ئێمە لە تۆرە کۆمەڵایەتیەکان

ناوخۆیی

یانه‌ی برایه‌تی (په‌یوه‌ند مامه‌ند) ـی گواسته‌وه‌ ڕیزه‌كانی

خه‌ڵک – ئارام سه‌ردار

به‌مه‌به‌ستی تۆكمه‌كردنی پێكهاته‌ی تیپی تۆپی پێی یانه‌ی برایه‌تی بۆ یارییه‌كانی خولی نایابی تۆپی پێی كوردستان، به‌شێوه‌یه‌كی فه‌رمی یانه‌كه‌مان ناوه‌ڕاستكاری پارساڵی یانه‌ی گازی باكوور (په‌یوه‌ند مامه‌ند) ـی گواسته‌وه‌ ڕیزه‌كانی.

(په‌یوه‌ند مامه‌ند ساڵح) له‌دایكبووی ساڵی 1991 ـه‌ و له‌ هێڵی ناوه‌راست یاری ده‌كات، له‌ده‌ستپێكدا له‌ یانه‌ی خاك ده‌ستی به‌ یاریكردن كردووه‌و دواتر بۆ یانه‌كانی (كه‌ركووك، سۆلاڤ، سه‌وره‌ و عه‌له‌م له‌ خولی عێراق) یاریكردووه‌ و دوا یانه‌ش كه‌ یاری بۆ كردووه‌ یانه‌ی (گازی باكوور) بوو.

یانه‌ی برایه‌تی له‌چوارچێوه‌ی ئاماده‌کاریه‌کانی ئه‌م وه‌رزه‌دا بۆندی چه‌ندین یاریزانیان نوێ کردۆته‌وه‌ و چه‌ند یاریزانێکیشیان له‌ یانه‌کانی تره‌وه‌ دابین کردووه‌.

ریکلام

ناوخۆیی

یه‌كێتى تۆپی پێی كوردستان بڕیار و راسپارده‌ى نوێی ده‌ركرد

یه‌كێتى تۆپی پێی كوردستان

ئه‌مڕۆ شه‌ممه‌ 11/1/2020 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆى ئه‌نجامدا و، ئه‌م بڕیار و راسپاردانه‌ى خواره‌وه‌ى ده‌ركرد:

1- ره‌زامه‌ندى وه‌رگیرا، كه‌ یارییه‌كانى داهاتووى یانه‌ى ئاڵتون كۆپرى لە خولی پلەیەکی کوردستان له‌ یاریگه‌ى یانه‌ى باباگوڕگوڕ له‌ كه‌ركووك ئه‌نجام ده‌درێت.

2- داوا له‌ لێژنه‌ى هه‌ڵسه‌نگاندنى (V.D) و نوێنه‌رى یانه‌ى سیروانى نوێ ده‌كه‌ین، له‌ كۆبوونه‌وه‌ى داهاتووى یه‌كێتییه‌كه‌مان رۆژى شه‌ممه‌ 18/1/2020 له‌ كاتژمێر 11:00 ـى به‌یانى له‌ باره‌گه‌ى یه‌كێتى تۆپی پێی كوردستان ئاماده‌بن.

3- ئاگادارى سه‌رجه‌م یانه‌كان ده‌كه‌ینه‌وه‌، له‌ كاتى پێشكه‌شكردنى هه‌ر سكاڵایه‌ك یان په‌ڵپه‌ێك و روونكردنه‌وه‌یه‌ك، ته‌نیا له‌ كاتى په‌سند كردنى له‌ یه‌كێتى تۆپی پێی كوردستان، ده‌كه‌وێته‌ بوارى جێیه‌جێ كردن و كارى پێده‌كرێت.

4- خولى نایابى لاوانى كوردستان له‌ رۆژى هه‌ینى 24/1/2020 ده‌ست پێده‌كاته‌وه‌.

5- بۆ له‌مه‌ودوا سه‌رجه‌م یارییه‌كانى خولى نایاب و پله‌یه‌ك و نایابى لاوانى كوردستان، له‌ كاتژمێر 2:30 ـى ئێواره‌ ئه‌نجام ده‌درێت.

