ئێمە لە تۆرە کۆمەڵایەتیەکان

ئابوری

بەغدا مەرجەكانی هەرێمی ڕەتكردەوە
“لەم كاتەدا چارەكە مووچەی فەرمانبەران دەستپێدەكاتەوە”

خەڵك- بەشی هەواڵ

ئەندامێكی پەڕلەمانی كوردستان، كە لە كۆبوونەوەی سەرۆك كۆمار لەگەڵ پەڕلەمانی كوردستان بەشدار بووە دەڵێت: “ئەگەر هەرێم لەگەڵ بەغدا ڕێكنەكەوێت، ڕەوشی دارایی هەرێم دەگەڕێتەوە بۆ ساڵانی قەیران و چارەكە مووچەی فەرمانبەران”.

د. ئیسماعیل سگێری، جێگری سەرۆكی فراكسیۆنی یەكگرتوو لە پەڕلەمانی كوردستان بۆ كەناڵی ئاسمانی زمانحاڵی حزبەكەی ڕاگەیاندووە، هیچ ڕێگایەك لەبەردەم هەرێمی كوردستان نیە تەنها ڕێككەوتن نەبێـت لەگەڵ بەغدا.

ڕاشیگەیاندووە، هەرێمی كوردستان و بەغدا پێویستە لەسەر بودجەی ساڵی 2020 ڕێكبكەون، ئەگەر هەرێم ڕێكنەكەوێت لەگەڵ بەغدا ئەوا دەگەڕێتەوە بۆ قەیارنی دارایی ساڵانی 2014، 2015، 2016 كە چارەكە مووچەی بە فەرمانبەرانی دەدا”.

جێگری سەرۆكی فراكسیۆنی یەكگرتوو ئاماژەی بەوەشكرد، هەرێم لە گفتوگۆكانی لەگەڵ بەغدا داوای خەرجی سیادی و قەرزی پاشەكەوتی مووچەی فەرمانبەرانی هەرێم و كرێی كۆمپانیا نەوتیەكانی كردووە، بەڵام تائێستا بەغدا بەو مەرجانەی هەرێم ڕازی نەبووە.

بۆ وەرگرتنی ڕای حكومەتی هەرێم لەو بارەیەوە (خەڵك) چەند جارێك پەیوەندی كرد بە د. جوتیار عادل، وتەبێژی فەرمی حكومەتی هەرێمەوە، بەڵام وەڵامی پەیوەندییەكەی نەدایەوە.

د. ئیسماعیل سگێری: ئه‌گه‌رهه‌رێم له‌گه‌ڵ به‌غدا رێكنه‌كه‌وێت روبعه‌ موچه‌ ده‌گه‌ڕێته‌وه‌

ئه‌گه‌ر هه‌رێم له‌گه‌ڵ به‌غدا رێكنه‌كه‌وێت، ره‌وشی دارایی هه‌رێم ده‌گه‌ڕێته‌وه‌ بۆ ساڵانی قه‌یران و روبعه‌ موچه‌ی فه‌رمانبه‌ران—————————–‌د. ئیسماعیل سگێری جێگری سەرۆكی فراكسیۆنی یەكگرتوو له‌ په‌رله‌مانی كوردستان كە بەشداربوو لەكۆبونەوەكەی سه‌رۆك كۆماری عێراق به‌ كه‌ناڵی سپێدەی ڕاگەیاند: هیچ ڕێگایەك لەبەردەم هەرێمی كوردستان نیە تەنها ڕێكەوتن نەبێـت لەگەڵ بەغدا.د.ئیسماعیل سگێری وتیشی: "هەرێمی كوردستان و بەغدا پێویستە لەسەر بودجەی ساڵی 2020 ڕێك بكەون ئەگەر هەرێم ڕێكنەكەوێت لەگەڵ بەغدا ئەوا دەگەڕێتەوە بۆ قه‌یارنی دارایی ساڵانی 2014، 2015، 2016 كە ڕوبعە موچەی به‌ فه‌رمانبه‌رانی ده‌دا. جێگری سه‌رۆكی فراكسیۆنی یه‌كگرتوو ئاماژەی بەوەشكرد هەرێم له‌ گفتوگۆكانی له‌گه‌ڵ به‌غدا داوای نەفەقاتی سیادی و قەرزی پاشەكەوتی موچەی فەرمانبەرانی هەرێم و كرێی كۆمپانیا نەوتیەكانی كردووه‌ به‌ڵام تائێستا بەغدا بەومەرجانەی هەرێم ڕازی نەبووە.

