ئێمە لە تۆرە کۆمەڵایەتیەکان

جیهان

ترەمپ: بەلێدانێكی زۆر بەهێز وەڵامی ئێران دەدەینەوە


خەڵك-بەشی هەواڵ
سەرۆكی ئەمریكا ڕایدەگەیەنێت، چارەسەركردنی كێشەی ئێران بەڕێگەچارەی ئاشتیانە نایەتەدی، ئاماژە بە وەشاندنی “گورزێكی زۆر بەهێز”یش دەكات لە وڵاتەكە.

ئەمڕۆ پێنج شەممە، دۆناڵد ترەمپ سەرۆكی ئەمریكا لە دیمانەیەكی لەگەڵ كەناڵی (فۆكس نیوز)ی ئەمریكایی ڕایگەیاند:”سیناریۆیەكی زۆر هەیە كە ڕەنگە ڕووبدەن، گەر چارەسەری ئاشتیانە هاتەدی ئەوا باشە، بەڵام پێدەچێت ئەوە ڕوونەدات”.

بە وتەی سەرۆكی ئەمریكا:”هەرگیز لە پێشوودا وڵاتەكەمان خاوەنی هێزێكی سەربازی وەك ئێستا نەبووە، تەنانەت لە سەردەمێكی نزیكیشدا، بۆیە ڕەنگە ئێران لێدانێكی زۆر بەهێز بەخۆوە ببینێت”.

ترەمپ لە دیمانەكەدا دەڵێت:”دەكرێت ئێران لێدانێكی زۆر بەهێزە بەخۆیەوە ببینێت، ئێمە ئێستا بەهێزترین هێزی سەربازیین لە جیهان و تا ئەندازەیەكی گەورە بەسەر ئەوانی تردا سەركەوتووین، ئەمەش كاتێك دروستبوو كە من هاتم، چونكە پێشتر هێزەكانمان پەرتەوازە بوون، بەڵام لەمڕۆدا ئێمە زۆرر بەهێزین و خاوەنی فڕۆكە و مووشەك و كەرەستەی نوێین”.

لە 8ی ئایاری 2018وە تەنگژەكان لەنێوان ویلایەتە یەكگرتووەكان و ئێراندا ڕوو لە هەڵكشانن، ئەمەش دوای ئەوەی سەرۆكی ئەمریكا پاشەكشەكردنی وڵاتەكەی لە ڕێكەوتنی ئەتۆمی لەگەڵ ئێراندا ڕاگەیاند و سەرلەنوێ‌ سزاكانی بەسەر تاراندا لە چەند كەرتێكدا سەپاندەوە.

جیهان

زیاتر لە 7 هەزار و 700 كەس لە ئێران بەهۆی كۆرۆناوە گیانیان لەدەستداوە


خەڵك-بەشی هەواڵ

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2282 كەس تووشی كۆرۆنا بوون.

كیانووش جەهانپوور وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2282 كەس لە ئێران تووشی ڤایرۆسی كۆرۆنا بوون و 57 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 148 هەزار و 950 كەس لە ئێران تووشی كۆرۆنا بوون و تاكو ئێستاش 116 هەزار و 828كەس چاك بوونەتەوە”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 7734 كەس لە ئێران گیانیان لە دەستداوە.

بەردەوام بە لە خوێندنەوە

جیهان

تڕەمپ: ئەمڕۆ كۆتایی بە پەیوەندیمان لەگەڵ ڕێكخراوی تەندروستی جیهانی دەهێنین


خەڵك-بەشی هەواڵ

سەرۆكی ئەمریكا ڕایدەگەیەنێت، ئەمڕۆ پەیوەندییەكانمان لەگەڵ ڕێكخراوی تەندروستی جیهانی كۆتایی دێت.

دۆناڵد تڕەمپ سەرۆكی ئەمریكا لە كۆنفڕانسێكی ڕۆژنامەوانیدا ڕایگەیاند، ڕێكخراوی تەندروستیی جیهانی داواكارییەكانی ئەمریكای بۆ چاكسازییەكی بنچینەیی ئەنجامنەداوە لەبەرئەوە، ئەمڕۆ پەیوەندیمان لەگەڵ ئەو ڕێكخراوە كۆتایی دێت.

