ئێمە لە تۆرە کۆمەڵایەتیەکان

جیهان

توركیا.. نزیكەی 350 كۆچبەری نایاسایی دەستگیركران

خەڵك –بەشی هەواڵ

لە ئیزمیر و چاناككالە ٣٤٩ كۆچبەری نایاسایی دەستگیركران كە لە ھەوڵدابوون بە رێگەی نایاسایی بچنە دەرەوەی توركیا.

بە پێی زانیاریی دەستكەوتوو، دوای ئەوەی لە كەناراوەكانی شارۆچكەی ئورلای ئیزمیر گرووپێك‌ كۆچبەرانی نایاسایی لەنێو بەلەمێكی لاستیكیدا بەدیكران، تیمەكانی ئاسایشی كەنار دەریا دەستیان بە ئۆپەراسیۆن كرد.

دوای راگرتنی بەلەمەكە تیمەكان ٦٨ كۆچبەری نایاساییان دەستگیركرد، كە پێكهاتبوون لە ٢٨ عێراقی، ١٢ سووری، نۆ ئێریتری، هەشت سۆماڵی، حەوت ئەفریقی ناوەڕاست، دوو میسری و دوو فەڵەستینی.

هەروەها تیمەكان لە كەناراوی شارۆچكەی دیكیلی لە دوو ناوچەی جیا ٣٨ كۆچبەری ئەفغانی و ٥٠ كۆچبەری سووریان دەستگیركرد و بەرەو ناوچەی ئارامیان بردن.

لە كەناراوەكانی كاراعەبدوڵڵای شارۆچكەی چەشمە ٣٥ كۆچبەری نایاسایی سووری و چوار فەڵەستینی لەكاتی دەرچوونیان لەنێو بەلەمێكدا دەستگیركران.

تیمەكانی ئاسایشی كەنار دەریا، لە كەناراوەكانی شارۆچكەی فۆچا ٣٩ كۆچبەری نایاساییان دەستگیركرد كە ٣٠ كەسیان سووری و نۆیان فەڵەستینی بوون.

تێكڕا ٢٣٤ كۆچبەری نایاسایی دوای گواستنەوەیان بۆ‌ كەنار دەریا، رەوانەی بەڕێوەبەرایەتی ئیدارەی كۆچی پارێزگاكە كران.

– لە چاناككالە ١١٥ كۆچبەری نایاسایی دەستگیركران

لە شارۆچكەی ئایڤاجكی چاناككالە، ١١٥ كۆچبەری نایاسایی دەستگیركران كە لە ئامادەكارییدا بوون بەرێگای نایاسایی بپەڕنەوە بۆ دوورگەی میدیلی یۆنان.

هاوكات تیمەكانی ئاسایشی كەناردەریا كە لە باكووری ئیجە دەگەڕان، لە گووندی ئەحمەتچەی گەرووی موسەلیم و بەندەری یاشیل، لە دوو ئۆپەراسیۆندا ٧٥ كۆچبەری نایاسایی ئەفغانیان دەستگیركرد.

لە كەناراوەكانی كادرگا بورنو ٤٠ كۆچبەری نایاسایی ئەفغانی دەستگیركران.

دوای كارەكانی ئاسایش، كۆچبەران رادەستی ناوەندی گەڕاندنەوەی بیانیانی ئایڤاجك كران.

جیهان

ئەنجوومەنی ئاسایش دەربارەی هێرشەكانی توركیا بۆ سەر ڕۆژئاوا كۆدەبێتەوە

خەڵك- بەشی هەواڵ
بۆ جاری دووەم ئەنجوومەنی ئاسایشی نێودەوڵەتی دەربارەی هێرشە داگیركارییەكەی توركیا بۆ سەر خاكی ڕۆژئاوای كوردستان كۆدەبێتەوە.

سەرچاوەیەكی دبلۆماسی بە ئاژانسی (فرانس پرێس)ی ڕاگەیاندووە، كە ئەندامانی ئەنجوومەنی ئاسایشی نێودەوڵەتی داوایان كردووە سبەینێ‌ كۆبوونەوەیەكی دیكەی داخراوی ئەنجوومەنەكە ئەنجام بدرێت دەربارەی هێرشی توركیا بۆ سەر باكووری سوریا.

