ئێمە لە تۆرە کۆمەڵایەتیەکان

جیهانی

پێرێز و خلێفی لە ڕێستورانتێک چاویان بەیەکتری کەوتووە و مەسەلەی نایمار و مباپێ زیندوکراوەتەوە!

خەڵک سپۆرت

ئەمڕۆ سەرۆکی هەردوو یانەی ڕیاڵ مەدرید و بەرشلۆنە لە یەکێک لە ڕێستورانتە ناودارەکانی شاری پاریس چاویان بەیەکتری کەتووە و سەرچاوەکان دووبارە ئاماژە بە کەیسی گواستنەوەی نایمار و مباپێ دەکەن.

ڕۆژنامەی “مارکا”ی ئیسپانی ئاشکرای کردووە، ئەمڕۆ بەر لەڕووبەڕوبونەوەی نێوان یانەی پاریس سانت جێرمان و ڕیاڵ مەدرید لەچوارچێوەی کێبڕکێکانی قۆناغی کۆمەڵەکانی چامپیۆنز لیگ، فلۆرنتینۆ پێرێزی سەرۆکی یانەی ڕیاڵ مەدرید و ناسڕ خلێفی سەرۆکی یانەی پاریس سانت جێرمان چاویان بەیەکتر کەوتووە.

بەپێی سەرچاوەکە، کۆبونەوەی نێوان دوو سەرۆکەکە ئاسایی و دۆستانە بووە و تایبەت بووە بە بابەتە وەرزشییەکان و ڕووبەڕوبونەوەی نێوان دوو یانە زەبەلاحەکە، بەڵام لەهەمان کاتدا لەسەر چەند تەوەرێکی دەرەوەی یاریگا گفتوگۆیان کردووە، ئەو تەوەرانەش بریتی بوون لە مەسەلەی ئاڵوگۆڕکردنی ئالفۆنس ئاریۆلای گۆڵپارێز بە کیلۆر ناڤاس، هەروەها ئەگەرەکانی گواستنەوەی یەکێک لە نایمار دا سیلڤا، یاخود کیلیان مباپێ بۆ یانەی ڕیاڵ مەدرید.

“مارکا” جەخت دەکاتەوە، چاوپێکەوتنی نێوان دوو سەرۆکەکە ئەرێنی بووە و تەئکیدیان لە توندوتۆڵی پەیوەندیەکانی نێوانیان کردۆتەوە، بەڵام لە داهاتوودا ئەم پەیوەندییە پەمەییە ڕەش هەڵدەگەڕێت بەتایبەت ئەوکاتەی ئیدارەی یانەی شاهانە هەوڵەکانی بۆ یەکێک لە دوو ئەستێرەکەی “پی ئێس جی” چڕدەکاتەوە.

بەرامبەر هەر یانەیەکی داواکاری مباپێ و نایمار یانەی پاریس سانت جێرمانی فەرەنسی هەمیشە ڕوخسارێکی توند و جیاوازیان نیشانداوە، بەتایبەت بەرامبەر یانەی بەرشلۆنە کە لەپێشوودا هەوڵیاندا ئەستێرە بەرازیلیەکە بگەڕێننەوە بۆ ڕیزەکانیان.

ئایا بەرامبەر یانەی شاهانە هەمان ڕوخسار نیشان دەدات؟ یاخود پشت بە پەیوەندیە توندوتۆلەکەی نێوانیان دەبەستن؟

جیهانی

مۆرینیۆ لەگەڵ یانەیەکی زەبەلاح گفتوگۆی کردووە و ئەگەر هەیە پەیوەندیان پێوە بکات !

خەڵک سپۆرت

جوزێ مۆرینیۆی پورتوگالی ڕاهێنەری پێشوی یانەکانی چێڵسی و ڕیاڵ مەدرید و مانچستەر یونایتد لەئێستادا بێکارە و لەگەڵ یانەیەکی زەبەلاحی خولی ئەڵمانیا چووەتە سەرهێڵ.

ڕۆژنامەی ” زە سەن”ی بەریتانی لەزاری چەند سەرچاوەیەکی نزیکی ڕاهێنەرە سپێشەڵەکەوە ئاشکرای کردووە، ئیدارەی یانەی بوروسیا دۆرتمۆندی ئەڵمانی بەفەرمی پەیوەندیان بە مۆرینیۆوە کردووە و داواکاربوون پاش دوورخستنەوەی لوسیان فاڤەر لەپۆستی ڕاهێنەری یانەکەیان پۆستەکە بەدەست بهێنێت.

بەپێی سەرچاوەکە، گفتوگۆی نێوان “مۆو” و سەرۆکایەتی “ڤیستیڤالین” لە ئاستێکی پیشکەوتوودایە و چەند قۆناغێکی تێپەڕاندووە، بەڵكو ڕاهێنەری ناوبراو خۆشحاڵی نیشانداوە و وەڵامەکانی ئەرێنی بوون، بەڵام لە ڕووی کارگێڕی و وەرزشییەوە ڕێکەوتن لەنێوان جەمسەرەکاندا نەکراوە و چاوەڕوان دەکرێت ئەم بابەتە لەچەند هەفتەی داهاتوودا زیاتر بەرەوپێشچوون بەخۆیەوە ببینێت.