6- یارییه‌كانى گه‌ڕى حه‌وته‌مى خولى پله‌یه‌كى كوردستان، له‌ رۆژى چوارشه‌ممه‌ 15/1/2020 ئه‌نجام ده‌درێت.

7- یارییه‌كانى گه‌ڕى دوازده‌یه‌مى خولى نایابى كوردستان، له‌ رۆژانى پێنجشه‌ممه‌ و هه‌ینى به‌مشێوه‌یه‌ى خواره‌وه‌ ئه‌نجام ده‌درێت:

پێنجشه‌ممه‌ 16/1/2020

هه‌ندرێن × دهۆك
زاخۆ × برایه‌تى
ده‌ربه‌ندیخان × زێره‌ڤانى
پێشمه‌رگه‌ى هه‌ولێر × پێشمه‌رگه‌ى سلێمانى

هه‌ینى 17/1/2020

هه‌ولێر × نه‌ورۆز
سۆران × سیروانى نوێ

8- له‌ یارى نێوان سه‌یدسادق و ئاڵتون كۆپرى له‌ خولى پله‌یه‌كى كوردستان، به‌ هۆى رووداو و كێشه‌ و گرفته‌كانى یارییه‌كه‌ بڕیاردرا به‌:

• غه‌رامه‌كردنى یانه‌ى سه‌یدسادق به‌ بڕى 150,000 سه‌د و په‌نجا هه‌زار دینار، ئه‌مه‌یش به‌ هۆى به‌كارهێنانى یارى ئاگرین و هه‌ڵدانى بۆ نێو یاریگه‌.

• راگرتنى یاریزانى یانه‌ى سه‌یدسادق (به‌ڕێز حه‌سه‌ن) ژماره‌ 28 بۆ دوو یارى.

• غه‌رامه‌كردنى یاریزانى ناوبراو به‌ بڕى 250,000 دوو سه‌د و په‌نجا هه‌زار دینار.

• بانگهێشت كردنى یاریزانى ناوبراو به‌ ئاماده‌بوونى له‌ كۆبوونه‌وه‌ى داهاتووى یه‌كێتییه‌كه‌مان، له‌ رۆژى شه‌ممه‌ 18/1/2020 له‌ كاتژمێر 11:00 ـى به‌یانى.

9- له‌ یارى نێوان كۆیه‌ و چه‌مچه‌ماڵ له‌ خولى پله‌یه‌كى كوردستان، به‌ هۆى ته‌قه‌ كردن له‌ لایه‌ن هانده‌رێكى یانه‌ى كۆیه‌ و، هه‌روه‌ها به‌كارهێنانى یارى ئاگرین له‌ لایه‌ن هانده‌رانى یانه‌ى كۆیه‌ن بڕیاردرا به‌:

• غه‌رامه‌كردنى یانه‌ى كۆیه‌ به‌ بڕى 250,000 دوو سه‌د و په‌نجا هه‌زار دینار.

• ئاگادارى كۆتایی بۆ یانه‌ى كۆیه‌، له‌ ئه‌گه‌رى دووباره‌ بوونه‌وه‌ى ئه‌م جۆره‌ رووداوانه‌ یارییه‌كانیان ده‌گواسترێته‌وه‌ یاریگه‌ى یانه‌ى به‌رامبه‌ر.

10- ئاگادارى یانه‌ى زێره‌ڤانى ده‌كه‌ینه‌وه‌، پێویسته‌ له‌ یارییه‌كانى داهاتوویان له‌ سەرجەم تیپەکانیان، لە كه‌ش و هه‌واى ناله‌بار، رۆژێك پێش یارى یاریگه‌ى یه‌ده‌گ دابین بكه‌ن.

