ئێمە لە تۆرە کۆمەڵایەتیەکان

کوردستان

کۆبوونەوەی مەکتەبی سیاسی یەکێتی کۆتایی هات


خەڵک – بەشی هەواڵ

کۆبوونەوە مەکتەبی سیاسی یەکێتی نیشتیمانی کوردستان، به‌ سه‌رپه‌رشتی كۆسره‌ت ره‌سوڵ عه‌لی جێگری یه‌كه‌می سكرتێری گشتی یه‌كێتی، کۆتایی هات.

دوابەدوای کۆبونەوەکە، لەتیف شێخ عومەر، وتەبێژی یەکێتی نیشتمانی کوردستان وتی “پێداگیری دەكەین لەبارەی جێبەجێكردنی ڕێكەوتنمان لەگەڵ پارتی  سەبارەت بە كەركوك”

وتەبێژەكەی یەكێتی ئەوەشی وت، لیژنەی ئامادەكاری بەستنی كۆنگرەی چوارەمیش، كارەكانیان تەواو  كردووە و لەبارەی پەیوەندییەكانیشان لەگەڵ پارتی دیموكراتی كوردستان، ئەوەی ئاشكرا كردوە كە یەكێتی
جێبەجێكردنی رێكەوتنیان لەگەڵ پارتی تاو توێكردووە.

له‌باره‌ی وه‌رگرتنی پشكی یه‌كێتیش له‌حكومه‌تی هه‌رێمی كوردستان به‌پێی ئه‌و رێكه‌وتنه‌ی له‌گه‌ڵ پارتیدا هه‌یبووه‌، وتی:” ئه‌وه‌ باسكرا كه‌ جێبه‌جێكردنی ناوه‌ڕۆكی رێكه‌وتنی سیاسی و ئه‌و رێكه‌وتنه‌ی په‌یوه‌یسته‌ به‌كابینه‌ی نوێی حكومه‌ته‌وه‌ زه‌مانه‌تی درێژه‌ پێدانی رێكه‌وتنه‌كانمانه‌،  له‌كۆبوونه‌وه‌كه‌دا جه‌ختمان له‌وه‌ كرده‌وه‌ پابه‌ندی رێكه‌وتنی خۆمان ده‌بین له‌گه‌ڵ پارتی، هه‌رچیه‌ك له‌ ناوه‌ڕۆكه‌كه‌یدا هه‌یه‌ جێبه‌جێ بكرێت”.

له‌تیف شێخ عومه‌ر له‌باره‌ی پرسی ڕێكه‌وتنی بودجه‌ له‌گه‌ڵ عیراق وتی:” ئێمه‌ رێكه‌وتنێكمان هه‌یه‌ له‌سه‌ر كابینه‌ی حكومه‌تی هه‌رێمی كوردستان، له‌گه‌ڵ ئه‌و حزبانه‌ی كه‌له‌و حكومه‌تدا به‌شدارن، ئه‌و پرسه‌ چاره‌نووسازانه‌ به‌نیسبه‌ت خه‌ڵكی كوردستانه‌وه‌،  له‌چوارچێوه‌ی به‌رنامه‌ی حكومه‌تی هه‌رێمی ، وه‌فدێك هه‌یه‌ ئه‌و پرسه‌ی گرتووه‌ته‌ ده‌ست و هه‌ڵوێستی ئێمه‌ له‌و .باره‌یه‌وه‌ هه‌ر له‌سه‌ره‌تاوه‌ ڕوونه‌

کوردستان

تەندروستی هەرێم: 23 تووشبووی نوێی ڤایرۆسی كۆرۆنا لە سلێمانی و گەرمیان و هەڵەبجە دەستنیشان كران


خەڵك – بەشی هەواڵ

وەزارەتی تەندروستی هەرێم ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، بیست و سێ تووشبووی تری ڤایرۆسی كۆرۆنای نوێ COVID-19 لە پارێزگای سلێمانی دەستنیشانكران، چواردە پیاو و ھەشت ئافرەت و كچێكی گەنج.

تەندروستی هەرێم ئەوەشیخستووەتەڕوو: چوار تووشبوو بەركەوتووی تووشبووانی پێشوون، یەك تووشبوو پێشینەی گەشتی ھەبووە، ھەژدە تووشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە.