ڕۆژی پێنج شەممەی ڕابردووش ئەنجوومەنی ئاسایش لەسەر داوای بەلجیكا و ئەڵمانیا و فەڕەنسا و پۆڵەندا و بەریتانیا كۆبووەوە بەشێوەی داخرا، بەڵام تەنها وڵاتانی ئەوروپای ناو ئەنجوومەنەكە بەیاننامەیەكیان دەركرد و تێیدا داوای ڕاگرتنی هێرشە سەربازییەكانیان كرد و هەریەكە لە ڕوسیا و چین ڤیتۆیان بەكارهێنا دژی ئەو پڕۆژەیەی ئەمریكا ئامادەی كردبوو، كە تێیدا داوای كردبوو توركیا كۆتایی بە پڕۆسە سەربازییەكانی بهێنێت.

بەردەوام بە لە خوێندنەوە

جیهان

مۆسكۆ: سوپای سوریا بە تەواوەتی مەنبج كۆنتڕۆڵ دەكات

خەڵك- بەشی هەواڵ
وەزارەتی بەرگری ڕوسیا ڕایدەگەیەنێت، سوپای سوریا بەشێوەیەكی تەواوەتی شاری مەنبج و دەورووبەری كۆنتڕۆڵ دەكات، ئەمەش لەكاتێكدایە، كە دیمەشق هێزە سەربازییەكانی لە باكووری سوریا بۆ بەرپەرچدانەوەی هێرشەكەی توركیا بڵاوەپێكردووە.

ئەمڕۆ سێ‌ شەممە، وەزارەتی بەرگری ڕوسیا لە بەیاننامەیەكدا ڕایگەیاند، “سوپای حكومەتی سوریا، بەشێوەیەكی تەواوەتی شاری مەنبج و دەورووبەری كۆنتڕۆڵ كرد”.

ئاژانسی (RT)ی ڕوسیاش، باس لە چۆڵكردنی تەواوەتی بنكە سەربازییەكەی ئەمریكا دەكات لە باشووری خۆرئاوای مەنبەج، بەر لە چوونەناوەی هێزەكانی سوپای سوریا بۆ ناوچەكە.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن، دوابەدوای ئەمەش هێزەكانی سوریا دیموكرات بۆ بەرگرتن لە هەڵمەتی سەربازی توركیا، لەگەڵ حكومەتی دیمەشق ڕێككەوتنی كرد و لەئێستاشدا سوپای حكومەتی سوریا لە زۆربەی ناوچەكانی باكووری خۆرهەڵاتی وڵاتەكە بڵاوبوونەتەوە.

بەردەوام بە لە خوێندنەوە

جیهان

ڕوسیا پەیامێكی دیكەی لەسەر ڕۆژئاوای كوردستان بۆ توركیا نارد

خەڵك- بەشی هەواڵ
كۆشكی سەرۆكایەتی ڕوسیا ڕەخنە لە هێرشەكانی توركیا بۆ سەر خاكی ڕۆژئاوای كوردستان دەگرێت و دەڵێت: “قبوڵكراو نییە”.

كۆشكی سەرۆكایەتی ڕوسیا (كرملن) لە ڕاگەیەنراوێكدا ئاماژەی بەوەكردووە، هێرشی توركیا بۆ سەر باكوری سوریا قبوڵكراو نییە.

ڕاشیگەیاند، كە نێوانگیری لە نێوان كورد و حكومەتی سوریا دەكەن و دەشڵێت: “سوپای سوریا لە پاراستنی سنورەكان بەرپرسیارە”.

ئاماژەی بەوەشكردووە، كە گومانیان لە كشانەوەی لەناكاوی سوپای ئەمریكا لە ناوچەكانی باكووری سوریا هەیە.

جەختیشی كردۆتەوە، كە هێرشی توركیا كارگەری لەسەر هاوسەنگی ئایینەكان دەبێت.

كرملن ئاشكراشی كردووە، گفتوگۆ لەنێوان سوریا و توركیا هەیە و ڕێگە نادەین شەڕ لەنێوانیان ڕووبدات.

بەردەوام بە لە خوێندنەوە

کوردستان