11- به‌ هۆى نه‌شیاوى یاریگه‌ى (شاهۆ حه‌مه‌ فه‌ره‌ج) كه‌ تایبه‌ت به‌ یانه‌ى هه‌ڵه‌بجه‌ى شه‌هید، به‌ نه‌بوونى ژوورى جلگۆڕینى یاریزانانى تیپى میوان و سه‌رپه‌رشتیارى یارى و ده‌سته‌ى ناوبژیوانان، بڕیاردرا به‌ گواستنه‌وه‌ى یارییه‌كانى داهاتووى یانه‌ى هه‌ڵه‌بجه‌ى شه‌هید بۆ یاریگه‌ى نێوده‌وڵه‌تى هه‌ڵه‌بجه‌ى شه‌هید، تا ئاماده‌كردن و دابینكردنى سه‌رجه‌م پێداویستییه‌كانى یاریگه‌ى شاهۆ حه‌مه‌ فه‌ره‌ج.

12- له‌ یارى نێوان هه‌ڵه‌بجه‌ى شه‌هید و رزگارى له‌ خولى پله‌یه‌كى كوردستان، به‌ هۆى په‌لاماردانى یاریده‌ده‌رى ناوبژیوان له‌ لایه‌ن یه‌كێك له‌ هانده‌ره‌كانى یانه‌ى رزگارى، بڕیاردرا به‌ غه‌رامه‌كردنى یانه‌ى رزگارى به‌ بڕى 250,000 دوو سه‌د و په‌نجا هه‌زار دینار.

13- لە یاری نێوان زێرەڤانی و هەولێر لە خولی نایابی کوردستان، بە هۆی دەرکردنی لە یارییەکە، بڕیاردرا بە غەرامەکردنی راهێنەرانی گۆڵپارێزانی یانەی هەولێر (دیدار حامد) بە بڕی 250,000 دوو سەد و پەنجا هەزار دینار، پێویستە پێش یاری داهاتوو بڕی غەرامەکە رادەستی ژمێریاری یەکێتییەکەمان بکرێت.

14- له‌ به‌رده‌وامى لێكۆڵینه‌وه‌كان له‌ رووداوه‌كانى یارى نێوان (جیهان و پێشمه‌رگه‌ى سلێمانى) له‌ خولى نایابى تازه‌پێگه‌یشتووانى كوردستان بۆ وه‌رزى 2018/2019 دواى گفتوگۆ و لێكۆڵینه‌وه‌ له‌گه‌ڵ ده‌سته‌ى كارگێرى یانه‌ى جیهان بڕیاردرا به‌:

• دابه‌زاندنى تیپى تازه‌پێگه‌یشتووانى یانه‌ى جیهان بۆ ریزى یانه‌ پله‌یه‌كه‌كانى كوردستان.

• راگرتنى ته‌واوى ستافى هونه‌رى و سه‌رپه‌رشتیارى تیپى تازه‌پێگه‌یشتووانى یانه‌ى جیهان بۆ ماوه‌ى یه‌ك ساڵ له‌ رێكه‌وتى 11/1/2020 تا 11/1/2021 به‌شدارى پێنه‌كردنیان له‌ ته‌واوى چالاكییه‌كانى یه‌كێتى تۆپی پێی كوردستان.

• راگرتنى سه‌رجه‌م ئه‌و یاریزانانه‌ى تیپى تازه‌پێگه‌یشتووانى یانه‌ى جیهان، كه‌ ناویان له‌ لیستى ناوى یاریزانان (كشوفات) نووسراوه‌ بۆ وه‌رزى 2018/2019، بۆ ماوه‌ى یه‌ك ساڵ له‌ رێكه‌وتى 11/1/2020 تا 11/1/2021.

بەردەوام بە لە خوێندنەوە

ناوخۆیی

یەکێتی تۆپی پێی کوردستان وەڵامی سیروانی نوێ دەداتەوە: پەیاننامە لەسەر چ بنەمایەک؟

خەڵک سپۆرت – یەکێتی تۆپی پێی کوردستان

“بەیاننامە لەسەر چ بنەمایەک”

وەڵامێک بۆ یانەی سیروانی نوێ ..

روونکردنەوەیەک بۆ شەقامی وەرزشی کوردستان ..

