ئێمە لە تۆرە کۆمەڵایەتیەکان

عێراق

داوا لە كۆمپانیا چینییەكان دەكرێت عیراق ئاوەدان بكەنەوە


خەڵك- بەشی هەواڵ
عادل عەبدولمەهدی سەرۆك وەزیرانی عیراق ڕایدەگەیەنێت، داوا لە كۆمپانیا چینییەكان دەكات، بەوپەڕی گوڕ و تینەوە بەشداریی لە هەڵساندنەوەی عیراق و ئاوەدانكردنەوەی وڵاتدا بكەن، بەڵێنیش دەدات ئاسانكارییان بۆ بكات.

عەبدولمەهدی سەرۆك وەزیرانی عیراق، لە كۆنگرەی پیشەسازی جیهانی 2019، لە شاری خیفی چینی ڕایگەیاند”لە میانی ئەو چاوپێكەوتنانەی ئەنجامیان دەدەن، داوا لە كۆمپانیا چینییەكان دەكەن بەوپەڕی گوڕ و تینەوە بەشداریی لە ئاوەدانكردنەوەی عیراقدا بكەن، لای خۆشيانەوە بەڵێن دەدەن هەموو ئەو ئاستەنگانەیان لەبەردەمدا ڕابماڵن كە دێنە ڕێیان”.

بە وتەی سەرۆك وەزیرانی عیراق، لیژنەی ناوەندی، سەرپەرشتی ڕەخساندنی هەلی گونجاو دەكات بۆ ئەو كۆمپانیایانە، ئامانجیشیان لەو كارەدا خستنەڕووی خواستی وڵاتە لە كاریی هاوبەش لەگەڵ وڵاتی چین.

عادل عەبدولمەهدی سەرۆك وەزیرانی عیراق لەگەڵ ئەندامانی شاندنی عیراقی كە لە وەزیرەكان و پارێزگارەكان و ڕاوێژكاران پێكهاتبوون، وەك میوان و لەسەر بانگهێشتی لی كیشیانگ سەرۆك وەزیرانی چین، ئامادەی كۆنگرەی پیشەسازی جیهانی 2019 بوون كە دوێنێ‌ هەینی كارەكانی لە شاری خیفی چینی دەستیپێكرد.

عێراق

سەرۆك كۆمار چاوی بە پارێزگاری بانكی ناوەندی كەوت
جەخت لەسەر پێویستی دۆزینەوەی سەرچاوەی دیكەی داهات دەكرێتەوە


خەڵك- بەشی هەواڵ
بەرهەم ساڵح سەرۆك كۆماری عیراق، لەكۆشكی بەغداد پێشوازیكرد لە عەلی موحسن ئیسماعیل عەلاق پارێزگاری بانكی ناوەندی عێراق و لە دیداریی نێوانیان، جەخت لەسەر پێویستی دۆزینەوەی سەرچاوەی دیكەی داهات و ئاراستەكردنی خەرجییەكانی حكومەت دەكاتەوە.

بەپێی ڕاگەیەنداوێك كە لەلایەن سەرۆكایەتی كۆماری عیراقەوە بڵاوكرایەوە”لە دیدارێكدا سەرۆك كۆمار جەختیكردەوە لە پێویستی پەیڕەوكردنی سیاسەتی نەختینەی هاوسەنگ و كاركردن لەسەر بەھێزكردنی دۆخی دارایی لە رێگەی دۆزینەوەی سەرچاوەی دیكەی داهاتی دەوڵەت و ئاراستەكردنی خەرجییەكانی حكومەت، بەتایبەتی لەو دۆخە سەختەی ئێستادا كە عێراق رووبەڕووی بووەتەوە لە بڵاوبوونەوەی پەتای كۆرۆنا و كەمبوونەوەی داھاتی نەوت”.

هەر لە ڕاگەیەندراوەكەدا هاتووە”لە تەوەرێكی دیكەی دیدارەكەدا سەرۆك بەرھەم جەختیشیكردەوە لەگرنگی پەیرەوكردنی سیاسیەتێكی دارایی حەكیمانە بە ئاراستەی بەرژەوەندی گشتی وڵات، ھاوكات یارمەتی عێراقیش بدات تاوەكو ئەو قەیرانەی ئێستا تێپەڕێنێت، لەھەمان كاتدا سەقامگیری ئابووری و بژێوی ژیانی هاووڵاتیان دابین بكات”.

“لەلای خۆیەوە عەلی عەلاق، رۆڵی بانكی ناوەندی لە كەمكردنەوەی ئاڵنگارییەكانی پەتای كۆرۆنا-ی لەسەر ئابووری عێراق خستە روو، ھەروەھا سوپاس و پێزانینی خۆشی نیشاندا بۆ ئەو دەستپێشخەرییەی كە سەرۆك كۆمار كردوویەتی بۆ بانكی ناوەندی لەم دۆخە هەستیارەدا، ھەروەھا خستنە رووی بیروڕاكانی لەوبارەیەوە”، ئەمەش لە ڕاگەیەندراوەكەی سەرۆكایەتی كۆماردا ئاماژەی پێكراوە.

