ئێمە لە تۆرە کۆمەڵایەتیەکان

ئابوری

بڕیارێكی نوێ‌ بۆ قەرزی كشتوكاڵی سەر جوتیاران دەردەكرێت


خەڵك-ئارام سەردار
ئەمڕۆ چوار شەممە ۱۸ی ئەیلولی ۲۰۱۹، وەزیری كشتوكاڵ و سەرچاوەكانی ئاو لەبارەی پڕۆژەی پەسەندكراوی وەزارەتەكەی لەبارەی درێژكردنەوەی ماوەی قەرزی كشتوكاڵی لەلایەن جوتیارانەوە ڕایگەیاند، ماوەی وەرگرتنەوەی قەرزی جوتیاران درێژدەكرێتەوە و ڕێژەكەشی كەم دەكرێتەوە.

بێگەرد تاڵەبانی، وەزیری كشتوكاڵ و سەرچاوەكانی ئاو لە كۆنفڕانسی ڕۆژنامەوانی سەبارەت بەقەرزی كشتوكاڵ ڕایگەیاند، داواكاریەكی زۆرمان بۆ دەهات لەلایەن جوتیاران و خاوەن پڕۆژەكانی كشتوكاڵی لەبارەی قەرزی كشتوكاڵی، كە بڕی ۲۲۲ ملیار و ٥۳۳ ملیۆن دینار بەشێوەی قەرز لەساڵی ۲۰۰۹ەوە بە جوتیاران و خاوەن پڕۆژەكانی كشتوكاڵی داوە بۆ ئەوەی بە ماوەی ٨ ساڵ بەقیست پارەكە بگەڕێننەوە.

دەشڵێت: “لەهەولێر ۳ هەزار و ٦٥۷ كەس و لەسلێمانی ۲ هەزار و ٥٦۸ كەس و لە دهۆك هەزار و ۸۹۲ كەس، هەروەها لەئیدارەی گەرمیان ۳۱۰ كەس و ئیدارەی ڕاپەڕین ٤۰۱ كەس ئەو قەرزەیان وەرگرتووە، كە كۆی گشتی دەكاتە ۸ هەزار و ۸٦۸ كەس سوودیان لەو قەرزە وەرگرتووە”.

ئەوەشی خستەڕوو، بەهۆی قەیرانی سەختی دارایی لەكابینەی پێشوو، جووتیارانی هەرێمی كوردستان سەڕەڕای خەرجی و بەرهەمەكانیان، بەڵام شایستە داراییەكانیان لەلایەن بەغدادەوە لەبڕی ئەو گەنمەی ڕادەستی سایلۆكان كرابوو وەرنەگیرا، بۆیە حكومەت وەرگرتنەوەی قەرزەكەی بۆ چەند ساڵێك دواخست، ئەمڕۆ ئەنجوومەنی وەزیران بۆ ئەوەی بتوانین هەماهەنگی بكەین لەگەڵ جوتیاران و خاوەن پڕۆژەكان و باری سەرشانیان لەدانەوەی قەرزەكان سووكتر بكەین و بەئاسانترین شێوە هاوكاریان بین قەرزەكانیان بدەنەوە، بڕیاردرا لەنێوان وەزارەتی كشتوكاڵ و دارایی بەمیكانزمی گونجاو و ڕێنمایی و یاسا بەركارەكان كارئاسانی بكەین بۆ جوتیاران.

ڕوونیشی كردەوە، بڕیاری وەرگرتنەوەی ئەو قەرزە درابوو، بۆیە مامەڵەی بەشێك لەجوتیاران و خاوەن پڕۆژەكان وەستابوو، لەئێستاوە دەتوانن مامەڵەكانیان ڕایی بكەن، ئەوانیش لەئایندەیەكی نزیكدا میكازمی گونجاو بۆ وەرگرتنەوەی قەرزەكان دادەنێن و بەماوەیەكی درێژ وەریدەگرنەوە، بەڵام هێشتا هیچ ماوەیەكیان دیاری نەكردووە ماوەی چەند درێژ دەكەنەوە، چونكە پێشتر بەماوەی ٨ ساڵ قەرزەكانیان لێ وەردەگیرایەوە، ئێستا دەیانەوی كاتێكی زیاتر بدەن بە جوتیاران قەرزەكەیان بدەنەوە بەمەش هەم ماوەی دانەوەی قەرزەكەیان درێژدەبێتەوە، هەم ڕێژەی وەرگرتنەوەی قەرزەكەیان كەمتر دەبێت.

