ئێمە لە تۆرە کۆمەڵایەتیەکان

جیهان

ترەمپ: شەڕ دوای بژاردەی مامەڵەكردنە لەگەڵ ئێران

خەڵك –بەشی هەواڵ

سەرۆكی ئەمریكا ڕایگەیاند بژاردەی شەڕ دواین بژاردەیە بۆ مامەڵەكردن لەگەڵ ئێراندا، بەڵام زۆر بژاردەی دیكە هەن پێش پەنابردن بۆ شەڕ.

دۆناڵد ترەمپ لە لێدوانێكدا بۆ رۆژنامەوانان لە لۆس ئەنجلس وتی “زۆر بژاردە هەن بۆ مامەڵەكردن لەگەڵ ئێراندا بژاردەی كۆتایی شەڕە، بەڵام ئێستا بژاردەی دیكە زۆرن”.

ئەم لێدوانەی ترەمپ لەدوای لێدوانەكەی وەزارەتی بەرگری عەڕەبستان هات كە تێیدا بە فەڕمی تارانی بەهێرشكردنەسەر كۆمپانیای ئارامكۆ تۆمەتباركرد.

ریکلام

جیهان

ناكۆكی ئەمریكا و ڕوسیا لەسەر كێڵگەیەكی نەوتی بن دەستی یەپەگەیە

خەڵك –بەشی هەواڵ

بەپێی زانیارییەكان ناكۆكی ڕوسیا و ئەمریكا لەسەر كێڵگەی نەوتی ڕومێلانە لە ڕۆژئاوای كوردستان كە لە بن دەستی یەپەگەدایە.

ئاژانسەكان بڵاویانكردەوە دوێنێ هێزێكی ئەمریكایی لە ڕۆژئاوای كوردستان ڕێگری لە هێزێكی سەربازی ڕوسیا كردووە.

ئاژانسی ئەنادۆڵۆ بڵاویكردەوە، ئەو هێزەی ڕوسیا ویستویەتی بچێتە كێڵگەی نەوتی ڕومێلان لە ڕۆژئاوای كوردستان كە لە بندەستی یەپەگەدایە.

بەپێی زانیارییەكان هێزەكەی ڕوسیا پێشڕەویان كردووە، بەڵام لەلایەن هێزەكەی ئەمریكاوە ڕێگرییان لێكراوە، دوای گرژییەكی كورت ناچاركراون پاشەكشە بكەن و بگەڕێنەوە شوێنەكانی خۆیان.

دوای بڕیاری سەرۆكی ئەمریكا دۆناڵد ترەمپ بۆ كشانەوەی هێزەكانی ئەمریكا لە ڕۆژئاوای كوردستان و هێرشەكانی توركیا، جارێكی دیكە ئەمریكا بەشێك لە هێزەكانی گەڕاندەوە ڕۆژئاوا.

ترەمپ و كاربەدەستانی دیكەی ئەمریكایی ڕایانگەیاند هێزەكانیان بۆ پارێزگاری لە نەوت دەگەڕێنەوە، تاكو نەوت نەكەوێتە دەستی داعش، ئەو نەوتەش دەدەنە كوردەكانی سووریا.
ئ.ح

بەردەوام بە لە خوێندنەوە

جیهان

به‌فر باكووری خۆرهه‌ڵاتی ئه‌مریكا و خۆرهه‌ڵاتی كه‌نه‌دا داده‌پۆشێت

خەڵک – لوقمان غه‌فوور

له‌ سه‌رله‌به‌یانی ڕۆژی هه‌ینی 17 جێنیوه‌ری تا ئێواره‌ی شه‌ممه‌ 18ی جێنیوه‌ری زریانێكی به‌ هێزی به‌فر ڕوویكرده‌ باكووری خۆرهه‌ڵاتی ئه‌مریكا و خۆرهه‌ڵاتی دووری كه‌نەدا.

به‌پێی ڕاپۆرتی كه‌شناسی ئه‌و شه‌پۆلی به‌فره‌ی ڕۆژی 17ی جێنوه‌ری ناوچه‌كه‌ی گرتووەته‌وه‌ له‌ مێژووی ئه‌و دوو وڵاته‌ دوو جاری تر تووشی ئه‌و دۆخه‌ بووه‌.

واشنتۆن پۆست نوسیویه‌تی، ویلایه‌ته‌كانی نۆرس داكۆتا، ساوس داكۆتا، مینیسۆتا له‌ باكووری خۆرهه‌ڵاتی ئه‌مریكا و له‌كه‌نه‌داش له‌ كه‌رتی نیوفۆلاند زۆرترین به‌فری لێباریوه‌، بە جۆرێک له‌ هه‌ندێك شوێن 12 پێ كه‌ (3مه‌تر و نیو) بووه‌.

له‌ هه‌ندێك شاری ویلایه‌تی مینیسۆتا یه‌ك مه‌تر و 20 سانتیمه‌تر به‌فر باریوه‌، له‌ویلایه‌تی نۆرس داكۆتا 2 مه‌تر و 20 سانتیمه‌تر تۆماركراوه‌، هه‌رچی كه‌رتی نیوفۆلاند-ی كه‌نه‌دا 3 مه‌تر و نیو به‌فر باریوه‌.