یەکێتی تۆپی پێی کوردستان بە گەورەیی و چاوی ڕێزەوە دەڕوانێتە پێشنیار و ڕەخنە و گلەیی و سکاڵای یانەکان و ڕاهێنەران و یاریزانان و ڕاگەیاندنکاران و جەماوەری وەرزشی بە گشتی و درێخی ناکات لە بەدواداچوون بۆ ئەو پرسانە، بە مەرجێک لەسەر بنەما و سەرچاوەی راست و دروست بێ.

دیارە رۆژی شەممە ٤ـ۱ــ۲۰۲۰ یانەی وەرزشی سیروانی نوێ لەسەر بنەمایەکی ناڕاست و نەبوونی هیچ بەڵگەیەک، بەیاننامەیەکی بڵاوکردووەتەوە تیایدا ناحەقی زۆر دەرحەق بە یەکێتی تۆپی پێی کوردستانی تێدایە، هەر بەوەوە نەوەستاون ئەندامێکی بەرێزی کارگێڕی ئەو یانەیە لەکەناڵێکی ڕاگەیاندن ئەو ناحەقییەی دووپاتکردەوە، لێرەوە بە شەقامی وەرزشی گشتی و دەستەی کارگێری و هاندەرانی یانەی خۆشەوستی سیروانی نوێ رادەگەیەنین، راستە سکاڵا و سیدی رووداوەکە گەیشتووەتە یەکێتی تۆپی پێی کوردستان، بەڵام بە پێی ئیتکی کار و رێنمایی یەکێتی تۆپی پێی كوردستان، دوای گەیشتنی هەر سکاڵا و بەڵگەیەکی دروست، یەکێتی تۆپی پێی کوردستان لەکۆبوونەوەی خۆیدا لێژنەی چاودێر و ڤیدیۆی ناوبژیوانانی کوردستان رادەسپێرێ بۆ لێکۆڵینەوە لە ڕووداوەکان، وەک چۆن له کۆبونەوەی دوێنی بڕیاردرا بەدواداچوونی ورد بکرێت بۆ سکاڵای بەرێزتان و پاشان لەکۆبونەوەی داهاتوو لەسەر راسپاردەی لێژنەکە یەکێتی تۆپی پێی کوردستان بە تێکڕای ئەندامانی بڕیاری شیاو و دروست دەدات.

یەکێتی تۆپی پێی کوردستان جەخت دەکاتەوە لەسەر ئەوەی لەکۆبوونەوەی دوێنی هیچ کام لە ئەندامانی لێژنەکەی بانگهێشتی کۆبوونەوە نەکردووە و هیچ راپۆرت و نووسراوێکی ئەندامانی لێژنەکە لە بەرنامەی کۆبونەوەکە بوونی نەبووە و، ڕا و بۆچونی هیچ کەسێکش وەرنەگیراوە، بۆیە سەرتاپای قسەکانی سەرچاوەکەتان دوورن لە راستی و هیچ بنەمایەکی نییە، بە دیدی یەکێتی تۆپی پێی کوردستان دەبێت یانەی سیروانی نوێ کە کارگێڕیەکی نموونەی و راگەیاندێکی پرۆفیشناڵ و جەماوەرێکی دڵسۆزی لەپشتەوەیە، لە دوای گەڕانەوەی بۆ چالاکییەکان بە بەرنامەیەکی تۆکمە و درێژخایەن توانیویەتی ببێتە هەوێنی زیاتری جوان کردنی خولەکان و چەندان یاریزانی لاو و بەهرەمەند و کچەیاریزانی لێهاتووی شاری سلێمانی پێبگەیەنێت، پێویستە خۆی دوور بگرێت لە هەواڵی بێ بنەما و نادروست و رێگری بکات لەو کەسانەی گوایە دڵسۆزی یانەی سیروانی نوێن و هەواڵی نادروستیان پێ بدات.

لە کۆتاییدا هەمووان دڵنیا دەکەینەوە یەکێتی تۆپێ پێی کوردستان داکۆکیکاری راستەقینەی هەمووانە و ڕێگە نادات مافی هیچ یانەیەک و کەسێک بخورێت.

