ئێمە لە تۆرە کۆمەڵایەتیەکان

جیهانی

گوستاڤۆ دیبالا بۆ ساری: کەمانچەکەت تاڵێکی بچڕاوە بۆیە نۆتەی سەرکەوتن دەرناکات !

خەڵک سپۆرت

گوستاڤۆ دیبالای برا و لێپرسراوی کارەکانی پاولۆ دیبالای ئەرجەنتینی، پەیامێکی ڕاستەوخۆ و کراوە ئاڕاستەی ماورزیۆ ساری ڕاهێنەری یانەی یوڤانتۆس دەکات.

لەو ساتەوە ماوریزیۆ ساری ئیتاڵی پۆستی ڕاهێنەری یانەی یوڤانتۆسی بەدەستهێناوە، پاولۆ دیبالا لە پێکهاتەی سەرەکی یانە ئیتاڵیەکە دوورخراوەتەوە و لە ڕووبەروبونەوەکانی وەرزی نوێدا ڕۆڵی کاریگەری پێنەدراوە، ئەوەش نیگەرانی لای جەمسەری یاریزانەکە و هەندێک لە هاندەرانی بیانکۆنێری دروست کردووە.

پاش یەکسانبوونی یانەی خانمە پیرەکە بەبێ گۆڵ بەرامبەر فیورنتینا، گوستاڤۆ دیبالای برا و لێپرسراوی کارەکانی پاولۆ دیبالا لە تۆڕی کۆمەلایەتی تویتەرەوە پۆستێکی کردووە و نوسیویەتی :” کەمانچەیەکی جوان و نایاب هەرگیز ناتوانێت نۆتەکان وەک خۆی دەربکاتەوە، ئەگەر بێتو یەکێک لە تاڵەکانی بچڕابێت”.

ڕۆژنامەی “توتۆ سپۆرت”ی ئیتاڵی جەخت لەوە دەکاتەوە، کە پەیامەکەی گوستاڤۆ بە ئاشکرا ئاڕاستەی ماورزیۆ ساری ڕاهێنەری یوڤانتۆس کراوە و تیایدا یانە زەبەلاحەکەی ئیتاڵیا بە کەمانچەیەک دەشوبهێنێت و تاڵە بچڕاوەکەشی بە براکەی لەقەڵەمداوە، هۆکاری ئەنجامی یەکسانبونەکەشی بۆ ئەوە گەڕاندۆتەوە کە پاولۆ دیبالا بەشداری لەپێکهاتەی سەرەکیدا نەکردووە.

دیبالا نزیکبوو لە گواستنەوەکانی هاوینەی ٢٠١٩ ڕیزەکانی بیانکۆنێری ڕووەو ناپۆلی و ئەتلەتیکۆ مەدرید و پاریس سانت جێرمان یان تۆتنهام بەجێبهێڵێت، بەڵام بەهۆی پێداگری یاریزانەکە لە موچەی خەیاڵی و ئیمتیازات نەیانتوانی هەنگاو بەرەو خول و یانەیەکی تر بنێن، کێشەکەش لێرەوە دروست دەبێت کە بەردەوامبوونی لە یوڤانتۆس وایکردووە ببێتە یەکێک لە یاریزانە یەدەگەکان.

جیهانی

ئینتەرمیلان بەرامبەر کالیاری دوو خاڵی تری لەدەستدا و چانسی زیاتری بەخشی بە یوڤانتۆس

خەڵک سپۆرت

لەمیانی یارییەکانی هەفتەی ٢١ی کالچیۆ، یانەی ئینتەرمیلان لەجوسێپی میاتزا میوانداری کالیاری کرد و بەئەنجامی یەکسانبوون دوو خاڵی تری لەدەستدا.

لەتایمی یەکەمدا یاریزانانی ئینتەر بەهێزەوە دەستیان پێکرد و هێرشی بەردەوامیان دەکردە سەر گۆڵی کالیەری ڕکابەر و لە خولەکی ٢٩ لاوتارۆ مارتینێزەوە تاکە گۆڵی مارەشێنەکانی تۆمار کرد.

لەو تایمەدا یاریزانانی ڕۆلاند مارانی ڕاهێنەری کالیاری بەهەمان پلانی ئینتەرمیلان یارییان کرد، بەڵام ئەنتۆنیۆ کۆنتی ڕاهێنەری ئینتەر توانی لەڕووی تاکتیکیەوە باڵادەستی نیشان بدات و باشتر کەلێنەکانی بەرگری یانەی ڕکابەر بدۆزێتەوە.

لەتایمی دووەمدا ڕاهێنەری یانەی میوان بە چەند گۆڕانکارییەک بارودۆخەکەی پێچەوانە کردەوە و لەنێو یاریگای جوسێپی میاتزا ئینتەرمیلانی دووچاری ئاستەنگی کرد.

لە خولەکی ٧٨ ڕادگا ناینگۆلانی بەلجیکی ئەستێرەی پێشووی ئینتەر گۆڵی یەکسانکردنەوەی ئەنجامەکەی تۆمار کرد و تا کۆتا ساتەکان پارێزگارییان لە گۆڵی یانەکەیان کرد و یەکسانبوون باڵی بەسەر ئەنجامی کۆتاییدا کێشا (١ – ١).