به‌پێ ڕاپۆرتێكی فۆكس نیوز، ته‌نیا له‌ماوه‌ی 24 کاتژمێردا له‌ ویلایه‌تی نۆرس داكۆتا 87 سانتیمه‌تر باریوه‌، به‌پێ كه‌شناسی ویلایه‌تی نۆرس داكۆتا و ساوس داكۆتا و مینیسۆتا هیچ زیانێكی گیانی ڕووینه‌داوه‌ و نه‌شبووەته‌ هۆی په‌كخستنی خزمه‌ته‌گوزارییه‌كان و توانراویشه‌ كۆنترۆڵی ڕێگاوبانه‌كان بكرێت، ته‌نیا هێڵێ خێرای ئای 29 به‌ ماوه‌ی نزیكه‌ی 300 كیلۆمه‌تر داخراوه‌ بۆ ماوه‌ی 10 کاتژمێر له‌نێوان گراند فۆكس و سویكس فۆلز له‌ ویلایه‌تی ساوس داكۆتا، هه‌ر به‌پێی فۆكس نیوز 690 گه‌شتی ئاسمانی هه‌ڵوه‌شاوه‌ته‌وه‌.

هه‌رچی كه‌رتی نیوفۆڵاند له‌ كه‌نه‌دایه‌ بووەته‌ هۆی بچڕانی ته‌زووی كاره‌با و ته‌واوی شوێنه‌ بازرگانییه‌كان داخراوه‌، ته‌نیا ڕێگه‌ دراوه‌ به‌ پۆلیس و تیمی خزمه‌تگوزاریی بێنه‌ ده‌ره‌وه‌.
ئاشلی براویلر پسپۆری كه‌شناسی به‌ ئاژانسه‌كانی كه‌نه‌دای ڕاگه‌یاندووه‌ هه‌ندێك له‌ماڵه‌كان به‌فر ده‌رگاكانیانی داپۆشیوه‌ و به‌ زه‌حمه‌ت توانیویانه‌ كۆنتڕۆڵی ڕێگا بكه‌ن.

له‌ویلایه‌تی مینیسۆتا-ش، له‌به‌رنامه‌ی كه‌شناسی ته‌له‌فیزیۆنی لۆكاڵی كه‌ی ڤی ئار ئار، له‌ڕاپۆرتێكدا ئاماژه‌ی به‌ داپۆشینی به‌شێك له‌و ئۆتۆمبێلانه‌ كرد كه‌ له‌ ده‌ره‌وه‌ ڕاگیراون و ئه‌مه‌ش وایكردووه‌ كاری تیمه‌كانی پاككردنه‌وه‌ قورس بێت و به‌ وریاییه‌وه‌ ڕێگاكان پاك بكه‌نه‌وه‌.

به‌پێی ڕادیۆی ئێن پی ئار، له‌ هه‌ندێك ناوچه‌ی ویلایه‌تی ساوس داكۆتا-ی ئه‌مریكا خێرای “با” به‌ به‌فره‌وه‌ 160 كیلۆمه‌تر بووه‌ له‌ کاتژمێرێكدا كه‌ هیچ كه‌س نه‌یتوانیوه‌ بوه‌ستێت به‌ پێوه‌، ڕادیۆكه‌ له‌سه‌ر زاری كه‌شناسی ئه‌مریكاوه‌ ئاماژه‌ی به‌وه‌داوه‌، كه‌ ته‌نیا له‌ساڵی 1942 و 1999 ناوچه‌كه‌ زریانی له‌و شێوه‌ی به‌خۆوه‌ دیوه‌.

بەردەوام بە لە خوێندنەوە

جیهان

ئەمڕۆ كۆنگرەی تایبەت بە ئاشتەوایی لیبیا لە ئەڵمانیا سازدەكرێت

خەڵك –بەشی هەواڵ

بڕیارە ئەمڕۆ كۆنگرەیەكی نێودەوڵەتی تایبەت بە پرسی ئاشتەوایی لیبیا لە ئەڵمانیا سازبكرێت.

لەو كۆنگرەیەدا تاووتوێی چەسپاندنی ئاگربەست و دەستپێكردنی دیالۆگ دەكرێت بۆ چارەسەركردنی كێشەكانی لایەنە ناكۆكەكانی ئەو وڵاتە و گەیشتن بە ئاشتی.

لە كۆنگرەكەدا فلادیمێر پۆتین سەرۆكی ڕوسیا، ڕەجەب تەیب ئەردۆغان سەرۆكی توركیا و سەرۆكانی ژمارەیەك وڵاتی ئەوروپایی و نوێنەری لایەنە ناكۆكەكانی لیبیا بەشداری دەكەن.

لای خۆیەوە ڕەجەب تەیب ئەردۆغان سەرۆكی توركیا هۆشداری دایە ئەوروپاییەكان لە سەرهەڵدانەوەی بەهێزی داعش لە لیبیا لە حاڵی گرتنەدەستی دەسەڵات لەلایەن سوپای نیشتمانی لیبیاوە و ڕاشیگەیاند، هێزەكانی حەفتەر هێرشدەكەنە سەر حكومەتێك كە نەتە یەكگرتووەكان ددانی پێداناوە.

شەڕێكی قورس لەنێوان سوپای نیشتمانی لیبیا كە ناوچەی رۆژهەڵاتی لیبیای لە بندەستە بە پشتیوانی سعودیە و میسر و ئیمارات و حكومەتی ڕێككەوتن لەسەركراو كە پایتەختی لەبندەستە بە پشتیوانی توركیا و قەتەر هەیە.

ڕەوانەكردنی هێزی سەربازی توركیا بۆ بەرەكانی جەنگ لە لیبیا و چڕكردنەوەی هێرشەكانی سەر تەرابلوسی پایتەخت كۆمەڵگەی نێودەوڵەتی هێنایە سەر خەت تا ئاگربەست ڕابگەیەندرێت.

ئ.ح

بەردەوام بە لە خوێندنەوە

کوردستان