راگەیاندنی یەکێتی تۆپی پێی کوردستان
٥ـ۱ـ۲۰۲۰

بەردەوام بە لە خوێندنەوە

ناوخۆیی

یه‌كێتی تۆپی پێی كوردستان بڕیار و راسپارده‌ی نوێی ده‌ركرد

یه‌كێتی تۆپی پێی كوردستان

ئه‌مڕۆ شه‌ممه‌ 4/1/2020 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی ئاسایی خۆی ئه‌نجام دا و ئه‌م بڕیار و راسپاردانه‌ی خواره‌وه‌ی ده‌ركرد.

1- نووسراوی یه‌كێتی تۆپی پێی كوردستان لقی سلێمانی به‌ ژماره‌ 149 له‌ رێكه‌وتی 16/12/2019 په‌سند كرد، كه‌ خولێكی راهێنه‌رایه‌تی (C) ئاسیاییان ئه‌نجامداوه‌، به‌ڵام تاكو رێكه‌وتی 16/12/2020 ناتوانن خولی راهێنه‌رایه‌تی (C) ئاسیایی بكه‌نه‌وه‌.

2- ئاگاداری سه‌رجه‌م راهێنه‌ران ده‌كه‌ینه‌وه‌، دوا ده‌ستپێكردنی یارییه‌كانی قۆناغی دووه‌می خولی نایابی كوردستان پێویسته‌ بڕوانامه‌ی باوه‌رپێكراویان ئاماده‌ بكه‌ن، به‌ پێچه‌وانه‌وه‌ مافی راهێنه‌رایه‌تیان له‌ یانه‌كانیان نابێت.

3- ئاگاداری یانه‌ی هه‌ڵۆ ده‌كه‌ینه‌وه‌، پێویسته‌ له‌ یارییه‌كانی داهاتوویان له‌ خولی پله‌یه‌كی كوردستان، ژووری جلگۆڕینی یاریزانان و توالێته‌كانیان به‌ پاك و خاوێنی ئاماده‌ بكه‌ن، به‌ پێچه‌وانه‌وه‌ تووشی سزا ده‌بن.

4- راگرتنی سه‌رپه‌رشتیاری یاری (تاریق سه‌عید) بۆ ماوه‌ی یه‌ك مانگ، ئه‌مه‌یش به‌ هۆی پابه‌ند نه‌بوون به‌ رێنماییه‌كانی یه‌كێتی تۆپی پێی كوردستان له‌ یاری نێوان چه‌مچه‌ماڵ و هه‌ڵه‌بجه‌ی شه‌هید، له‌ خولی یانه‌ پله‌یه‌كه‌كانی كوردستان، كه‌ كه‌سانێكی زۆر بێ بوونی باجی تایبه‌ت له‌ نێو یاریگه‌ ئاماده‌ بووینه‌.

5- ئاگاداری سه‌رجه‌م سه‌رپه‌رشتیارانی یارییه‌كان ده‌كه‌ینه‌وه‌، پێش ته‌واو بوونی یارییه‌كان به‌ پێنج خوله‌ك، جگه‌ له‌ راگه‌یاندنكارانی وه‌رزشی هیچ كه‌سێكی دیكه‌ بۆی نییه‌ بێته‌ نێو یاریگه‌، ئه‌مه‌یش بۆ سه‌لامه‌تی سه‌رپه‌رشتیار و ناوبژیوانان و یاریزانان، بۆ ئه‌وه‌ی راگه‌یاندنكارانیش كاره‌كانی خۆیان به‌ باشی ئه‌نجام بده‌ن.

6- ئاگاداری سه‌رۆكی یانه‌ی سه‌یدسادق ده‌كه‌ینه‌وه‌، به‌ ززوترین كات په‌یوه‌ندی به‌ یه‌كێتی تۆپی پێی كوردستان بكات بۆ كاری پێویست.