ئینتەر بە لەدەستدانی دوو خاڵ لە پلەی دووەمی ڕیزبەندی یانەکانی کالچیۆ بەردەوام دەبێت، بەڵام چانسیان بەخشییە یانەی  یوڤانتۆس ئەمشەو بە بردنەوە لە ناپۆلی جیاوازی نێوانیان بۆ شەش خاڵ بەرزبکاتەوە.

بەردەوام بە لە خوێندنەوە

جیهانی

(ڤیدیۆ) مانچستەر سیتی فولهامی گۆڵبارانی کرد و چارەکی کۆتایی فا کاپ چاوەڕێیان دەکات

خەڵک سپۆرت

یانەی مانچستەر سیتی بە بردنەوەی لە یانەی فولهام، گەیشتنی بە قۆناغی چارەکی کۆتایی جامی یەکێتی یانەکانی ئینگلتەرا یەکلایی کردەوە.

ئەستێرەکانی سیتی لە یاریگای ئیتیحاد بەرانبەر فولهام یارییان کرد و لەسەرەتا تا کۆتایی فشاری قورسیان لەسەر یانەی میوان دروست کرد، لەخولەکی هەشت بە لێدانی پەناڵتی گۆڵی یەکەمیان لەلایەن ئیلکان گۆندوگانی ئەڵمانیەوە تۆمار کرد و لە خولەکی (١٩) لەلایەن بێرناردۆ سیلڤای پورتوگالیەوە گۆڵی دووەمیان تۆمار کرد.

تایمی یەکەم بە ئەنجامی دوو گۆڵی بێوەڵام کۆتایی هات.

لە تایمی دووەمدا هەمان سیناریۆکانی تایمی یەکەم دووبارە بوونەوە و  لەخولەکی ٧٢ و ٧٥  مانچستەر سیتی دوو گۆڵی تریان لەلایەن گابریال جیسوزی بەرازیلیەوە خستە سەر ئەنجامەکە، دوای ئەو گۆڵەش چەندین هەلی مەترسیداری تریان دروست کرد.

لەنێوان هێرشی بەردەوامی شینە ئاسمانیەکان و بەرگری فولهامدا یارییەکە بە ئەنجامی چوار گۆڵی بێوەڵام کۆتایی هات.

ئەنجامی کۆتاییش ڕێگەی بە یاریزانانی گواردیۆلا دا کورسییەک لە قۆناغی چارەکی کۆتایی جامی یەکێتی یانەکانی ئینگلتەرا (فا کاپ) بۆخۆیان مسۆگەر بکەن.

بەردەوام بە لە خوێندنەوە

جیهانی

مێسی خۆڕاگری لەدەستداوە و هەڕەشە لە ئیدارەی بەرشلۆنە دەکات: ئەوەی دەمەوێت ڕوونەدات، دەڕۆم

خەڵک سپۆرت

لیۆ میسی ئەفسانەی ئەرجەنتینی لەدوای تۆمارکردنی چەند ئەنجامێکی خراپ، خۆڕاگری لەدەستداوە و بە ئیدارەی یانەی بەرشلۆنەی ڕاگەیاندووە: ئەگەر بەرشلۆنە بەهێزەوە نەگەڕێتەوە ، دەڕۆم.

یانەی بەرشلۆنە لەچوارچێوەی یارییەکانی جامی شای ئیسپانیا بە زەحمەت سەرکەوتنی بە ئەنجامی (٢ – ١) بەرامبەر یانەی دورگەی ئیبیزا بەدەستهێنا، لەڕووبەروبونەوەکانی گەڕی ٢١ی خولی ئیسپانیا بەرامبەر ڤالێنسیا بە ئەنجامی دوو گۆڵی بێوەڵام دۆڕاندنیان تۆمار کرد، ئەم ئەنجامانەش هیوابەخش نین و مێسی ئەفسانەی یانەیان بێزارکردووە.

پۆرتاڵی “دۆن بالۆن”ی ئیسپانی ئاشکرای کردووە، مێسی لەدوای گواستنەوەی کیکی سیتین و تۆمارکردنی ئەنجامە نەگونجاوەکان بەگەورەیی یانەی بەرشلۆنە بەتەواوی بێزاربووە، لەکۆبونەوەیەکیشدا بە ئاشکرا ئیدارەی یانەکەیی ئاگادارکردۆتەوە کە ئەگەر بێتو لە وەرزی داهاتوو گواستنەوەی گرنگ و بەهێز ئەنجام نەدەن ئەوا ڕوو لەیانەیەکی دەرەوەی کیشوەری ئەوروپا دەکات.

بەپێی سەرچاوەکە، ئەستێرەی یەکەمی بارسا بۆندەکەی نوێ ناکاتەوە و هیچ گفتوگۆیەکیش بۆ ئەو بابەتە لەگەڵ بارتومیۆ  و هاوەڵانی ئەنجام نادات تا ئەوکاتەی شوێنگرەوەیەک بۆ سوارێز و چەند پێگەیەکی تر دابین دەکەن، ئەگەر ئەوەش ڕوونەدات بەشێوەیەکی کتوپڕ بڕیار لەگەڕانەوەی بۆ خولی ئەرجەنتین دەدات.

لەبەرامبەر ئەم زانیارییە نهێنیانەدا، یانەکانی مانچستەر سیتی و مەیامی لەڕێگەی لێپرسراوی کارەکانیەوە ئاگاداریان کردۆتەوە، کە خواستیان لەسەر گواستنەوەیەتی بەهەر موچە و مەرجێک کە خۆی دەستنیشانی دەکات.

بەردەوام بە لە خوێندنەوە

کوردستان