تاڵەبانی، ئومێدیشی خواست قەرزی كشوكاڵی لەداهاتوودا بەردەوام بێت بۆ هاوكاری كردنی جوتیاران.

ئابوری

ئەپڵ، پەیامێك ئاڕاستەی خۆپیشاندەرانی ئەمریكا دەكات


خەڵك-بەشی هەواڵ

كۆمپانیای ئەپڵ پەیامێك ئاڕاستەی خۆپیشاندەرانی ئەمریكا دەكات و ئاشكرایدەكات، ئەو مۆبایلانەی بردووتانە بیگێڕنەوە، ئەگەر نا دەخرێنە ژێر چاودێرییەوە.
ماڵپەری reddit ئەمریكایی بڵاویكردەوە، لەسەر شاشەی مۆبایلە ئایفۆنە درزاوەكان پەیامێك دەركەوت كە داوای لە خۆپیشاندەران كردووە مۆبایلەكان بگێڕنەوە.
ئەپل، لە پەیامێكدا كە بۆسەر شاشەی موبایلەكانی ناردووە نووسیوێتی” داوا لە ئێوە دەكرێت ئەم دەزگایە بگێڕنەوە بۆ فرۆشگاكان، ئەم دەزگایە لەكار خراوە”.
دوای كوشتنی جورج فلوید كە كەسێكی ڕەشپێستی ئەمریكاییە لەلایەن پۆلیسێكەوە، بەشێك لە هاووڵاتیانی ئەمریكا وەك ناڕەزایەتییەك ڕژانەسەر شەقامەكان و زیاتر لە هەفتەیەكە خۆپیشاندانەكان بەردەوامە.

بەردەوام بە لە خوێندنەوە

ئابوری

نرخی نەوت بەرز بووەوە


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 2ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 38 دۆلار و 62 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 72 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

نرخی نەوت لە 38 دۆلار نزیكدەبێتەوە


خەڵك- بەشی هەواڵ
نرخی نەوت لە سایەی كۆبوونەوەی چاوەڕوانكراوەكەی گروپی (ئۆپیك+) كە وابڕیارە لەم هەفتەیەدا سازبكرێت، هەندێك بەرزبۆوونەوەی بەخۆوەبینی.

ئەمڕۆ دوو شەممە، نرخی بەرمیلێك نەوتی برێنت گەیشتە 37.84 دۆلار، لە هەمان كاتدا نرخی بەرمیلێك نەوتی خۆرئاوای تكساس بۆ گرێبەستە دواخراوەكان گەیشتە 35.53 دۆلار.

نرخی نەوت لە مانگی ئایاری ڕابردوودا هەندێك بوژانەوەی بەخۆوەبینی كە بەهۆی كەمبوونەوەی بێپێشینەی بەرهەمی نەوتی (ئۆپیك) و پێشبینییەكانی تایبەت بە بەرزبوونەوەی ئاستی داواكاریی لەسەر نەوت كە بەهۆی هەڵگرتنی ڕێكارەكانی داخستی تایبەت بە كۆرۆنایە لە زۆربەی وڵاتان.

واچاوەڕوان دەكرێت وڵاتانی گروپی (ئۆپیك+) لەم هەفتەیەدا كۆبوونەوەیەك بۆ تاوتوێكردنی بازاڕی نەوت لە جیهان و درێژكردنەوەی كارپێكردن ڕێكەوتنی كەمكردنەوەی بەرهەم، سازبكەن.

بەردەوام بە لە خوێندنەوە

کوردستان