ئێمە لە تۆرە کۆمەڵایەتیەکان

کوردستان

ئەندامێكی ئەنجومەنی پارێزگەكە: ڕەوشی كەركوك پاشا گەردانییە


خەڵك- بەشی هەواڵ
ئەندامێكی ئەنجومەنی پارێزگەی كەركوك ڕایدەگەیەنێت، ڕەوشی پارێزگەكە پشێوی و پاشاگەردانییە، و چەندان هێزە لە كەركوكدا هەن، ئاماژە بە خراپی خزمەتگوزارییەكانیش دەكات لە كەركوك.

ئەحمەد عەسكەری، ئەندامی ئەنجومەنی پارێزگەی كەركوك لە لێدوانێكیدا بۆ (خەڵك) ڕایگەیاند:”ڕەوشی كەركوك پشێوی و پاشەگەردانییە، لەلایەك پۆستی پارێزگار بە وەكالەت بەڕێوەدەچێت، لەلایەكی ترەوە هێزە ئەمنییەكان هەهەجۆرن و دەسەڵاتی جیاجیایان هەیە و یەك هێزن نیین، ڕەوشی خزمەتگوزارییەكان خراپە”، ئەو دەنگۆیانەشى ڕەتكردەوە كە باس لە باشبوونی ڕەوشی كەركوك دەكەن.

سەبارەت بە سەرنەگرتنی دانیشتنەكانی ئەنجومەنی پارێزگەی كەركوكیش، ئەحمەد عەسكەری وتی:”ڕێژەی یاسایی بۆ سازدانی دانیشتنی ئەنجومەنی پارێزگە تەواو نابێت، ئەگەرنا ئەنجومەن بەشێوەی ئاسایی دانیشتنەكانی خۆی سازدەكات”.

ئەو ئەندامەی ئەنجومەنی پارێزگەی كەركوك، ئاماژەی بەو هەوڵانەش كرد كە بۆ دانانی پارێزگاری نوێ‌ بۆ كەركوك خراونەتەگەڕ و لەو بارەیەوە ڕایگەیاند:”پارتی و یەكێتی لەسەر دانانی پارێزگاری نوێ‌ ڕێكەوتوون، لەئێستاشدا ئەوەی ماوە لایەنەكانی عەرەبی و توركمانییە كە گفتووگۆكان لەگەڵیاندا بەردەوامن”، ڕەتیشیكردەوە گفتووگۆكان لەگەڵ ئەو لایەنانەدا ئەنجامی هەبوبێت بەو هۆیەی “هەر لایەكیان ڕاوبۆچوونی جیاوازییان هەیە”.

کوردستان

د.سامان بەرزنجی: شەپۆلی ئەم جارەی كۆرۆنا مەترسیدارترە


خەڵك – بەشی هەواڵ

وەزیری تەندروستی هەرێم ڕایدەگەیەنێت: بەرزبوونەوەی پلەكانی گەرما كاریگەری لەسەر ڤایرۆسی كۆرۆنا نییە.

د.سامان بەرزنجی وەزیری تەندروستی حكومەتی هەرێمی كوردستان لەمیانی چاوپێكەوتنێكی لەگەڵ (كەناڵ 24) هۆكارەكانی خێرابوونی تەشەنەكردنی ڤایرۆسی كۆرۆنا لە هەرێمی كوردستان ئاشكرا دەكات و دووپاتی كردەوە، شەپۆلی ئەم جارەی كۆرۆنا مەترسیدارترە و دەبێت هاووڵاتیان مەترسییەكانی ئەو پەتایە بە جددی وەربگرن.

هاوكات، وەزیری تەندروستی هەرێم 3 هۆكاریشى بۆ خێرابوونی تەشەنەكردنی پەتاكە ئاشكراكرد، كە یەكەمیانزیادبوونی تێكەڵاوی و بەركەوتنی نێوان هاووڵاتیانە، دووەمیشیان، بەرزبوونەوەی ژمارەی تووشبووان لە بەغدا و شارەكانی تری عیراق و بوونی هاتوچۆ لەنێوان ئەو شارانەی عیراق و شارەكانی هەرێمی كوردستان گواستنەوەی پەتاكەی بۆ هەرێم خێراتر كردووە، سێیەم هۆكاریش، پابەند نەبوونی هاووڵاتیان و بەهەند وەرنەگرتنی ڕێنماییەكانی تەندروستی و خۆپارێزییە لە ڤایرۆسی كۆرۆنا.