Posted by ‎فراکسیۆنى یەکگرتوو لە پەرلەمانى کوردستان‎ on Wednesday, September 18, 2019

ئابوری

سبەینێ‌ دابەشكردنی نەوت دەگاتە چەند گەڕەكێك

خەڵك – بەشی هەواڵ
قائیمقامیەتی شارۆچكەی چەمچەماڵ ڕایدەگەیەنێت، سبەینێ لە گەڕەكەكانی شۆڕش و سەنگاو دەست بە دابەشكردنی نەوت دەكرێت بە كۆدی ۲۸۰ و دەشڵێت: “بڕی نەوتەكە ۲۱٦ لیترە و ٤٦ هەزار دینار لە هاووڵاتی وەردەگیرێت”.

قائیمقامیەتی شارۆچكەی چەمچەماڵ لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئاگاداری دانیشتوانی شارەدێی شۆڕش و سەنگاو دەكەینەوە سبەینێ لە گەڕەكەكانیان نەوت دابەش دەكرێت.

ڕاشیگەیاندووە، دابەشكردنی نەوت بۆ ئەو هاووڵاتیانە دەبێت، كە ساڵی ڕابردوو نەوتیان وەرنەگرتووە و بە كۆدی ۲۸۰ دەدرێت، بڕی نەوتەكە ۲۱٦ لیترە و ٤٦ هەزار دینار لە هاووڵاتی وەردەگیرێت.

قائیمقامیەتی چەمچەماڵ دڵنیایی دەداتە هاووڵاتیان، “تا یەك هاووڵاتی لە سنورەكەیان بمێنێت، كە نەوتی وەرنەگرتبێت هەوڵەكانی بۆ دابینكردنی نەوت بەردەوام دەبێت”.

جەختیشی كردۆتەوە، كە پێداویستیەكانی وەرگرتنی نەوت بریتیە لە (كارتی نەوت و هەویە یان كارتی نیشتیمانی).

بەردەوام بە لە خوێندنەوە

ئابوری

“هەرێم 600 هەزار بەرمیل نەوت ڕەوانە دەكات”
هەڕەشەی بڕینی مووچەی فەرمانبەرانی هەرێم دەكرێت

خەڵك- بەشی هەواڵ
ئەندامێكی پەڕلەمانی عیراق لە هاوپەیمانی فەتح، كە لەلایەن هادی عامرییەوە سەرۆكایەتی دەكات ڕایدەگەیەنێت، هەرێمی كوردستان ڕۆژانە 600 هەزار بەرمیل نەوت هەناردەی دەرەوە دەكات و لیژنەی دەستپاكی عیراق-یش داوای ڕاگرتنی مووچەی فەرمانبەران دەكات.

محەمەد كەریم، ئەندامی پەڕلەمانی عیراق لە هاوپەیمانی فەتح لە كۆنگرەیەكی ڕۆژنامەوانیدا ڕایگەیاند، كە هەرێمی كوردستان تا ئێستا پابەند نییە بە پێدانی پشكی نەوت بە حكومەتی فیدڕاڵی سەرەڕای ئەوەی چەند جارێك جەختیان لەوە كردۆتەوە، كە لە ساڵی نوێدا پشكی نەوت ڕادەستی بەغدا دەكەن.

ڕاشیگەیاندووە، هەرێمی كوردستان هەناردەی نەوتی بۆ 600 هەزار بەرمیلی ڕۆژانە زیاد كردووە.

دەشڵێت: “بڕێكی زۆر نەوت لەلایەن هەرێمەوە دەفرۆشرێت، بەڵام داهاتەكەی نادات بە حكومەتی فیدڕاڵی، بۆیە لیژنەی دەستپاكی پەڕلەمان بە ئاڕاستەی ئەوە ڕۆیشتووە، كە ناردنی شایستە داراییەكانی هەرێم ڕابگیرێت تا ئەو كاتەی پارەی فرۆشتنی نەوت ڕادەستی بەغدا دەكات”.

