ئێمە لە تۆرە کۆمەڵایەتیەکان

کوردستان

ناوەڕۆكی كۆبوونەوەی بارزانی و بەرهەم ساڵح ڕاگەیەنرا

خەڵك- بەشی هەواڵ
سەرۆكی پارتی دیموكراتی كوردستان و سەرۆك كۆماری عیراق جەخت لەسەر بەردەوامی دیالۆگ بۆ چارەسەركردنی كۆی كێشەكان و پابەندبوون بە دەستوور دەكەنەوە و دەڵێن: “پێویستە تەبایی و یەكڕیزی لایەنە كوردستانییەكان بێتەدی”.

ئەمڕۆ چوار شەممە ١٨ـی٩ـی٢٠١٩ لە سەڵاحەددین مەسعود بارزانی پێشوازی لە دكتۆر بەرهەم ساڵح، سەرۆك كۆماری عیراق و شاندێكی یاوەری كرد، كە لە دكتۆر فواد حوسێن، جێگری سەرۆك وەزیرانی عیراق و وەزیری دارایی و ژمارەیەك لە ڕاوێژكاران پێكهاتبوون.

بەپێی ڕاگەيەنراوێك، كە ماڵپەڕی (مەسعود بارزانی) بڵاویكردۆتەوە، لە دیدارەكەدا، كە هوشیار زێباری و مەحمود محەمەد، ئەندامانی مەكتەبی سیاسی پارتی دیموكراتی كوردستان و فەوزی هەریری، سەرۆكی دیوانی سەرۆكایەتی هەرێمی كوردستان ئامادەی بوون، بیروڕا لەبارەی دوایین پێشهاتە سیاسییەكان لە ئاستی عیراق و ناوچەكە ئاڵوگۆڕ كرا.

بەپێی ڕاگەیەنراوەكە، ڕۆشنایی خرایە سەر پەیوەندییەكانی نێوان هەولێر و بەغدا، بەتایبەت پرسەكانی بودجەی گشتی ساڵی داهاتووی عیراق، ڕەوشی ناوچە كوردستانییەكانی دەرەوەی ئیدارەی هەرێم و داڕشتنی یاساكان و هەڕەشە و مەترسییەكانی تیرۆر. لەوبارەیەوە جەخت لەسەر بەردەوامیی دیالۆگ بۆ چارەسەر كردنی كۆی كێشەكان پابەندبوون بە دەستوور كرایەوە.

هەر لە دیدارەكەدا پڕۆسەی سیاسی هەرێمی كوردستان خرایە بەر باس و تەئكید لە پێویستیی تەبایی و یەكڕیزیی لایەنە كوردستانییەكان كرایەوە.

سەردانی سەرۆك كۆماری عیراق بۆ هەولێر و كۆبوونەوەی لەگەڵ سەرۆكی هەرێم و سەرۆك وەزیرانی هەرێم و سەرۆكی پارتی و ئەمیری كۆمەڵی ئیسلامی و بەرپرسانی دیكەی حزبەكان لەكاتێكدایە، كە ئامادەكاریەكان لە عیراق بۆ پڕۆژە یاسای بودجەی ساڵی 2020 دەستی پێكردووە و بەهۆی ئەوەی تا ئێستا هەرێم نەوتی ڕادەستی بەغدا نەكردووە، مەترسی لەسەر بودجە و مووچەی فەرمانبەران دروست بووە.

کوردستان

تونێلی دەربەندیخان بەشێوەیەكی كاتی داخرا

خەڵك- بەشی هەواڵ

كاتژمێر 10ی بەیانی ئەمڕۆ تونێلی دەربەندیخان بەهۆی شۆرتی كارەباوە داخرا.

هاتوچۆی دەربەندیخان لە ڕاگەیەندراوێكدا ئاماژەی بەوەكردووە، لەسەر داواكاری فەرمانگەی كارەبای قەزاكە، تونێلەكە بۆ ماوەی چەند كاتژمێرێك دادەخرێت.

هەروەها ئاماژەی بەوەكردووە، هاتوچۆكردن لە سلێمانییەوە بۆ گەرمیان لە ڕێگەی هاتوچۆی سەر بەنداوی دەربەندیخان و بەپێچەوانەوە لەسەر ڕێگای شاخی بەرانانەوە دەبێت.

بەردەوام بە لە خوێندنەوە

کوردستان

بارزانی بۆ كۆبوونەوە لەگەڵ ترەمپ دەچێتە ئەمریكا

خەڵك- بەشی هەواڵ

لە ئایندەیەكی نزیكدا بڕیارە نێچیرڤان بارزانی سەردانی ئەمریكا بكات و لەگەڵ ترەمپدا جارێكی دیكە كۆبێتەوە و باس لە دواین گۆڕانكارییەكانی ناوچەكە بكەن.

عەلی فەیلی كادیری پێشكەوتووی پارتی دیموكراتی كوردستان بە سۆمەریەنیوزی وتووە”لە ئایندەیەكی نزیكدا بڕیارە نێچیرڤان بارزانی سەردانی ئەمریكا بكات و لە كۆشكی سپی لەگەڵ سەرۆكی ئەمریكادا كۆبێتەوە”.

ناوبراو هەروەها باسی لەوەكردووە، هەرێمی كوردستان ڕۆڵی گەورە دەگێرێت لە ناوچەكەدا و پەیوەندییەكانیشی لەگەڵ بەغدا گەیشتووەتە ئاستێكی باش.

ڕۆژی 22ی ئەم مانگە، نێچیرڤان بارزانی و دۆناڵد ترەمپ لە داڤۆس كۆبوونەوە.

(خەڵك) چەندجارێك پەیوەندی بە فەوزی هەریری، سەرۆكی دیوانی سەرۆكایەتی هەرێمەوە كرد، بەڵام موبایلەكەی داخرابوو.

بەردەوام بە لە خوێندنەوە

کوردستان

ژمارەی قوربانیانی بومەلەرزەكەی توركیا بەرز بووەوە

خەڵك –بەشی هەواڵ
سەرۆكایەتی ئیدارەی كارەسات و باری لەناكاوی توركیا رایگەیاند ژمارەی ئەو كەسانەی بەهۆی بومەلەرزەكەی باكوری كوردستان گیانیان لەدەستداوە گەیشتە 31 كەس.

راشیگەیاند “نۆ هەزار و 233 خیوەت گەیەندراوەتە ئەو ناوچەیەی كە بوومەلەرزەكەی تیایدا روویداوە و لە ئەنجامی سەرژمێری و پشكنینی بیناكانیشدا دەركەوتووە كە 76 بینا بەتەواوی داڕووخاون و 642 بینا زیانی زۆریان بەركەوتووە و 425 بیناش بەڕێژەی كەم و مامناوەند زیانیان بەركەوتووە”.

ئاشكراشیكرد “تا ئێستاش تیمە فریاگوزارییەكان توانیویانە 45 كەس بەزیندووی لەژێر داروپەردووی بینا داڕووخاوەكان بهێننە دەرەوە و ژمارەی ئەو كەسانەیشی گیانیان لەدەستداوە گەیشتوەتە 31 كەس و هەزار و 607ی دیكەیش برینداربوون”.

بەردەوام بە لە خوێندنەوە

کوردستان