ئێمە لە تۆرە کۆمەڵایەتیەکان

جیهانی

گۆڵپارێزێکی دێرینی ئەڵمانیا پاڵپشتی نۆیەر دەکات و تێر شتیگن بیر لە وازهێنان دەکاتەوە !

خەڵک سپۆرت

یانز لیمانی گۆڵپاریزی دێرینی ئەڵمانی پێی وایە، مانوێل نۆیەری گۆڵپارێزی بایرن میونشن لە تێر شتیگنی گۆڵپارێزی یانەی بەرشلۆنە شایستە ترە بۆ پۆشینی بەرگی گۆڵپارێزی سەرەکی هەڵبژاردەی ئەڵمانیا.

لیمان بە “بێلد سپۆرت”ی ڕاگەیاندووە :” لێدوانەکانی شتیگن سەبارەت بە نۆیەر ستەمکردنە لە ئاستی گۆڵپارێزی سەرەکی، چونکە نۆیەر لەڕووی ئەزمون و هونەریەوەتێروتەسەلترە، من کاتێک پەیوەندیم بە ئەڵمانیاوە کرد تەمەنم ٢٧ ساڵ بوو، پێموایە هێشتا شتیگن کاتی زۆری لەبەردەمدا ماوە و پێویستی بە پەلەکردن نییە”.

بەدەر لە بۆچونی گۆڵپارێزە ئەفسانەییەکانی ئەڵمانیا، نۆیەری گۆڵپارێزی سەرکی “ناسیوناڵ مانشافت” بەتوندی ڕەخنەی لە لێدوانەکانی شتیگن گرتووە و ڕاگەیاندووە، کە گۆڵپارێزەکەی یانەی بەرشلۆنە هەرگیز بۆچونی خۆیی ڕووبەڕوو پێڕانەگەیاندووە و تەواوی بۆچونەکانیشی ڕەتکردۆتەوە.

لەم بارەیەوە ڕۆژنامەی “دەیلی میرەر”ی بەریتانی ئاشکرای کردووە، شتیگن بەدرێسی یانەی بەرشلۆنەوە ئاستێکی ناوازە پێشکەش دەکات، بەڵکو لەدوای پێکانی نۆیەر زۆرترین سودی بە هەڵبژاردەی مەکینەکان گەیاندووە تا گەیشتنیان بۆ مۆندیالی ٢٠١٨ لەڕوسیا، بەڵام لەدوای گەڕانەوەی نۆیەر لەپێکان، بەبێ هۆکارێکی دیار و پێویست شتیگن لەلایەن یواکیملۆوڤی ڕاهێنەری ئەڵمانیاوە دوورخراوەتەوە.

یواکیم لۆوڤی راهێنەری هەڵبژاردەی ئەڵمانیا تەنانەت لەکۆتا ڕووبەروبونەوەکانی پاڵاوتنی یورۆی ٢٠٢٠ بەهیچ شێوەیەک پشتی بە گۆڵپارێزی سەرەکی یانەی بەرشلۆنە نەبەستووە، ئەوەش یاریزانەکەی گەیاندۆتە ئەو ئاستەی بیر لە وازهێنانی نێودەوڵەتی بکاتەوە و تەواوی کاتەکانی بۆ بەرشلۆنە تەرخان بکات.

ئایا لۆوڤ دەتوانێت دۆخەکە چارەسەر بکات؟

جیهانی

گواردیۆلا: لەبەر یەک هۆکار پێکهاتەکەم ئامادە نییە نازناوی چامپیۆنزلیگ بچنێتەوە

خەڵک سپۆرت

پیپ گواردیۆلای ڕاهێنەری ئیسپانی یانەی مانچستەر سیتی پێی وایە یانەکەی توانای چنینەوەی نازناوی خولی یانە پاڵەوانەکانی ئەم وەرزەی نییە و هۆکارەکەش ئاشکرا دەکات.

ڕاهێنەرە ناودارەکەی ئیسپانیا بە ڕۆژنامەی “دەیلی مەیڵ”ی ڕاگەیاندووە :” خەڵکی باس لەوە دەکەن کە خولی یانە پاڵەوانەکان ئامانجی سەرەکیمانە لەم وەرزەدا، بەڵام ئێمە هێشتا بۆ ئەو دەستکەوتە ئامادەنین، چونکە هەلێکی زۆر دروست دەکەین و لەهەمان کاتیشدا زۆرینەی لەدەست دەدەین، ئێمە دەتوانین بەرەوپێش بچین و باشتر ببین، دوو وەرزی ڕابردوو چەندین گۆڵمان تۆمار کرد و دڵنیام باشتر دەبین، پێویستە لەئێستادا بەردەوام بین لەهەوڵدان”.

هەروەها دەڵێت :” هەلی زۆری تۆمارکردنی گۆڵمان لەدەستدا، زۆرینەشیان لەنێو ناوچەی سزای ڕکابەراندا بوون، پێویستە لە داهاتوودا حەماسەت و تەرکیزی زیاترمان هەبێت”.

لەکۆتا هەفتەی خولی ناوخۆی ئینگلتەرا، یانەی مانچستەر سیتی بە دوو گۆڵی بێوەڵام سەرکەوتنی بەسەر کریستاڵ پاڵاسدا بەدەست هێنا، بەڵام یاریزانانی یانە شینە ئاسمانیەکە چەندین هەلی بەهێزیان بۆ بەرزکردنەوەی ڕێژەی گۆڵەکان لەدەستدا، ئەم دیاردەیە گواردیۆلای گەیاندۆتە ئەو بۆچونەی لەدەستدانی هەلی گۆڵکردن بۆ چوارەم وەرز لەسەریەک هۆکار دەبێت بۆ شکستیان لە خولی یانە پاڵەوانەکان.

