ئێمە لە تۆرە کۆمەڵایەتیەکان

کوردستان

بەڤیدیۆ..سەرۆكی حكومەت لە بری مامۆستا، یەكەم وانە بە قوتابیان دەڵێتەوە


خەڵك- بەشی هەواڵ

لە شارەكانی هەرێمی كوردستان، ساڵی نوێی خوێندن دەستیپێكرد.

ئەمڕۆ شەممە، 21ی ئەیلول، ساڵی نوێی خوێندنی 2019-2020 دەستیپێكرد و بۆ ئەمساڵی خوێندنیش نزیكەی ملیۆنێك و 700 هەزار خوێندكار لە شارەكانی هەرێمی كوردستاندا پەیوەندی بە خوێندنگەكانەوە دەكەن.

لە تۆمارێكی ڤیدیۆییدا، مەسرور بارزانی سەرۆكی حكومەتی هەرێمی كوردستان لە یەكەم ڕۆژی دەستپێكردنی خوێندن سەردانی قوتابخانەیەكی شاری دهۆك دەكات و پیرۆزبایی لە مامۆستا و خوێندكارانی قوتابخانەكە دەكات.
لە تۆمارە ڤیدیۆییەكەدا، سەرۆكی حكومەت دەچێتە یەكێك لە پۆلەكان و وێڕای پێرۆزیایی لە قوتابیان، لە بری مامۆستای پۆل وانەیەك بە قوتابیان دەڵێتەوە و ئاماژە بۆ ئەوە دەكات، ئێوە داهاتووی ئەم گەلەن و پێویستە باش بخوێنن و نمرەی باش بهێنن تاكو بتوانن ببنە هەر شتێك.

کوردستان

هەولێر، 7 حاڵەتی تووشبوون بە كۆرۆنا ڕادەگەیەنرێت


خەڵك- بەشی هەواڵ
لە پارێزگەی هەولێر، 7 حاڵەتی تووشبوونی نوێ‌ بە ڤایرۆسی كۆرۆنا تۆماركران.

بەپێى ڕاگەیەندراوێك كە لەلایەن بەڕێوەبەرایەتی گشتی تەندروستی هەولێرەوە بڵاوكرایەوە”لە بەردەوامی پشكنینەكان و گەڕان بەدوای گومانلێكراوان و تووشبووان، حەفت تووشبووی دیكەی ڤایرۆسی كۆڕۆنای نوێ COVID-19 لە شاری ھەولێر دەستنیشانكران”.

هەر لە ڕاگەیەندراوەەكەدا هاتووە” تووشبووەكان لە سێ پیاو كە تەمەنیان ٦٠ و ٢٦ و ٢٠ ساڵانە لەگەڵ سێ ئافرەت كە تەمەنیان ٥٧ و ٢٧ و ٢٣ ساڵان و كچێكی تەمەن ١٦ ساڵ، پێكهاتووە، ھەمووشیان بەركەوتووی تووشبووی پێشوون”.

بەڕێوەبەرایەتی تەندروستی هەولێر دەڵێت”یەك تووشبوو دانیشتووی گەڕەكی كوێستانە و شەش تووشبووەكەی تریش دانیشتووی گەڕەكی ھەولێری نوێی شاری هەولێرن”.

بەردەوام بە لە خوێندنەوە

کوردستان

كارەبای سلێمانی لە بەشێكی قەرزی سەر هاووڵاتیان خۆشدەبێت


خەڵك- بەشی هەواڵ

به‌ڕێوه‌به‌رایه‌تی گشتی كاره‌بای سلێمانی ڕايدەگەیەنێت، هه‌ركه‌س تا رۆژی 15ی ئەم مانگە ئه‌و قه‌رزی كاره‌بایه‌ی لایه‌تی بیداته‌وه‌، ئه‌وا له‌ 15%ی قه‌رزه‌كه‌ خۆشده‌بن.