هەفتەی ڕابردوو لیژنەی دەستپاكی لە پەڕلەمانی عیراق نووسراوێكی ئاڕاستەی وەزارەتی دارایی عیراق كردووە و تێیدا داوای كردووە، “شایستە داراییەكانی هەرێم، كە خۆی دەبینێتەوە لە پارەی مانگانەی مووچەی فەرمانبەران ڕابگیرێت، چونكە هەرێمی كوردستان تا ئێستا داهاتی ناوخۆ و فرۆشتنی نەوتی نەداوە بە عیراق”.

أ.ح

بەردەوام بە لە خوێندنەوە

ئابوری

مووچەی كەمئەندامان بەپێی یاسای چاكسازی چی بەسەردێت؟

خەڵك- بەشی هەواڵ
سەرەڕای گفتوگۆیەكی چەڕ و پڕی چەند ڕۆژە لە پەڕلەمانی كوردستان لەسەر یاسای چاكسازی، بەڵام بەڕێوەبەرێكی گشتی و پسپۆڕ لە بواری كاروباری كەمئەندامان دەڵێت: “زۆرینەی پەڕلەمانتاران ئاگاداری یاساكانی پێشووتری تایبەت بە كەمئەندامان نەبوون”.

ڕۆژی پێنج شەممەی هەفتەی ڕابردوو، یاسای چاكسازی دواجار بە زۆرینەی دەنگی فراكسیۆنەكانی پارتی و یەكێتی و گۆڕان و كەمە نەتەوەییەكان پەسەند كرا لەكاتێكدا فراكسیۆنەكانی نەوەی نوێ‌ و كۆمەڵ و یەكگرتوو كشانەوە و دەنگیان پێ‌ نەدا.

عومەر گوڵپی، بەڕێوەبەری گشتی چاودێری و گەشەپێدانی سلێمانی بۆ (خەڵك) ڕایگەیاند، كە لەكاتی گفتوگۆكانی تایبەت بە یاسای چاكسازی ئەوەم بەلاوە سەیر بوو، كە زۆرینەی ئەندامانی پەڕلەمان ئاگایان لەو یاسایە نییە، كە پێشتر بۆ هاووڵاتیانی خاوەن پێداویستی تایبەت دەركراوە و ئاگاداری ناوەڕۆك و بڕگە و ماددەكانی نەبوون.

دەشڵێت: “زۆرینەی زۆری ئەو قسە و گفتوگۆیانەی لەسەر یاساكە كردیان ناچێت بەلای نیوەی ئەوەی لە یاسای ژمارە (٢٢)ی ساڵی (٢٠١١) ی تایبەت بە ماف و ئیمتیازی كەمئەندامان و خاوەن پێداویستیە تایبەتەكان جێگیركراوە، كە لە پەڕلەمانی كوردستان دەرچووە”.

ئاماژەی بەوەشكرد، كە بەپێی ئەو یاسایەی پێشووی پەڕلەمان، دیاری كردنی مووچەی كەمئەندامان بەپێی ڕێژەی كەمئەندامییە و لە 150 هەزار دینارەوە دەست پێدەكات تاوەكو 250 هەزار دینار بۆ ئەوانەی ڕێژەی كەمئەندامییان دەچێتە سەرووی 70%، كە تا ئێستا ئەو یاسایە بەتەواوی جێبەجێ‌ نەكراوە.

بەپێی یاسای چاكسازی، ئەو كەمئەندامەی فەرمانبەر بێت مووچەی كەمئەندامیەكەی دەبڕێت و لە فەرمانگەكەی دەرماڵەی پەككەوتوویی دەخرێتە سەر مووچەكەی و ئەوانەشی فەرمانبەر نیین بڕی مووچەی 150 هەزار دیناری مانگانەیان پێ‌ دەدرێت.

أ.ح

بەردەوام بە لە خوێندنەوە

کوردستان