ئێمە لە تۆرە کۆمەڵایەتیەکان

جیهان

زەین لعابدین بن عەلی كۆچی دوایی كرد

خەڵك- بەشی هەواڵ
میدیاكانی تونس، كۆچی دوایی زەین لعابدین بن عەلی سەرۆكی پێشووتری وڵاتەكە لە سعودیە ڕادەگەیەنن.

بەپێی هەواڵێكی ماڵپەڕی (مۆزاییك ئێف ئێم)ی تونسی، بن عەلی لە یەكێك لە نەخۆشخانەكانی سعودیە لە دوایی ململانێیەكی دوورودرێژ لەگەڵ نەخۆشیدا كۆچی دوایی كرد.

منیر بن ساڵحە، پارێزەری سەرۆكی پێشووتری تونس، لە 12ی ئەم مانگەدا ئاماژەی بە تێكچوونی باری تەندروستی بن عەلی كردبوو كە بەو هۆیەوە ڕەوانەی نەخۆشخانە كراوە.

بن ساڵحە لەو دەمەدا ڕایگەیاندبوو”سەرۆك بن عەلی نەخۆشە و لەئێستادا لە نەخۆشخانە كەوتووە”.

زەین لعابدین بن عەلی لە ساڵی 1936 لەدایكبووە و لە ساڵی 1987وە تا ساڵی 2011 لە پۆستی سەرۆكایەتی كۆماری تونسدا بوو، بە دووەم سەرۆكی وڵاتەكەش دادەنرێت لە دوای حەبیب بۆرقیبە لەپاش سەربەخۆیی تونس لە ساڵی 1958 و ڕزگاربوونی لە ئیمپریالیستی فەرەنسایی.

بن عەلی لە مانگی تشرینی یەكەمی 1987دا كرایە سەرۆك وەزیرانی تونس، دوای مانگێك لەوەش لەڕێی كودەتایەكی سپییەوە پۆستی سەرۆك كۆماری وڵاتەكەی گرتەدەست دوای ئەوەی ڕایگەیاند كە بۆرقیبە توانای بەڕێوەبردنی دەسەڵاتی نەماوە.

سەرۆكی پێشووتری تونس، لە هەموو هەڵبژاردنەكانی سەرۆكایەتی وڵاتەكەدا زۆرینەی هەرەزۆری دەنگەكانی بەدەستدەهێنا، بە دوایین هەڵبژاردنەوە كە لە 25ی تشرینی یەكەمی 2009 ئەنجامدرا، بەڵام دوای دوو ساڵ لەوە، لەڕێی خۆپیشاندانێكی بەرینەوە وازی لە پۆستی سەرۆكایەتی تونس هێنا و بەرەو سعودیە هەڵات.

جیهان

سعودیە: ئەمریكا نەك ناكشێتەوە بەڵكو پێگەی خۆی بەهێزتر دەكات

خەڵك – بەشی هەواڵ

وەزیری دەرەوەی سعودیە ڕەتیكردەوە ئەمریكا لە ڕۆژھەڵاتی ناوەڕاست بكشێتەوە.

عادل جوبەیر لە پانێڵێك لە كۆڕبەندی ئابووری داڤۆس لە سویسرا ڕایگەیاند:”كاتێك سەرۆك ترەمپ ڕایگەیاند ئەمریكا لە سوریا دەكشێتەوە لەھەمانكاتدا پاڵپشتی ئاسمانی دەدایە كورد و چەند سەربازێكی وڵاتەكەی بۆ پاراستنی بیرە نەوتەكان ھێشتەوە”.

وەزیری دەرەوەی سعودیە وتیشی:”ئەمەش بۆ ئەوەبوو ڕژێمی ئەسەد دەستی پێیان نەگاتەوە. كەواتە ھەموو ھەنگاوەكانی واشنتۆن ئەوە دەسەلمێنن كە ئەمریكا شوێنپێی خۆی لە ناوچەكە قایمتر دەكات نەك بە پێچەوانەوە”.

عادل جوبەیر دووپاتیشكردەوە:”ھەموو كەس دەیوت ئەمریكا لە ڕۆژھەڵاتی ناوەڕاست دەكشێتەوە و ئێمە دوای ئەمریكا چی دەكەین، بەڵام سەرۆك ترەمپ نزیكەی 5 ھەزار سەربازی نارد بۆ سعودیە”.