د.سامان بەرزنجی داواشی لە هاووڵاتیانی هەرێمی كوردستان كرد، پابەندی ڕێكارەكانی تەندروستی و خۆپارێزی بن و وتیشی: تا ئێستا 583 حاڵەتی تووشبوون بە ڤایرۆسەكە لە هەرێمی كوردستان تۆماركراون، لەو ژمارەیەش 160 حاڵەت لەژێر چاودێری پزیشكیدان و دۆخی تەندروستی بەشێكیان ناجێگیرە.

سەبارەت بەو كەسانەی كە بانگەشە بۆ ئەوە دەكەن، گوایە ڤایرۆسی كۆرۆنا بوونی نییە، وەزیری تەندروستی وتی: بەداخەوە بۆ ئەو تێگەیشتنەی لای ئەو كەسانە دروستبووە و ئەو بانگەشانە بۆ مەرامی سیاسی دەكرێن و دووپاتی كردەوە، بە سیاسیكردنی پەتای كۆرۆنا هیچ لەبەرژەوەندی كۆمەڵگەدا نییە و مەترسییە بۆ سەر ژیانی هاووڵاتیان.

د.سامان بەرزنجی داواشی لە هاووڵاتیان كرد، مەترسییەكان بە جددی وەربگرن و نەكەونە ژێر كاریگەری هیچ كەس و لایەنێك، چونكە دۆخەكە مەترسیدارە و ناكرێت ڕێكارەكان پشتگوێ بخرێن.

بەردەوام بە لە خوێندنەوە

کوردستان

یەكێتی و یەكگرتوو: پێویستە دەسەڵاتی جێبەجێكردن بیر لە چارەسەری ڕیشەیی بژێوی هاووڵاتیان و مووچەخۆران بكاتەوە


خەڵك – بەشی هەواڵ

دوای كۆبوونەوەی ئەمینداری گشتیی یەكگرتووی ئیسلامیی كوردستان لە دەباشان لەگەڵ هاوسەرۆكانی یەكێتی لە ڕاگەیەنراوێكی هاوبەشدا هەردوولا جەختیانكردەوە كە پێویستە دەسەڵاتی جێبەجێكردن لە هەرێمی كوردستان بیر لە چارەسەری ڕیشەیی بژێوی هاووڵاتیان بە گشتی و مووچەخۆران بە تایبەت بكاتەوە.

سەڵاحەدین محەمەد بەهائەدین ئەمینداری گشتیی یەكگرتووی ئیسلامیی كوردستان بەیاوەری وەفدێكی باڵای یەكگرتوو، ئەمڕۆ شەممە 30/5/2020 لە دەباشان، لەگەڵ بافڵ تاڵەبانی و لاهور شێخ جەنگی هاوسەرۆكانی یەكێتیی نیشتمانیی كوردستانیان كۆبوونەوە و پیرۆزبایی سەركەوتنی كۆنگرە و 45هەمین ساڵیادی دامەزراندنی یەكێتیی نیشتمانیی كوردستانیان كرد.

بەپێی ڕگەیەنراوی هاوبەشی كۆبوونەوەكە، گفتوگۆ دەربارەی بارودۆخی سیاسی هەرێمی كوردستان و عیراق و ناوچەكە كراوە و جەختیش كراوەتە كە پێویستە لە پاڵ پاراستنی بەرژەوەندییە باڵاكانی خاك و خەڵكی كوردستان، دەسەڵاتی جێبەجێكردن لە هەرێمی كوردستان بیر لەچارەسەری ڕیشەیی بژێوی هاووڵاتیان بەگشتی و مووچەخۆران بە تایبەت بكاتەوە، لەگەڵ ئەنجامدانی هەرجۆرە گۆڕانكارییەكیش پێویستە كە هاووڵاتیانی هەژار و كەمدەرامەت زەرەرمەند نەبن.

هەر لەو كۆبوونەوەیەدا، جەخت لەسەر برەودان و بەهێزكردنی پەیوەندییە دوو قۆڵییەكانی هەردوولا كراوەتەوە.