تەندروستی هەرێم ڕوونیشیكردووەتەوە: 18 تووشبوو دانیشتووی ناو شاری سلێمانین. یەك تووشبوو دانیشتووی شارۆچكەی دەربەندیخانە، یەك تووشبوو دانیشتووی شارۆچكەی پێنجوێنە، یەك تووشبوو دانیشتووی شارۆچكەی كەلارە و یەك تووشبوو دانیشتووی پارێزگای ھەڵەبجەبە و تووشبوویەكیش دانیشتووی پارێزگای بەغدایە.

دەقی ڕاگەیەنراوەكە:

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان و تووشبووان، بیست و سێ تووشبووی دیكەی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكران، چواردە پیاو و ھەشت ئافرەت و كچێكی گەنج.
چوار تووشبوو بەركەوتووی تووشبووانی پێشوون، یەك تووشبوو پێشینەی گەشتی ھەبووە، ھەژدە تشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە.

هەژدە تووشبوو دانیشتووی ناو شاری سلێمانی.
یەك تووشبوو دانیشتووی قەزای دەربەندیخان.
یەك تووشبوو دانیشتووی قەزای پێنجوین.
یەك تووشبوو دانیشتووی قەزای كەلار.
یەك تووشبوو دانیشتووی پارێزگای ھەڵەبجە.
یەك تووشبوو دانیشتووی پارێزگای بەغداد.

وەزارەتی تەندروستی
٣٠ ئایار ٢٠٢٠

بەردەوام بە لە خوێندنەوە

کوردستان

تووشبوویەكی ڤایرۆسی كۆرۆنا لە گەرمیان تۆماركرا


خەڵك – بەشی هەواڵ
وەزارەتی تەندروستی حكومەتی هەرێم ڕایدەگەیەنێت، ئەمڕۆ تووشبوویەكی دیكەی ڤایرۆسی كۆرۆنا لە سنوری ئیدارەی گەرمیان تۆماركرا، كە دانیشتووی گەڕەكی ئازادیە لە شارۆچكەی كفری.

وەزارەتی تەندروستی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە بەردەوامی پشكنینەكان و گەڕان بەدوای گومانلێكراوان و تووشبووان، تووشبووێكی ڤایرۆسی كۆرۆنای نوێ COVID-19 لە ئیدارەی گەرمیان سەر بە پارێزگای سلێمانی دەستنیشانكرا.

ڕاشیگەیاندووە، توشبووەكە ژنێكی تەمەن ٦٣ ساڵە، نیشانەی نەخۆشیەكەی ھەیە و پشكنینی پۆزەتیڤ دەرچووە، دانیشتووی گەڕەكی ئازادیە لە شارۆچكەی كفری.

بەردەوام بە لە خوێندنەوە

کوردستان

ئەگەری ڕاگەیاندنی قەدەغەی هاتووچۆ تا 15ی حوزەیران هەیە


خەڵك – بەشی هەواڵ
دوای بڵاوبوونەوەی ڕێژەیەكی زۆر لە تووشبوون بە ڤایرۆسی كۆرۆنا لە شارەكانی هەرێم وەزارەتی تەندروستی بڵاویكردەوە، كە لە كۆبوونەوەدایە و باشترین بژاردە بۆ بەرژەوەندی خەڵك هەڵدەبژێرن.

پەیجی سەرۆكایەتی شارەوانی هەولێر لە تۆڕی كۆمەڵایەتی فەیسبوك بڵاویكردۆتەوە، حكومەتی هەرێم بە نیازە تاكو 15ی حوزەیران قەدەغەی تەواوی هاتووچۆ ڕابگەیەنێت.

باسی لەوەشكردووە، ئەگەری ئەوە هەیە ئەمشەو لە بەیانێكی نوێدا وەزارەتی ناوخۆی حكومەتی هەرێم قەدەغەی هاتووچۆی تەواوەتی ڕابگەیەنێت و ڕێنمایی نوێ لەو بارەیەوە بڵاوبكاتەوە.

هاوكات د. هەڤاڵ ئەبوبەكر ، پارێزگاری سلێمانی لەبارەی ئەگەری ڕاگەیاندنی قەدەغەی هاتووچۆ لە سلێمانی باسی لەوەكردووە، قەدەغەی هاتووچۆ ناتوانێت مەترسی كۆرۆنا سنوردار بكات لە جیاتی ئەوە لێپێچینەوەكان توندتر دەكەینەوە.

ئەمە لەكاتێكدایە، كە ئەمڕۆ لە سلێمانی گەنجێكی تەمەن 37 ساڵ بە نەخۆشی كۆرۆنا گیانی لەدەستدا.

بەردەوام بە لە خوێندنەوە

کوردستان