ئێمە لە تۆرە کۆمەڵایەتیەکان

کوردستان

سنە.. هاووڵاتییەك بە گومانی قاچاخچێتی درایە بەر دەستڕێژی هێزە ئەمنییەكان


خەڵك –بەشی هەواڵ

هێزە ئەمنییەكانی حكومەتی ئێران لە شاری سنە، تەقەیان لە ئۆتۆمبێلێك كردووە و شۆفێرەكەیان بریندار كردووە.

بەپێی هەواڵی گەیشتوو بە رێكخراوی مافی مرۆڤی هەنگاو، ئێوارەی ڕۆژی سێشەممە هێزە ئەمنییەكانی ئێران لە شەقامی مەلاوەیسی و لە بەرانبەر مزگەوتی مەلاوەیسی شاری سنە تەقەیان لە ئۆتۆمبێلێك كردووە و شۆفێرەكەیان بە سەختی بریندار كردووە.

هەواڵنێری هەنگاو لە شاری سنە ناسنامەی ئەو شۆفێرە بریندارەی “نیما ئەهوەن” دانیشتووی گەڕەكی حاجی ئاوای سنە ڕاگەیاندووە.

بە گوتەی سەرچاوەیەكی ئاگادار، ئەو هاووڵاتییە بە گوومانی هەڵگرتنی كەلو پەلی قاچاخ لەلایەن هێزە ئەمنییەكان دراوەتە بە ر دەسترێژی گوللە و لاقی بە سەختی پێكراوە.

ریکلام

کوردستان

فرسەت سۆفی: دەمانەوێت خوار و خێچی ئیدارەدان نەهێڵین
بەرپرسی مەڵبەندی 2ی یەكگرتوو: توانرا ماندوونەناسانە ڕێگری لەبڵاوبوونەوەی كۆرۆنا بكرێت


خەڵك-ئارام سەردار
بەرپرسی مەڵبەندی دووی هەولێری یەكگرتوو ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، هاوكات پارێزگای هەولێریش هۆشداری دەدات لەوەی مەترسی كۆرۆنا كۆتایی نەهاتووە و ڕۆژ بەڕۆژ زیاتریش دەبێت ئەگەر پابەندی ڕێنمایی خۆپارێزی نەبێت.

ئەبوبەكر سلێمان، بەرپرسی مەڵبەندی دووی هەولێری یەكگرتوو لەكۆنفڕانسێكی ڕۆژنامەوانیدا ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، ئەمەش بووە هۆكاری ئەوەی هەرێمی كوردستان و هەولێر بەتایبەت پارێزراوبێت لەم پەتا كوشندەیە، ئەمەش جێگای دەست خۆشیە.

دەشڵێت: “ئێمە لەگەڵ نیگەرانیەكانی هاووڵاتیانداین، ڕاستە قەیران هەیە، بەڵام سەرەڕای هەموو ئەو شتانه هاووڵاتیان پابەندی ڕێنماییەكان بوون”.

لای خۆشیەوە، فرسەت سوفی، پارێزگاری هەولێر ڕایگەیاند، سوپاسی برایانی یەكگرتووی ئیسلامی دەكەین، لەم سەردانەدا وێڕای پیرۆزبایی جەژنانە، یەكگرتوو ڕۆڵی باشیان هەبوو لەپشتیوانی كردنی كارەكانمان بۆیە سوپاسی هەڵوێستەكانیان دەكەین، یەكگرتوو لەڕابردووش بەردەوام هۆكاری خێر و چاكە و ڕۆڵی ئاشتیخوازانەیان هەبووە، ئومێدەوارین هەر بەردەوام بن تاوەكوو ببنە هەوێنی ئاشتیخوازانەی پەیوەندی نێوان لایەنەكان.

ئەوەشی خستەڕوو، ئیدارەی پارێزگای هەولێر بۆ هەمووانە و دەمانەوێت خزمەتكاری هەمووانیش بین بەبێ جیاوازی، بۆیە داوای پشتیوانی و هەماهەنگی لەهەموو لایەنە سیاسیەكان بەتایبەت یەكگرتووی ئیسلامی دەكەین، چاویشمان بەسەرجەم هێزە سیاسیەكان دەكەوێت لەهەولێر بۆ ئەوەی ئێمە لەسەر بنەمای هاووڵاتی بوون نوێنەرایەتی هەمووان و خزمەتی هەمووان بكەین، هێزە سیاسیەكانیش بتوانن پشتیوانی لەئیدارەی شارەكە بكەن و بەهەموولایەك بتوانین دادپەروەری بەرپابكەین، چاكسازی ئەنجام بدەین، سوپاسی نیەتپاكی یەكگرتووی ئیسلامیش دەكەین، لەداهاتووش كۆبوونەوەی ترمان دەبێت و دەرگای ئیداراتی خۆمان بەڕووی هێزە سیاسیەكان دەكەینەوە تاوكو باشترین لێكتێگەیشتنمان هەبێت و لەكوێ كەموكوڕیان بینی گوێگرێكی باش دەبین.

