ئێمە لە تۆرە کۆمەڵایەتیەکان

ئابوری

سلێمانی: بەدواداچوون بۆ بەكارهێنانی سۆدە و زەرفی نایلۆن دەكرێت

خەڵك – بەشی هەواڵ

لیژنەی نانەوا و سەمونخانەكانی سەر بەلیژنە هاوبەشەكانی قائیمقامیەتی سلێمانی ڕۆژانە بەدواداچوون بۆ هەردوو بڕیاری “بەكارنەهێنانی ماددەی سۆدە و بەكارهێنانی زەرفی كاغەز” دەكات.

بەروار محەمەد سەرۆكی لیژنەكە ڕایدەگەیەنێت: بەهۆی بەكارهێنانی سۆدە چەندین شوێنیان سزاداوە و هەموو سەمونخانە و نانەواخانەكانی سلێمانیشیان ئاگاداركردووەتەوە لەزووترین كاتدا پابەند بن بە بڕیاری بەكارهێنانی زەرفی كاغەز لەبەری زەرفی نایلۆن.

سەرۆكی لیژنەی نانەوا و سەمونخانەكانی سەر بە لیژنە هاوبەشەكانی قائیمقامیەتی سلێمانی ڕاشیگەیاند: لەماوەی ڕابردوودا و لەسەر فەرمانی قائیمقامی سلێمانی بەهۆی زیانە تەندروستییەكانی بەكارهێنانی سۆدە لەدروستكردنی نان و سەمون قەدەغەكرا، دوای ئەو بڕیارە لیژنەكەیان ڕۆژانە سەردانی نانەوا و سەمونخانەكان دەكات و هەر شوێنێك ماددەی سۆدە بەكاربهێنێت لە دروستكردنی نان و سەمون ڕووبەڕووی سزا دەكرێتەوە.

سەرۆكی لیژنەی نانەواو سەمونخانەكانی سەر بەلیژنە هاوبەشەكانی قائیمقامیەتی سلێمانی دەشڵێت: لەماوەی چەند هەفتەی ڕابردوودا بەهۆی بەكارهێنانی سۆدە چەندین نانەوا و سەمونخانە ڕووبەڕووی سزای دارایی كراونەتەوە و سەدان شوێنیشنیان ئاگادار كردووەتەوە لە پێناو پاراستنی تەندروستی هاووڵاتیان پابەند بن بە بڕیارەكەوە.

لە بارەی بڕیاری بەكارهێنانی زەرفی كاغەز لە بری زەرفی نایلۆن لە نانەوا و سەمونخانەكانی سلێمانی بەروار محەمەد ڕایگەیاند: ئەم بڕیارەش لەسەر فەرمانی ئاوات محەمەد قائیمقامی سلێمانی دراوە و بە وردیش چاودێری دەكرێت. ئاماژەی بۆ ئەوەشكرد: لیژنەكەیان ڕۆژانە سەردانی نانەوا و سەمونخانەكان دەكات و ئەوەی بەدی دەكرێت بەشێكی زۆریان پابەندی بڕیارەكەن, بۆ ئەوانەش كە هێشتا زەرفی نایلۆن بەكاردەهێنن ئاگاداركراونەتەوە لەزووترین كاتدا پابەند بن، چونكە بڕیارەكە لە ڕوانگەی بەرژەوەندی گشتی و پاراستنی تەندروستی هاووڵاتیان دراوە و بەدڵنیاییەوە جێبەجێ دەكرێت.

ئابوری

“5 تریلیۆن دینار بۆ پڕۆژەكانی‌ وەبەرهێنان دابین دەكرێت”

خەڵك – بەشی هەواڵ

ئەنجومەنی وەزیرانی عیراق ڕایدەگەیەنێت، 5 تریلیۆن دینار بۆ پڕۆژەكانی وەبەرهێنان‌ و خستنەوەگەڕی جوڵەی ئابووری وڵات تەرخان دەكات.

ئەمیندارێتی گشتی ئەنجومەنی‌ وەزیرانی‌ عیراق لە ڕاگەیەنراوێكدا ڕایگەیاندووە، بانكی‌ ناوەندی‌ دەشتپێشخەریەكی‌ كردووە بۆ دابینكردنی‌ 5 تریلیۆن دینار بۆ پڕۆژەكانی پیشەسازی‌ و كشتوكاڵی‌ و بازرگانیی‌ و گەشتیاریی‌ و چەندین خزمەتگوزاری تر.

ئەمیندارێتی گشتی ئەنجومەنی‌ وەزیرانی‌ عیراق ئاماژەی بەوەشكردووە، ئامانج لەو هەنگاوەی بانكی ناوەندی بۆ بوژانەوەی ئابووری‌ و هاندانی پڕۆسەی وەبەرهێنانە لە ناوخۆدا، ئەوەش دەبێتە هۆی‌ بوژانەوەی‌ بازاڕەكانی ناوخۆ‌ و خستنەوەگەڕی جوڵەی ئابووری وڵات.

پێشتر، حكومەتی عیراق ڕایگەیاندبوو، بەهۆی قەیرانی دارایی‌ و دابەزینی نرخی نەوتەوە كاركردن لە 6 هەزارو 250 پڕۆژەدا كە زۆربەیان پڕۆژەی خزمەتگوزاری‌ و تەندروستین ڕاگیراوە.

بەردەوام بە لە خوێندنەوە

ئابوری

هۆشداری لەسەر تەلی حاجەت شۆردن بە خانمان دەدرێت

خەڵك- بەشی هەواڵ
سەرۆكی لیژنە هاوبەشەكانی قائیمقامیەتی سلێمانی سەبارەت بە تەلی حاجەت شۆردن خانمان ئاگادار دەكاتەوە و دەڵێت: “هەندێك جار پارچەی لێ دەبێتەوە و تێكەڵی خواردن دەبێت”.