سەرۆکی یانەی لیۆن لە ماوەی ڕابردوودا ڕایگەیاند، کە مۆرینیۆ یانە فەرەنسیەکەی لەپێناو یانەیەکی گەورەی تردا ڕەتکردۆتەوە، زۆرینەی شارەزایان پێیان وابوو “سپێشەڵ وەن” چاوی لە پۆستی ڕاهێنەرایەتی یانەی ڕیاڵ مەدریدە و چاوەڕوانی چانسێکی نوێ دەکات لە فلۆرنتینۆ پێرێزی سەرۆکی ئەو یانەیەوە، لەبەرامبەردا یانەی بوروسیا دۆرتمۆندی ئەڵمانی بەهەمان شێوە یانەیەکی گەورەیە و بەدوور نازانرێت ڕاهێنەرەکە بە ئۆفەرەکەیان قایل بێت ئەویش لەبەر دوو هۆکار:

یەکەم: یانە زەردەکە خاوەنی پڕۆژەیەکی نوێیە و پاش دانەوەی تەواوی قەرزە کەڵەکەبووەکان، دەیانەوێت هاوشانی بایرن میونشن بگەنەوە بە لوتکەی تۆپی پێی ئەڵمانیا و ئەوروپا.

دووەم: لەڕووی وەرزشییەوە یانەیەکی بەهێزە و لەڕووی داراییشەوە توانای گواستنەوەی یاریزانی گەورە و پێدانی موچەی بەرزی هەیە.

بەردەوام بە لە خوێندنەوە

جیهانی

 (گرانبەهاترین بۆندەکانی تۆپی پێ) ڕێکەوتنی بارسا و ئەتلەتی گریزمانی کردە سێیەم گرانبەهاترین یاریزان !

خەڵک سپۆرت

ئیدارەی یانەی بەرشلۆنە کۆتا ڕێکەوتنی لەگەڵ یانەی ئەتلەتیکۆ مەدرید سەبارەت بە بۆندی ئیمزاکراوی ئەنتوان گریزمان ئەنجامدا و بەهۆی ئەو ڕێکەوتنەوە ڕیزبەندی گرانبەهاترین یاریزانانی جیهان گۆڕانکاری بەسەردا هات.

پاش ئەوەی سەرۆکایەتی یانەی ئەتلەتیکۆ مەدریدی ئیسپانی بڕیاریدا بەهۆی کەلێنێکی یاساییەوە سکاڵا لەسەر یانەی بەرشلۆنە سەبارەت بە کڕینی ئەنتوان گریزمان تۆمار بکات، ئیدارەی یانەی بەرشلۆنە توانیان بەشێوەی ڕاوێژ و بە پێشکەشکردنی زیادەی بڕی (١٥ ملیۆن یورۆ) کۆتایی بە سکاڵا و ڕەخنەکانی ئەو یانە مەدریدیە بهێنن، بەو شێوەیەش نرخی یاریزانەکە لە (١٢٠ ملیۆن)وە بۆ (١٣٥ ملیۆن) بەزبووەوە.

ڕۆژنامەی “مارکا”ی ئیسپانی ئاشکرای کردووە، ئەگەر بێتو بڕی (١٣٥ ملیۆن یورۆ)ی نرخی نوێی بۆندی کەڵەشێرە فەرەنسیەکە لەنێو سەرجەم بۆندە ئیمزاکراوەکانی تردا هەژمار بکەین، ئەوا یاریزانەکە دەبێتە سێیەم گرانبەهاترین یاریزان لە مێژووی تۆپی پێدا (بەشێوەی کاش).

ئەمەش ڕیزبەندی گرانبەهاترین ئەو بۆندانەن کە تائێستا ئیمزاکراون:

بەردەوام بە لە خوێندنەوە

جیهانی

خشتە و کاتی یارییەکانی ئەمشەوی خولی یانە پاڵەوانەکانی ئەوروپا (چوارشەممە)

خەڵک سپۆرت

ئەمڕۆ ململانێی یانەکانی ئەوروپا لەچوارچێوەی یارییەکانی گەڕی سێیەم لە قۆناغی کۆمەڵەکانی چامپیۆنز لیگ بەردەوامی دەبێت، چەندین یاریی بەهێز ئەنجام دەدرێن کە گرنگترینیان ئەمانەن:

لایپزیگ – زینیت سانت پترسبۆرگ (٧:٥٥)

ئەیاکس ئەمستەردام – چێڵسی (٧:٥٥)

سلاڤیا پراگ – بەرشلۆنە (١٠:٠٠)

ئینتەرمیلان – دۆرتمۆند (١٠:٠٠)

جینک – لیڤەرپوڵ (١٠:٠٠)

ڕیدبول سالزبۆرگ – ناپۆلی (١٠:٠٠)

لیل – ڤالێنسیا (١٠:٠٠)

بەنفیکا – لیۆن (١٠:٠٠)

بەردەوام بە لە خوێندنەوە

کوردستان