ئێمە لە تۆرە کۆمەڵایەتیەکان

ئابوری

ژمارەیەكی بێشومار تەكسی لە شارەكانی هەرێمدایە


خەڵك- بەشی هەواڵ

بەپێی چەند ئامارێكی نافەڕمی زۆر زیاتر لە پێویستی شارەكانی هەرێمی كوردستان مۆڵەتی كاركردن دراوە بە تەكسی و بەڕێوەبەری گشتی لە وەزارەتی گواستنەوە و گەیاندنیش دەڵێت”پەیوەندی بە وەزارەتی ناوخۆوە هەیە و ئەو ژمارە زۆرە كێشەی هاتووچۆی دروستكردووە”.

سەڵاح جەوهەر، بەڕێوەبەری گشتی لە وەزارەتی گواستنەوە و گەیاندنی حكومەتی هەرێمی كوردستان بە (خەڵك)ی ڕاگەیاند، لە شارێكی وەك هەولێر پێویستی بە نزیكەی 8 هەزار تەكسی هەیە، بەڵام زۆر لەوە زیاتر تەكسی هەیە، یان سلێمانی پێویستی بە 5 هەزار تەكسی هەیە و دهۆكیش تەنها پێویستی بە 3 هەزار تەكسی هەیە، بەڵام ژمارەیەكی زۆر لەوە زیاتر لە شارەكاندان.

وتیشی”لەژێر كۆنترۆڵی ئێمەدانین و پڕۆژەمان هەیە بۆ یەكخستنەوەی تەواوی تەكسییەكان، بەڵام زۆری ژمارەیان پەیوەندی بە وەزارەتی ناوخۆوە هەیە، چونكە شەقامەكانیان قەرەباڵغ كردووە و دەیان كێشەیان دروستكردووە”.

زۆربوونی ژمارەی تەكسی لە شارەكانی هەرێمی كوردستاندا لەكاتێكدایە تائێستا حكومەتی هەرێمی كوردستان تەنها بڕیاری وەرگرتنەوەی مۆڵەتی كاری تەكسی لە كارمەندانی حكومەت داوە، بەڵام جێبەجێ‌ نەكراوە.

ئابوری

ئێران بڕیارێكی نوێی بۆ پاراستنی بەرهەمە نەوتییەكانی جێبەجێ كرد


خەڵك-بەشی هەواڵ

 

وتەبێژی یەكێتی هەناردەكارانی نەوتی ئێران ڕایدەگەیەنێت، حكومەتی ئێران بە ئامانجی پاراستنی هەناردەی بەرهەمە نەوتییەكان و پاراستنی بازاڕی دارایی ئێران، ڕێگەدان بە گواستنەوەی بەرهەمەنەوتییەكانی وڵاتان و گواستنەوەیان بۆ ژمارەیەك وڵاتی دیكە بەناو خاكی ئێراندا كەم دەكاتەوە.

ئاژانسی فەڕمی ئێران بڵاویكردەوە، حەمید حوسەینی وتەبێژی یەكێتی هەناردەكارانی نەوتی ئێران ڕاگەیاند، بڕیارەكەی حكومەت بەهۆكاری دابەزینی بەهای نەوت و كەمبوونەوەی خواست لەسەر بەرهەمەنەوتییەكان بەهۆی كۆرۆنا دەركراوە.
وتیشی”بڕیارەكە گواستنەوەی بەرهەمە نەوتییەكان بەناوخاكی ئێران بۆ عیراق، ئەفغانستان و ئەرمینیا سنووردار دەكات و دوای بڕیارەكەش خواست لەسەر بەرهەمە نەوتییەكانی ئێران زیادیكردووە و ئەوەش نیشانەی دروستی بڕیارەكە بووە.

ئاشكراشیكرد، پێشبینی دەكەین هەفتەی داهاتوو ئاڵوگۆڕەكان لەو ڕووەوە زیاتر ببن.

بەردەوام بە لە خوێندنەوە

ئابوری

داوادەکرێت لەیەک ڕۆژدا موچەی مۆچەخۆران دابەشبکرێت


خەلک – بەشی هەواڵ

پەرلەمانتارێکی کوردستان داوادەکات لەیەک ڕۆژدا موچەى موچەخۆران دابەشبکرێت.

 

سیروان بابان، پەرلەمانتاری سەربەخۆی کوردستان لەنوسراوێکیدا بۆ وەزیری دارایی حکومەتى هەرێم داوا دەکات لەیەک یان دوو ڕۆژدا موچەى سەرجەم موچەخۆران دابەشبکرێت.

 

هاوکات داوای کردووە، کۆتایی بە بڵاوکردنەوەی لیست و دواکەوتنی دابەشکردنی موچەی فەرمانبەران بهێنن.

 

وتیشی: هەموو مانگێک کە پارەی بەغداد بەیەک گوژم دێتە کوردستان و داهاتی ناوخۆش بەوشێوەیە کۆدەبێتەوە، دەبێت چیدی ئەم چاوەڕوانیەی چینی موچەخۆران کۆتایی بێت و هیچ بیانوویەک نیە بۆ ئەم فێڵە نایاساییە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


 

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 30ی‌ ئایاری 2020 كەمێك بەرز بووەتەوە، بەشێوەیەك نرخی‌ نەوتی برێنت بە 37 دۆلار و 73 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 34 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

کوردستان