لەشكر حەمید، سەرۆكی لیژنە هاوبەشەكانی قائیمقامیەتی سلێمانی بۆ (خەڵك) ئاماژەی بەوەكرد، تەلی شۆردنی حاجەت لەوردە ئاسن پێكهاتووە، بۆیە پێویستە بەوریاییەكی زۆرەوە بەكاربهێنرێت، چونكە هەندێك جار پارچەی لێ دەبێتەوە و تێكەڵی خواردن دەبێت ئەمەش لەشی مرۆڤ تووشی ژەهراوی بوون دەكات.

وتیشی، “لەكاتی قوتدانی تەلەكە لەگەڵ خواردنەكان، ئەگەری زۆرە لە بۆرییەكانی هەناسە، ڕیخۆڵە یان دیواری گەدە بچەقێت، دەبێتە هۆی هەوكردن و دروست بوونی برین”.

لەشكر حەمید، كە ئەندازیاری خۆراك-یشە ئاشكرای كرد، تەلی حاجەت لەكاتی چونە لەناو گەدەدا لەگەڵ ترشەكان كارلێك دەكات و بەدروستكردنی ماددەی نوێ دەبێتە هۆی ژەهراوی بوون و بەرزبوونەوەی تۆكسین و ڕێژەی كانزا قورسەكان لە جەستەی مرۆڤدا.

سەرۆكی لیژنەكانی سلێمانی ئاماژەی بەوەشكرد، ڕێگری لە بەكارهێنانی تەلی حاجەت دەكەن لە شوێنە گشتییەكان وهەروەها پێشیان وتراوە نابێت مەنجەڵی تیڤاڵ و سینی داخوراو بەكاربهێنن.

لەشكر حەمید، داوا لەخانمان دەكات “بۆ سەلامەتی تەندروستی خۆتان و خێزانەكەتان، لەكاتی شۆردنی دەفرەكان و پێداویستییەكانی دیكەی ئامادەكردنی خواردەمەنی بەوریاییەكی زیاترەوە تەلی حاجەت بەكاریبهێنن تا لە مەترسی پارچەبون و تێكەڵ بونی بەخواردنەكان پارێزراوبن”.

لەشكر حەمید هۆشیاری بەدوكان و ئەو شوێنانە دەدات، كەخواردن تیایدا ئامادە دەكرێت و دەڵێت: “بۆ خاوێنكردنەوە و شۆردنی ئەو دەفر و پێداویستیانەی لە ئامادەكردنی خواردەمەنیدا بەكاردەهێنرێت ئەو تەلی حاجەتە بەكارنەهێنن، كە لەوردە ئاسن دروستكراوە، بەپێچەوانەوە ڕوبەڕوی ڕێكاری یاسایی دەكرێنەوە”.

بەردەوام بە لە خوێندنەوە

ئابوری

نرخی نەوت بەشێوەیەكی بێ‌ پێشینە بەرزبۆوە

خەڵك- بەشی هەواڵ
نرخی بەرمیلێك نەوت بۆ سەرو ئاستی 47 دۆلار ڕووی لە بەرزبوونەوە كرد، ئەمەش لە مانگی ئاداری ڕابردووەوە بە نرخێكی بێ‌ پێشینە دادەنرێت، هۆكاریی ئەم بەرزبوونەوەیەش پەیوەندی بە سەركەوتنی تاقیكردنەوەی سێیەم ڤاكسینی كۆرۆناوە هەیە كە داواكارییەكانی لەسەر نەوت بوژاندەوە.

سەرلەئێوارەی ئەمڕۆ سێ‌ شەممە، نرخی بەرمیلێك نەوتی برێنتی گرێبەستە دواخراوەكان بەڕێژەی 2.43% ڕووی لە بەرزبوونەوەی كرد و گەیشتە 47.12 دۆلار، ئەمەش بە بەرزترین ئاستی ئەو جۆرە نەوتە لە مانگی ئاداری ڕابردووەوە دادەنرێت.

هاوكات نرخی بەرمیلێك نەوتی خاوی ئەمریكایی خۆرئاوا تەكساس بەڕێژەی 2.83% ڕووی لە بەرزبوونەوە كرد و گەیشتە 44.28 دۆلار.

ستیڤان ئینز گەورە شرۆڤەكار لە بازاڕە جیهانییەكان لە كۆمپانیای (ئەكسی) بۆ خزمەتگوزارییە داراییەكان لەو بارەیەوە ڕایگەیاند”پێشكەوتنەكان لەسەر ئاستی پەرەپێدان و دابەشكردنی ڤاكسینی كۆرۆنا، مەترسییەكان لەسەر ڕێڕەوی گەڕانەوە بۆ ئاستی سروشتی بازاڕەكانی نەوت، هەڵدەگرێت”.

پێشتر (ئەسترازینیكا) ڕایگەیاندبوو، ڤاكسینەكەی بەڕێژەی 70% لە تاقیكردنەوەكاندا كاریگەریی هەبووە و ڕێژەی كاریگەریشی دەگاتە 90%، ئەمەش تەوژمێكی تر دەداتە بەر جەنگی جیهانی لە دژی كۆرۆنا كە دەبێتە چەكی سێیەم و ڕەنگە كەمترین تێچووی هەبێت و بە ئاسانی و خێراتر دابەش بكرێت، بەراورد بە ڤاكسینە ڕكاربەرەكانی.

بەردەوام بە لە خوێندنەوە

کوردستان