دەقی ڕاگەیەنراوەكە:

ھاوسەرۆكانی یەكێتیی نیشتمانیی كوردستان لە دەباشان بە ئامادەبوونی ژمارەیەك لە ئەندامانی مەكتەبی سیاسی و سەركردایەتی یەكێتیی پێشوازیانكرد لە لە مامۆستا سەڵاحەدین محەممەد بەهائەدین ئەمینداری گشتی یەكگرتووی ئیسلامیی كوردستان و وەفدێكی باڵای یەكگرتووی ئیسلامیی كوردستان.

لە دیدارێكدا تەئكیدكرایەوە لە فراوانكردنی ئاسۆی ھاریكاری و ھەماھەنگی ھاوبەش لەنێوان ھەردوولایەنی دۆستدا، بەجۆرێك خزمەت بە بەرژەوەندییە باڵاكانی ھەرێمی كوردستان بگەیەنێت، وێڕایی پێویستی لێكگەیشتن بۆ چارەسەری تەواوی كێشەكانی نێوان لایەنەكان، تا ئاشتی و سەقامگیری سیاسی و كۆمەڵایەتی زیاتر بەرقەراربێت.

ھەرلەدانیشتنەكەدا دیالۆگ و زمانی ھاوبەش بۆ تێپەڕاندنی دۆخەكە و لەبەرچاوگرتنی بەرژەوەندی ھاوبەش لە بڕیار و ئاڕاستە سیاسییەكان دووپاتكرایەوە و داوا لەدەسەڵاتی جێبەجێكردنیشكرا بیری جیدی لە چارەسەركردنی ریشەیی بژێوی و قوتی ھاووڵاتیان بەگشتی و مووچەخۆران بەتایبەت بكاتەوە و لەگەڵ ئەنجامدانی ھەرگۆڕانكارییەكیش ھاووڵاتیانی ھەژار و كەمدەرامەت زەرمەندنەبن و ھەر چاكسازییەكیش بكرێت پێویستە وەڵامدەرەوەی داخوازی و پێویستییەكانی ئەمڕۆی كۆمەڵانی خەڵك بێت.

له ‌بەشێكی تری دیدارەكەدا بە لەبەرچاوگرتنی دۆخی سیاسی و ئابووری و تەندروستی ھەڵسەنگاندن بۆ كۆی ھاوكێشەكان كراو بیروبۆچونیان لەبارەوە ئاڵوگۆڕكرا .

ھەر لەو دەرفەتەدا ئەمینداری گشتی یەكگرتوو و وەفدی یاوەری بەبۆنەی 45 ھەمین ساڵیادی دامەزراندنی یەكێتیی پیرۆزباییان گەیاندە ھاوسەرۆكەكان و سەركردایەتی و ئەندامانی یەكێتیی نیشتمانیی كوردستان.

بەردەوام بە لە خوێندنەوە

کوردستان

وتەبێژی بەڕێوەبەرایەتی گشتی تەندروستی سلێمانی:  كارەسات ڕوودەدات دڵنیابن


خەڵك – بەشی هەواڵ

وتەبێژی بەڕێوەبەرایەتی گشتی تەندروستی سلێمانی هۆشداری دەدات و دەڵێت: پابەندی ڕێنماییە تەندروستییەكان بن، چونكە كارەسات ڕوودەدات دڵنیابن.

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی لە هەژماری تایبەتی خۆی لە تۆڕی كۆمەڵایەتی فەیسبوك نووسیویەتی: هاووڵاتیانی خۆشەویست تكاتان لێ دەكەم، تكاتان لێ دەكم پابەندی ڕێنماییە تەندروستییەكان بن، چونكە كارەسات ڕوودەدات دڵنیابن.

ئەمەش لە كاتێكدایە، كەمێك بەر لە ئێستا وەزارەتی تەندروستی هەرێم 23 حاڵەتی تووشبوونی نوێی ڤایرۆسی كۆرۆنای لە پارێزگای سلێمانی و هەڵەبجە و ئیدارەی گەرمیان ڕاگەیاند.

هەر ئەمڕۆش هاووڵاتییەكی تەمەن 37 ساڵی تووشبووی ڤایرۆسی كۆرۆنا لە شاری سلێمانی گیانی لەدەستدا.

بەردەوام بە لە خوێندنەوە

کوردستان