بەردەوام بە لە خوێندنەوە

جیهانی

کێیە؟ بەرشلۆنە دوای یورۆی ٢٠٢٠ شوێنگرەوەی ڤاڵڤێردی ئاشکرا دەکات

خەڵک سپۆرت

ئیدارەی یانەی بەرشلۆنەی ئیسپانی ئامادەکاری بۆ داهاتوو کردووە و پێگەی ئێرنێستۆ ڤاڵڤێردی و ڕاهێنەری شوێنگرەوەشیان یەکلایی کردۆتەوە.

ڕۆژنامەی “موندۆ دیپۆرتیڤۆ”ی کەتەلۆنی لە زاری چەندین سەرچاوەی نزیکی یانەی بەرشلۆنەوە ئاشکرای کردووە، ئەرکی ئێرنێستۆ ڤاڵڤێردی ڕاهێنەری ئێستای یانە تا هاوینی ٢٠٢٠ و دوای ئەنجامدانی خولی نەتەوەکانی ئەوروپا بەردەوامی دەبێت، لە هاوینی ٢٠٢٠ بەفەرمی کۆتایی بە بۆندەکەی دەهێنرێت و لە جێگەی یەکێک لە ئەفسانەکان جێگیر دەکرێت.

بەپێی زانیارییە بەدەستهاتووەکان، ڕۆناڵد کومانی هۆڵەندی ڕاهێنەری هەڵبژاردەی هۆڵەندا و ئەفسانەی بارسا دەبێتە شوێنگرەوەی ڤاڵڤێردی و کارەکانی لەدوای یورۆی ٢٠٢٠وە دەست پێدەکات.

لەم بارەیەوە یان هوگمای بەڕێوەبەری وەرزشیی هەڵبژاردەی ئاشەوانەکانی هۆڵەندا ڕایگەیاندووە، کومان تا دوای یورۆی ٢٠٢٠ بۆندی لەگەڵ یەکێتی تۆپی پێی وڵاتەکەیدا هەیە، بەڵام بەندێک لە بۆندەکەیدا جێگیرکراوە و بەپێی ئەو بۆندە دەتوانێت لە حاڵەتی گەیشتنی هەر بۆندێک لە یانەی بەرشلۆنەوە بۆندی ئیمزاکراوی لەگەڵ یەکێتی تۆپی پێی هۆڵەندا هەڵبوەشێنێتەوە، ئەوەش دەریدەخات کە خودی کومان چاوەڕوانی ئاماژەیەکە لە ئیدارەی جوسێپ ماریا بارتومیۆوە.

بەردەوام بە لە خوێندنەوە

جیهانی

جێنشنی شاهانەی سعودیە کڕیاری یونایتدە و خێزانی گلایزەر پێداگری دەکەن !

خەڵک سپۆرت

محەمەد بن سەلمان جێنشینی شاهانەی سعودیە لەهەوڵدایە بە بۆندێکی خەیاڵی یانەی مانچستەر یونایتد بکڕێت و خاوەندارێتی یانە ئینگلیزیەکە بە (نەخێر) وەڵامی دەدەنەوە.

ڕۆژنامەی “دەیلی میرەر”ی بەریتانی ئاشکرای کردووە، محەمەد بن سەلمانی جێنشینی شای سعودییە تا ئێستا دووجار هەوڵیداوە پشکەکانی یانەی مانچستەر یونایتد بەبۆندی گرانبەها بکڕێتەوە، بەڵام خێزانی گلایزەرس کە خاوەندارێتی یانەکە دەکەن ڕەتیان کردۆتەوە پشکەکانیان بفرۆشن.

“میرەر” لەزاری سەرچاوە ناوخۆییەکانی “ڕێد دێڤڵز”ەوە بڵاویکردۆتەوە، جێنشینی شاهانەی سعودیە بۆ سێیەم جار بۆندی بەبڕی ٣.٥ ملیار یورۆ پێشکەشی خێزانی گلایزەرس کردووە، بەڵام دووبارە خێزانە ئەمریکیەکە لەڕێگەی ئید ودواردی بەڕێوەبەری جێبەجێکارەوە بە (نەخێر) وەڵامیان داوەتەوە، لێرەشدا مامەڵەی گواستنەوەی خاوەندارێتی یانە زەبەلاحەکە نەوەستاوە، بەڵکو محەمەد بن سەلمان بەڵێنیداوە بۆندی گرانبەهاتر پێشکەش بکات تا ئەو کاتەی خاوەندارێتی یانەکە ناچار دەبن تەواوی پشکەکانیانی ڕادەست بکەن.

بەبۆچونی شارەزایان، تەواوی پشکەکانی یونایتد نرخی ٢.٤ ملیار دۆلارە، بەڵام لەئێستادا شازادە محەمەد بن سەلمان بڕی ٣.٥ ملیاری پێشکەش کردووە و ڕێژەی پشکێکی لە ١٥ دۆلارەوە بۆ ١٦ بەرزکردۆتەوە، لە داهاتوشدا بۆ ئەوەی جەمسەری فرۆشیار قایل بکات بە دوور نازانرێت بۆندی چوارەمی پێشکەشکراو بۆ چوار ملیار بەرز بکاتەوە.

بەردەوام بە لە خوێندنەوە

کوردستان