بەردەوام بە لە خوێندنەوە

عێراق

سەرۆك كۆمار و وەزیری دارایی باس لە كەمكردنەوەی مووچە دەكەن


خەڵك- بەشی هەواڵ
بەرهەم ساڵح سەرۆك كۆماری عیراق لە كۆشكی سەلام لە بەغدا، پێشوازیكرد لە عەلی عەبدولئەمیر عەلاوی وەزیری دارایی كرد و لە دیداریی نێوانیان چەند تەوەرێك تاوێكران كە گرنگترینیان هەنگاوی كەمكردنەوەی مووچە بوو، هەر لەو دیدارەدا جەخت لەسەر پێویستی دروستەنەكردنی كاریگەریی هەنگاوەكە كرایەوە لەسەر بژێوی ژیانی فەرمانبەران و خانەنشینان و ئەوانەی داهاتێكی سنوردارییان هەیە.

بەپێی ڕاگەیەندراوێك كە لەلایەن سەرۆكایەتی كۆماری عیراقەوە بڵاوكراوەتەوە” لە میانی دیدارەكەدا سەرۆك كۆمار جەختیكردەوە لە گرنگی ئەنجامدانی چاكسازی پێویست و بەگژاچوونەوەی گەندەڵی و كاركردن بۆ ئاراستەكردنی خەرجییەكانی حكومەت و پاراستنی سامانی گشتی و دۆزینەوەی سەرچاوەی دیكەی داھات، لە كاتێكدا كە عێراق رووبەڕووی ئاڵنگاری ئابووری و پەتای كۆرۆنا بووەتەوە، ھاوكات تەئكیدیكردەوە لەوەی چارەسەرییە ئابوورییەكان نابێت كاریگەری دروست بكات لەسەر بژێوی ژیانی فەرمانبەران و خانەنشینان و ئەو توێژەی كە داھاتیان سنوردارە”.

“هەر لەو دیدارەدا جەختكرایەوە لەسەر گرنگی چارەسەركردنی كێشە ھەڵپەسێردراوەكانی نێوان ھەردوو حكومەتی فیدراڵی و حكومەتی ھەرێمی كوردستان لەسەر بنەمای دەستوور و یاسا و پاراستنی مافی سەرجەم ھاووڵاتیانی عێراق و موچەخۆران بێ جیاوازی”.

لە ڕاگەیەندراوەكەی سەرۆكایەتی كۆماردا هاتووە” لە درێژەی دیدارەكەدا باس لەچۆنیەتی دۆزینەوەی رێگەچارەی پێویست كرا، بۆ پشتیوانیكردنی عێراق لە رووبەڕووبوونەوەی قەیرانی دارایی و دانانی پلان و گرتنەبەری رێوشوێنی پێوسیت بۆ تێپەڕاندنی ئەم دۆخەی ئێستا، ھەروەھا گرنگی یەكخستنی هەوڵەكان لە نێوان هەمووان بۆ كەمكردنەوەی كورتھێنان لە بودجەی گشتی وڵات دا، بەجۆرێك كە دادپەروەری كۆمەڵایەتی و سەقامگیری ئابووری بۆ تەواوی گەلانی عێراق بھێنێتەدی”.

لەلای خۆیەوە وەزیری دارایی ئەو رێوشوێنانەی خستە روو كە “وەزارەتەكەی بە ئاراستەی چارەسەركردنی دۆخی دارایی و ئابووری جێبەجێی دەكات، بەو جۆرەی كە پێویستە بۆ تێپەراندنی ئەم دۆخەی ئێستا، بەهەماهەنگی لە نێوان هەمووان و كەمكردنەوەی دەرئەنجامەكانی لە سەر ژیانی گشتی”.

بەردەوام بە لە خوێندنەوە

عێراق

سەرۆكی حزبێكی سیاسی عیراق داوای گۆڕینی سیستمی سياسى دەكات


 

خەڵك- بەشی هەواڵ

جەمال كەربولی سەرۆكی حزبی حەلی عیراقی، داوای گۆڕینی سیستمی حوكمڕانی دەكات و پێیوایە گۆڕینی وەزیرەكان نابێتە مایەی چارەسەركردنی كێشەكانی عیراق.

بەپێی تویتێك كە لەلایەن كەربولییەوە لەسەر تۆڕی كۆمەڵایەتی بڵاوكراوەتەوە”گۆڕینی وەزیرەكان نابنە مایەی چارەسەركردنی كێشەكانی عیراق، بەڵكو كێشەكە سیستمی سیاسی شكستخواردووە”.

جەمال كەربولی پێیوایە”تەنانەت دوكانێكی بچوكیش پێویستی بە ئیدارەیەكی سەقامگیر هەیە تا نەبێتە پرۆژەیەكی شكتسخواردوو هیچ سودی بۆ خاوەنەكەی نەبێت”.

سەرۆكی حزبی حەل دەڵێت”دیاردەی گۆڕینی وەزیرەكان و كادرە ئیدارییەكان باڵاكان و مەراسیمەكانیان، نابینە مایەی چارەسەركردنی كێشە درێژخایەنەكانی عیراق.. چارەسەر لە گۆڕینی سیستمی سیاسی شكستخواردوودایە”.

كەربولی توۆتەكەی بە هاشتاگی :” كێشەكە سیستمی سیاسییە”، كۆتایی پێهێناوە.

بەردەوام بە لە خوێندنەوە

کوردستان