆیانەوە ئەنجامەکان بەرەو خراپبوون ڕۆشتووە و چیتر دەبێت ڕاهێنەرە پورتوگالیەکە سەرجەمیان چارەسەر بکات، ئەو کێشانەش بریتین لە:

  • گۆڕینی ڕیتمی یاریی و ئاستی پێکهاتەکە: لەناوخۆی ئینگلتەرا، تۆتنهام لە ٢٨ی ئەیلولەوە بردنەوەی تۆمار نەکردووە و لە مانگی کانونی دووەمەوە لەدەرەوەی یاریگای خۆی بردنەوەی نەبووە، ئەوەش بەنسبەت یانەیەکی گەورەوە کێشەیە، بۆیە ئەمڕۆ “مۆو” بەرامبەر وێستهام پێویستە ئەو لەعنەتە ڕەشە پوچەڵ بکاتەوە و ڕیتمی یاریکردنیش بگۆڕێت.
  • سەپاندنی فەلسەفەکانی: مۆرینیۆ لەژیانیدا پشتی بە فەلسەفەی بەرگری و هێرشی هەڵگەڕاوە بەستووە، بەڵام ماوەی پێنج ساڵە پۆچتینۆ بە شێوازی فشاری قورس و پۆزیشن یارییان پێدەکات، لێرەدا ڕاهێنەری نوێ دەبێت بە پەلە فەلسەفەکانی خۆی بەسەر یاریزانان و تەواوی تاکتیکی یانەدا بسەپێنێت.
  • نەهێشتنی گومان: هاندەرانی تۆتنهام دوای گواستنەوەی مۆرینیۆ بوون بە دوو بەشەوە، بەشێک پێیان وایە ڕاهێنەرەکە سەرکەوتوو دەبێت و بەشێکیش بە گومانەوە لێی دەڕوانن، لە قۆناغی دووەمی وەرزەوە پێویستە ڕاهێنەرە پورتوگالیەکە بە بردنەوە و گەڕاندنەوەی تۆتنهام بۆ شەشینەی سەرەتا ئەو گومانانە بڕەوێنێتەوە.

  • گەڕاندنەوەی دیلی ئالی و ئیریکسن: لەم وەرزەدا دیلی ئالی و کریستیان ئیریکسن ئاستیان بەتەواوی دابەزیوە، بەو ئاستی گشتی پێکهاتەی سەرەکی گۆڕانکاری بەسەردا هاتووە، ئەرکی مۆرینیۆیە لەپێناو گەڕانەوەیەکی بەهێزدا ئەم دوو ئەستێرەیە بخاتەوە سەر ڕێڕەوی سەرکەوتنەکان.
  • بەدەستهێنانی نازناوێک: نۆرینیۆ لەهەر یانەیەک بووبێت بەلایەنی کەمەوە نازناوێک و دووانی بەدەست هێناوە، تۆتنهام لەسەردەمی پۆچیتینۆ بەهێز بوو، بەڵام توانای چنینەوەی نازناوەکانیان نەبوو، بۆ بێدەنگ کردنی ڕەخنەگران و ڕۆیشتن لەسەر هەمان فەلسەفەی پێشوو، ئەرکی مۆرینیۆیە بەلایەنی کەمەوە نازناوێک بۆ یانەکە لەم وەرزەدا مسۆگەر بکات.

  • کارکردن لەسەر گواستنەوەکان: تۆتنهام لەگواستنەوەکانی ڕابردوودا لو سێلسیۆ و ندۆمبێلی و سیسینیۆنی دابین کرد، بەڵام ئەم سێ یاریزانە بەهۆی پێکانەوە نەیانتوانی لەگەڵ پۆچتینۆ بەشێوەیەکی گونجاو یاریی بکەن، لەئێستادا پێکانەکانیان تێپەڕاندووە و باشترین چارەسەر ئەوەیە ڕاهێنەری نوێ بۆ سەلماندنی تواناکانی یاریزان نەکڕێت و لەو سێ یاریزانە سودمەند بێت.
بەردەوام بە لە خوێندنەوە

کوردستان