7- دوا لێكۆڵینه‌وه‌یه‌كی ورد له‌ رووداوه‌كانی یاری نێوان سیروانی نوێ و زاخۆ له‌ گه‌ڕی نۆیه‌می خولی نایابی لاوانی كوردستان، بڕیاردرا به‌:

أ‌- دابه‌زاندنی تیپی لاوانی نایابی یانه‌ی زاخۆ بۆ ریزی یانه‌ پله‌یه‌كه‌كانی لاوانی كوردستان بۆ وه‌رزی 2020/2021.

ب‌- هه‌ژماركردنی دووی یاری داهاتووی یانه‌ی زاخۆ به‌ ئه‌نجامی (3-0) گۆڵ له‌ به‌رژه‌وه‌ندی یانه‌ی به‌رامبه‌ری، ئه‌مه‌یش به‌ پێی رێنماییه‌كانی یه‌كێتی تۆپی پێی كوردستان له‌ په‌ڕاوی 2019/2020.

ت‌- راگرتنی ئه‌م یاریزانانه‌ی خواره‌وه‌ له‌ تیپی لاوانی یانه‌ی زاخۆ بۆ ماوه‌ی یه‌ك ساڵ له‌ رێكه‌وتی 4/1/2020 تاكو 4/1/2021
1- ئه‌حمه‌د چیایی ژماره‌ 7
2- یوسف ئه‌یوب ژماره‌ 6
3- شڤان مه‌حموود ژماره‌ 12
4- عه‌لی عه‌بدولره‌قیب ژماره‌ 10
5- زانا شڤان ژماره‌ 3
6- بێوار فه‌ریق ژماره‌ 77
7- عومران سامی ژماره‌ 17
8- وه‌لید وشیار ژماره‌ 4
9- كۆڤان سالم ژماره‌ 9
10- هۆگر عه‌لی ژماره‌ 22

پ‌- كارپێنه‌كردنی بڕوانامه‌ی یاریده‌ده‌ری راهێنه‌رای لاوانی زاخۆ (تاهیر حه‌مدی) هه‌روه‌ها راگرتنی بۆ ماوه‌ی دوو ساڵ.

ج‌- راگرتنی یاریده‌ده‌ری پزیشكی یانه‌ی لاوانی زاخۆ (عیسا حوسێن) بۆ ماوه‌ی دوو ساڵ.

ح‌- راگرتنی ئه‌م یاریزانانه‌ی تیپی لاوانی یانه‌ی سیروانی نوێ بۆ ماوه‌ی یه‌ك ساڵ له‌ رێكه‌وتی 4/1/2020 تاكو 4/1/2021

1- ژیار نامیق ژماره‌ 3
2- دیدار سیروان ژماره‌ 16
3- بیلال مه‌جید ژماره‌ 14

خ‌- گواستنه‌وه‌ی یاری داهاتووی لاوانی یانه‌ی سیروانی نوێ بۆ یاریگه‌ی یانه‌ی كۆیه‌.

8- ئه‌م بڕیارانه‌ی سه‌ره‌وه‌ تایبه‌ت به‌ رووداوه‌كانی یاری نێوان لاوانی سیروانی نوێ و زاخۆ، دوای لێكۆڵێنه‌وه‌یه‌كی ورد له‌ لایه‌ن لێژنه‌ی پێكهاتوو له‌ لایه‌ن یه‌كێتییه‌كه‌مان به‌ پشتبه‌ستن به‌ رێنماییه‌كانی یه‌كێتی تۆپی پێی كوردستان له‌ په‌ڕاوی 2019/2020، له‌ خاڵی (16) بڕگه‌ی (ب) له‌ لاپه‌ڕه‌ (10) و خاڵی (17) له‌ لاپه‌ڕه‌ (14) دراوه‌، به‌ هیوای ئه‌وه‌ی له‌ داهاتوو ئه‌م جۆره‌ كێشه‌ و گرفتانه‌ دووباره‌ نه‌بنه‌وه‌ و، به‌ هه‌موو لایه‌كمان هه‌وڵی بنبڕكردنی ئه‌م جۆره‌ ره‌فتارانه‌ به‌ تایبه‌ت له‌ تیپه‌كانی تازه‌پێگه‌یشتووان و لاوان بده‌ین.

بەردەوام بە لە خوێندنەوە

کوردستان