وەزیری دەرەوەی سعودیە ئاماژەی بەوەشدا:”ئەمریكا ژمارەی ھێزەكانی دوو ھێندە زیادكردووە، كەشتی جەنگیشی ناردووەتە كەنداو و سیستمی دژە مووشەكی بالیستیشی لە سعودیە جێگیر كردووە”.

بەردەوام بە لە خوێندنەوە

جیهان

ئەمریكا سزای بەسەر دوو كەسایەتی و شەش قەوارەی ئێراندا سەپاند

خەڵك – بەشی هەواڵ

وەزارەتی گەنجینەی ئەمریكا ڕایدەگەیەنێت، سزای نوێیان بەسەر ئێراندا سەپاندووە و سزاكانیش چەند كەسایەتی و قەوارەیەكی ئەو وڵاتە دەگرێتەوە.

وەزارەتی گەنجینەی ئەمریكا لە ڕاگەیەنراوێكدا، ئەمڕۆ پێنجشەممە 23/1/2020 ئاشكرایكرد، سزا نوێیەكانی سەر ئێران دوو كەسایەتی و شەش قەوارە دەگرێتەوە، هاوكات چوار كۆمپانیای تریش لە لیستی سزاكاندان كە پەیوەندییان بە كۆمپانیای نەوتی ئێرانەوە هەیە.

ئەمەش لەكاتێكدایە، لەدوای بڕیارەكەی دۆناڵد ترەمپ سەرۆكی ئەمریكا لەبارەی كشانەوە لە ڕێككەوتنە ئەتۆمییەكەی ئێران، چەندین سزا بەسەر ئێراندا سەپێندراوە و ئەمریكا ئێران تۆمەتبار دەكات بەوەی هەوڵی بەدەستهێنانی چەكی ئەتۆمیی دەدات.

بەردەوام بە لە خوێندنەوە

جیهان

پوتن داوایەك لە ئەندامە هەمیشەییەكانی ئەنجومەنی ئاسایشی نێودەوڵەتی دەكات

خەڵك – بەشی هەواڵ

سەرۆكی ڕوسیا لەبارەی دۆخی جیهان داوای بەستنی لوتكەیەك لە ئەندامانی هەمیشەیی ئەنجومەنی ئاسایشی نێودەوڵەتی دەكات.

ڤلادیمێر پوتن سەرۆكی ڕوسیا لە میانی بەشداری لە كۆنگرەی جیهانی هۆلۆكۆست ڕایگەیاند، ناكۆكییەكان لە جیهاندا داهاتوویەكی مەترسیداری دەبێت، هەربۆیە پێویستە كۆبوونەوەیەكی لوتكە لە نێوان سەركردەی ئەندامە هەمیشەییەكانی ئەنجومەنی ئاسایشی نێودەوڵەتی ڕێكبخرێت بۆ ڕێگریكردن لە زیادبوونی ناكۆكییەكان.

سەرۆكی ڕوسیا وتیشی، ئەو كۆبوونەوەیە ڕۆڵێكی گەورە و كاریگەر دەگێڕێت بۆ ڕووبەڕووبوونەوەی هەر پێشهاتێكی نەخوازرا و چاوەڕواننەكراو.

پوتن ئاماەی بەوەشدا، پێویستە زۆر بە وریاییەوە مامەڵەبكەن لەبەرئەوەی ڕق و كینە و ململانێیەكان ئەگەری هەیە كارەساتی گەورەی بەدوادابێت، وتیشی دەبێت هەموو كارێك بكەن بۆ پاراستنی جیهان و بەرگری كردن لێی.

ڤلادیمیر پوتن ئەوەشیخستەڕوو، ڕوسیا ئامادەیە بۆ بەشداری لە كۆبوونەوە و گفتوگۆی جددی لە هەر وڵات و شوێنێكی ئەم جیهانەدا، لەوبارەیەوە پەیام بۆ سەركردەی ئەو پێنج وڵاتەی جیهان دەنێرێت.

ك.ج

بەردەوام بە لە خوێندنەوە

کوردستان