وتیشی”چین بە درێژایی ساڵانێك سوودمەند بووە لە ئەمریكا و ئەمە لە سەردەمی سەرۆكی پێشوو باراك ئۆباما زیادیكردووە”.

سەبارەت بە هەڵوێستی چین لە دەریای باشووری چین تڕەمپ ئاشكرایكرد، ئەو خاكانەی كە چین لە زەریای هێمندا بە ڕێگەی نایاسایی داوای خاوەندارێتی دەكات، هەڕەشە لە بازرگانی نێودەوڵەتی و ئازادی هاتوچۆ دەكەن، جگە لەوە چین، ئەو بەڵێنەی جێبەجێ نەكرد كە بە جیهانیدا بۆ پاراستنی ئۆتۆنۆمی هۆنگ كۆنگ.

ڕوونیشیكردەوە، پەیوەندی كراوە و كاریگەرمان لەگەڵ چین دەوێت، بەڵام لەگەڵ جێبەجێكردنی ئەمە پێویستە بەرژەوەندییە نیشتیمانییەكان بپارێزن، چونكە حكومەتی چین بەبەردەوامی ئەو بەڵێنەی بەجێنەگەیاندووە كە بە ئێمە و چەند وڵاتێكی دیكەیان داوە ئەمە راستییەكی ئاشكرایە و نابێت نەبینرێت و بەلاوە بنرێت.

دۆناڵد ترەمپ ئاشكراشیكرد، چین باڵادەستییەكی ڕەهای لەسەر ڕێكخراوی تەندروستی جیهانیدا هەیە. ئەمریكا ساڵانە نزیكەی ٤٥٠ ملیۆن دۆلار هاوكاری بۆ ڕێكخراوەكە دابیندەكات، چین تەنها ٤٠ ملیۆن دۆلاری داوە. داوای ئەنجامدانی چاكسازی بنچینەییمان لە ڕێكخراوەكە كرد، بەڵام ئەوان جووڵانەوەیان ڕەتكردەوە. لەبەرئەوەی ڕێكخراوی تەندروستیی جیهانی، ئەو ڕیفۆرم و چاكسازیە پێویستانەی ئەنجامنەداوە، ئەمڕۆ ئێمە كۆتایی بە پەیوەندیمان لەگەڵ ئەو ڕێكخراوە دەهێنین. ئەو پارەیەی بۆ ڕێكخراوەكە تەرخانكراوە، دەیخەینەسەر دۆخە لە ناكاوە تەندروستییەكانی جیهان كە شایستەیانە.

بەردەوام بە لە خوێندنەوە

ئابوری

ئێران بڕیارێكی نوێی بۆ پاراستنی بەرهەمە نەوتییەكانی جێبەجێ كرد


خەڵك-بەشی هەواڵ

 

وتەبێژی یەكێتی هەناردەكارانی نەوتی ئێران ڕایدەگەیەنێت، حكومەتی ئێران بە ئامانجی پاراستنی هەناردەی بەرهەمە نەوتییەكان و پاراستنی بازاڕی دارایی ئێران، ڕێگەدان بە گواستنەوەی بەرهەمەنەوتییەكانی وڵاتان و گواستنەوەیان بۆ ژمارەیەك وڵاتی دیكە بەناو خاكی ئێراندا كەم دەكاتەوە.

ئاژانسی فەڕمی ئێران بڵاویكردەوە، حەمید حوسەینی وتەبێژی یەكێتی هەناردەكارانی نەوتی ئێران ڕاگەیاند، بڕیارەكەی حكومەت بەهۆكاری دابەزینی بەهای نەوت و كەمبوونەوەی خواست لەسەر بەرهەمەنەوتییەكان بەهۆی كۆرۆنا دەركراوە.
وتیشی”بڕیارەكە گواستنەوەی بەرهەمە نەوتییەكان بەناوخاكی ئێران بۆ عیراق، ئەفغانستان و ئەرمینیا سنووردار دەكات و دوای بڕیارەكەش خواست لەسەر بەرهەمە نەوتییەكانی ئێران زیادیكردووە و ئەوەش نیشانەی دروستی بڕیارەكە بووە.

ئاشكراشیكرد، پێشبینی دەكەین هەفتەی داهاتوو ئاڵوگۆڕەكان لەو ڕووەوە زیاتر ببن.

بەردەوام بە لە خوێندنەوە

کوردستان