بەپێی ڕاگەیەندراوێك كە لەلایەن به‌ڕێوه‌به‌رایه‌تی گشتی كارەبای سلێمانییەوە بڵاوكراوەتەوە”به‌ پشت به‌ستن به‌ كۆبونه‌وه‌ی رۆژی (چوارشه‌ممه‌)ی ئه‌نجومه‌نی وه‌زیرانی هه‌رێمی كوردستان، گشت هاوبه‌شانی كاره‌با (ماڵان، پیشه‌سازیی، بازرگانی، كشتوكاڵی) ئاگادارده‌كه‌نه‌وه كە‌ تا 15ی ئه‌م مانگه‌ قه‌رزی كاره‌باكانیان بده‌ن، و 15% لێخۆشبونیان بۆ ده‌كرێت”.

هەر لە ڕاگەیەندراوەكەدا هاتووە”گشت هاوبه‌شانی كاره‌با ده‌توانن سود له‌و هه‌له‌ وه‌ربگرن و له‌ سه‌ره‌تای هه‌فته‌ی داهاتوه‌وه‌ سه‌ردانی به‌ڕێوه‌به‌رایه‌تی و فه‌رمانگه‌كانی كاره‌با بكه‌ن و قه‌رزه‌كانیان بده‌ن”.

 

بەردەوام بە لە خوێندنەوە

کوردستان

هەپەگە؛لەوان سێ سەرباز كوژران و فڕۆكەیەكیش خرایە خوارەوە


خەڵك – بەشی هەواڵ

هێزەكانی پاراستنی گەل ڕایدەگەیەنێت ، لە چالاكیی گەریلا دژی سوپای توركیا لە ناوچەی ئەلباكی وان، سێ سەربازی توركیا كوژران، لە هەفتانینیش فڕۆكەیەكی بێفڕۆكەوان خرایە خوارەوە.

هێزەكانی پاراستنی گەل هەپەگە لە ڕاگەیەنراوێكدا بڵاویكردەوە، لە چوارچێوەی هەنگاوی تۆڵە كردنەوەی شەهید مەدیا ماوا و شەهیدڕزگار گەڤەر، هێزەكانیان ڕۆژی٣ی ئەم مانگە كاتژمێر6:40خولەكی ئێوارە، لە ناوچەی ئەلباكی وان دژی ئۆتۆمبێلكیكی سوپای توركیا، كە لە بنكەی قەڵای ئەسمەر بەرەوە بنكەی خەڵكاوا دەچوو چالاكییان ئەنجامدا.

ڕاشیگەیاندووە، لەو چالاكییەكەدا گورز لە ئۆتۆمبێلەكە درا و ئەوەندەی بۆمان ڕوون بووەتەوە، سێ سەربازی سوپا كوژران.

ئاماژە بۆ ئەوەشكراوە، ڕۆژی یەكی ئەم مانگە كاتژمێر 3ی دوانیوەڕۆ، لە ناوچەی هەفتانین لە هەرێمەكانی پاراستنی مەدیا، فڕۆكەیەكی بێفڕۆكەوان كە بەسەر گردی پارتیزان-دا دەسوورایەوە لەلایەن هیزەكانمانەوە خرایەخوارەوە.

لە ڕاگەیەنراوەكەداهاتووە، ڕۆژی ٢ی ئەم مانگە كاتژمێر 9 بۆ 10ی شەو، فڕۆكە جەنگییەكانی سوپای توركیا دەوروبەری گوندی فلەحا لە زاپیان بۆردوومانكرد، هەروەها ڕۆژی ٣ی ئەم مانگەش مەیدانی كانی سارك و كوڕەژارۆ لە زاپ، تەپی شەهید حەمزە لە هەفتانین و مەیدانی شەهید دیران لە ئاڤاشین بۆردوومانكراون.

بەردەوام بە لە خوێندنەوە

کوردستان