باسی لەوەشكرد، هەمووان ئامانجێكی هاوبەشمان هەیە، كە دەمانەوێت خوار و خێچی ئیدارەدان نەهێڵین و تەبایی و نموونەیەكی جوانی حوكمڕانی نیشان بدەین بەدەسەڵات و ئۆپۆزسیۆن، بۆ ئەوەی بەحەق بیسەلمنێنین بۆ خزمەتی خەڵك لێرەین بەدڵنیاییش لایەنەكان تێبینی و سەرنجیان هەبووە و سوودیشیان لێ دەكەین.

پارێزگاری هەولێر وتیشی، “مەترسی كۆرۆنا كۆتایی نەهاتووە و ڕۆژ بەڕۆژ زیاتریش دەبێت، چونكە تێكەڵاوی هەیە و تیمی هێزە ئەمنیەكانیش، كە لەسەر شەقامەكان ماون ڕەنگە ڕێكاری پێویست و یاسایی بگرنە بەر لەبەرامبەر ئەو كەسانەی پابەندی ڕێكارە تەندروستیەكان نابن، وێڕای ئەوەش ڕێنمایی هاووڵاتیان دەكەن.

بەردەوام بە لە خوێندنەوە

کوردستان

چەند تووشبوویەكی كۆرۆنا لە هەولێر چاكبوونەوە


خەڵك- بەشی هەواڵ
بەڕێوەبەرایەتی گشتی تەندروستی هەولێر ئاشكرای دەكات، كە چوار تووشبووی كۆرۆنا چاكبوونەوە و دەشڵێت: “كۆی گشتی چاكبووەوەكان گەیشتۆتە 215 كەس”.

د. دلۆڤان محەمەد، بەڕێوەبەری گشتی تەندروستی هەولێر لە ڕاگەیەنراوێكدا ئاماژەی بەوەكرد، كە (4) نەخۆشی تووشبوو بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بۆتەوە و پشكنینی تایبەتی یەك لەدوای یەكیان بۆ كرایەوە و نێگەتیڤ بوو، بۆیە بڕیاردرا بنێردرێنەوە ماڵەوە.

ڕاشیگەیاندووە، كۆی گشتی چابووەوەكان گەیشتە (215) كەس.

د. دلۆڤان دەشڵێت: “سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە”.

بەڕێوەبەری گشتی تەندروستی هەولێر، سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكات، كە پارێزگاری لە تەندروستی هاووڵاتیان دەكەن.

بەردەوام بە لە خوێندنەوە

کوردستان

دوای 6 ڕۆژ تەرمی گەنجەكەی قەڵادزێ‌ دۆزرایەوە


خەڵك- بەشی هەواڵ
دوای 6 ڕۆژ لە دیارنەمانی گەنجێكی قەڵادزێ، بەكوژراوی دۆزرایەوە و هێزەكانی پۆلیسی ناوچەكەش ڕایدەگەیەنن، كە بە فەرمانی دادوەر 2 كەس لەسەر ڕووداوەكە دەستگیر كراون.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ئاماژەی بەوەكردووە، ئێوارەی ئەمڕۆ تەرمی گەنجێك بەناوی ( ڕ . م . ئـ ) لەدایكبووی ساڵی 1993 پیشەی كاسب، دانیشتووی قەڵادزێ (گەڕەكی كارەبا) گەیەندرایە نەخۆشخانەی گشتی قەڵادزێ، كە ئاسەواری گولـلـەیەك بەسەر جەستەیەوە هەیە.

ڕاشیگەیاندووە، بەگوێرەی زانیاریە سەرەتایەكانیش كوژراوە، دوای توێكاری بۆ لاشەكەی بەڕێكرا بۆ پەیمانگای پزیشكی دادوەری سلێمانی.

ئاشكراشی كردووە، دۆسیەی لێكۆڵینەوە بۆ ڕووداوەكە بە ماددەی 406 ڕێكخراوە و بە فەرمانی دادوەریش 2 كەس لەسەر ڕووداوەكە دەستگیر كراون و لێكۆڵینەوەش لەگەڵیاندا بەردەوامە.

بەردەوام بە لە خوێندنەوە

کوردستان